今日嚟到觀塘APM，行咗陣商場，就覺得好肚餓🤤，於是乎搵吓有咩食。 經過見到茶木做緊最新優惠，$78有類似火鍋嘅嘢‼️，於是乎想試吓。 佢有三種味道：超夯風味臭臭鍋、濃香番茄豬肉鍋、秘方沙茶牛肉鍋😋😋 我哋有揀咗蕃茄味同埋沙茶味，而配料都有牛肉同埋一啲常見嘅火鍋丸。 講吓味道方面，蕃茄味湯底，個味道唔太出，唔係真係食到濃郁嘅蕃茄味，而牛肉同埋丸類都正正常常。算係比較平嘅貨源。 而沙茶味有啲驚喜，因為佢嘅湯底都幾濃，所以每啖嘢都有食到沙茶味。😋😋 總數連埋加一一個人$86，算係比較抵食嘅小鍋💯

悠閒週末路線，悠悠下嚟咗呢度，簡單地食個二人晚餐暖暖胃。 本身胃口細，2人只係叫咗4樣嘢食。食物整體份量唔多，賣相可以睇下圖⋯⋯ 叫咗壺茉莉，不過俾錯普洱，可能茉同洱差唔多搞錯咗。同店員講返，好快就換返。茶係幾好飲嘅❤️ 第一樣係醉雞及前菜👇🏻 雞肉入味，雞皮唔膩。不過，肉質唔係幾滑的，賣相亦可以更好！ 上湯菠菜👇🏻 蟹粉小籠包👇🏻 小籠包皮薄，肉汁豐富。但上桌時已經鄒皮😮‍💨 嫩雞煨麵👇🏻 味道正常，溫度適中。但係賣相有d sorry🙅🏻‍♀️ 今晚食嘅都不是山珍海味。以差唔多$600/2人埋單嚟講，賣相同份量都要改進吓🙇🏻‍♀️

超級大伏！又貴又難食！ 叫左90分鐘無限任食，落單後好快有串燒上枱，但全部係凍既，相信一早整定擺放已久。再試芝士焗生蠔，又腥又凍，完全未焗熟。烤羊扒又騷又肥，極難食。自助食物只有少量炸物，蟹鉗麥樂雞等，但竟然都係好難食。蘑菇湯稀似水，完全冇味。 叫左杯+$68凍飲Oreo smooth，基本上成杯都係冰，飲兩啖就冇哂。5人用餐，餐廳只提供一支水，再加水要每支收$10。 當日入座率只係一半左右，多次漏單冇上齊食物。用餐日期係星期二平日，星期三係佛誕紅日假期，原來仲有假期前夕附加費！餐牌底下有小字註明但職員介紹時完全冇提及過，冇紙巾提供，甜品冇甜品匙，然後仲收加一。 食完餐飯後一直耿耿於懷，做左超級大傻仔。咁貴既收費完全冇任何加分位，簡單係人生食過最伏餐廳榜首…

不定期推出新品的咖啡店，是會有驚喜欵😎。每一次去到也有新款，而且店舖分店多了，所以感覺挺方便。去到海港城就會想起這家，平日晚上去人流少點，可以跟朋友慢慢享用🙈。 - ▪︎蜜糖伯爵茶鮮奶 HKD$44 熱辣辣的飲品味道挺香，用了玻璃瓶裝著，可以自己倒進去有儀式感😌。杯子更換了做粉紅色，顏色很美欵📸。清香伯爵茶加上香甜蜜糖，口感順滑味道挺配合的。 - ▪︎Baileys Chocolate HKD$73 用 Baileys 酒調配的朱古力，多了份獨特的香味，平常也喜歡飲的😍。甜而不膩的朱古力，散發著酒香味，酒味不會太重。 - ▪︎牛油果碎蛋貝果配沙律 HKD$83 這款較健康的主吃，一分為二挺方便吃😚。貝果質感煙韌，牛油果碎蛋質感香滑，簡單調味感覺可以欵。再吃新鮮沙律菜，吃到飽飽欵。 - ▪︎炸魚卷配希臘乳酪醬 HKD$126 這個一份有兩件，裡有多款配料口感豐富。熱辣辣的炸魚口感酥脆😚，肉質鮮嫰帶肉汁。沙律菜新鮮爽脆，餅皮挺有嚼感，醬汁酸酸的挺開胃。 - ▪︎西多士拌鮮果漿及雪糕配自家製海鹽焦糖醬 HKD$76 金黃色的賣相味道很香，這個的西多真的YYDS！厚厚的鬆軟微脆，味道微甜惹味。配雪糕或海鹽焦糖醬各具特色，跟朋友一人一人開心Share吃☺️。 -

