十二味 (Hart Avenue)

Open Now

Now Closed

之前食過呢間黃大仙嘅分店，感覺都幾好。今日經過尖沙嘴見到呢度都有得食，朋友都係愛辣🌶之人，舉手贊成再食多次。好快就揀好心頭好：水煮牛肉、紅糖糍粑。之後見到炸串又幾特別，除左牛肉之外，羊腸、羊腩筋都係坊間少見，橫豎有套餐，唔洗左揀右揀，決定要埋呢款小食。 炸串套餐 ($58) 🍢有成6串咁多，分別係羊腩筋、羊小腸、同牛肉粒，各有兩串。個人最愛係羊小腸，脆卜卜，仲有好香嘅孜然味。而羊腩筋亦都幾唔錯，有咬口，但又唔會太韌，細細粒，非常易入口。水煮牛肉($158) 🥘比想像中大盆，滿滿紅色嘅水煮湯異常吸引。視覺刺激味蕾，睇到已經流晒口水。牛肉非常軟腍，入口鬆軟。個人喜好: 水煮食物一定要配白飯，白飯能中和麻辣味，但同時又能夠突出水煮食材嘅香味；如果唔想食飯嘅，都唔驚唔夠飽，因為水煮牛肉裡邊，原來有唔少煙煙韌韌嘅寬粉。寬粉掛湯，索滿湯汁，入口Q彈惹味。紅糖糍粑 ($48)🍮呢個係我食川菜嘅必選甜品，糍粑(年糕條)入口非常軟糯，炸得啱啱好，外脆內軟，沾滿黃豆粉，略點微暖嘅紅糖伴食，唔會太甜，豆香加埋糯米嘅香口，好食到要同朋友爭食。菠蘿汁($25) 🍍微酸帶甜，正好用來解辣。 兩個人食到飽飽，食埋甜

人見人爱酸菜魚(粉條)🐟$276 ⭐️⭐️⭐️⭐️⭐️酸菜魚好大碟 份量3人食都夠 魚都好大塊沒有腥味 湯頭好夠酸同辣 落左好多香料 好足味 萵筍軟硬適中 又夠入味 粉條必食 吸哂啲湯又好煙韌 好食夫妻肺片 $68 ⭐️⭐️⭐️⭐️呢個價錢黎講真係好食夾大份 入面有牛舌 牛展同肺 肉質唔錯 唔會太硬又有咬口 個汁都好香辣 啱晒送飯紅糖糍粑 $48 ⭐️⭐️⭐️⭐️望落金黃色 炸得好香脆 糍粑面有黃糖 另可點黑糖漿 黑糖漿好食 不會過甜西班牙檸檬啤🍋🍻$72 ⭐️⭐️⭐️⭐️酒味冇啤酒咁重 淡淡檸檬香 唔想飲啤酒既可以試下藍妹生啤（一杯)🍻$58 ⭐️⭐️⭐️⭐️⭐️冇諗過$58咁大杯🤣 抵飲～

今晚放工同同事即興一齊dinner, 上月北上未能品嚐酸菜魚, 正好今晚係香港補食滿足返味蕾。係美食平台中見到附近呢間「十二味」主打食酸菜魚嘅餐廳, 從門口沿樓梯行上餐廳, 天花上掛滿了多個紅色主調嘅中式燈籠, 令視覺同味覺漸漸踏入食麻辣菜嘅感覺。自行scan QR code落單, 供應酸菜魚、麻辣香鍋、川式美食, 而飲品就有啤酒、汽水、sake選擇。大多款食物都可以自選辣度, 什至走辣, 適合不同人口味。【人見人愛酸菜魚(粉條)】HK$276估唔到份量會咁大!! 成盤上檯, 已見到唔少鱸魚片同酸菜等配料; 湯底呈金黃色, 自選咗小辣, 酸辣香濃惹味, 沒有後續嘅麻, 食得冇咁辛苦。嫩滑鱸魚片冇骨, 配菜同樣豐富, 包括有盡吸了湯底嘅酸菜葉、爽滑萵苣、雞髀菇, 仲有大量闊水晶粉, 滑溜又帶少少煙韌。份量多到兩個人Share都飽到唔郁得。【川式口水雞】HK$73口水雞雞皮爽滑, 肉質有些少咬口, 配上川式醬, 少辣又香口。食完辣野一定要食個甜品解辣,【紅糖糍粑】HK$48糍粑外層炸得微脆, 入口軟糯易咬開, 沾少少紅糖食, 甜甜地幾正, 解到口中嘅辣。

