Video
9-min walk from Exit C, Hong Kong MTR Station
continue reading
Telephone
60898740
Opening Hours
Today
12:00 - 15:30
17:00 - 22:30
Mon - Sun
12:00 - 15:30
17:00 - 22:30
Above information is for reference only. Please check details with the restaurant.
About Reward Scheme
Offers
Bookmark咗呢間蠔專門店好耐終於去食啦！有兩款放題，分別係生蠔放題（$438）同埋特選生蠔放題（$538）特選生蠔放題包埋串燒放題，所以揀咗呢個餐**********特選生蠔放題（$538）-時令海鮮湯🦐上菜方式好特別，利用茶壺🫖裝住，飲嘅時候斟落個杯仔度飲，一啖一杯海鮮湯非常清甜，入面有蜆肉同蝦🦐-懷石八品擺盤精緻，職員會講解由口味清淡嘅開始食，首先食梅子漬車厘茄🍅，然後醋漬青瓜伴蟹鉗🦀，酸酸甜甜開開個胃先-時令刺身，當日係三文魚同帆立貝-除咗食蠔之外，餐廳亦主打串燒，所以燒白鱔一啲都難唔到佢！白鱔肥美，充滿魚油，外皮燒到脆卜卜-大根煮手打雞肉串🐔，蘿蔔煮到入味腍身-明太子芝士焗薯蓉🥔，職員教要混合嚟食，否則會好鹹，撈埋嚟食就剛剛好， 鹹香味濃-牛油果吞拿魚蓉🥑-蟹肉羊羹，啫喱滑溜，包住蟹肉好清甜-✨重點嚟啦✨任食生蠔🦪、焗蠔🦪生蠔同焗蠔都有唔同味道選擇生蠔方面，個人比較喜歡柚子啫喱同辣味蘿蔔蓉焗蠔方面，都係鍾意經典嘅芝士🧀️同蒜味多啲，鍾意食辣嘅朋友可以試吓辣蒜，真係辣得好過癮-🍢串燒一入到餐廳就已經聞到陣陣串燒味串燒點左豬腩肉、雞腎、雞翼、冬菇、翠玉瓜同秋葵冬菇同翠玉瓜，燒到好juicy豬腩肉雖然邪惡，但係肥瘦均勻，一入口就溶化雞腎非常爽口彈牙-🍜最後食一碗牡蠣手廷烏冬，可以揀茶漬飯-🍰甜品係一件柚子芝士蛋糕，雖然好飽，但係柚子味道好解膩，估佢唔到-🥤飲品方面有各款無糖茶、果味梳打、汽水同熱飲等
continue reading
由擺花街搬遷至LLTower的北木島喜多嬉牡蠣屋，地方更大更舒適，一向主打日本生蠔放題，一個價錢就可享用時令海鮮湯、喜多嬉時令懷石八品、任食生蠔、焗蠔 、串燒、炸物、小食和飲品 ，另外每位更奉送牡蠣茶漬飯或手廷烏冬和甜品，非常抵食，尤其是喜歡吃生蠔嘅朋友絕對唔可以錯過👍🏻🦪特選生蠔放題 $ 538▪️時令海鮮湯用茶壺承載嘅海鮮清湯配上鮮蝦用茶壺盛載嘅海鮮清湯配上鮮蝦、大蜆，湯頭清甜美味▪️喜多嬉時令懷石八品頭盤非常豐富，師傅都會因應時令食材而轉變，而且每款份量細細可以試多啲不同，梅子漬車厘茄、醋漬青瓜伴蟹肉、時令刺身、燒白鰻、大根煮手打雞肉棒、明大子芝士薯蓉、牛油果醬伴吞拿魚蓉、柑桔柚子龍蝦肉羊羹▪️任食喜多嬉生蠔生蠔可以自行選擇自己喜愛嘅醬汁，分別有柚子啫哩、辣椒蘿蔔蓉、蔥花、昆布漬、雞尾酒汁分別有，每款醬汁配合生蠔都各有特色個人最喜歡就係蔥花和柚子啫喱▪️任食焗蠔焗蠔一樣咁美味，焗完之後口感仍然飽滿和Juicy，味道可選清酒煮、蒜味、辣蒜、麻辣、芝士、冬陰功，我最鍾意梗係芝士同埋蒜味無限encore咗好多次▪️任食時令串燒、炸物、小食雞翼串、羊肉串、雞腎串、翠玉瓜雞腿肉串、日本番薯仔、雞心串、茄子免治豬肉串、冬菇、七里香、秋葵五花肉串、大蔥車厘茄串枝豆、味醂魚乾、牛肉他他、和風沙律吉列炸蠔、芝麻雞翼、煎餃子▪️牡蠣茶漬飯/手廷烏冬最喜歡係湯頭好鮮甜，而且有大量鮮蠔，無論配飯或者烏冬都一樣咁好食▪️飲品任飲柑桔梳打、白桃梳打、熱檸水荔枝梳打、梳打水、熱檸茶可樂、雪碧、熱柑桔無糖可樂、忌廉、熱柚子蜜梨山烏龍冷泡茶、茉莉薰花冷泡茶白桃烏龍冷泡茶、四季春青冷泡茶▪️甜品一份甜品都是每期不同，今次我哋食到柚子芝士蛋糕，入口creamy芝士味香濃，而且唔太甜