🎉🎊又有一間內地椰子雞煲店「四季椰林」進駐香港🇭🇰首間分店選址旺角，「四季椰林」係深圳擁超過𝟔𝟎間分店，係唔少港人北上推介「必食」餐廳之一😍今日就同屋企人去試下！ ⋄ 😎作為全國椰子雞火鍋領導品牌之稱，餐廳標榜「只用山林放養海南文昌雞」、「不加𝟏滴水，𝟒個椰子𝟏鍋湯」🍲店舖主打椰子雞火鍋🌴🐤由食材至湯底都是採用𝟙𝟘𝟘%天然椰子水，𝟎脂肪、𝟎香精、𝟎添加，不加𝟏滴水，𝟒個椰子𝟏鍋湯，成就清醇的椰子湯底🥥🍲而雞是用正宗海南走地文昌雞🐥肥瘦適中，口感鮮美嫩滑👅整個湯底不油膩，食用前一定要先嚐一口湯，以後係香港都可以嘆到清甜雞湯啦😋😋 ⋄ 🎉新張優惠🎊🎈 ①凡於5月25日至5月27日 惠顧椰子雞火鍋，即可免費加配文昌雞半隻（原價$158元） ②凡於5月28日至6月30日惠顧四季椰林海南椰子雞，即享八折😍 ⋄ ⋄ ====—====—====—====— ✦ 招牌湯底 海南風味 ✦ 原味椰子雞（$208/半隻） 🥥椰子湯底採用天然椰子水，不加1滴水，難怪煮出來的湯鮮甜無比，忍唔住飲左幾碗湯😚 — 而雞是使用🐥海南文昌雞，是聯合海南大學深度研發，肉質比一般的更富爽脆彈的口感，配上沙薑，辣椒和青檸仔味道更佳☺️ ⋄ ✦ 靈魂小吃 開胃過癮 ✦ 🐤海南香辣文昌雞腎（$38/份） 這個涼拌非常開胃，雞腎只用海南文昌雞腎，香辣酸甜，非常開胃😜 ⋄ ✦ 葷素搭配 火鍋標配 ✦ 🥩原切和牛雪花牛肉（$198/份） 選肉澳洲M5上腦和牛，屬天然甄選，肉質鮮味，入口嫩滑😙 ⋄ ✦ 八大經典 款款必點 ✦ 🍄鮮珍山菌拼盤（$78/份） 𝟒款菇菌屬自然菇菌，是隨鮮搭配，當中鮮牛肝菌是四大菌王，滑嫩爽脆，營養美味🤤 ⋄ ✦ 時令海鮮 ✦ 🐟中山脆鯇魚片（$58/份） 脆鯇魚片是國家地理標誌產品，輕輕涮約秒便可，口感鮮嫩脆滑😎 ⋄ ✦ 麵食 ✦ 🌴🫶🏻椰林心形粉（$48/份） 心形粉條超吸睛，入口煙韌爽滑，帶有啖啖椰香味道，口感特別之餘又富飽肚感😛 ⋄ ✦ 鮮活蔬菜 菌菇豆品✦ 🎋「非遺」鮮龍鬚筍（$58） 龍鬚筍是峨嵋非遺特產，是人工採摘，條條鮮嫩脆口，很特別😋 — 🥬嫩雞毛菜（$28/中份） 雞毛菜是小白菜的嫩苗，口感和質地更為柔嫩，味道清香，浸在椰子湯內非常美味🤤 ⋄ ✦ 特飲 ✦ 🥥𝟙𝟘𝟘%天然椰子水（$36/瓶） 椰子水味道清香，清爽怡人，天然甜味非常滋味，配上特別的水泡狀的容器盛載，非常吸睛👀 ====—====—====—====— . 📌店名：四季椰林海南椰子雞’ 📍地址：旺角太子道西193號MOKO新世紀廣場4樓402-403號舖

