最近同朋友去咗食Omakase午餐，試咗佢哋嘅 Omakase 套餐$678/位。套餐包咗 13 件壽司同 1 件手卷、沙律、茶碗蒸、湯及甜品。每一件壽司都用上靚嘅食材，配搭得宜，真係新鮮。 💟沙律、茶碗蒸💟 沙律菜非常新鮮，酸酸甜甜好開胃。茶碗蒸用料豐富，入面有海鮮、蟹肉、蒸蛋夠滑。 💟壽司🍣💟 **蜜柑鯛** 蜜柑鯛有淡淡嘅蜜柑香味，魚肉嫩滑爽口，真係一試難忘。 **北海道帆立貝** 北海道嘅帆立貝，鮮甜多汁，肉質結實，口感豐富，海鮮迷必食。 **靜岡金目鯛** 呢款金目鯛經過熱水快煮，再火炙，油香四溢，配埋蔥香，魚味濃郁，層次好豐富。 **大分縣深海池魚魚腩位** 魚腩位肥美，搭配柚子皮，帶有淡淡嘅果香，口感豐富，令人回味無窮。 **密烏賊** 密烏賊做咗細切，口感微黏，搭配紫蘇葉，味道甜美，非常特別。 **赤貝** 赤貝爽口彈牙，油分唔多，冇加太多 wasabi，保持咗魚本身嘅味道。 **BB銀鱈魚** 呢款銀鱈魚油分豐富，經火炙後搭配柚子胡椒醬，味道層次分明，真係好驚喜。 **冰庫縣甜蝦** 甜蝦嘅蝦膏超鮮甜，蝦肉嫩滑，入口即化，帶有海水嘅鮮味。 **飛魚** 飛魚口感黏滑，配上蔥香，風味獨特。 **細池魚** 細池魚味道濃郁，搭配薑蓉，更添風味，口感豐富。 **生鯖魚** 生鯖魚經過火炙處理，魚味更加突出，鮮美無比。 **吞拿魚** 呢款吞拿魚會酸味重，味道濃烈，魚味較鮮。 **馬糞海膽** 馬糞海膽新鮮無比，入口即化，帶有海水嘅鮮味，絕對係海膽愛好者嘅至愛。 **蔥吞拿魚手卷** 呢款手卷用咗新鮮嘅吞拿魚，配埋蔥花，口感滿足。 💟湯品同甜品💟 最後，餐點仲包括咗一碗濃郁鮮美嘅湯品，暖胃又舒服。甜品方面係益力多雪糕，甜而不膩。

(*˘︶˘*).。.胡蝶• 泰Thai butterfly:*♡ 胡。蝶泰新推出的2人同行即送火焰泰式燒春雞超讓人驚喜！！
贈送的春雞還會“跳舞”！！ 其實是店員會即淋酒在春雞上起火， 但燒春雞的味道焦香惹味,肉質細膩香口，點點秘製泰汁，好喜歡這香辣味😋😋 基本上送的春雞都已經是一道主菜了，
再叫蔬菜及海鮮，基本上兩個人都已經吃得很飽了，
例如泰式金柚肉鮮蝦沙律， 吃起來香甜清爽之餘，蝦球彈牙， 沙律口感層次極豐富。
馬拉盞炒通菜，鑊氣夠，炒得清爽咸香， 馬拉盞的味道也香鮮! 還有香茅鹽燒海鱸鱸魚，
原條上的海鱸鱸魚， 想不到香單香芽和泰式香料焗製的鱸魚也可以這麼好吃! 肉嫰也不腥，細膩好食。- - 二人同行以食材質素及味道來說,
價錢十分相宜!
記得留肚子飲泰式特飲啊~~~ 個人超愛班蘭龍眼冰，清甜清暑😚😚

