近日新聞宣布某公司逢星期五可以早放 令人非常羨慕 好彩今日老細放假，趁機準時放工同同事happy hour 夏天日照時間長，7點左右個天都仲光，好開心！ 嚟得happy hour點會唔飲番杯 推介Pina Colada 酒味輕，有淡椰子味，口感creamy似smoothie，十分適合女士們 有野飲一定要有小食先稱得上Happy Hour 我同同事兩個人點咗幾款串燒試 有雞、牛、豬、海鮮，每樣試啲 有幾款特別深印象 雞頸串燒 肉質有彈性，唔鞋口 一隻雞頸部大概有幾多肉大家都知，呢度一串可能已經有四、五隻雞了 價錢先至$3x蚊串，抵過出去食燒芝士腸啦 雞心串燒 講到少有部位，雞心亦係另一少見串燒，一隻雞一粒心，非常珍貴 口感爽脆有咬口，一試難忘 牛舌 牛肉 牛類係串燒嚟講都算是穩打穩紥的種類 追求完美嘅當然點和牛會有最高享受 但一般來講，呢兩款普通牛性價比高 叫多幾串都唔肉赤 豚肉荔枝卷 非常有驚喜的一款 豬腩片無遮蓋荔枝清甜嘅味道，反而兩者好夾 荔枝爆汁令成個串燒都好juicy非常好味 廣島蠔食得多 用嚟串燒都係第一次試 蠔身燒得香脆，入面仍保留蠔既鮮味 不過自己本身較喜歡生蠔個種滑溜口感 串燒就稍稍乾身一啲，但都好食 整體呢間新派既串燒店非常高質 座位舒適 店員服務週到 有禮貌 絕對可以encore之選

今日約左朋友去中環街市食lunch同行下打下卡，順便發掘下仲有咩新鮮野玩😝食飽飽由街頭行到街尾，見到新開有間當文歷餅店當然去買左舊牛角包多士試試啦，真係幾香，特別楓糖個種！好鬼正！行多兩條街又見到有間堅果茶飲店，都幾多人排隊，我地唔執輸當然跟住走去睇下有咩咁特別🤓 間鋪叫NUTTEA，主打堅果系列飲品，鋪仔細細但都裝修得好企理，成個感覺好隱世🙈（可能係橫巷）廢話少講啦，都係講下我地試左咩飲啦🤣 我地一行4人，大家都試左唔同系列😆 第一杯伯爵朱古力堅果奶蓋茶 呢杯鋪頭就強調每日限定100杯，所以有緣一定要叫！佢個朕奶蓋都係啡色，我仲怕成種朱古力🍫好膩，但好彩下面係純伯爵茶中和番成件事☕️成杯都無死甜味，男仔都岩飲😆 第二杯係嬪紛火龍果奶蓋茶 呢杯一睇就知夏天之選，成杯都係火龍果種桃紅色😍飲到果肉，加埋果茶底，完全覺得會好通便個種足料🙈🙈🙈 第三杯係菠蘿堅果奶蓋 呢杯同火龍果一樣咁fresh，同埋係用真菠蘿🍍果肉做底，夏日熱辣辣☀️真係好消暑！ 第四杯係芒芒堅果奶蓋茶 呢杯我諗係佢門店大推既product，傳單就唔見有😵‍💫飲落又係好微糖，飲得出茶底香味！真心唔錯👍🏻 以上幾杯個奶蓋都爆香堅果味，口感好thick，唔係坊間是但搵個種奶蓋。我好欣賞佢地咁用心做好一件事！ 呢幾杯NUTTEA為我地既中環遊劃上完美包號！飲完真係無左夏日熱辣辣既感覺☀️下次約朋友去大館影相一定會再幫襯😋👍🏻👍🏻👍🏻

轉左工之後成日OT 無哂時間約好朋友食飯 好彩我既朋友老遠都肯黎九龍灣搵我dinner 佢當然仲好好咁搵埋餐廳啦 餐廳係E Max 入面 地下個層 好易搵 鋪頭裝修簡潔，係小清新田園風個種 呢個蜆非常推薦 個辣椒汁好惹味 剛好帶出蜆的鮮味 細細隻「不」埋啲汁一淡吸入口 令人回味無窮 蜜糖芥末豬仔髀risotto 用honey mustard 做sauce好少見 幾特別 所以呢個亦係十分推薦 微微既芥末味令醬汁整體感覺light左 絕對是水準之上 兩隻豬仔髀都好夠份量 同朋友一人一隻剛剛好 豬仔髀煮得剛好 肉質軟腍 似slow cook的感覺 朋友所選的三文魚拼蔬菜千層麵賣相好靚 偷食左幾淡仔 魚扒煎得香脆 唔腥 不過比三文魚扒更值得讚既係墊底既紫薯泥 好甜好creamy 令我一改紫薯好乾既印象 最後以一份份量好大既甜品作結 賣相靚 同朋友閨密打卡一流 亦十分適合做慶祝生日既驚喜甜點 最後叫埋杯香蕉朱古力smoothie 大大杯 可以慢慢同朋友傾計談心 過左完美既一晚 餐牌比大家參考：