🥢人見人愛酸菜魚$228因為我唔係好食得辣，所以就order左小辣。雖然係小辣，但都好夠辣夠酸超開胃🤤🤤魚肉好嫩，而且冇乜魚骨。酸菜魚入面有酸菜、魚肉、寬粉、萵筍。都幾豐富。萵筍同寬粉好正，吸晒湯底個酸酸辣辣既味🤤👍🏻👍🏻👍🏻🥢蔥油拌麵$38拌麵撈麵係用幼麵，可以聞到淡淡嘅蔥油香味，加埋醬汁一齊食幾夾。但係淨麵冇餸有D dry.但個麵味道唔錯的👍🏻🥢紅糖糍粑$48紅糖醬甜得黎帶有點點酸，係正常既，唔好以為壞左。黃豆粉再點埋個紅糖醬再配上炸糍粑🤤熱辣辣既糍粑，軟糯得黎好彈牙，好正👍🏻👍🏻必食👍🏻👍🏻評分：味道：⭐️⭐️⭐️️⭐️環境：⭐️⭐️⭐️⭐️整體：⭐️⭐️⭐️⭐️————————————————————————📌十二味 (赫德道)📍尖沙咀赫德道1-3A號利威商業大廈地下6號舖及1樓( 旺角;荃灣;大角咀;九龍城;土瓜灣;將軍澳;寶琳;觀塘;黃大仙;青衣;北角;大坑;銅鑼灣;西環;中環;香港仔; 筲箕灣;屯門; 元朗;沙田;大圍)

Lunch time去吃十二味的性價比真的很高，平均一份酸菜魚加白飯、前菜和飲品一個人也不用$100～我們四個人吃4個set lunch再加一個小菜和甜品，平均每人$110。極品麻婆豆腐小辣$62原來小辣的麻婆豆腐對我來說也是很辣😹豆腐口感很滑，用來送飯吃真的很開胃。人見人愛酸菜魚（小辣和不辣）各一份$83午市的酸菜魚也絕不欺場，超級大份，魚做得很滑，配菜也十分之多。牛肉麻辣香鍋$79這一碟的配菜例如蓮藕、薯仔條、辣椒之類很多，薯仔條很淋，蓮藕就炒得爽口，牛肉不算鞋口也幾好吃。散叫一碟乾煸四季豆$68四季豆炒得爽口，味道正正常常。紅糖糍粑$48第一次食這款甜品，原來是煙煙韌韌的口感，內裏是暖暖像糯米糍的，表面灑上很多黃豆粉，配黑糖漿來吃，除了可以中和辣味之外，作為午飯的結尾很滿足。

落單用QRcode，非常方便，大部分菜式都可以揀小辣中辣大辣，午市套餐雖然比普通一碟細碟啲，但相對平啲又多碗飯，非常抵食。*乾煸四季豆(午) $52一個午市套餐有咁多嘢食。四季豆炒至乾身縮水，啱啱好斷生，唔會過腍，可惜唔夠入味，反而肉末臊子本身好重口味，偏死鹹。白飯大碗，鬆軟乾身，可惜差啲米香。仲有小菜雲耳同埋盒裝檸檬茶。川式口水雞 $68涼菜口水雞，係凍冰冰嘅，雞皮彈牙，皮下脂肪少，雞肉肉質唔會乾柴，最後有青瓜粒鋪底。我地揀小辣，辣味完全只係來自辣油，辣得嚟冇乜層次感，而且份量少，少少失望。人見人愛酸菜魚(配粉條) $256魚塊滑嫩，冇骨啖啖肉，差在魚鮮味。粉條份量多，彈牙，食到嗦嗦聲。酸菜係碎酸菜，酸菜湯亦唔夠酸，辣嘅存在比酸嘅存在大好多。配菜有大塊萵苣，雞髀菇，少少白蘿蔔薯仔片，索晒酸菜湯湯底。紅糖糍粑 $48糍粑係糯米打糕，比年糕更加重米香煙韌，夾埋香脆嘅外皮，感覺十分過癮。黃豆粉+紅糖漿亦係不敗組合，係進階版嘅日式蕨餅。

