Flames (鴻圖道)

🐷🥚Flames特盛早餐好豐富，有酸種麵包🍞、煙肉🥓、蘑菇🍄、蕃茄🍅、腸同煎蛋🍳。佢仲會問你想整個蛋，真係好細心㗎！🌞🍳🍄新鮮黑松露蘑菇扁意粉意粉上面有啲黑松露片，好creamy，真係好好食！🍝😋🍄是日餐湯今日餐湯係蘑菇湯，超濃郁，仲有蘑菇碎喺入邊，有口感又好好味🍲🍄😍☕️Mocha有拉花，好香濃☕️❤️🍋Ice Lemon Tea糖醬另上，可以自己調校甜度🍰Milk tea mousse餅底係Oreo味，好味㗎！真係好滑好濃郁🍵🍰😊環境幾好，好舒服㗎！

週末和朋友到APM商場遊走，係逛商場前緊係要醫飽個肚先，才有力氣血拼行萬里路嘛😂😂😂Brunch~~Flames特盛早餐 $158早餐有煙肉、腸仔、蘑菇、蕃茄、炒蛋、多士，份量豐富，大滿足燒大蝦三文魚籽龍蝦汁扁意粉 $158大蝦肉質彈牙，意粉充分吸收了濃郁嘅龍蝦汁，滋味無窮整體而言，食物質素ok，用膳環境舒適，如果叫Brunch Set會免費kid meal，另外餐廳有會員系統，只要加入 A la carte散叫會有8折😉。完滿嘅一餐為整個週末假期迎來美好的開始😊。

之前食過牛頭角海濱匯嘅Flames，今次試觀塘鴻圖道呢間分店，原來啲食物款式幾唔同，我星期日lunch去食，weekend menu都有好多樣野可以揀，包埋一杯汽水/餐茶，仲可以額外加餐湯、沙律、咖啡、甜品🌟Flames特盛早餐有蒜蓉炒雜菌、煎香咗嘅蕃茄、煙肉、香腸、炒蛋、酸種麵包，特別一讚係煙肉，唔多肥肉，而且煎得一啲都唔乾，食落仲充滿煙燻既味道，我諗呢款煙肉都係貴嘅食材🌟半隻葡式香辣燒春雞配薯條春雞外皮燒得微脆，食落辣辣地幾惹味，雞肉仲好嫩滑，唔駛額外點個辣醬都好夠味，而薯條連皮炸到金黃色，食落外脆內軟🌟蘑菇湯加咗$15試個湯，呢個磨菇湯好creamy，有微微嘅忌廉味，飲落唔膩，湯入面有勁多磨菇碎，多到好似食麥皮咁，所以啖啖都好香磨菇味🌟伯爵茶梨批🌟芒果椰子慕絲蛋糕同朋友每人加$35試埋當日嘅蛋糕，兩款都好味，而芒果椰子cake真係有椰子肉喺入面，所以特別正，真心推介大家試呢間Flames整體啲野食都好好，而叫brunch set原來仲會free kid meal，幾啱一家大細黎

今日放假想嘆個weekend brunch，見到呢間Flames係openrice同google評價都唔錯，一於試下呢個澳洲式嘅早午餐！呢間旗艦店除咗樓底高之餘，有近半位置係開放式酒吧，裝潢以淺木色素搭配綠色植物，感覺清新舒服！如果揀Brekkie或者Brunch menu加$15就有是日餐湯或者沙律，蘑菇湯幼滑香濃，口感豐富，沙律就係煙三文魚沙律，清新開胃，兩款都係唔錯嘅前菜！1/2葡式香辣燒春雞配薯條（$128）果然係餐廳其中一款招牌菜式，切落件雞熱辣辣又超多汁，雞皮微脆香辣，雞件肉幾嫩，薯條炸到外脆內綿，蘸埋茄汁同特調香辣醬汁超惹味！FLAMES特盛早餐（$158）有烤煙肉、烤香腸、炒蛋、炒雜菇、烤蕃茄同酸種麵包，非常豐富，炒蛋幾滑，其中炒菇同煙肉嘅咸味比較突出，個人覺得如果麵包可以更香軟就好啦。鐘意食甜品嘅朋友不妨加$35試埋自家製蛋糕，今日就食咗chocolate mousse cake，口感結實綿密，朱古力味超濃郁，面頭嘅開心果仁碎增加口感同香氣！飲品方面，我哋加咗$18試下佢嘅Iced long black同Latte，熱咖啡比凍咖啡出色，如果想飲杯酒，仲有買一送一，幾抵