京都一の傳

平日接近兩點嚟到，唔使等位嘅 （不過我個friend 都有book到😂）menu入面好多款set lunch都好吸引，不過似乎都係A4和牛最吸引我哋🤣A4和牛燒到大約五成 （冇特別問我哋想要幾成），個口感同油份都係正到爆，再食啖飯，真係冇得輸！其他配菜同蒸蛋都唔錯👍🏼我自己其實好鍾意食壽喜燒，但係唔知點解通常喺香港食到嘅都係呢種一大鍋湯嘅壽喜燒。呢鍋其實係好食嘅 （咁梗係啦話晒係A4和牛喎）只不過我自己都係鍾意少啲湯個汁燶好多嘅嗰種壽喜燒。整體嚟講我非常滿意個lunch，當然俾得呢個價錢要有返呢個質素先得，所以性價比嚟講唔算好高，不過味道就真係唔錯！呢餐飯有個小插曲，話說其實呢餐飯係我個friend請我食生日飯，佢喺book位嘅時候已經講咗話甜品想寫happy birthday 同埋我個名，後來打嚟confirm Booking嘅時候我個friend忙冇聽到電話，結果最後到出席嘅時候話甜品冇得寫字，因為要預先準備，所以我喺服務上扣咗少少分，雖然我個friend冇複佢哋電話係唔啱，咁但係一開始就講咗嘅時候咁我覺得作為呢啲級數嘅餐廳唔應該assume唔要，而係準備咗先。Anyway，除咗呢

星期五，二人晚飯。首先清酒選擇不多，平酒貴賣，選定了支連好小小的純米大吟釀720ml五分鐘後先話冇貨，只好選擇支300ml。海膽年糕，海膽新鮮，但放在熱騰騰的年糕上，冇了鮮味。燒豚肉燒牛舌燒和牛，食材尚可，賣相比味道佳，但不至於好睇唔好食。想食刺身，但只有三種set，居酒屋竟然冇à la carte，最終放棄。想叫鍋物，但係張台仲細過茶餐廳，結果都係放棄咗。埋單千二不貴，可惜浪費了一個晚飯quota😝

以前行開muji 都會見到呢間餐廳滿座 星期日嚟到附近見到冇乜人唔使等位就入嚟lunch🫢結果都幾失望🥲餐廳以京都為名 走中價路線 裝修係幾靚 一坐低都有啲期待😂入咗時receptionist 同我哋講限時一個鐘 平時一般餐廳都係90分鐘 一個鐘我孤陋寡聞第一次聽 但都冇人 點解要限時🫣同老公分別叫咗兩個set 我叫銀鱈魚定食 超級快上餐 麵豉湯唔熱🫣蒸蛋都只係暖。銀鱈魚好細件🥹亦都冇想像中咁好食唔知係唔係好多人用coupon嘅關係 佢哋個set都細咗 連甜品都無埋🥹🫣整體只係覺得食物正常 但真係未至於好食 同一般日式居酒屋分別唔大🤷🏻‍♀️但人哋個價錢講緊平一半 服務有機會仲好啲添🤦🏻‍♀️我哋用咗coupon都覺得好唔抵🙄🫥浪費咗京都之名🫠

位於海港城嘅日本料理餐廳，Lunch time經常爆滿，一定要book位。今次試咗佢哋嘅lunch set - 特上雜錦天婦羅定食、A4和牛壽喜燒。特上雜錦天婦羅定食有超大條既星鰻、蝦、流心蛋、冬菇、茄子、番薯、南瓜，種類多，非常豐富，份量好多，炸漿薄，炸得香脆，夠熱。星鰻係我嘅最愛，啖啖肉。另外流心蛋一切開就有大量蛋漿，用嚟拌飯岩哂。A4和牛壽喜燒和牛質素高質，咬落去有少許溶化感覺，牛味濃，切得薄，一放入鍋好快熟，加埋生蛋再拌飯食很香。