好耐無去觀塘啦，今次同朋友去開觀塘廣場買野 順度去埋隔離東廣場覓食 見到間新店 在以前呀鴻小吃既舊鋪 所以成間店都幾大 幾闊落 不過都好多人等位 Menu 有唔少選擇都照顧左素食者 抵讚 入座嘢！ 店內有個自助corner 杯杯碟碟同水都可以自己拎 特別既係有sparkling water 除左裝修好清新自然之外 餐具都好靚 有印上自己餐廳名 睇得出細節都落左心思 令人更期待食物 芒果蟹肉牛油果沙律🥗 食落第一淡既感覺就係：好好味 味道清新 香甜 作為一個前菜幾開胃 蟹肉滿滿 芒果亦好軟淋、好甜 牛油果夠creamy 煙雞胸羅勒青醬意大利飯 賣相好吸引 飯粒煙韌有咬口 配埋已烘脆左既核桃粒口感豐富 的確唔錯 慢煮手撕豬燒烤醬薄餅 Pizza皮非常脆，脆到食果時要小心界到咀 而餅底薄，料又多，唔會厚到好似食緊飽咁食唔到料 而且慢煮手撕豬一啲都唔硬，配埋燒烤醬同個pizza都幾夾 作為好既cafe飲品一定唔可以少 炭培白芽奇蘭烏龍茶 一整壺茶上 大概可以斟到3、4杯 整體味道較淡 但都飲到陣陣炭培香味 冰磚鴛鴦榛子味 平時落冰會搞到杯飲品淡哂 但依度既冰用左espresso雪 所以溶出黎既都係真咖啡 唔會愈飲愈淡 反而愈飲愈濃

多得近來人氣爆登既五千萬噴水池 先至發掘到呢間精緻cafe 第一次黎既時侯門口都排滿等位既客人 平日黎就好好多 入到去店入面好大 座位之間都唔會逼 而且仲有室外位置 可以食shi sha 不過近排天氣熱都唔算好多人坐室外 Menu選擇唔算多 不過勝在款款都好特別 勁鐘意食炸物既我揀左款夜市炸海鮮 好食指數10粒星 炸皮好薄 而且即叫即炸 上台時仲出緊煙 最欣賞個炸蝦🍤 大大隻夠爽口 配埋wasabi mayonnaise 好夾！ 大推薦 朋友揀左款大啡菇松露藍莓燉飯 本來以為咸食加藍莓味道會好奇怪 點知又出奇地夾可以中和番無咁漏 做得cafe當然有唔少精品咖啡啦 我同朋友分別揀左「打卡專用」同埋espresso Tonic Espresso Tonic 故名思意就係tonic water+espresso，再加冰 味道苦澀同埋帶點汽感 都唔錯 打卡專用(Dirty) Dirty其實重點係佢冰火既感覺 一shot espresso撞落凍奶底 中間會有層滲透唔哂既分層 視覺好之餘 味道亦十分受落 平時飲開普通咖啡既朋友不妨一試 最後點左份menu唔見，係手機menu入面發現既培茶芝士蛋糕 口感較粗糙 味道唔算好突出 茶味有點蓋過芝士香味 不過整體都是好味的 最後唔記得提既係佢個麵包盤 好好味，如果有得refill就正

本身見到二百幾蚊任食燒肉又覺得唔係話十分抵，但原來連海鮮都任叫，咁既價錢豬牛羊雞就連海鮮都有得任食，唔係唔試下呀？ 海鮮有蠔、蝦、扇貝、魷魚等等 除用QR點餐之外，仲有其他熟食同蔬菜可以自助拎 覺得淨係食肉太ｄｒｙ既話可以叫埋熟食 呢到ｄ炸物即炸好脆好熱，水準不錯，可以試下 仲有食燒肉點少得啤酒呀，呢度加$20就可以任飲啤酒，有好幾款選擇 食飽仲有多款雪糕雪條可以食 雪糕有唔同味道既雀巢雪糕 雪條有雀巢檸檬茶、鷹嘜煉奶紅豆、 連Dreyer's Real Delight 雪葩條同埋乳酪條都有！超低卡路里，食多幾條都唔怕 雪葩條味道有白桃，乳酪條有藍莓、士多啤梨、芒果熱情果 3 款口味 呢兩種雪條都岩唒用來解燒肉既油膩 唔想食雪條都仲有蛋糕仔可以揀 不過可惜太飽都無試 下次會再試下

