之前來過感覺不錯，再約朋友來晚飯。餐廳設施有點歲月痕跡，但用心打理，有種輝煌的懷舊情懷。 喜歡這裡環境安靜，座位寬敞，侍應都很專業有禮，可以很輕鬆地聊天，舒服。 這次選了札幌漁港二人前套餐，食材豐富，$988兩位不算貴。 水雲海藻、慢煮鵝肝、青檸啫喱：這幾道酸酸甜甜的凍食前菜很開胃。 兵庫縣生蠔： 日式吃法加點醬油、辣蘿蔔，點綴了蠔的鮮美和滑嫩。 鮑魚：以牛油、海鹽、柚子胡椒爐端燒，鮮甜多汁。 元貝：配上清酒、 海苔、牛油，延續鮮甜。 北寄貝：連肉汁飲，滿足 生燒藍鯨吞拿魚下顎：下顎肉不多，但非常嫩滑，而且燒得十分香脆，很有特色！ 蟹味噌甲羅燒：蟹膏味濃郁，配香脆米通，衝擊味覺。 火炙三色迷你海鮮丼：刺身油脂豐富，肉質滑溜，配蔥花平衡油膩感。 蟹肉明太子蛋黃醬冷烏冬：味道較淡，讓味蕾稍作休息。 杏仁奶凍（師傅還製作了綠茶奶凍讓我們試食！）：滑嘟嘟又冰涼的奶凍散發著淡淡的杏仁或綠茶香，溫柔地結束這頓豐富的晚餐。 期待下次再來😋。

好友聚舊，再來Green Orange。地點方便，環境舒服安靜。 先來杯香檳，有果香，偏甜，幾鍾意。 Parma Ham Ceasar Salad 的羅馬生菜新鮮爽脆，火腿夠香，芝士分佈平均，配搭起來不錯。 蘑菇湯好足料，香味濃郁，灑上胡椒粒增添惹味。 黑松露雜菌意大利粉的醬汁較creamy，味道恰到好處，意粉軟硬適中。 紐西蘭肉眼扒，我哋要七成熟，煎出來效果唔錯，加上醬汁和配菜色彩繽紛，繼續刺激食欲。 因為菜式份量偏大，已經好飽，還是要了紐約芝士蛋糕，有檸檬清香，滿足。 試埋餐廳推介嘅菠蘿雪芭，果然驚喜。原個小菠蘿，裝滿陣陣果香又柔軟滑溜的雪芭，係呢餐嘅亮點！

去奧海城買完嘢，嚟金子半之助晚餐。一坐低就有杯黑豆茶，成個壺擺低自己隨便加，啱晒鍾意飲茶嘅我。 餐牌不時有期間限定或者推廣優惠。今次叫咗江戶前天丼，加$38將海老升級做大隻啲嘅車海老，其他材料有穴子、小魷魚天婦羅餅、溫泉蛋、海苔同莢豌豆。 原本主角係穴子，即是星鰻，比一般鰻魚冇咁肥、肉質較纖細。升級咗嘅車海老，有些少喧賓奪主，size夠大，味道又比穴子突出，肉質爽口；今次一次過試食晒兩種口味，開心。其他食材處理得宜，舖上天婦羅粉經胡麻油炸後變得香脆，而又不失新鮮原味。 另外叫咗軟殼蟹迷你天丼加溫稻庭烏冬。軟殼蟹味道鮮甜濃郁，烏冬夠滑溜，湯底又好味。木魚、蔥花、天婦羅粉、海藻等配料放喺木盒自己加，隨心之餘，又有儀式感。 兩個set都有跟前菜，而佢嘅古早秘傳天婦羅醬汁分開另上，可以按個人喜好用多用少，又唔會浸淋啲天婦羅。而丼碗個底係空心嘅，係日本嘅傳統工藝，可以更好保持食物嘅溫度，邊食邊傾偈，食物都冇咁快凍。 簡簡單單一餐，店員都幾有禮貌，價錢唔算平，但整體體驗唔錯。

