先叫了幾款涼菜
之後叫個魚躍龍門宴
涼拌茄子:估唔到平時唔喜歡食茄子同麻醬嘅我,都覺得好味,麻醬配茄子原來好夾!正!
金湯花膠海皇羹:湯底好濃,花膠同其他配料多!啖啖肉!好味!但個店員就咁用手勾住個大碗四圍走!好噁心!
清炒蝦仁:賣相好靚,蝦仁清爽但無乜味!好淡!一般!
北京填鴨(1隻):本來最祈待係呢隻填鴨,但店員無攞未片皮嘅鴨比我影相!我有見店員攞住未片嘅鴨四圍走,但我們呢枱無見過全鴨!一上已經係片好晒皮,連隨跟上竹籠上嘅麵皮,仲有青瓜大蒜,麵皮剛蒸好,軟綿綿,加上爽口青瓜,香口大蒜,鴨肉味濃,但皮比較韌,唔似剛燒好,只可以話合格!
清蒸沙巴珍珠龍躉:唔大條,肉質反而剛剛好!豉油唔會太咸,剛好帶出魚肉鮮味!
瑤柱金腿燉津膽:火腿上湯味濃,不過津白較韌
小蔥拌麵:份量唔大,撈勻食,麵條有咬口 馬豆榚:椰汁底好滑,唔會易散!馬豆有咬口,唔會過甜,好味!
上晒食物之前,部長攞份甜品餐牌比我哋睇!最後叫兩個甜品,甜品款式都好多!
狀元樓豆沙鍋餅:同平時見嘅豆沙窩餅正方型形狀唔同,係圓餅狀!餅皮薄兼脆!豆沙餡好多!偏甜!好味!
酒鑲丸子:份量唔多,已經無乜酒味,只剩下酒香!粒粒感覺,加煙韌丸子!味道幾夾!
食物無驚喜,店員服務又一般,佢哋太忙,人手唔夠,好多時都在搜索枱號搵客上菜,加水又唔密,要開蓋等好耐先見到要加水,最難接受唔用托盤,就咁勾住成窩羹四圍走,好唔衛生(而家唔係大排檔,都叫高級食肆吖!我見店員托住隻完整填鴨四圍搵客,到我哋時只見到已經片好晒上菜,我想影下隻完整填鴨都已經無機會!好唔開心!
講真我覺得咁嘅價錢,除了填鴨,都係同普通上海菜館無大分別,填鴨又唔特別出色,又要限時交枱,地方又嘈,唔使來呢度食吖!