同老公去左觀塘海濱匯Flames 食brunch, 侍應mainly都係外國人, 講英文, 但全部都好nice 好熱情, 黎到Flames 會以為自己離開左香港去左旅行咁, 餐廳環境好闊落, 有室外座位, 如果秋天涼d坐出去應該都幾舒服 我地order左紅酒燴牛面肉草菇扁意粉, 牛肉好香&炆到好軟淋, 意粉彈牙, 調味亦好出色, 完全無落味精, 食完唔會好乾好口喝咁 另外又order左個馬格麗特pizza, 羅勒葉真係超新鮮, 咬落去竟然有爽脆口感, 芝士味唔算好濃, 係一般唔食開cheese 既人都接受到的大眾口味 跟餐加$15就有餐湯, 餐湯好creamy, 又抵又好飲

🌿素年經典不可能芝士漢堡 超大份量，大愛漢堡皮和紅薯條，肉餅我就麻麻地，唔知道點解總覺得有點苦 🌿泰式辣味冬陰功意粉 鍾意食辣一定要點，應該處於中辣，濃濃的冬陰功味，超正👍 🌿熱焦糖燕麥奶咖啡 超香的燕麥味，真的好喜歡呢個味道，感覺好溫暖 🌿凍朱古力咖啡 Ummm，偏苦🥹不是我想要的味道，有一種好消腫的感覺 大量的木質裝修，給人一種自然又文青的感覺，影相非常的出片📷玻璃大門的設計讓自然光充滿室內，寬敞闊落的位置不會令人覺得好侷促😌非常值得去打卡

旺角太子地點最方便，日本嘢又係大家嘅至愛，今日就同朋友約咗去東京街呢間喺始創附近嘅日式餐廳食飯。 我哋叫左： 🌟三文魚帶子甜蝦丼($88)： 有4件三文魚、2隻帶子和2隻甜蝦，份量都算幾多，抵食👍🏻 🌟油甘魚刺身（$68）、三文魚腩刺身（$88） 擺盤賣相好靚，刺身鮮肥美，感覺好幸福🥰 🌟怪獸三文魚腩壽司（$25）：夠大件 🌟油甘魚腩壽司（$25/2）：壽司塊魚薄過刺身，但一樣好食😋 🌟大赤蝦壽司（$14/2） 🌟原隻北寄貝壽司（$14） 🌟加拿大海膽壽司（$36）：一睇就知新鮮 🌟池魚王刺身（$138/5）：平時少食，比三文魚爽口啲 地點方便，食物質素幾好，價錢大眾化，壽司和丼都非常抵食，難怪叫外賣和堂食的客人絡繹不絕。 #太子 #東京街 #壽司 #刺身 #丼 #日式餐廳 #香港美食

谂食乜？Indian cuisine 就真係向腦𥚃永遠不浮現😅而每次有这朋友帶就一定冇得輸🥰 如果問我味道係點？我只可說：亂🤣⋯⋯因為他們嘅味道真的好複雜，但最令深刻的是🦞Lobster champagne curry, 好濃嘅香檳🍾味 👍🏻👍🏻👍🏻 吃過這一餐令我心思思再食印度餐🥰🤭🤣