胡蝶• 泰Thai butterfly
尖沙咀厚福街8號H8 16樓。

呢晚食「重房」廚房發辦，食材高品質，體驗好好👍🏻。 🔸北海道紫海膽法國魚子醬 白蝦三文魚子 食材新鮮，層次豐富，好鮮甜👍🏻好睇又好味 🔸蜜甘鯛 爽嫩鯛魚肉沾上秘製豉油及柚子皮，入口清爽。 🔸九州象拔蚌 鮮甜美味，肉嫩，廚師精心切紋，表面少量岩鹽提升鮮味。 🔸鮟鱇魚肝 底部係鱈魚乾，上面係鮟鱇魚肝同醃蘿蔔，魚肝香濃，口感獨特，用心之作😽 🔸小長井真蠔・華漣 蠔肉厚鮮滑，廚師特製咗啫喱醋，令蠔味道更鮮美。 🔸磯煮鮑魚煙韌有彈性，自家製肝醬增添層次😋 🔸螢光魷魚食材新鮮，唔使醬油已經好好味。 🔸腦天 紫蘇葉夾喺吞拿魚腩同額頭，用紫菜包住，咬落口感豐富，紫蘇葉清新口感好突出。 🔸南瓜湯球 咬落去湯汁爆晒出嚟 🔸金鯛立鱗燒 燒香魚皮，令表面鱗片都脆卜卜，魚嫩多汁，讚👍🏻 🔸梭子魚 表皮燒到脆薄，外表吸引，點柚子胡椒醬食幾夾。 🔸北海道馬糞海膽 海膽鮮甜，份量超多，比例仲多過壽司飯，好滿足😋 📍重房 (銅鑼灣) 銅鑼灣加路連山道1號地下18-19號舖

一直放在口袋名單的元朗葡萄牙風咖啡店 Brava Java
前陣子終於的起心肝到訪！ ( 元朗對我來說確實有點遠... 哈哈 )  
咖啡店以葡萄牙風為主題 整個用餐環境以瓷磚、木系桌椅和藍白色調為主視覺元素
連餐盤都配合到餐廳主題 滿滿打卡點！✨
餐廳座位位置不算多 人流絡繹不絕 也有不少人外賣咖啡☕️  
當天試了他們的﹝𝙱𝚛𝚊𝚟𝚊 𝙱𝚛𝚞𝚗𝚌𝚑𝚒𝚗﹞﹝𝙼𝚊𝚙𝚕𝚎 𝙱𝚊𝚌𝚘𝚗 & 𝙵𝚛𝚒𝚎𝚍 𝙴𝚐𝚐 𝙲𝚛𝚘𝚏𝚏𝚕𝚎﹞
兩個份量也很多～ 用料也很高質～
特別喜歡煙肉太陽蛋 Croffle 擺盤精緻外也很酥脆！
加上太陽蛋和楓糖煙肉鹹甜交織很好吃  
飲品點了 flat white 和 matcha latte 都很不錯～
當天咖啡的豆子偏 nutty  
最後以﹝𝙱𝚕𝚊𝚌𝚔 𝚂𝚎𝚜𝚊𝚖𝚎 𝙲𝚊𝚔𝚎 𝚠𝚒𝚝𝚑 𝚃𝚘𝚏𝚞 𝙼𝚘𝚌𝚑𝚒﹞作結
黑芝麻非常香～ 豆腐的香味中和黑芝麻的濃郁外 mochi也很chewy
是會再回訪的餐廳呢

荃灣有好多間小店，今次去左一間日本餐廳初見食個Lunch。 餐廳裝修有少少花草點綴，感覺幾清新。食物就有相當多選擇，除左日本餐廳必備嘅壽司、刺身、拉麵、咖哩飯之外，比較特別嘅仲有Burger同吉列牛。 今次就試左吉列豬扒咖哩飯，擺盤相當有心思，醬汁、豬扒、白飯分開上，唔怕浸淋豬扒。豬扒炸得好香脆，厚度適中，更附上蛋黃醬可以蘸。而咖喱汁嘅分量都相當闊綽，撈飯一流。 另外試左照燒牛burger，burger好厚身，牛肉夠juicy，配料清新，其中醬汁加左日式照燒汁同沙律汁，好有日式fusion感覺。值得一讚薯條係厚切，新鮮炸起夠熱辣辣。 主食加$38可以升級做set，包刺身一份、湯同熱飲，刺身有四塊，新鮮肥美，而湯就揀左南瓜湯，非常creamy！

