550
18
23
| Restaurant: | Hungry Monkey (Soundwill Plaza II - Midtown) |
|---|---|
| Offer: |
Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
Video
4-min walk from Exit B, Causeway Bay MTR Station
continue reading
Telephone
54089580
25780828
Introduction
This Japanese restaurant is decorated with neon lights, which is stylish. It specializes in a variety of teppanyaki dishes with high-quality fresh ingredients, such as A5 wagyu, Japanese live scallops, etc. All of the dishes are good to pair with sake.
continue reading
Opening Hours
Today
12:00 - 15:30
17:30 - 23:00
Mon - Sun
12:00 - 15:30
17:30 - 23:00
Public Holiday
12:00 - 15:30
17:30 - 23:00
Public Holiday Eve
12:00 - 15:30
17:30 - 23:00
*Jan 7-Jan 20: Takeaway 18:00-21:00
Above information is for reference only. Please check details with the restaurant.
About Reward Scheme
Offers
| Restaurant: | Hungry Monkey (Soundwill Plaza II - Midtown) |
|---|---|
| Offer: | Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
登龍街好多美食㗎，今日在這兒交收物件完，便約埋老公嚟食鐵板燒！Hungry Monkey好似N年前嚟過，記得是地舖好方便，行行下便找到了。侍應生好有禮貌，安排坐近廚師巴抬，可近距離望住廚師料理食物，好開心。😊飲品~蘋果梳打，味道酸酸甜甜。三得利啤酒，都幾大杯。前菜~芥辣八爪魚~ 入口有少少芥辣仲有啲酒味，生食幾特別。辣酒凍風螺~ 侍應生好細心預備手套給我哋進食，少少酒香微辣，爽口彈牙，味道炮製好特別，讓你食完一粒不停再進食。讚青蘋果蟹籽沙律~滿滿蟹籽加上條條差不多大細蘋果絲和蟹柳絲，入口清甜爽口，好開胃好好食。讚芝士御好燒~我估呢度應該好出名御好燒，差不多抬抬都叫嚟食，外貌似pizza 而且師傅好細心，慢火慢慢咁煎 ，入口軟綿綿，再配埋木魚片在上面鬱下鬱下好有動感，入口味道好夾呀。讚松葉蟹肉甲羅燒~ 有三種蟹配料(蟹肉/蟹膏/蟹子)做餡料，用青瓜片配搭進食，入口微暖配搭新鮮嘅青瓜片好夾好味。讚海膽溶岩魚餅~ 外貌黑蚊蚊，一咬落去就知道裏面係有爆醬嘅嘢會流出嚟，原來係海膽，少少甜，好味。鐵板帆立貝~脹卜卜兩邊煎到微香焦，熱辣辣食超正。唐揚雞翼~炸得金黃色又飽滿，外脆內暖入口好香芝麻味，肉質嫩滑又熱辣辣。墨魚鬚~ 墨魚鬚炒得好乾身，有鑊氣，入口彈牙配紫洋蔥少少微辣好嘢味！鵝肝炒飯~ 嘩，好大碟啊！珍珠米好飽滿，配料有雞蛋蘿蔔粒香蔥芝麻混埋一齊炒，再配埋矜貴嘅鵝肝，味道唔錯。甜品朱古力炸彈~外脆內暖，食落有點似心太軟，朱古力流心 熱辣辣濃濃郁郁，小心進食。開放式廚放，每個師父都細心煮食，互相配搭製作美食給客人，氣氛很好，侍應生配搭又細心有禮貌，讓客人食得好開心。讚