剛進入大門口就見到大紅燈籠高高掛，很中式的感覺。酸辣木耳，爽脆開胃，味道都幾辣，不過份量頗細。川式口水雞，擺盤好漂亮，其實就是碟子大，雞肉實際上不多，不過味道還不錯。人見人愛酸菜魚，魚肉嫰滑，酸辣可口，份量可視人數而選，但對於大愛酸菜魚的我們，再多也不夠。霸王辣子雞，辣椒覆蓋住雞塊，要慢慢玩尋寶遊戲，不過感覺雞塊不多且碎小，有的只是炸雞皮。紅糖糍粑，糍粑熱辣辣又够煙韌，好吃停不了。吃辣當然少不了冷飲解辣。總體來說，味道不錯，空間也很舒服，但是如果是按正價的話，會感覺食物份量有點對不起價錢，有折扣就還可以一試。

友人聚會，大家都懷念好耐冇食酸菜魚，所以特登book左呢間店，比起之前黎更加旺場。好彩book左位同埋約得早，如果唔係就望住人哋食。早上係Klook買左張酸菜魚券，服務員姐姐唔太識用，淨係叫我地先點菜，俾錢再用券，咁我哋就照做。本身叫左5道菜，但由於口水雞睇落太生，有點血淋淋，服務員好好人地幫我取消左，本身想試試其他，但由於仲有生日蛋糕，大家都飽飽地，所以冇再加。以前曾經有人試過在場駐唱，個次嘈到傾唔到計，今次冇人唱歌，但勝在旺場，氣氛都好熱鬧，大家去唔到深圳食酸菜魚不妨考慮一下呢間，真的很不錯👍

🏮終於可以食晚巿，終於可以熊妹全家齊腳出外食飯。熊妹家族好食得辣🌶，卡肥大大就提議食《十二味》，比阿豬媽試吓正宗嘅酸菜魚🐟，過一過鋪辣隱。📌裝潢好特別㗎，周圍都掛滿住紅噹噹燈籠，仲有功夫熊貓🐼做招牌，成件事好中華風味。📌等到阿豬媽放工過嚟，‪7:00‬入座，晚市好多人，任何時段都係限時一個半鐘，所以要快快手揀定好食咩就用手機落菜啦。人見人愛酸菜魚，配粉條，$256首先上枱嘅梗係招牌菜-人見人愛酸菜魚啦！哇！個碟真係大得震撼！仲要有深度喎！絕對唔欺場。介紹返，酸菜夠酸，份量夠多；魚肉夠滑，夠淋，冇腥味，冇骨，但又保持到魚味；酸菜魚湯底夠酸夠麻夠辣，有花椒八角調味，辣得真係好過癮，忍唔住連湯都飲埋。仲有啲萵筍片同埋水晶薯粉條🍜，非常之粗嘅一片，索晒啲酸菜魚湯汁，食一兩條已經好飽肚。燒椒皮蛋，$48卡肥誠意再推介，麻辣小食皮蛋，一碟有八件，係糖心皮蛋，中間嘅心係流心嘅，麻辣汁味道好特別，麻得黎之餘又帶少少甜，伴碟仲有少少辣椒皮，真係想撈晒啲汁食落肚。宮保雞丁，$98卡肥提議食宮保雞丁🐥，因為佢都未試過。哇！估唔到號大一碟喎！份量非常之多，雞肉粒好嫩滑，腰果好脆口，阿豬媽最鍾意食。大辣🌶真係好