和朋友相約日本菜小店Omakase，壽司11貫優惠後每人不用$440。 小店在上環永樂街，只有9個位，附近有其他小餐廳，競爭頗大。我們7點到達，已經滿座。 來過沙律和蒸蛋後，充滿期待地迎接第一道壽司。整個晚上，師傅用心介紹每款壽司的特色，讓我不得不細心記錄下來跟大家分享。 第一道是石燒鯛魚壽司。製作時多加油和Wasabi，肉身部分較爽；滿意。 接著是墨魚壽司。墨魚用豉油輕輕燒過，味道比起魷魚濃郁，較爽身；加點青檸汁，滑溜之餘添加一份清新。 岩手縣帆立貝，撒上加了竹炭的鹽，以更好保留貝肉的鮮味。 左口魚皮邊，連飯一起燒，可以讓油分浸入飯團；加上少許柚子皮、蔥和辣椒蘿蔔。魚入口即溶，味道較淡，但口感幼滑。 日本神奈川竹絲魚，又叫梭子魚。火炙、加芝麻，魚質比較厚實，魚味較出。 第一次試銀鱈魚BB，香港一般的冰鮮銀鱈魚由歐洲入口，而這種幼嫩的BB比較少用，肉質嫩滑，加上麵豉醬和Wasabi莖部調味，鹹香較重，非常特別。 熊本深海池魚，簡單地只加Wasabi 、豉油。油分減少，魚味更出。 島根池魚，體積較深海池魚細小。 大吞拿魚腩的筋，師傅解釋，是味道之所在，多咀嚼可釋出味道；感覺香、甜。 北海道馬糞海膽，又稱黃海膽，味道清甜。紫菜香脆，略帶鹽巴，非常滿足。 青森縣三文魚子，每店醃製方法不一，此店較甜。 最後的麵豉湯清甜細膩，甜品柚子雪芭，質感細滑，柚子皮苦澀清新，很喜歡。 這裏沒有高檔的餐具和裝修，甚至整個晚上都只用同一款碟子，也沒有什麼擺碟。廚師細心講解、製作過程認真、店員服務專業，已經讓我為這次體驗而動容。

朋友來香港旅行，約佢打邊爐，香港特色吖嘛。嚟過一鍋堂幾次，鍾意呢度坐得舒服，夠熱鬧又唔會好嘈。雖然任食限時2小時就要還枱，但邊食邊傾計都算唔錯。 今次落單由朋友話事，要杏汁豬肺湯底。湯底都幾多材料，但味道較淡。快快落單每類食物要啲，就去攞嘢飲。呢度自家製飲品好啱打邊爐，消熱降火，好彩比我攞到最後兩樽香茅檸檬茶。 今次特別滿足的食材有安格斯牛，賣相特靚，肉質同味道都好滿意。啲蝦又鮮甜、彈牙，係我每次必點。花膠非常驚喜，以前試過比較腥，但今次一啲都唔腥，而且好快煮得夠淋，口感唔錯。 其他重有羊、豬、雞、帶子、蜆，味道都正常發揮。再試埋福袋、馬蹄、八爪魚等等，係我平日好少點嘅材料。諗唔到間中食吓，原來好味得來又有新鮮感。 每碟食物份量少少哋，兩個人可以試多啲唔同嘅嘢，但提醒朋友，要留肚食雪糕。 幾位侍應都好有禮貌、有耐性，又會幫手留意幾時截單，會過嚟溫馨提示，呢餐食得幾開心。

上次試過秋田板燒刺身，食得好開心，今次試佢樓下嘅爐端燒，選了札幌漁港二人套餐（ $988 ）。 餐前小食、季節沙律 有水雲海藻、牛蒡蒜頭漬、慢煮鵝肝。三樣不同質感、味道，滿意的開始。沙律加了柚子汁，更加清新。 日本直送活生蠔 飽滿滑溜、新鮮，灑上青檸汁味道特別。 侍應拿出一盤赤蝦，話一手能夠抓多少便送多少，更送上技巧貼士，讓我們免費多了一份赤蝦刺身。本來放工好攰沒有mood，但玩完竟然開心返😎。 生燒藍鯨吞拿魚下顎 第一次食藍鯨吞拿魚下顎，估唔到可以咁香滑，充滿魚油魚香，但一啲都唔腥。而外層燒到脆卜卜，可以搣嚟食，正！ 人氣蟹味噌甲羅燒 廚師一啲都唔吝嗇，大大份蟹膏，伴烤得香脆嘅蒜蓉法包多士，調和了濃郁的蟹膏味，好滿足！ 鮮活南非鮑魚 真正的爐端燒，職員把烤爐放在餐桌上慢慢烹煮赤裸的活鮑魚，不用任何調味，已十分鮮甜彈牙，值得等待。 函館北寄貝、北海道帆立貝 繼續爐端燒，肉汁保留在貝殼內，同樣原味上已足夠感動味蕾。 火炙香蔥三色迷你海鮮丼 三款刺身魚中有我特別鍾意的左口魚，又甜又滑溜；飯的醋味亦調得很適中。 紅豆杏仁奶凍 再飽也必須吃，有淡淡的杏仁清香，加上紅豆溫柔的甜，是這餐完美的結束。

和朋友來登龍街找吃，這裡招牌搶眼，很易找。 辣酒凍風螺 凍食，小辣，夠惹味。 唐揚山藥條 第一次吃炸山藥，伴蛋黃醬和佐酒不錯。 南非鮑魚 味道鮮美夠滑嫩，賣相好看。 鐵板活北寄貝 夠新鮮，調味恰到好處，讚。 伊比利亞豬 燒得稍乾、稍鹹。 牛肉御好燒 熱辣辣上枱令人興奮，可自行配搭紫菜或薑，味道更突出。 A5和牛脂炒飯 飯粒沾滿牛香，炒得很到位。 蟹肉忌廉餅 香脆金黃的外皮包著軟軟的蟹肉忌廉，非常creamy。 日本蛋卷 鬆軟、不太甜、夠香。 朱古力炸彈 炸過的外皮包著軟朱古力醬，口感特別，有新意。 餐廳雖然不大，但很熱鬧。這種氣氛下，我們也來小喝一杯，十分盡興！