continue reading
呢間餐廳我間中都會同朋友黎食飯，呢度同傳統日式鐵板燒好唔同，唔一定要叫set套餐，可以按自己想食嘅菜式單點，而且食物種類選擇好多，感覺比起傳統鐵板燒更自在，銅鑼灣呢間分店好熱鬧、我地今晚坐正吧枱氣氛滿滿。✦青蘋果蟹籽沙律爽脆清甜嘅青蘋果絲再加上滿滿蟹籽，口感豐富，清新好開胃。✦辣酒凍風螺爽嫩新鮮風螺被醇而不嗆的酒煮過後，多了一陣陣麻辣香，令人不自覺地吃完一粒又一粒～✦酥炸雞心極脆鹽酥雞心 外酥內嫩✦北海道魷魚柳微辣Q彈，肉質軟綿綿，好好食～✦厚燒牛舌厚切牛舌外焦內嫩，裡面肉質粉嫩Q彈爽口。✦一夜干雞扒利用鹽巴脫水的特性，降低肉質水份卻保留肉味精華。因有鹽漬鹹香，不用特意調味雞肉鮮味已十分濃郁，入口香嫩爽滑沒有乾硬口感。✦豬茜卷芫茜控一定要試呢個豬茜卷，嫩滑嘅豬腩肉片包住滿滿的芫茜，食落全口都充斥著豬肉的油香及芫茜的清新鮮香。✦港島燒創意港式風味港島燒，燒餅中加入了叉燒、蝦米、芫荽同臘腸，再鋪上滿滿肉鬆、蛋黃醬，再加啲紫菜，成個餅更香更好味，口感好豐富。✦鐵板活北寄貝新鮮活北寄貝切成一條條容易入口，以高湯一起炒更嫩滑彈牙，再灑點炸蒜和葱花好惹味。✦北海道魷魚柳微辣Q彈，肉質軟綿綿，好好食～✦清酒煮蜆蜆肉肥美鮮甜，加上芳郁醇厚的清酒， 簡直係完美嘅配搭。✦ 悠久之梅雫十年熟成梅酒獨特熟成香和複雜的梅子甘酸味，在口中慢慢擴散～
continue reading
好朋友由多侖多回港探親, 我帶她去銅鑼灣登龍街 Hungry Monkey 見識一下, 猴王子配上彩色的霓虹燈, 令她眼前一亮.香港夜生活仍然繁榮. 店內開放式廚房, 設吧枱, 高枱, 梳化座. 播放流行歌曲, 氣氛相當好. 服務員 送上 Menu & Drink list. 飲品：朋友要柚子梳打, 我 點了悠久之梅𩂋十年熟成梅酒. 配 燒物至正.頭盤沙律: 蕃茄蒜子沙律, 溫室蕃茄, 好新鮮, 爽口味甜, 吃得健康, 配醋汁, 蒜子, 蔥, 好開胃!芥辣八爪魚小食: 好喜歡食八爪魚, 彈牙開胃. 一粒接一粒, 好快食清.唐揚山藥條: 燒得金黃香口, 比食薯條更有質感, 味道更鮮甜, 也可以沾沙律醬.煎明太子: 外皮香脆, 入口鹹鮮惹味. 頂好食. 避風塘北海道上肩豚腰肉: 這上肩豚腰肉只在秋季入口, 味道肥美, 上肩豚腰肉煎得極香口, 伴上大量炒蔥, 蒜, 椒粒, 少辣. 帶出 避風塘風味.鐵板帆立貝: 海產中帆立貝比較好食, 因為啖啖肉. 鮮甜又彈牙. A5和牛坑腩, 已切件, 牛味濃, 入口即融. 和牛牛坑腩肉質軟嫩, 沾些醬汁, 更美味, 佐酒一流.芝士蛋奄: 蛋奄列煎得香, 有濃濃蛋香味, 內藏滿滿芝士做出拉絲效果, 入口香滑煙韌. 鵝肝炒飯: 用藍色玻璃盛載, 好精緻地送到.鐵板炒飯, 飯粒粒粒分明夠乾身, 有多片鵝肝混在珍珠米飯中,令人越食越滋味.甜品: 朱古力炸彈 ~ 外面卜卜脆, 內裡藏著流心朱古力, 一咬即爆, 這個炸彈做得好好, 給我們美味回憶. Hungry Monkey 燒物較特別, 大家食得好回味.
