影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
食家推介
間餐廳好大，但人流唔多，走入去餐廳，已經好韓風喇，有韓國既STAFF，電視就播緊女團K POP既歌曲，仲見到有韓國客人，真係置身係韓國咁。餐廳仲係寵物friendly，帶佐狗狗入去，店員都好鍾意同我隻狗狗互動。 我地因為細食，２個人剩係叫佐部隊鍋。部隊鍋份量都好多，有魚餅、午餐肉、年糕、菜、芝士、粉絲，香味濃郁。本身以為部隊鍋係配公仔麵，意外地係粉絲，我地都Prefer粉絲多過公仔麵。總結來講，２個人食既份量都好岩岩好，下次再黎會試下炸雞。
繼續閱讀
公司搬左去將軍澳. 我地已經急不及待咁睇下附近有咩好食. 由於附近都係商場多, 所以食黎食去都係個d連鎖店. 直到搵到呢個商場. 裡面都有唔少食店, 好多都重係小店黎.今日食呢間係Red Chicken. 佢原來都有三間分店. 主力係食炸雞. 見到其他枱都係食炸雞. 重食到津津有味. 超吸引.但Lunch要一人食碟炸雞又好鬼熱氣. 所以叫左三個lunch set.海鮮拉麵$68, 可以選小辣. 無辣. 或者正常. 今次選左無辣. 海鮮好豐富. d蝦超大隻. 重有青口. 不過有隻重未開口. 食唔到. 由於係無辣. 所以同事話有d淡味. 若果食到小辣的, 可以食小辣. 咁會無咁淡. 但唔好睇少碗拉麵. 相片好細但黎到其實係超大碗. 五花腩拉麵 $63 呢碗要左小辣. 同事話大約等於某店的十小辣. 五花腩都好林. 食落啖啖肉. 不過佢話若果要返normal 的話應該都幾辣. 韓式炒牛肉蓋飯. 睇相好細鍋. 點知黎到. 嚇左一跳. 上面除左有牛肉外, 重有飯, 大量紫菜( 唔食的話呢個係可以走紫菜). 旁邊重有沙律菜加埋隻蛋. 份量驚人. 女士們大可以要小飯, 雖然佢個apps無得選. 咪食完真係超飽. 味道個牛好入味. 重有好多汁係度. 好夠熱. 每個午餐都包一罐飲品. 全部黎自韓國. 個甜米露平日比較少見. 飲落甜甜地. 重有d 類似浸林左的米粒係底. 除此之外, 佢地重有自家制的醃蘿蔔. 酸酸甜甜. 呢個重可以refill.最抵係重唔駛加一. 真係超飽足..
繼續閱讀
兄弟姊妺，唔該撐起眼睛啦！今次講下我喺呢家店食嘅嘢。首先講下甜辣雞翼，啖啖肉，咬落去口感夠晒彈牙，雞肉又嫩，整體黎講真係幾掂！調味做得啱曬，正到不得了。秘製蒜香味就口味稍平，但個雞肉仲係一樣滑溜溜，份量都相當足，肚子好滿足呀！😋另一邊廂，呢個五花腩拉麵就咁咁哋。拉麵個湯底真心唔錯，夠晒醇厚，飲落去先係回味無窮。但就係鹹咗少少，飲完之後好想快啲飲杯水，小小嘅遺憾啦。🍜總括，店家嘅食物質素同分量都算係上中選手，勁推薦試下啲雞翼，唔洗理啲專業嘅食評，來我就實話實說，好食就係好食。👍💯 下次仲會再去，直頭係食指大動添！🔥🤤😊
繼續閱讀
今日同小朋友一齊去咗海天晉食炸雞，我哋下晝一點去到餐廳嘅人唔算多座位，坐得都好寬敞餐廳嘅裝修用咗啲霓虹燈館走型格嘅路線。水果沙律上面撈咗少少酸酸甜甜嘅汁，雖然水果唔算多，但係沙律菜都好新鮮。由於小朋友唔食辣嘢，所以叫咗個檸檬炸雞炸雞好好食炸到好脆個汁酸酸甜甜咁樣小朋友食得好開胃仲叫咗個芝士牛肉飯，芝士上菜嘅時候可以拉到絲，雖然只是好似好多，但唔會太漏加埋啲飯好絕配。泡菜煎餅，個味道較濃同埋辣，所以小朋友食唔到，媽媽同爸爸食晒，其實辣辣地真係幾好食。難得睇將軍澳搵到間中午飯唔使排長龍嘅餐廳都唔錯雖然海天正各位較為唔就腳，但行完海濱去食係一個不錯的選擇。
繼續閱讀
今日，我同朋友去試個間韓式炸雞店。第一次食佢地嘅雪花印第安洋蔥粉炸雞，個名真係好長，見個名有雪字，以為會凍凍地，定係冰鎮炸雞。原來係講 D 洋蔥粉好似落雪咁，撒係炸雞上面，個味都真係好好食！不過要注意一件事，佢地嘅炸雞真係好熱氣，食完之後喉嚨就會有啲唔舒服，所以食完之後，真係要飲涼茶啊！另外呢，我地又試佢嘅韓式金槍魚刺身配沙律～喺一間炸雞店食刺身，真係好少見啊！不過味道 OK，個刺身比預期中新鮮，配埋搭嘅沙律真係好開胃！哈哈，今餐真係一個好有趣嘅體驗呀！
繼續閱讀