放工後同朋友黎左一間CAFE打等，

中意黎cafe既原因係，因為cafe既菜式好百搭，

差唔多邊個黎到都會岩食，而且我朋友係 All  Day  Breakfast愛好者！

聽聞呢間都幾出名All-Day就一於一試。位置幾易搵，好近地鐵站，門面唔算太特別，同平日去開既差唔多~環境地方ＯＫ，因為係自助形式，所以需要自行到櫃檯嗌野食，

出餐後就店員會客人送上。Monster  All  Day  Breakfast，份量非常驚人，而且岩晒一啲食肉獸！

煙肉、炒蛋、煙三文魚、德國腸，已經令人流晒口水！

另外仲有大烤菇、茄汁豆、法式包、沙律菜，對女仔黎講會好heavy，男仔就應該岩岩好。味道中上，本人較中意大烤菇同煙三文魚，烤菇非常juicy，而煙三文魚咸而不膩。黑松露忌廉汁煙三文魚扁意粉，香濃黑松露氣味，忌廉汁令意粉更黏身，

扁意粉煙韌有口感，加上濃郁既黑松露，令人欲罷不能。煙三文魚亦係一大重點，令意粉更加有色彩。冷朱古力，面層有我fd至愛既cream！一邊飲朱古力加食cream真係一大享受，

朱古力濃而不澀，唔會太過死甜，飲落去岩岩好，少女推介！Green Tea Latte ，心形羽毛既拉花圖案，感覺好治癒～～

面層有薄薄既抹茶粉，口感柔滑，奶味中帶少少抹茶澀，又唔會太苦，值得一試。