荃灣WM CAFE無疑係一間佢哋餐飲水準同服務都做到尖端嘅餐廳。每次去，都有新驚喜，令人回味無窮。今次去食，選擇咗幾款招牌菜式，每一款都令人印象深刻。 首先，WM焗安格斯牛肉醬芝士千層麵配薯蓉（$88），絕對係餐桌上嘅明星。牛肉醬濃郁而唔膩，配上層層疊疊嘅麵片同融化嘅芝士，令人一啖又一啖。薯蓉嘅加入更加增添咗呢道菜嘅豐富口感，每一口都享受到牛肉嘅鮮美同芝士嘅香濃。 再講講WM炸雞翼6件（$58），柚子醬味嘅調味令人耳目一新。雞翼外脆內嫩，柚子醬帶嚟嘅微酸微甜，令雞翼嘅味道更加突出，真係炸雞翼中嘅極品。 吉列墨魚餅6件（$58）同樣值得一試。外皮酥脆，墨魚肉質彈牙，每一啖都充滿咗墨魚嘅鮮味，令人回味無窮。免費餐包 最後，D餐 香煎帶子海鮮龍蝦汁扁意粉+忌廉龍蝦蟹肉湯+朱古力心太軟+百香果冰紅茶 （$178）就係一個豐盛嘅饗宴。由香煎帶子開始，每一樣食材都處理得恰到好處，海鮮龍蝦汁扁意粉嘅味道濃郁，忌廉龍蝦蟹肉湯滋味豐富。朱古力心太軟外層酥脆，內裏朱古力流心，配上清新嘅百香果冰紅茶，完美結束這頓美餐。2人埋單$420 總體而言，荃灣WM CAFE嘅美食質素一流，每一道菜都有佢哋獨特之處，值得一試。係荃灣咁嘅好去處，無論同朋友聚舊還是一個人享受，都非常合適。期待下次再去，繼續探索佢哋嘅菜單。

尖東區嘅食肆有好多選擇，最吸引嘅地方就係有無敵海景 今晚去咗帝國中心一樓Club One維港皇宴，座擁無敵大海景，而且個場地好適合擺婚宴，因為入口處已經set好咗好多影相打卡位，同埋都好新潮摩登，一啲都唔老土 我哋大約傍晚6:30入座，天色仲好光，睇到好靚嘅維港景色，跟住一路食飯就慢慢天黑，順便可以睇埋夜景，咁樣送飯簡直一流 我哋叫嘅都係餐牌推介嘅食物，包括有叉燒鱔，果然係呢度嘅名物，上枱仲暖暖地，鱔肉燒到乾身又脆口，塊皮簡直脆卜卜，調味完全用叉燒嘅做法，充滿麥芽糖嘅甜味，作為開胃前菜非常滿意 金不換胡椒焗海中蝦，上枱一打開蓋，聞到非常濃烈嘅胡椒香，用嘅胡椒份量非常多，蝦亦非常大隻，焗到充滿胡椒味，蝦肉又彈牙。可能就係胡椒嘅份量多，比想像中辣咗少少 西施海皇泡飯，泡飯用料足，有蝦仁鮮帶子大頭菜同菜粒，個湯係用魚骨熬製，非常鮮味，然後再加上炸脆嘅飯粒有兩重口感，好食又飽肚 今晚D餸非常滿意，可惜今次兩個人，下次多約幾個朋友可以多試其他

