影片
港鐵灣仔站 A3 出口, 步行約6分鐘
繼續閱讀
電話號碼
28186289
營業時間
今日營業
10:45 - 20:00
星期一至日
10:45 - 20:00
公眾假期
10:45 - 20:00
公眾假期前夕
10:45 - 20:00
以上資料只供參考, 請與餐廳確認詳情
綠摩 Green Monzter位於灣仔交加街22至30號地下15號舖灣仔站A3出口，沿住莊士敦道，再入灣仔道，再向前行就係交加街 離遠望十分搶眼因為招牌係綠色門口有棵綠色植物更加融入其中餐廳的標誌係綠摩，門口個隻小可愛就係綠摩餐廳由綠摩既爸爸一位係意大利菜同西餐廳經驗超過40年曾任多間五星級酒店總廚係2017年係蘇豪區創立uncle pizza而位於灣仔呢間綠摩就係2023年開幕認真經驗豐富餐廳係星期一至日都會推出午市精選$888吋pizza／是日意粉沙律，餐湯 2選一小食一件今日我叫左出走德國 9吋 $149因為pizza當中我喜歡食辣肉腸pizza出走德國有三種德國腸店員介紹當中紅紅地果條比辣肉腸更辣更過癮我當然唔會錯過啦落單後可以透過玻璃，睇到店員整pizza既過程切腸，擺腸，放芝士等步驟等七分鐘左右就出爐啦薄餅底係薄身比較脆，以曲奇批值得一讚係我家人再返叮pizza都唔會因為放得耐批底變濕或唔脆德國雜腸足足放左3整條非常足料每一啖都食到腸芝士用左好幾種所以有拉絲，溶化，幾種形狀
繼續閱讀
餐廳：綠摩地點：灣仔交加里菜式：Pizza餐牌：16款pizza，6款意粉，前菜，小食，湯，沙律，都有多人套餐。所有Pizza都有兩個size選，呢度連甜pizza都有。所有配料餐牌都有列出。二人套餐包一個9吋pizza、一份意粉、一份小食、兩支汽水或者餐湯，價錢$288。15分鐘左右就有得攞。9吋pizza一開6，size剛剛好，拎上手熱辣辣。食肉怪獸 9吋 $149辣肉腸，西班牙黑毛豬腸，火腿，肉醬，蘑菇，紅洋蔥，雙色車打芝士呢款pizza係世一top，配料有超多肉，外圍見到有多片辣肉腸，中間有好多肉醬，原來食落仲有好多火腿，伴有紅洋蔥絲，蘑菇粒，同埋大量熱熔雙色車打芝士，最後再灑上芝士粉。餅底係燶邊，唔會太厚或者太薄，條邊都好脆。味道食落辣辣地，味道都唔錯，好足料。真係卡邦尼 9吋 $149帕瑪火腿，蘑菇，煙燻蛋見到廚師先喺加左大量雙色芝士條既餅底加上蘑菇粒同一隻蛋係中間，然後先烤，最後先放6片火腿，再灑上芝士粉。切開之後隻蛋就變左流心啦。個卡邦尼餅底好香又滑溜，加上蛋汁更邪惡，而帕瑪火腿都好厚身，鹹香十足。總括而言，呢兩款pizza味道都好味呀，材料豐富，即叫即整，可以係個窗睇住廚師即刻加料整。紙盒夠厚身，乾淨衛生。膠袋$1一個，可以自備呀。
繼續閱讀
超值2人套餐👯♂️ 夏威夷辣妹賣相：🐧🐧🐧🐧🐧味道：🐧🐧🐧🐧🐧薄餅由師傅新鮮即場搓粉焗製，香噴噴非常誘人，食落薄脆香口，口感極佳。薄餅採用黑森林火腿、菠蘿再加上雙色車打芝士製作而成，車打芝士濃稠惹味，配搭鹹香彈牙的火腿，以及清新香甜的菠蘿粒，滋味馥郁又不失清爽，風味一流之選👍 卡邦尼蛋汁意大利粉賣相：🐧🐧🐧🐧🐧味道：🐧🐧🐧🐧🐧意粉以濃郁的卡邦尼蛋汁煮製，食落充滿美味的蛋香，奶油忌廉的馥郁滋味滿溢，再加上鹹香脆口的煙肉碎粒，口感味道都非常出眾，令人回味無窮。煙三文魚芝士春卷🌟 配青芥末蛋黃醬賣相：🐧🐧🐧🐧🐧味道：🐧🐧🐧🐧🐧春卷同樣新鮮即炸，金黃又酥脆，咬開惹味的芝士餡料滿溢，配搭鹹鮮燻香的煙三文魚，再沾上辛香可口的青芥末蛋黃醬，滋味出眾令人食不停口。🐧❣️跟餐可選餐湯或汽水❣️🐧❣️店舖特意設計了綠色魔怪作吉祥物，可愛又別緻，到訪記得一起打卡🥴❤️ 🐧❤️結語：手工薄餅高質有誠意，必食推薦👍
繼續閱讀
屋企人話想食pizza，跟住我哋就決定試吓呢一間既外賣Pizza店。呢間店舖嘅裝修好特別，成間鋪全部都係綠色的！好顯眼！而今次我地就點咗佢嘅二人套餐$288就已經包左一個九吋嘅pizza，今次就加錢轉咗佢嘅夏威夷辣妹！ 但係其實呢個Pizza並唔係辣嘅，而且好足料成個Pizza都充滿哂黑森林火腿，菠蘿及雙色車打芝士！ 而另外意粉我哋就揀咗意大利肉醬伴溫泉蛋意大利粉，有香草味 ，而且有埋溫泉蛋做點綴，味道好濃厚！小食方面我就揀咗脆炸棒棒雞鎚，呢個我覺得好有驚喜，炸得好好，外脆內嫩，好Juicy！而飲品我就揀咗餐湯，有粟米湯同埋有黑松露野菌忌廉湯，忌廉湯好Creamy，而黑松露野菌湯好香黑松露味，雜菌好多tim！
繼續閱讀
Happy Friday 跟一群同事去了一間外賣創意pizza，十分驚喜好足料~ 我們點了他們的招牌款「綠摩」及「五式芝士」，兩款口味各具特色，賣相好得😍首先是「綠摩」，12吋大pizza以薄脆餅底為基底，鋪了幾片滑順的牛油果醬及酸忌廉，再配以香辣可口的辣肉腸、肉嫩多汁的西班牙黑毛豬腸。再加上墨西哥脆片的點綴，交織出層次豐富的滋味💖 還有雙色車打芝士的鹹香濃郁，令人食慾大開🔥另一款「五式芝士」9吋細pizza同樣以薄脆餅底為本，上面鋪滿了意大利馬蘇里拉芝士、希臘菲達芝士及哥根蘇拿芝士，再淋上一層甜蜜的蜂蜜，口感層次豐富，迷人至極👍🏻 每一種芝士都有其獨特的風味，與蜂蜜的搭配更是天衣無縫，交織出濃郁綿密的芝香，絕對是芝士控的至愛😆😆😆 不過有人可能會覺得藍芝士好臭，但鐘意食就覺得好好味啦！
繼續閱讀