有海港城飲食coupon，就諗住去試下啲平時唔捨得食既餐廳。行過門口，見到有海膽，又有和牛，就即刻揀咗佢。一入去就見到一個日本園藝，整體氣氛幾好，但燈光偏暗。餐牌上很多食物都停售，仲要係想試下既菜式，最後只能點一個涮涮鍋和兩個小食。和牛涮涮鍋店員會幫忙將蔬菜配料放進鍋內，配料色彩豐富，味道鮮甜，但份量偏少。和牛油花均衡，入口即溶鰻魚出汁蛋卷蛋卷幾好食，不過食唔到鰻魚既味道。燒海膽年糕海膽好好味，配埋年糕，口感都幾得意。不過燒年糕本身完全冇味，面頭有海膽都OK，食到底部or邊位，就冇味，唔想食落去。總括黎講，食材高質，味道都ok，但係唔算非常好，有d失望。性價比一般，以依個價位，可以有更多更好既選擇。

家姐有海港城coupon所以請食飯😆試咗呢間京都一の伝，環境唔錯，食物整體上都算幾好，不過冇乜特別好驚艷，價錢偏貴同埋份量細，不過都唔意外😆 覺得海港城啲嘢通常都係咁上下，唔會太差但係又唔會特別好，環境同地點取勝囉。有埋coupon都可以接受。我哋吉列和牛同埋和牛燒都加咗$100增量版，佢話+100會多50%，但係份量都係好細😂但係質素同味道係唔錯。整體上來講唔差嘅，中規中矩。服務都幾好，如果有coupon都可以嚟食吓，如果唔係其實出邊有好多選擇，唔會特別想encore. Rating : 7/10 Around $500pp

每次行過都覺得裝修好日式，好想試下。今日終於試到啦。餐廳內偏暗，座位闊落。用餐時間90分鐘，Lunch有套餐，選擇都多，但價錢唔平。今日試左個A4和牛壽喜燒定食（$368）。定食會跟個沙律，有三個小菜，青豆、脆瓜同牛蒡。再跟一個茶碗蒸，味道幾好，同面鼓湯。而壽喜燒湯就偏甜，必須送飯食。牛就3成熟，浸落壽喜燒都會熟，再沾d蛋汁，牛肉好滑，但偏肥。壽喜燒入面仲有中等粗度粉絲、洋蔥同菇。不過套餐無跟野食，侍應會keep住幫你斟茶，所以唔叫野飲都無問題。

鹿兒島吉列和牛 ～外層吉列炸粉又薄又脆，咬落去肉質既口感又軟又嫩，肉味濃郁，啲油脂慢慢係個口入面滲出🫦千其唔好睇小佢細細舊 外皮酥脆之餘仲食落油脂好足 都幾好濟 (👅2個女仔食)推介：🐷🐷🐷🐷中船壽司～香蔥吞拿魚蓉魚蓉切得細細粒又夠新鮮 再加埋蔥花既點綴 真係啖啖新鮮 快活過神仙 (👅不過性價比就有啲低啦）推介：🐷🐷中船壽司～蟹肉．海膽海膽creamy又鮮甜，再加埋蟹肉既相伴，就真係winwin鮮🤪🤪推介：🐷🐷🐷鹽燒牛舌厚切牛舌，燒到四邊燶燶地，咬落去又唔韌，啲汁泌出黎，正啊～推介：🐷🐷🐷總括黎講，環境同一般日本餐廳都大同小異，職員服務都好好，有coupon係手真係不妨一試

一個月前系尖沙咀京都一の傳我同我老公分別食左個特上海膽金槍魚蓉刺身飯定食同三文魚親子刺身飯定食太好食，念念不忘於是今日早早訂好枱，點知道去到原來改左餐牌😭已經取消曬，其他定食亦都加價大約20%-25%價錢相當貴。吉列和牛定食（HKD 428）：和牛質素相當高，牛肉脂肪分布均衡，外脆內嫩，非常唔錯。吉列豚肉定食（HKD 258）：豬扒炸的好脆，但系食兩舊就已經好膩，味道都好好，只不過咁價錢相對比較普通。特上刺身定食（HKD 438）：各款刺身都新鮮鮮甜，但系無咩變樣特別出眾，比較普通，相對來講唔太抵食。Kids Menu（HKD 118）：兒童餐只有一款，帶小朋友一定要食，兩個三文魚飯團，有Ｄ腥，我女唔食，就系食左兩件蛋同兩粒章魚小丸子，呢個兒童餐真系相當唔值。整體上食物質數都OK，但系唔抵食，不過我有Coupon減400，價錢都可以接受。