最近大熱既一間意大利小酒館，見介紹話係Grissini前大廚開既，提前左足足一個月預訂，不過準時到都要等大概十五分鐘先入座🫨順帶一提，走嘅時候係餐廳門口見到隻強強大到手指公，一出條街隻米奇個身長過手掌，嚇到鼻哥窿都無肉，證明呢頭真係好食好住🫡 ▪️ Focaccia（8.5/10） 上檯暖笠笠，外層脆身，內裏蓬鬆得黎帶點韌性，本身亦係微鹹，配上鯷魚紫菜牛油，整體鹹香十足🍞 ▪️ Carbonara Egg （7/10）💲38/each 呢個係為咗打卡而叫，好彩可以逐隻嗌，同行友人唔好都唔緊要🤭有風乾豬面頰肉碎、羊奶芝士、蛋黃，入口Creamy，都有幾分卡邦尼嘅感覺，不過偏鹹一點🥚 ▪️ Tagliatelle （7.5/10）💲188 落單唔夠三分鐘，連包都未開始食就上咗呢碟，心諗咩事快成咁，應該係將隔籬枱嘅比咗我哋😅即席刨巴馬臣芝士，麵條薄身，但掛到蕃紅花和牛肉醬汁，唯獨略油 ▪️ Tubetti （8.5/10）💲198 相隔大概二十分鐘再上🍽️雖然賣相唔討好，但短管粉口感彈牙，每粒都好入味，有清新嘅青檸、羅勒葉、香濃既辣蕃茄醬😍墨魚同魷魚粒口感軟身，但唔會太淋🦑 ▪️ Sicilian Pistachio Gelati （8.5/10）💲48/scoop 烤烘過嘅開心果粒，再加上啲海鹽，估唔到又幾夾喎，雪糕質感滑身，堅果味濃郁，下次再試埋Tiramisu😎 🔎 整體評分（8.5/10）

將軍澳海濱的高質地中海菜，部份枱椅正對跨灣大橋的美景，加上食物有水準，已多次回頭。 前菜烤八爪魚鬚使用西班牙八爪魚，爽口鮮味，配菜有煙燻蕃茄、西班牙辣椒醬和茴香粉，惹味！ 然後是個人至愛的美食，必吃之選--1855美國黑安格斯頂級prime牛肉，prime評級正是美國農業部對美國牛肉的評級中最頂尖的。至於1855是一個優質品牌，以嚴謹的人工挑選方式篩選全美國的安格斯牛，而當中只有1/8會被選入1855，可見餐廳選用優質的食材。 肉眼如舊肉質軟嫩、有大理石般的油花、牛味濃郁、肉汁豐富，加上燒烤的焦香，實在令人回味。蘑菇汁有不少蘑菇在內，真材實料！ 蟹肉意大利麵質挺掛汁，稍嫌偏酸了。 飲品選擇了無酒精飲品Fizzle Swizzle，由熱情果、椰子、鳳梨、柑橘和梳打水混成。 另一杯無酒精飲品Navigator，由蘋果、青瓜和柑桔檸檬梳打混成，味道清新，兩杯皆不錯。

平時食任食唔係話食到好多 感覺唔回本 呢間火鍋店有「定量」放題 正合我意😌 有120分鐘慢慢食 牛肉同豬肉定量各一碟 另外火鍋配菜飲品任飲任食 絕對夠大家捧住個肚走 美國Prime Grade極上牛頸脊～ 一睇就知靚嘢 個紅色好鮮艷 感覺好新鮮 肥瘦分佈均勻 而且牛味濃郁 西班牙伊比利亞黑毛豬～ 粉粉嫩嫩好靚咁 不過我唔食豬肉片 冇得形容 不過朋友話冇豬臊味😌 湯底點咗養生蟲草花桃膠雞～ 平時好怕養生湯底係藥材味 呢度嘅係用紅棗洋蔥等 係食材本身嘅甜味 雞肉用上雞腿肉 就算煲耐咗都唔會老 我最愛嘅部份其實係配料 有坊間好少有嘅紫薯、淮山、龍脷柳～ 就連帆立貝都係任食㗎！ 當然仲有飲品任飲啦～呢度嘅卡座數量好多 空間感足，座得好舒服😆

