朋友介紹話食過不錯。BOOK好晚上7點幾來放題, 貪佢唔限時段, 入座起計兩小時任食, 唔洗就住時間去, 算係比一般放題方便, 是次有一個朋友生日仲有優惠, CHECK左身份証就免左佢人頭費, 仲即時送左份禮物, 都幾有心思!入面既裝修都幾ok，d位又唔細，坐得幾舒服, 食物都能有一定的高水準。一睇個menu，發現佢地有好多唔同款式既野食，淨係壽司都有十幾廿款。
先食刺身是常識吧，刺身好新鮮又甜，除左三文魚，甜蝦玉子，角螺，仲有吞拿魚腩，油甘魚，真鯛刺身，仲有帶子刺身等等，花多眼亂，每樣黎幾份, 全部都幾新鮮而且肉沒有雪藏的水味, 帶子也是既甜又滑, 甜蝦更鮮甜，肉質有彈牙, 仲好多蝦膏
枝豆就正正常常

我們散叫了好多串燒，多到不能盡評, 燒蝦新鮮彈牙, 燒雞軟骨香脆可口, 燒冬菇入面仲有好多汁, 正。一品料理點了個牛肉鍋，牛肉很香，慢慢用熱湯把蛋浸熟後顯得份外的香滑，味道甜甜的，很《和民》的味道, 很好味!埋單連加一都係二百幾蚊，以呢個質素程度既放題黎講，好抵食，以後一定會再幫襯

讀書時成日同di同學仔來呢到食！今次約左同個frd去CityU 做野，於是就決定去懷緬下。
咁多年冇來好似多左Di菜式，裝修都好似唔同左，果然有與時並進！
我地等左陣就有位！由於一時都唔知要叫di咩，所以都係上來openrice 睇下各兄弟姊妹ga意見！
最後，我地叫左＂南乳炸豬手＂、"蜜桃沙拉骨＂同時一個＂粉絲雜菜煲＂，仲叫左杯好特別ga朱古力。
個＂南乳炸豬手＂di南乳汁都唔錯，而且好脆，正！但係個frd 話食到酒味，我就唔係好覺。"蜜桃沙拉骨＂方面，di沙律醬同肉骨都幾夾，肉骨又好香口。正！個＂粉絲雜菜煲＂就正正常常!凍朱方面，朱古力上有圈圈ga鮮忌廉，加上濃郁ga朱古力，配撘一流！

同朋友預習同女友ga 第一次生日飯。
呢到環境真係好適合拖女友傾住計食野。裝修方面好有日本嘅風味，以深色嘅木為主調配合柔和嘅黃色燈光，暗暗地,又唔噪！氣氛一流！
個朋友之所以㨂呢到，除左係因為聽講呢到氣氛好之外，di野食精緻都係一個好重要ga因素。
我地睇左陳menu 就決定左點di咩的。
最後，我地點左''什錦刺身'' (3款)，''雜錦天婦羅''， ''德島產阿波尾雞翼''，''豚肉露筍卷''，''牡丹蝦(3隻)'' 同 ''厚燒宮崎煙肉''。
唸住叫左咁多野，就算係兩個男仔都夠啦！....點知di野實在太''精緻''啦！！都係唔夠。 di份量實在太少啦！！尤其是那個''什錦刺身''，每款只有兩片。
不過味道方面的確十分好。刺身和蝦都很新鮮甜美！而雞翼同煙肉又好野味。 要特別提下di煙，十分厚，每片都成舊叉燒咁厚。
雖然個價錢係貴左di，但係我個frd 都十分滿意。希望佢女友會鐘意啦！！

星期六同女友約左朋友係北角上其中一個朋友到打邊爐，由於要5,6 點先有得打，女友於是建議左去呢間佢係Instagram到見到ga特色餐廳食少少野先。
我地約1點半兩點去到，可能係lunch或都係因為地點比較偏僻啦......唔係好多人。
一入到去就被佢地di裝修吸引左，間野係長方形ga，其中一邊有兩塊好大ga 黑板，上面寫左佢地ga menu，當然全部都係英文啦！而另外一邊就掛左di 好得意ga公仔頭！加上佢地個樓底又幾高下，成間野好有cafe ga feel，好休閒咁！！
我地最終叫左個''The Big Bit'' 同 ''Taters'n Cream Sets'', 其實即係漢堡包同薯條，但都要成 97蚊。 不過都好好味ga。個漢堡都好juicy。薯條又大又軟硬適中，加埋di 好似乳酪咁ga醬，好特別。
如果唔怕貴ga話，都值得來試試！！