疫情之後已經好耐無去旅行啦！ 究竟幾時先可以重回以前既時光 有日番工同事話好掛住日本 佢二話不說帶我去位於利東街既一間cake shop 呢間店鋪原來係蘋果批既專門店 本身個人唔係太鐘意蘋果批 不過響同事大力推薦下就叫左一舊試下 由於有個暖櫃慶住 所以啲批都keep到熱 望落已見到好多層酥皮 已經想像到口感會非常酥脆 試第一淡已經爆餡 除左滿滿既吉士醬之外 仲食到一粒粒分明既蘋果粒 味道酸味同甜味好平衡 我自己覺得食完仲有蘋果既香氣留係口腔 估唔到日本既蘋果批係咁好味 好有驚喜 其實同店仲有其他款式蛋糕 價錢都唔貴 幾適合下午茶或者做散水餅都唔錯 我自己就再點左呢款粒粒芝士蛋糕 我見佢係用日本材料做 質素應該有番咁上下 一淡食落既感覺就係滑！ 無諗過芝士蛋糕會係呢種質感 類似mousses咁 不過再濕潤一啲 奶味都幾濃 如果鐘意牛奶甜品既一定會喜歡 走之前眼尾見到原來仲有款甜薯批 個樣幾好味 下次要試埋先得

自問係超級nut fans 知道附近開左新既Nuttea一定要去潮聖 店內都係一貫簡潔設計 一筒筒既堅果已經可以話比大家聽 佢地用既飲品絕對超級足料 大家可能以為堅果奶無咩選擇 但其實有好多配搭 有女士們喜愛既水果系列 男士們又可以揀堅果咖啡 適合任何人架 講左咁耐要介紹下兩杯飲品 我同男朋友分別揀左香芋堅果奶 同伯爵朱古力堅果奶蓋茶 我個杯香芋堅果奶 又幼滑又濃 堅果味好重 口感會似飲緊milkshake咁 但呢間1滴奶都無落 全杯都係用5款nuts磨出黎既堅果漿整架 如果對奶有敏感既朋友都可以放心飲 唔似普通飲品店 我見到呢到都係用成舊芋泥打落去 所以都仲會有少少芋頭食到 同埋勁足料 飲一杯可以當食左一餐 男朋友個杯我就節錄一下佢既comment 佢好少對飲品咁like架 所以一定要推介 「芝士奶蓋就飲得多 堅果奶蓋又真係第一次見 而且earl grey同朱古力既配搭都幾特別」 「同平時飲開ｄ奶蓋唔同，呢到唔覺有奶／芝士味應該就淨係用牆上果5種堅果整成既，唔怪得我飲奶會急屎今次飲左竟然冇事」 「堅果奶蓋好厚好實 用個剷仔剷起倒轉都唔會跌 同埋由於個奶蓋用堅果整，所以奶完個蓋都有ｄ飽飽地架」 「除左堅果香味加埋朱古力粉都幾夾之外，個伯爵茶底都唔差 飲品我揀左微糖 不過我覺得可以揀微糖／走糖都得，因為朱古力堅果奶蓋本身都甜甜地，杯茶冇咁甜就可以飲到茶味之餘又唔會蓋左個堅果奶蓋味」 總括黎講我地兩個都鐘意堅果奶呢種健康啲既飲品 除左珍珠奶茶 大家都可以試埋 原來佢地仲有外送服務架 響附近番工既朋友有福了

相信住將軍澳既朋友都知澳南個邊無乜餐廳 近排有間新店幾有人氣 過哂lunchhour都人頭湧湧 一於去試下先 就咁睇鋪名以為無專食蕃茄食品既鋪 細看餐牌先知道原來仲有好多選擇 最驚喜竟然有米線食 仲有幾款湯底 由於好少響冰室食到雞湯米線既我 膽粗粗叫左黎試下 等左大概10分鐘就到啦 唔好講笑 碗米線超大碗 食材份量都唔少 細數之下有4-5舊花膠 同一隻大雞腿🍗 份量都算同價錢相稱 花膠都算滑腍 煮完亦無散開 仍可夾起一大 但顏色偏白 應該浸泡時間偏長 湯底雞味突出 無乜油 雞髀可能係一齊熬煮 所以肉質較鬆散 但夠哂入味 餐飲試左特飲紅綠椰冰 紅豆大粒飽滿 呈沙狀 加上綠豆打成蓉 口感似食緊沙冰 但冰粒係四方大粒冰 會較難不啲豆上來食 建議大家可叫少冰

珍珠奶茶超級粉絲認證 呢間過江龍真係超級高汁 同幾個朋友去完Hysan好想飲珍珠奶茶 一定會去利園山道 有好多選擇 但比珍煮丹大大聲播既榮光吸引左 今時今日好少店舖會勇敢表態架啦！ 仲要啲飲品都好吸引 一定要支持下 我同朋友分別叫左奧利珍同黑糖芋芋茉莉拿鐵 朋友話奶味幾濃厚 茉莉味聞到好香 不過飲落唔算好突出 勝在味道夠平均 芋頭綿密細滑 但亦保留左細細粒既芋頭 口感豐富 另外朋友都讚有溫飲option 岩哂女士們 即使唔方便個幾日都可照飲無誤 至於我個杯呢，當然都係超好飲 仲非常邪惡 我一拎到已經急不及待想飲 都無好好打卡一番 奧利珍其實即係oreo口味 杯中有現煮既黑糖珍珠 淡奶 奶蓋 oreo碎同一塊原整Oreo 奶蓋好重手 攪勻飲落口感好thick 仲有啲脆脆既oreo粒粒 好似飲緊杯oreo雪糕咁 真係十級推薦 好好飲！