餐廳：Ask For Alonzo
地點：大坑蓮花宮西街
菜式：意大利近地中海省份的菜式
餐牌：Tasting Menu包前菜4選1，主菜6選1，同甜品3選1或者餐後甜酒/咖啡/茶，價錢$288加一。某些菜式要加錢。 麵包每人有兩款各一片，分別加有果乾同蕃茄醬，烤得外脆內鬆軟，熱辣辣上枱，配自家製松露加巴馬臣芝士醬，食落又滑又香。 羅馬肉丸3粒，配番茄醬及巴馬臣芝士 加$38 另加一 羅馬肉丸用熱辣辣煎pan上枱，肉丸有牛有豬，面頭加上巴馬臣芝士醬，下底有番茄醬。肉丸唔會死實或者過鹹，味道口感都唔錯，而芝士會拉絲，加上甜甜地番茄醬，好味道。 白酒炒蜆配香辣檸檬白酒高湯及香脆意大利香草包 加$48 另加一 連殼蜆大概有10幾隻，非常鮮嫩多汁，飽滿鮮美。個汁味道唔錯，只係微辣，酒味唔濃，加左好多蒜片。配有兩片脆口多士，可以點汁食。另上兜比你放殼。 白酒蜆肉意粉 蒜蓉白酒檸檬汁炒蜆肉意粉伴意大利香芹  白酒蜆肉意粉用大大隻兜上枱，幼身spaghetti好al dente，黑椒味濃，灑上香草，味道少少辣。下底原來有好多連殼蜆，同前菜白酒炒蜆一樣咁飽滿同鮮美。調味料有蒜片同辣椒，好惹味。 意式烤乳豬配薯蓉及蘑菇汁 加$58 另加一 意式烤乳豬賣相出色，燒得皮脆肉爽既一大塊放係薯蓉上面，外圍係豐富加有雜菌既蘑菇汁，食落啖啖脂肪，帶有滑溜醬汁同薯蓉，不過唔會乾，好邪惡。 招牌提拉米蘇 招牌提拉米蘇好大件，滑溜慕絲中間有夾心，面層有咖啡粉，濕潤滑溜味道唔錯，口感似布丁。 芝士蛋糕配士多啤梨醬 大大件芝士蛋糕面頭加上士多啤梨醬，外圍再加上紅莓醬同灑上糖霜。滑溜芝士蛋糕好滑，加上脆脆餅底同莓醬好美味，唔會太膩，口感都係似布丁。 鮮蘋果汁，鮮橙汁 各$48 另加一 鮮橙汁有好多果肉，飲得出係新鮮。
蘋果汁味道清甜，有果肉。
今餐食物唔錯，意式烤乳豬特別有特色。餐廳環境半露天，係正蓮西宮隔離，感覺好chill。外籍服務員態度超級友善，會仔細介紹菜式比你。

餐廳環境開揚，以紅色、橙色同綠色為主調 十分奪目，充滿活力帶點復古風味 還有一排窗邊座位，可以邊欣賞街景邊享用美食 牆身掛有卡通獅子造型「獅叔」海報 ✾ 馬來奶油咖哩雞 $118 雞肉份量十足，嫩滑香口 咖哩濃郁香滑，味道唔會太辣帶點奶香 超想配番一碗白飯 ✾ 辣死你媽 $118 呢款係炸雞髀椰漿飯，大大隻炸髀在飯上 炸得金黃酥脆，入口「咔嚓」聲且啖啖肉 椰漿飯帶點濕潤同時散發淡淡椰香 配搭小魚乾、脆花生、雞蛋同青瓜 加點鹹香微辣參峇醬更惹味 ✾ 馬來肉骨茶 $118 肉骨茶清徹唔油膩，入口輕盈帶點鹹甘 每啖都散發陣陣溫和藥材味 一字骨肉質軟腍，沾點黑醬油更有風味 而金菇同豆卜吸滿湯汁精華 加點鬆脆油炸鬼浸在肉骨茶中，外酥內軟 別有一番滋味，飲完成身暖笠笠 ✾ 娘惹糕波羅蜜刨冰 $88 刨冰色彩繽紛，配料豐富 每啖都食不到口感配料 喜歡娘惹糕軟糯煙韌且帶斑斕清香 ✾ 蝶豆花荔枝冰 $36 ✾ 紅毛丹椰子冰 $36 兩杯飲品顏色鮮艷奪目，清甜解膩