如題， 用coupon必食， 特別係你coupon唔多， 可能 兩張， 咁呢間就岩你。我係lunch一個人去， 竟然都係等， 不過都等左around20分鐘到就有位。講番食物先因為得一張coupon, 所以就冇叫到和牛同刺身定食，最後叫左個銀雪魚定食。我記得上年食銀雪魚定食都有三舊刺身，但今年竟然得番d魚仔同蔡葵，差咁遠既，即刻有d失望。前菜食左佢d沙律同個茶碗蒸， 茶碗蒸都唔差， 正常水準。 仲有d魚仔同蔡葵， 都幾好食， 但當然唔會夠刺身好食囉。之後就真係食個銀雪魚， 又有驚喜幾好食喎， 煎到條魚好香，條魚又好有味，好中意食，另外都煎到魚皮好脆， 同魚肉之間果層脂肪一齊食真係好正，好香。 條魚一定要趁熱食， 凍左就冇咁好食。埋單好似二百到，都抵，不過不失啦。仍然會棒場。

第一次食， 第一個印象， 員工好有禮貌， 老實建議份量（提示你加大食物）吉烈A4和牛（加大）： 肉質鮮嫩， 多汁， 但凍左； 如果學出面有熱石上碟， 會更好A4和牛鍋： 鰹魚湯底好鮮甜，店員會好細心幫你落d 野菜和配料， 留返和牛你自己落。。 佢建議滾30秒， 更我地試左， 攤開黎落， 15秒就夠熟和滑， 和牛無根好肥美， 好食小船壽司： 吞拿魚腩： 多油， 入口即溶牡丹蝦+海膽： 海膽份量很多， 亦新鮮甜品：紅豆抺茶雪糕批： 紅豆好食，唔係死甜， 而且抺茶雪糕似Haagendgz 但再澀d, 好味

⚠️警世⚠️如果無coupon/任何折扣 ，呢間餐廳🍴請敬而遠之🤣-佢嘅性價比絕對低，但勝在用料新鮮，賣相服務亦對板，只係份量少、價錢又進取，最可惜係wine list d 酒好行貨，普通料收你三、四倍價錢，有啲水魚感覺。-講返嘢食😎🔸鹿兒島A5和牛涮涮鍋(~$450)🔺追加烏冬一個（ $38 ）有專人幫你擺啲蔬菜落個煲，算唔算加分見仁見智，蔬菜🥬鮮甜，每樣大約4件，牛肉有6片，真係食得出係高級牛肉🥩，油花靚、油脂豐富，香氣撲鼻，一人三片少少唔夠喉。🔸海膽小船壽司（ $258 ）上枱嗰陣呆咗🤯比想像中細好多，不過紫菜勁脆、海膽好新鮮，又creamy,嚿飯🍙嘅醋比例都做得好，算係咁啦🫂(淚🥲）🔸日式炸雞（$108）呢個竟然最抵食，都有6至7件，大大件，外脆內軟，皮藝多肉汁，面頭嘅蔥同紫蘇葉加咗酸酸甜甜嘅醬汁，中和炸雞嘅肥膩。🔸suntory premium生啤（ $50）冇乜特別，勝在夠凍。