今日朋友拉大隊來左東大門,依到環境都算幾好,幾舒服既,不過抽風系統就好似一般喇,因為食完野成身都好大陣油煙味,不過都唔緊要喇
先來前菜,有得揀兩款,我就揀粉絲,都算唔錯,不過唔夠乾身,
午市自烤雙併餐,有好多款野揀,咁就揀兩款,我揀左依個牛肋骨同埋五花腩,食韓烤當然就要食牛肋骨,水準方面,當然無咩超過預期,當然價錢就唔貴喇,牛肋骨不算太肥,而牛脷既質感都一般唔算太正,肉味都唔會話太濃郁,不過味道都算唔錯,最後仲有得揀埋甜品,食完燒野當然要清清熱氣,就要左依個腐竹糖水,食落唔算太甜,幾好,但主要糖水為主,唔會太多料,不過都好,完整咁結束。

今次一早book定枱同朋友一齊食buffet,不過真係好耐都無食buffet。

環境都唔算太差,雖然唔算太多,不過都算幾靚嫁,朋友都介紹得唔錯,一開始就食左幾個海鮮冷盤,佢有蝦, 鮑魚,蟹腳,瀨尿蝦,聖子,不過朋友話訂枱個時已經講左無生蠔。

,之後無喇喇送左一盤野,原來每人有半隻龍蝦仲加兩隻生蠔,不過份量雖然唔多但水準幾好,而且食落幾鮮甜,好食,而且有半隻龍蝦,都唔錯,不過食左依到加埋小小刺身就已經飽飽地,佢依到既魚生係擺晒係到唔洗排隊拎既,幾好,而且食落都算幾厚又夠新鮮,不過熟食唔算太多,唔食魚生都真係無咩無咩好食...

今次見到佢仲有依個北京填鴨,依個真係少見,不過真係幾好食既,幾脆身,不過粉皮同鴨肉都要等佢比你,不過其實等得過既, 夠脆口又幾好食,唔錯嫁算係。
 

今日好大班人黎左依到食野,就叫左依個烘瑞士芝士配新薯,有D酸洋蔥同埋酸青瓜,不過佢真係有好香濃既芝士味,最緊要係配菜酸酸地,食落非常之fresh，依個配搭好好食。

至於寬條麵方面就真係冇咩特別,佢依個上面白色既芝士非常好食,真係唔錯。

之後就有依個炸豬扒釀芝士，賣相非常靚,一切開之後D芝士就流哂出黎喇。豬扒中間仲夾住左塊火腿，賣相同流心都做得好出色，不過味道就唔算太出色。

之後大家都想食芝士火鍋,所以就叫左喇,唔錯昸傳統芝士火鍋配雞肉。

芝士火鍋味道都非常唔錯，食落好似有少少酒味，味道咁樣仲香濃,而且佢個雞肉煎得好香，就算唔點芝士,本身都已經非常好食。不過我鍾意既麵包粒就真係麻麻地，食落無咩口感,好似林哂咁,同埋食落比較韌,一般。
 

今日sogo減價,同家姐一齊去shopping. 買野前先醫醫個肚,去左希慎搵食,見呢間野唔使等,就入去試試.
入到去環境都算寬落. di 裝修又好有舊上海feel. 此外, 成個設計好有中西合壁ga感覺, 餐具好中式, 但又有di 高枱. 有趣ga 係,我見di 外國人多數都被安排坐高枱. 唔知係唔係特登gum 做ga 呢!
我地叫有個'冰宮肴肉', 鮮肉水籠包' 同 '雞排擔擔麵'.
個'雞排擔擔麵' di 雞扒炸得外脆內嫩, 值得一讚. 其他兩樣就一般般啦!
雖然野食一般, 但係di服務就幾好, 服務員都好有禮貌.

終於等到啦！
一路都想來呢間野試下,但係聽講要等成兩個幾鐘. 所以同frd決定先羅飛, 然後先去做gym, 跟住先去等位. 點知第一次去都係失敗左, 去到ga 時侯已經過左飛.(相差都係兩個鐘到)
今次終於成功左,但係兩個鐘之後去到,仲要再等多兩個鐘先有得食.
雖然成九點半先坐底,但係都依然叫左個藍山咖啡來試下，十分唔錯，個杯又好特別！個frd就叫左個熱鮮果茶試，超多生果係入面，當然個茶包依然係熟悉ga lipton 茶包！
野食方面,我地叫左"燻鴨羅蔓沙拉佐香橙","燻牛肉三文治" 同 "原味鬆餅".
個"燻鴨羅蔓沙拉佐香橙" di 鴨胸都幾大件亦好好食, 不過唔知點解會"局部地區性"好咸!!
整體來講, di 野食都唔錯, 又好鬼多. 雖然我地已經係當晚餐食, 但最後都係要打包!!