喺灣仔返工，食飯唔知食咩好。今日同同事發掘新餐廳，喺汕頭街有間綠色招牌好American 嘅N+ Burger，入去試吓。同cashier傾計，原來佢哋係有自家牧場嘅漢堡店，100% 澳洲產品，HGP FREE加埋不含荷爾蒙添加😍Farm To Table! 返office嘅我食完都唔驚肥🫶 🍔N+ Limited Japanese Mustard Burger 獨家設計漢堡，大推👍🏻醬汁配料極具日本風，patty好多汁同時煎得好脆，採用純安格斯牛肉，全自然0添加，唔會油膩同一般牛肉唔同。呢個組合好新鮮，真係呢度先食到🥰 🍔N+ Classic Burger 經典味道之餘，不過更加正嘅係，呢到係健康版呢！麵包用天然酵母整既酸種麵包，蕃茄青瓜好新鮮，牛肉更加嫩滑多汁，食完一啲都唔滯，仲想食多個💕醬汁亦由自家製牛骨熬製🐂，充分帶出牛肉鮮味。 🍟N+ Fries ｜ N+ Wedges 炸得恰好，香脆可口，沾上bbq同honey mustard醬，係食burger嘅好配搭。蜜糖芥末醬有驚喜，調味甜甜的好易上癮！ 🥤Lemonade 清爽解渴，透入心脾好清新感，糖漿唔會過多，加入檸檬味，酸甜適中，暑氣全消💦 🥤Free Flow Soft Drinks 無限添飲，食完唔會口渴啦！

Basehall係類似Foodcourt咁，集合左好多我想試既餐廳，可以一次過食到幾樣嘢🤭其中呢間兩姊妹涼皮，佢喺太子嗰陣，我已經Bookmark咗話要食，直到上左米芝蓮推介，再搬埋舖位，我都依然係未食過😅 ▪️招牌兩姊妹涼皮（8/10）+ 雞絲（6.5/10）💲38 + 15 幾鍾意粗身既涼皮，凍冰冰透心涼，口感仲要滑嘟嘟😋加上爆脆豌豆、青瓜絲、芫荽、蔥花、芝麻、麻油等，就咁都已經好掛汁惹味🤓另外要左雞絲，比較可惜既係一嚿嚿偏乾既雞肉碎🐔最低辣度係BB辣，不過中段左右就覺得都幾辣，一定係食開譚仔十小辣嘅我太廢🤣 🔎 整體評分（7.5/10）

昨晚我和朋友去了海港城的一家打卡必去的咖啡廳，佢個甜品相當出色，尤其係自家製蛋糕或刨冰，一定要推薦俾大家。 ✔️橡果黑毛豬卡邦尼意粉 橡果黑毛豬細嫩而有嚼勁，配上非常creamy既卡邦尼汁，每一口意粉都非常掛汁，令人食慾大增。 ✔️蒜蓉蜜糖炸雞 邪惡既代表👿 炸雞塊外脆內嫩，每一塊都裹著蒜蓉和蜜糖的香氣，一口咬下去，雞肉的鮮嫩和蒜蓉蜜糖的香甜立刻充斥口腔，超好味🤤 ✔️香濃花生夢幻刨冰🍧 本店既signature 😋 夏天解暑既最佳選擇！這碗刨冰上面覆蓋住豐富的花生醬，紅豆，糯米團和香濃的奶油，賣相得體，味道絕佳👍 刨冰的綿密和花生醬的濃郁相互融合，唔會太甜，冰冰涼涼🧊，爽😎 ✔️黑麻麻之戀蛋糕🍰 蛋糕本身鬆軟細膩，入口即化，外層覆蓋著豐富黑芝麻碎，每一口都能品嘗到濃郁的黑芝麻香味。而且蛋糕既甜度適中，不會過於甜膩。 ✔️薄荷青檸梳打🍋 ✔️濟州橘子梳打🍊 兩款梳打都清爽宜人，唔單只可以解膩，更係仍然夏天的一點清涼🙆‍♀️