continue reading
發掘一下銅鑼灣好去處，除咗行商場外，當然唔少得發掘食嘢既地方，登龍街一直都系夜晚爆客既食街，要逛就梗系搵間有噱頭既餐廳試試，呢間以日式菜為主既酒吧風格餐廳，岩我地想一邊用餐同時飲酒、一邊暢所欲言🥳❤️👉🏻頭盤沙律-蕃茄開胃沙律汁配鮮番茄，番茄一早去走咗皮切好咗，落埋蔥花系面，擺盤都幾靚，味道蕃茄鮮甜+微酸沙津汁好夾😋😋👉🏻螢光魷魚螢光魷魚漬，日本料理常見菜都系用酒醃製，酒味濃郁但又蓋唔住螢光魷魚鮮味，帶少少咬口，配酒真系好正👍🏻🤤💦👉🏻辣酒凍風螺🌶️🌶️第一味厚身爽彈牙，鮮味後，少少辣味後勁上尼先到酒味，比較多層次既凍食，細手到手套+叉+盛載螺榖既碗都預備好，食既時間唔會成手汁，非常體貼既用餐安排🥺☝🏻👉🏻海膽熔岩魚餅黑色望落以為系菇類，一咬落就知點解叫熔岩，有爆漿式爆炸咗海膽入口中，鮮甜濃烈，都真系幾讚既一道小食🥳🥳👉🏻避風塘茄子🌶️🌶️茄子帶辣味+ 避風塘做法，飲緊啤酒個時，非常愛追住食，一啖啤酒一啖避風塘茄子，perfect match😆👉🏻松葉蟹肉甲羅燒呢味花咗少心機用fresh青瓜，配上3重蟹（蟹肉、蟹膏、蟹籽）做餡料，食落味道濃得尼唔會咁膩，做到口味中和😍😍👉🏻厚燒牛舌面頭落咗些少鹽同埋胡椒，厚度成3cm左右，牛扒都冇咁厚既厚到，食落又唔會韌到有筋，三兩個除咗鹽+ 胡椒帶出牛味外，都容易咬，最怕出面食到咬唔完既牛，呢款牛舌完勝無咀嚼困難😛👉🏻蠔（4件）燒蠔內汁鎖住系裡面，上枱仲keep住脹卜卜，一咬汁就開始流晒出尼，鮮甜又肥味，一碟4件每人兩件都覺得有d未夠喉😙😙👉🏻蟹盛卸好燒有d似大阪燒，擺盤甚至用埋大阪燒個類鏟放底，方便客人分切卸好燒，上邊有蟹膏蟹籽沙律，下面餅底又唔會過厚，除咗配料豐富之外，加埋底層都幾有飽肚感，食到最後真系岩岩好當主食成間餐廳風格都幾大膽設計，有酒吧吧坐，亦有用餐圓枱設計，播放音樂多元化，有西式歌、韓國歌…唔陌生既歌曲，氣氛好好，一定keep住入客，唔少客人都enjoy吧坐去用餐，唔少陳列酒架做裝飾，霓虹燈擺設，有d入咗另一個世界既感覺食物除咗選擇多元花，酒類以威士忌、啤酒、吟釀為主，呢三種酒類各有情調各有享受😎enjoy餐飯來講，呢到都幾岩老友/另一半來體驗chill一下，除咗人食飽，連相機都可以食飽，服務亦都好好，細心俾時間空間我地影相再慢慢上菜，值得再光顧光顧既地方👅🍻
continue reading