餐廳很旺，裝修簡約清新，食客來自不同年齡層，情侶、朋友、一家老幼、遊客等，氣氛很好。 脆炸軟殼蟹米紙卷配牛油果醬 （$78） 軟殼蟹很大件，牛油果醬加了檸檬汁，整體感覺清新開胃。 泰式香葉肉碎蘑菇沙律（$78） 份量超大！用蝦片盛着肉碎，加了洋蔥、蒜、菇、香葉等，微辣，很有泰國風味。 南部蟹肉白咖喱伴米粉（$168） 白咖喱蟹肉加了沙爹醬，伴米粉很棒。 泰式醉貓炒新鮮手造卷粉（$128） 味道與肉碎蘑菇沙律有點相似。較少餐廳供應卷粉，幾有新鮮感；但部份粉皮沒有炒開，疊起厚厚的，影響口感。 伯爵忌廉牛角包窩夫（$68） 牛角包的層次和牛油香味令人讚好，加上雪糕球和香蕉，絕佳的配搭。 店員服務有禮、食品分量大、價錢大眾化；但上菜的次序有點混亂，主食過後才上前菜和小食，而帶雪糕的甜品就在用餐中段已準備好，於是要急著先吃。不介意這些細節的話，這裡也是聚會的好地方。

朋友誇讚咗好耐，自己終於第一次食佢嘅生煎包！外賣4隻仲有特價，$32幾抵。紙盒有氣孔，唔怕蒸汽焗濕個包，真係細心。 過咗15分鐘先開吃，依然好正，皮薄肉香，底部煎得金黃香脆。太興奮忘形之下，一口咬開，滿滿的湯汁擠到老遠，好彩無人目擊😆，好好味呀！ 酸辣湯都唔錯，芡底稍厚，但無一舊舊，而且材料豐富，酸、辣味平衡。而家好少地方煮得出好味的酸辣湯；呢間，得。 從門口看，餐廳裡面算乾淨企理，下次要試埋堂食，趁熱辣辣應該更正。

朋友推薦到中環fine dining，「就在煤氣燈旁」。 徐徐爬上都爹利街，古老街燈剛剛亮起，浪漫非常。從石階旁小橋過去，悠和的燈光襯托着優雅的玄關，心安靜起來。 侍應專業地安排入座和介紹餐牌，和朋友點了五道菜晚餐，$828加一，很多菜式要另加費用。 👨🏼‍🍳 銀魚柳番茄莎莎多士 餐前小點；多士鬆脆，醃過的銀魚有鹹香，配新鮮蕃茄，幾種味道配搭得宜。 👨🏼‍🍳 藍龍蝦刺身 （Blue lobster carpaccio） 刺身味道清淡，以魚子醬、合桃等調味提鮮，口感豐富；還有色彩繽紛的小花入饌，賞心悅目。 👨🏼‍🍳 龍蝦濃汁意大利餃（Lobster bisque, tortellini） 侍應把龍蝦高湯倒進小碗，看著泡沫的變化，再嚐湯味濃郁的餃子，富有儀式感。 👨🏼‍🍳 柚子海藻鯛魚卷（Snapper roulade, seaweed, yuzu） 海藻湯味道甜酸清新，魚卷口感不錯。加上魚子醬和金泊，感覺高貴、細膩。 👨🏼‍🍳 鴨腿意大利飯（Risotto, duck leg confit） 芝士汁煮意大利飯，香氣濃郁；灑上慢煮的鴨腿絲，兩種香味的完美配搭。 👨🏼‍🍳 西班牙紅蝦意粉（Carabineros prawn spaghetti） 用蝦膏、蝦殼煮汁，味道鮮、濃。喜歡它的微辣，多一份惹味。 雖然自己一連點了幾個蝦菜式，但每個都煮出不同味道。 👨🏼‍🍳 燒澳洲M8和牛（Grilled Australian M8 wagyu beef） 牛的油脂豐富，但外面燒得較乾身，裏面口感保持嫩滑，味道不算特出，用乾蔥煮汁，再加烤薯、蘆筍。 👨🏼‍🍳 西班牙豬肉（Spanish pork terrine, quince, balsamic） 醋平衡了豬肉的油膩，另外巴馬火腿捲蘆筍和其他蔬菜，多汁，口感特別。 👨🏼‍🍳 芝士拼盤（Cheese platter） 可試3種非常不同味道的芝士，合桃爽脆帶甜，是盛宴後對味蕾的最後衝擊。 👨🏼‍🍳 椰子糕（Coconut pudding） 椰子糕滑嫩，配酸甜的檸檬汁帶出清新氣息。 👨🏼‍🍳 小烤箱（Petit four） 3件法式甜點，馬卡龍杏仁味濃郁。 餐廳氣氛和服務都很好，整體用餐經驗值得回味。