餐廳於日本京都已有 91 年歷史，是日本西京燒市場銷量最高的老店，餐廳裝潢有日本特色，環境氣氛很好，座位舒適，適合約會或多人聚會🤗價錢偏中至高，份量足夠飽，食物質素偏低 較失望，人均消費$400以上，性價比低☹️☹️溫馨提示：晚上較多人，請提早預約🙆🏻‍♀️💖═ ═ ═ ═ ═ ═ ═ ═京都一の傳 Kyoto Ichinoden📍 九龍尖沙咀廣東道5號海港城海洋中心4樓402號舖📍 Shop 402, 4/F, Ocean Centre, 5 Canton Road, Tsim Sha Tsui, Kowloon═ ═ ═ ═ ═ ═ ═ ═💖💖💖食評💖💖💖🐠特上海膽蔥吞拿魚蓉刺身飯 ($388)✨推薦！飯粒圓渾 夠味，配上嫩滑的魚蓉同海膽一流，味道剛好，好吃！😋👍🏻🐟蒲燒鰻魚 Grilled Eel in KABAYAKI Style ($128)✨鰻魚較薄身同乾身，多細骨，醬汁好味🐮和牛飯團 ($108)✨不推薦，很普通，味道很淡👎🏻🥩鹽燒厚切牛舌 Salt-Grilled Ox Tongue ($78)✨味道不錯，肉質不錯，但偏韌🍳出汁蛋卷 Japanese Style Omett

吃過晚飯，意猶未盡，藉著年中清假特意走來吃午餐，因為套餐價比較相宜，而且在 OpenRice 訂座更有8折優惠。  熊本A4和牛丼贅沢御膳 $298這一份定食，可以一次過嚐到熊本A4和牛及鱈魚西京燒兩款名物，只不過是$298，相比我早前晚市散點吃省一半。 日本定食總是整整齊齊，大碟小碟的，看到已經感到豐富，垂涎欲滴！視線自然先向和牛看，粉嫩色澤沾上醬油，矚目的生雞蛋，配合芝麻、紫菜及青蔥。 估得到的香嫩，極度柔軟的和牛肉片入口軟棉棉，味蕾多麼滿意！ 藏味噌漬．銀鱈魚散點一份$258，現在份量也許不到一半，但調味相同，正好淺嚐，而且散點沒有配上米飯。 蟹肉生菜配上酸汁，健康稱職的開胃沙律。 刺身兩款四片不過不失。 玉子燒香滑味甜，我喜歡。 還有一個豆沙大福餅。   吉列黑豚定食 $208同伴的選擇是吉列黑豚定食，配菜有別但同樣豐富，包括前菜、湯、燉蛋、生蛋、秋葵粒及甜點。黑豚肉酥香軟嫩對比明顯，脆而不膩，肉質肥美，取價$208物有所值。 增送蛋卷甜點，忌廉幼滑，內藏水果，好吃。 室內佈置簡約溫馨，正是日式風格。 

話說因為有海港城美食券，所以決定試吓呢間名店😄以往路經總會見到大排長龍，估計應該都係好食嘅舖頭，至可以吸引咁多人願意花時間排隊😅星期四晚上約7點半，無需等位即可入座😄都算好彩🤔呢間舖頭係完全冇任何套餐，只可以按餐牌上單點，因為份量相對少，所以價錢都有啲貴😅雖然價錢相對貴，但係質素亦都非常好，所以成日都話食好西係要付出代價嘅，而今次用埋美食券，真心覺得非常抵😂齋睇啲用具，都覺得賞心悅目燒海膽年糕（$88）海膽鮮甜好味，不過年糕燒完有啲硬😅熊本A4和牛鹽燒（$348）侍應建議3成熟，生生地反而食到好香嘅牛肉味，而且配合傍邊嗰啲唔同嘅醬料，有唔同嘅香味，值得試👍🏻👍🏻👍🏻藏味噌漬．銀鱈魚（$258）呢個又係必食推介，西京燒銀鱈魚由香葉包住，魚吸收左香葉嘅味道，去除油膩感覺，加上銀鱈魚口感嫩滑，真係會食唔停口，一定要食.藏味噌漬．豚肉（$138）就係因為呢個香葉包住可以帶出嘅好香味，最後加左呢個豚肉，豚肉經過燒烤將多餘嘅有分迫咗出嚟，而香葉亦都吸左啲油膩，所以整體係好好食😋