一行五人嚟到錦田天空之城食糖水，疫情期間都幾多人流，反觀依家平日夜晚去都冇晒人🥲希望小店支持住！！ 朱古力心太軟 $48.00 加5.0軟雪糕 $18.00 每次黎必食！食得出係靚黑朱古力🍫 酒釀牛奶冰酥酪 $25.00 因為想食之前推出嘅酒釀小丸子，不過已經換咗另一款今次試呢個，但係個人嚟講唔係太鍾意食😂 簡單啲講，佢係酒釀布甸 芒果芭菲杯 $58.00 5.0嘅軟雪糕加芒果汁小丸子 花膠碗仔翅 $38.00 估唔到都幾足料～ 楊枝金露配 $55.00 雪糕球轉D24榴槤球 $9.00 個人奇怪配搭😆同埋好少地方有榴槤雪糕，佢個雪糕係直至食晒成碗都唔溶，好堅硬😂 小家園 $48.00 芋頭雪糕配水晶涼粉、小丸子、紅豆，性價比高💗

📍 新沙洞大排檔 大角嘴神還原韓國大排檔，一入門口即刻去左韓國咁😙不論係座位定佈置同氣氛，全部都係韓國既感覺，佢地嘅野食都幾過癮🥳呢到特別想推介鐵板系列，店員會幫手燒，熱辣辣點醬食好正，鰻魚都幾彈牙。食肉獸可以試下黑毛豬，用菜包住食夠哂feel🇰🇷佢地嘅草莓牛奶配蜂蜜比我想像中更比，夠兩個人飲，有原舊蜂蜜，超好飲，奶味同蜂蜜好夾 👅韓式鐵板燒鰻魚 👅鐵板燒濟州黑毛豬 👅韓式紫菜卷 👅草莓牛奶配蜂蜜特飲

早前在經過沙田新城市廣場，無意中發現中最高那幾層原來多了很多食店，真的想不到這家主打潮汕菜的陳鵬鵬連平日也坐無虛席,除了有潮汕滷味，也有南澳蠔仔海鮮及各類泡飯，菜式豐富之餘，以食材質素及味道來說,價錢亦十分宜人!
-
說實在很喜歡這裡的金獎滷水拼盤鵝片、掌翼、豆腐、廣章和溏心蛋用料豐富，擺盤擺的美美的。餐廳用了獨創12味草本滷汁，每日都會新鮮製作, 鵝片入口咸香鮮嫩，肉汁濃郁。鵝肝入口滿滿滷水味香而唔鹹。掌翼也鹵得入味呢。-
海鮮砂鍋粥呢煲粥有蝦、蜆、蠔等海鮮與有機大米一齊熬煮，多種食材吃起來口感濃郁又富鮮味！蠔仔新鮮的飽滿有彈性！比喜傳統蠔仔粥更加多層次呢！-
愛吃原條魚肉的我超愛這裡的香煎鯧魚 鯧魚肉質細緻，魚皮煎得金黃香脆，最重要是肉厚又少刺，怕骨的也變得不怕，簡單煎香魚肉鮮嫩多汁。-
除了飯麵及家常菜式外
這裡的湯品也很有水準胡椒豬肚湯豬肚肉質滑滑的，酸菜蕃茄湯也開胃醒腦，食落乾淨冇異味！
數十元能喝到這質素真的很棒! 認真說,以這價錢，免卻舟車勞頓之苦
比北上吃飯吃名菜更方便省時呢～



#陳鵬鵬潮汕菜館 #沙田新城市 #潮汕菜 #香港美食

去環保大道放完狗過嚟搵野食 最後揀左飲夜茶！ DHYC位於將軍澳海旁，面向住海景，海風吹送加埋餐廳本身雖然半開放式但都有足夠嘅冷氣，所以好舒服 茶葉選擇好多，我地揀左碧螺春 鵪鶉蛋松露燒賣（$55) 有得食鵪鶉蛋燒賣嘅地方真係買少見少 呢度除咗有鵪鶉蛋燒賣之餘，佢仲加上松露，而且佢嘅鵪鶉蛋仲係處於一個流心嘅狀態，真係好出色！ 韭菜金錢蟹盒（$55) 炸雲吞皮金黃香脆；蟹肉味道唔算好突出，但係適當地蓋過咗韭菜嘅草青味，唔食鍾意韭菜嘅我都可以接受到 蒜蓉粉絲蒸鮮魷（$48) 鮮魷爽甜，下面擺咗大量嘅粉絲，粉絲索咗先有嘅醬汁，係呢個點心嘅靈魂 牛肉球（$38) 正常發揮 招牌小籠包（$48) 皮薄多汁！餡肉大大粒好嫩滑，一口爆汁！ 焗叉燒包（$38) 外皮金黃好似菠蘿包咁，入面有滿滿嘅叉燒餡，外酥內濃 XO醬炒腸粉（$78) XO醬又香又辣，配上本身冇乜味道嘅腸粉好夾 加上有芽菜令到口感豐富啲 推薦！