continue reading
好鐘意呢間餐廳除咗裝修量之外，佢哋有任食生蠔、焗蠔、焗帆立貝、串燒飲食。平時食生蠔都好貴，呢度有得任食實在太好啦，好容易回本！落單落幾多佢哋都會俾足你，唔會偷偷地減少份量，真材實料。落單後一坐低職員就拎左個茶壺黎，原來係海鮮湯，職員仲會幫你斟湯好好服務 。飲完職員會夾埋啲海鮮出黎，有元貝、蝦同蜆肉等等，好吸引！前菜味醂魚乾烤得香，點少少沙律醬好正。之後就有懷石料理，用嚟打卡就冇得輸，靚靚八種懷石料理🌟儀式感十足！蟹肉羊羹好靚，好彈牙，和牛沙律甜甜酸酸好開胃，炭燒活鰻脆脆地好食。終於到任食生蠔，生蠔唔算好大隻但口感同味道先係重點。首先食隻原味感受佢最原本嘅鮮，已經好好食。之後可以食落左醋啫喱同蘿蔔蓉調味嘅，鮮味更出眾，感覺回本😍😍😍焗帆立貝、蠔好出色，帆立貝超大粒，有蒜香、辣蒜蓉、芝士同原味。辣蒜蓉好好食，好香口好辣，我好鍾意帆立貝啖啖肉嘅口感!—串燒種類多有十幾款，雞翼、雞心、軟骨、豬頸肉、多春魚、雞腎、羊肉、翠玉瓜、蕃薯仔。雞翼燒得好靚，大隻得黎皮脆，豬頸肉好爽口我鐘意，有脂肪焦香。松葉蟹五島手延烏冬口感軟滑❤️上面只蟹鉗夠曬爽口，甜品鯛魚燒。📍 喜多嬉牡蠣屋 (中環)中環些利街2-4號LL Tower3樓
continue reading
Bookmark咗呢間好耐架啦 身為一個生蠔愛好者😛見到有牡蠣放題咁正常然要衝去試下🤪🤪佢哋有分三個價位 分別系$498淨生蠔放題$598多埋串燒任食 $698就會有刺身史努比就揀咗$598呢個set😎-👍🏿生蠔串燒放題(2小時) $598除咗生蠔串燒任食之外 佢哋一開頭會上碟前菜同湯 仲有懷石八品最後仲有松葉蟹烏冬同甜品添😍.👍🏿味醂魚乾 7/10好似雞泡魚乾咁嘅嘢食落鹹香味十足 唔錯架～但要趁熱食 凍咗會硬👍🏿時令海鮮湯 8/10味道非常濃郁 但唔會過鹹😆海鮮嘅甜味爆發出嚟 連入面嘅蜆同蝦都非常鮮甜暖下個胃即刻令人食慾大增😎Btw海鮮湯都可以任添架～👍🏿喜多嬉懷石八品(1次性)擺盤好靚好精緻 店員亦有每款精簡地介紹佢哋suggest順序食 由最淡味嘅開始👍🏿海老羊羹 8/10啫喱狀咁嘅 食落好滑溜中間系龍蝦肉 令羊羹帶清甜嘅味道🥰.👍🏿象拔蚌 8/10食落爽口彈牙 而且鮮甜無比佢嘅鮮味系爆發出嚟充斥住成個口腔😳.👍🏿慢煮牛沙律 8.5/10牛肉嘅油花好靚🤤軟嫩帶少少油香 但食落完全唔覺油膩🤭沙律菜亦系非常爽脆 配搭酸酸地嘅醬汁又系一碟開胃菜🥰.👍🏿拖羅蓉 8.5/10拖羅蓉非常軟蓉 口感綿密 食落完全冇筋 慢慢滲透出魚油嘅甘香🤤配搭三文魚籽更加系多一份鹹香😚👌🏿月見免治雞肉棒 6.5/10史努比不嬲都麻麻地免治雞肉棒味道唔差嘅 雞肉都幾嫩蛋黃亦有蛋香 純粹個人口味唔太鍾意🤣.👍🏿牡蠣湯飯 7.5/10湯好清甜 入面仲有啲蠔肉 好食!.👍🏿燒白鰻 8/10燒到外脆內嫩 肉質夠肥美🤪香口得嚟食到鰻魚嘅魚油香值得一讚嘅系調味適中唔會太鹹😆.