影片
港鐵土瓜灣站D1出口, 步行約8分鐘
繼續閱讀
電話號碼
27250777
63748283 (WhatsApp)
開飯介紹
餐廳寬敞乾淨，主打印度及土耳其菜，菜式選擇極有地道風味，提供不同口味的印度披薩，如香草串燒雞肉、香辣味牛肉等。餐廳亦提供傳統印度咖哩、卡巴及小食等。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
-
網上訂座服務暫停
有次落開去紅磡, 一直都想試下 Curry & Kabab Hut , 以下係我對佢嘅簡短評價。食物：咖喱羊個味 ok, 但又無乜特別, 感覺佢地落得唔係太足香料, 而且羊肉切得太細舊同埋瘦, 導致性價比低。Mango Lassi 都幾甜下, Naan 就正正常常。環境：雖然卡位好坐, 但冷氣不足, 都幾熱下服務：冷淡, 好似只係想做番同鄉生意咁, 埋單 thank you 都無, overall 感覺唔係太好同區近似嘅選擇都係得嗰間中東連鎖店, 或需要過去土瓜灣, 但首次光顧嘅印象麻麻, 回頭機會極微了。
繼續閱讀
係附近番工, 今日想食D特別的食物, 醒起好耐都無食過呢間印度餐廳, 於是就同 同事黎食下印度咖哩午市套餐不貴, 都係HKD5X-7X左右, 有素食餐、捲餅等, 咖哩可配飯或薄烤餅Roti, 或者加錢配烤餅(naan)都可以。我叫左牛油雞咖哩, 加左5蚊配Naan, 同事就叫左Roti, 咁我地share 黎食, 就可以2種薄餅都試到啦! 另外套餐配餐飲，可以簡汽水/凍熱印度奶茶, 或加錢轉其他野飲都可以。天氣少凍, 我簡左熱印度奶茶, 試下新野!等左一陣就上左套餐了, 牛油雞咖哩唔辣, 帶有微微的酸味, 顏色偏橙紅, 我覺得應該佢應該係加左少少蕃茄。配埋Naan黎食, 非常惹味。Roti 比Naan薄, 帶有少少麥香, Naan就偏向用麵粉整, 兩種烤餅配咖哩都好味。最後飲杯印度奶茶，覺得應該有因應香港人口味而落少少印度香料, 飲落唔會好甜, 熱飲都ok, 但同事叫凍飲就唔係幾接受到呢個異國風情的奶茶味。
繼續閱讀
前排同朋友黎呢間餐廳午飯，點了一個咖哩味牛油雞飯同雞扒漢堡包配薯條，大家一齊食。食落感覺唔係好新鮮，特別係朋友既牛油雞，同埋醬汁味道同正宗咖哩有啲出入。雞扒漢堡包一開始食感覺唔錯，不過後來發現雞質料比較淋，食落像溶左既醬多過真正一塊的雞扒，而且配料例如番茄和青瓜同醬汁味道唔太夾，提升唔到食趣，如果呢個價錢，相信在其他餐廳，可以有更好的食物質素。環境方面，座位都算舒適，不過冷氣真係唔夠，如果愛食辣既朋友，相信要準備多幾張紙巾先可以了。總結來說，這間餐廳食一次就夠了，不會再光顧這間～
繼續閱讀
星期五加完班，搵個地方食下野，上次黎崇潔街食完茶記見到呢間中東餐廳，記起佢就黎試下。門面都幾黑，唔留意真係唔知有無營業😅自己入店隨意坐低，記得上次見到個二人餐幾啱食，今次就叫佢先。🍽️Crispy papadums with mint chutney店舖細細，眼見老闆加員工唔多過三個人，但都好快送上welcome dish，印度脆餅同薄荷醬，鹹鹹脆脆仲有少少胡椒味，幾好食吖。🍽️Spring rolls頭盤係蕃茄湯或春卷二選一，我哋揀左後者，即炸的熱辣辣，味道同中式春卷差不多，內邊都係椰菜同紅蘿蔔絲餡。🍽️Baingan masala蔬菜類三選一就揀左馬沙拉茄子，賣相雖然係一團咁睇唔出係咩，但仔細望下其實見到切碎嘅茄子，仲有洋蔥、紅椒、蒜頭等，味道有著濃郁的蔬菜味，仲帶蒜香，上面灑的芫茜乾更係帶著香茜味😋🍽️Lamb curry咖哩三選一就揀了咖哩羊，是一碗咖哩汁中放了幾塊羊肉，羊肉已炆得軟腍，雖然係瘦肉仲入口唔算鞋口，咖哩汁香料味重仲帶少少酸味，微辣幾正喎👍🍽️Naan主食可選印度尖米或印式烤餅，是二人份的，我倆都選了烤餅，上枱見已切成六片，份量很足喎。煙煙韌韌的很有咬口，點咖哩食特別正。🥤Soft drink跟餐飲品有罐裝汽水，就飲可樂好了。二人餐$188無需加一，幾抵食喎😘
繼續閱讀
Dinner想食咖喱，見到附近呢間食評都唔錯就試下，第一次食印度野，點知真係有驚喜叫左個2人餐 $188 連飲品首先上既餐前小食係一塊薄脆餅，可以配綠綠地色既醬，但塊餅有啲鹹，個醬有薄荷味，個人就麻麻地……之後上既春卷熱辣辣，面頭灑了少許胡椒粉終於到主菜，我地叫左牛油咖喱雞（左）同咖喱雜菜（右）+印度飯&烤餅咖喱唔會太辣，雞既份量都足夠，估唔到既係咖喱雜菜有好香既穫氣配飯一流！呢個質素絕對可以再去！應該推介比更多人知道！
繼續閱讀