《Hungry Monkey - 銅鑼灣》食日式鐵板燒價錢唔一定好離地既，呢間馬騮仔我間中都會帶朋友黎食飯，唔洗好似傳統日式鐵板燒咁一定要叫set，可以按照自己想食同埋喜好去決定叫菜，而且食物嘅種類好多，飲住highball食鐵板燒，感覺比起傳統坐吧枱嘅鐵板燒casual少少但又不失風味😉一共有兩間分店，而我就覺得銅鑼灣呢間就更熱鬧同埋更有日本風味💁🏻♀️頭盤沙律 $28頭盤次次都係我好鍾意食嘅凍蕃茄，用咗酸酸地嘅汁配搭，餐廳落咗啲炸蒜同埋香蔥令到佢嘅味道更加鮮味同埋有層次，頭盤食呢一個可以清一清個口腔，準備接住落嚟嘅菜式👍🏻我每次都必點💁🏻♀️辣酒凍風螺 $68呢度嘅東風螺唔係用咗日式製作嘅方法，佢嘅口味反而帶少少麻辣，但係個醬汁又有少少甜甜地幾特別，甜味可以幫忙中和到個麻辣，用嚟送酒一流💁🏻♀️厚燒牛舌 $128我個人都幾推薦呢個厚燒牛舌，佢價錢唔算好貴，而且份量都唔少，如果鍾意食牛舌的話，你一定會喜歡佢嗰個爽口彈牙但係入面又好嫩嘅口感👍🏻簡簡單單用鹽調味已經好好食，師傅將佢煎到七成熟左右，入面仲保存左肉汁，所以就算凍咗你咬落去都唔會覺得好韌，口感仲係好軟嫩的💁🏻♀️鐵板活北寄貝 $108今次我同朋友叫咗海鮮試吓，其中一樣係當日廚師推介嘅鐵板活北寄貝，餐廳用咗炸蒜同埋牛油調味，北寄貝軟滑又帶有濃香既牛油味😋💁🏻♀️蟶子 $136蟶子同北寄貝嘅口感又有少少唔一樣，佢反而爽口一點，食到少少海水味同埋炸蒜嘅香味，同樣咩都唔使點就已經好好食啦，食得出鮮味💁🏻♀️鐵板帆立貝 $68帆立貝口感香滑軟糯，師傅將兩邊微微用牛油煎香，再用咗少少醬油調味，燒嘅時候超級香😎咬落去肉汁同鮮味出晒嚟👍🏻記住趁熱食先至食得到嗰種黏黏嘅感覺😋大愛💁🏻♀️明太子御好燒 $178呢一度一向都出名御好燒，今次就叫咗明太子口味的，鹹香味十足而且食到多重口感，有椰菜嘅爽脆、明太子沙律醬嘅香濃、御好燒嘅軟綿綿、紫菜同埋紅薑嘅清新等等，呢一個配搭好惹味😋好食💁🏻♀️松葉蟹肉海膽炒飯 $158其實叫咗御好燒就唔應該叫炒飯嘅😂不過兩樣都好想試冇辦法，個蟹肉海膽炒飯你會真真正正見到有蟹肉絲同埋海膽喺個飯入面，淡淡都有海膽肉嘅鮮甜，個飯入面有啲細蔥同埋炸蒜頭🧄而且飯粒粒粒分明夠乾身，都真係幾好食㗎，不過建議兩個人食的話，主食揀炒飯或者御好燒是但一樣好啲，如果唔係就太飽喇💁🏻♀️朱古力香蕉 $28呢個朱古力香蕉期間限定，之後就會有一段時間冇得食啦😢當日見到其他客人叫嘅時候覺得好得意，佢其實就係即製嘅香蕉朱古力蛋糕，有啲似日本好熱賣嗰個香蕉蛋糕手信咁，但係佢嘅外皮係脆脆的，而且入面吱滿咗香蕉醬同埋朱古力醬，新鮮滾熱辣拎到你面前嘅口味零舍唔同，特別好食的👍🏻如果見到呢部機仲喺餐廳門口就記住一定要叫啦😎我真係超鍾意呢個甜品😘外型可愛而且又好好味，特別係用嚟裝住朱古力香蕉蛋糕嘅嗰條蕉皮😳原來食完嗰條蕉皮仲可以拎返屋企的🥰雖然唔知之後可以用嚟裝咩，但係我真係好鍾意條蕉皮好得意😎💁🏻♀️梅干 威士忌割水 $68食鐵板燒又點可以冇酒水呢？😝我今次就試咗梅乾Highball😉 相比起傳統嘅highball味道會多咗一層酸甜，飲落清新爽口，而且粒梅乾都醃得幾好食，想試吓新口味嘅highball不妨叫黎試下
continue reading