👍🏿明太子拌秋葵 7.5/10秋葵爽脆 明太子調味啱啱好～.Overall成個8品都好高質 好豐富食完雖然飽飽地 但都無阻史努比食蠔嘅衝勁🤪👍🏿生蠔 9/10主角出場啦😆嚟到呢度一定要狂咪生蠔店舖寫明系由北木島直送佢唔似平時buffet嗰啲瘦削嘅蠔反而隻隻都肥美飽滿可以揀原味 或者加柚子啫喱 蘿蔔蓉同蔥花識食梗系要試咗原汁原味先🤪真系隻隻鮮甜肥美 口感creamy有啲品種唔同嘅~但同樣咁好食只系creamy嘅程度唔同 有啲真系超級creamy好鬼正🤤佢用料真系靚 唔系求其hea架全部都好新鮮👍🏿👍🏿平時雀仔胃嘅史努比都食咗超過一打😂👍🏿焗蠔 8.5/10可以揀原味 蒜蓉辣蒜蓉或者芝士史努比最推薦蒜蓉 香得嚟唔會蓋過咗蠔嘅鮮甜焗完出嚟勁多汁好juicy🤤.👍🏿焗帆立貝 8/10連帆立貝都系任食😍仲要系大大隻嘅扇貝🤤鮮甜軟嫩 唔好錯過!👌🏿時令串燒 6.5/10串燒都系任食 但質素relatively普通啲史努比覺得蔬菜類燒得幾好食反而肉類較為普遍淺嚐就可 都系主攻翻蠔啦😎👍🏿松葉蟹五島手延烏冬(1次性) 7/10如果唔話史努比聽系烏冬會開心啲😂因為佢個texture似素麵多啲但不得不讚嘅系個湯好正😳😳鮮甜無比 飲個熱湯更加開胃🤤我哋雖然好飽但都差唔多飲晒🤭👍🏿甜品(1次性) 7/10史努比真系呆咗唔知系咪見到史努比一堆公仔特登畫咗隻snoopy喺隻碟度😳😳Awww so sweet🥰史努比見到嘅時候超開心 笑到見牙唔見眼咁🤣店員姐姐都即刻笑咗😂講返正題😂甜品有件蕨餅 紅豆鯛魚燒同一球雪糕煙煙韌韌咁都幾得意 甜度適中唔會過甜😆但雪糕就相對普通啦 唔夠滑～另外飲品都系任飲架～有幾款熱飲類似柚子蜜嗰啲仲有冷泡茶 汽水同梳打性價比: 6/10-*另設加一服務費*呢間嘅生蠔真心好高質 仲要唔系淨系第一輪正系每一轉嘅order都系好肥美好新鮮完全冇任何拖單漏單嘅情況仲有前菜 湯同懷石8品都食得出好有心思❤️最驚喜當然系甜品史努比真系超難忘🥰不得不提佢哋service好好絕對系史努比食過咁多放題入面最好嘅一間可以媲美高級餐廳甚至超越佢哋❤️每個店員都好nice又有笑容 而且睇得出唔系好膠嘅笑🤣Feel到佢哋用心去serve每枱客成個vibe非常之好～雖然價錢較貴 但史努比覺得如果系愛蠔之人都系值得一試嘅😚.整體評分：味道: 8/10環境: 9/10服務: 10/10衛生: 9/10抵食: 6/10回頭率: 6/10
continue reading
上網搵到呢間日本蠔放題，訂位之後已經期待咗好耐，當日我哋叫咗生蠔串燒放題餐。首先前菜有誠意，海鮮湯用微火保持住溫度，好細心，湯底好甜，除咗蜆仲有帶子仔，蝦等，鮮味十足。吉列蝦炸到好脆，蝦肉爽彈，蝦殼都食得，好正！到懷石八品，一上台哇咗出聲，好靚好精緻，侍應哥哥教我哋由淡食到濃味，松葉蟹肉凍好鮮甜，和牛沙律夠開胃，牛味濃，燒活鰻魚好香，三文魚籽吞拿魚蓉係本人最愛🥰食完依個前菜已經好滿足，差啲唔記得嚟依度嘅重點🤣首先上咗一輪生蠔，係日本空運北木島蠔，蠔鮮嫩甜度夠，海水味足，完全唔洗加檸檬汁，配埋蘿蔔容同蔥粒好正，食完滿口濃濃鮮甜蠔味🤭🤤。餐廳仲好細心，幫你切埋粒蠔殼肉出嚟，蠔痴一定明白食蠔一定要食埋佢🥲🥲食到凍凍地，侍應哥哥上咗燒蠔同焗帆立貝，有原味，蒜味，辣蒜味同芝士味，其實每隻味都好正，但本人最愛係辣蒜味，估唔到好夾，仲唔會口味過重蓋過蠔味，同埋個人覺得燒蠔size好似仲大啲，啖啖滿足感🤤到串燒，當然每樣試一份啦，種類太多無辦法樣樣講晒，但當中我哋狂encore嘅有：雞腳筋串，比雞軟骨更正更過癮，送酒真係一流；雞腿肉串，外脆內軟，極多肉汁，肉嫩，燒得好好；羊肉串，羊味夠，肉味香濃最後encore咗兩round生蠔，兩round燒蠔，佢哋啲蠔質素真心高，比酒店嗰啲即開蠔更正重點係任食得黎上蠔速度又快，中環有依個性價比真係估唔到🥰本身好想去日本食蠔放題，依家唔洗了🤭
continue reading