第一步曲食頭盤三文魚刺生，魚肉新鮮，厚肉肥美，味道鮮甜有油香。 第二步曲就係任食雞煲，雞肉好入味，醬汁好香濃惹味。 雞煲入面仲有豬皮，豬皮索晒d醬汁，好好味。 第三部曲小食任食，醋香雲耳，麻辣鴨血，炸黑松露蝦多士，炸三文魚。 鴨血口感少少煙韌，麻辣味好香，不會嗆喉，好入味。 蝦多士即炸熱辣辣好香脆，蝦肉夠厚肉鮮味。 炸三文魚好脆肉嫩。 第四步曲，換另一個大鍋打邊爐，有幾款湯底選擇，我揀左胡椒豬骨湯底。未食已經聞到好香濃既胡椒味， 未打邊爐前先飲一碗湯，湯頭好濃郁，好夠胡椒味。之後會有一份海鮮拼盤，有蝦、蜆、魚、蠔、尤魚、螺， 海鮮同個湯底好夾，味道好鮮甜。之後仲有其他配料追加，肥牛、豬肉片、水餃、鮮牛肉丸、炸魚片。 環境、服務、同食物都有質素，無酒精飲品任飲，價錢合理。

之前見Restaurant Week有間多年米芝蓮一星全牛宴，秒速Book檯🤣我地揀左要Medium Rare，出到黎每一道都幾穩陣，但差咁啲好Wow既元素🫢不吐不快既係，碟底搞到張墊勁多水氣，侍應收野唔抹之餘，仲要擺下一輪餐具落攤水度，難怪咁多人話服務有待加強🥲 ▪️ Hong Kong Restaurant Week Spring 2024 Winners' Edition Elite Signature Dinner💲1180 Per Person 1️⃣ Complimentary Glass of Bubbles 先來一杯Prosecco🥂麵包鬆軟輕盈，單配橄欖油🥖 2️⃣ 🌟Scallop Ceviche 帶子嫩滑鮮甜，配上柚子醋同埋微辣醬，感覺幾開胃🌶️ 3️⃣ 🌟Wagyu Tataki, Yuzu Ponzu Sauce 牛肉他他片口感柔嫩，同樣配上柚子醋，但酸度高一點 4️⃣ Kobe Ravioli in Consomme 迷你雲吞個皮略硬，個餡係牛肉蓉，倒入既高湯暖身清澈順口，仲有少少菇菌味，飲完個人幾舒服🫣 5️⃣ 🌟American Prime "Black Angus" French Bavette 係比較瘦既部位，帶點嚼勁，肉味香濃，可惜朋友話佢嗰舊會有啲韌，薯蓉口感幼滑🥔 6️⃣ 🌟Miyazaki Striploin 呢舊油脂豐盛，近乎入口即溶，配上唔會辛辣到攻鼻既Wasabi，又無咩違和感，仲可以降低油膩感，底下就墊左舊乾身少少既香菇🍄 7️⃣ Tiramisu 以拆件形式呈現，Mascarpone Cheese上面有浸咗咖啡嘅蛋糕粒、朱古力曲奇、脆豆，感覺新奇但唔夠滿足🍫 最尾既Petit Four係雲呢拿泡芙，外皮鋪滿糖霜都幾脆口，裏面係冰凍幼滑既吉士😛 🔎 整體評分（8/10）