第一樣係優惠吸引我食呢間12味OpenRice 訂座唔使排隊唔使等位非常方便5點半前食可以有半價折扣優惠溫馨提示小龍蝦係沒有半價然後環境有啲似返咗大陸但係地方大都坐得舒服而且乾淨服務員態度有禮貌地會帶顧客去埋位之後可以用QR code 就可以下單，兩個人食總共叫咗四樣嘢，人見人愛酸菜魚辣到可以自己揀，想食有幾辣就幾辣唔辣都得，雖然唔知呢個酸菜魚係咩魚，但係魚質滑而冇骨，好多人都唔鍾意食魚但係又怕食到骨，咁就可以試吓呢一間啦裏面嘅伴菜仲有萵筍，雖然半價個量都唔少清炒萵筍就覺得一般，雖然大大碟可能太清淡真係清炒有草青味麻辣小龍蝦辣到都係可以自己揀，我自己就食咗中辣，比一般市面食嘅等於小辣小龍蝦都尚算新鮮，龍蝦頭有少少少膏，店舖都會有手套供應不過會穿窿需要洗手，因為冇提供濕紙巾甜品紅糖糍粑我最欣賞呢個甜品，下單時可以選擇起叫所以會即時食熱辣辣，感覺有啲似糖不甩但係冇芝麻冇花生，外皮脆脆內裏軟軟，煙煙韌韌唔痴口甜度仲可以自己控制，紅糖係分開嘅

北上深圳尋辣已經成為唔少香港人嘅周末指定動作。越辣就越過癮，越麻就越興奮🌶如果嫌路途太遙遠，大可以嚟呢間正宗四川菜館，米芝蓮大廚係四川人，所以用料同手法都好正宗。每款菜式都辣得各有特色，而且有唔同辣度選擇，照顧番BB級嘅悲傷小姐同越級挑戰嘅客人👧🏻➡️👩🏻💗燒椒皮蛋 ($48)溏心皮蛋浸係滿江紅嘅辣油上，賣相超吸引😍不過蛋黃食落唔香又唔羶，淨係食到彈牙嘅蛋白，冇咗皮蛋特有嘅味道好失望☹️剁椒加咗蒜蓉所以食落香咗，味道屬微辣冇乜麻味，望落去感覺仲辣d！💗人見人愛酸菜魚 配粉條($248)湯底用咗豬骨、鰂魚同鱸魚骨熬成，加入指天椒、花椒 、 原串青花椒等，味道鮮甜且酸辣麻香，最值得讚係唔算油膩🍲餐廳特意用咗二十個月雲南老埕酸菜、四川酸菜同廣東鹹酸菜炮製，既有掛湯一流嘅菜葉，亦有爽脆嘅莖部，不過唔夠酸甜味，但口感就幾好🤔鱸魚片帶住魚皮，嫩滑得嚟依然保留魚肉嘅紋理，完全冇糊爛。勝在冇魚骨，份量又多， 冇腥酸味，不過魚嘅鮮甜味就俾辣味蓋哂🐟墊料亦都好足料，寬大嘅薯粉口感滑溜煙韌，吸湯度十足，好味又飽肚。仲有萵筍做配料，口感爽脆，充滿蔬菜嘅鮮甜味， 厚薄均一致，好刀工👍🏼💗紅糖糍粑($48)糯米糍外層

环境很好，交通便利，进门有熊猫很可爱，看起来卫生不错。价格合理，口味不错。点了酸菜鱼和四季豆，还有糍粑。酸菜鱼的鱼很新鲜，入口就化，酸菜鱼以草鱼为主，配以泡菜等食材煮制而成，口味酸辣可口；鱼含丰富优质蛋白，能提供人丰富的蛋白质、矿物质等营养；酸菜中的乳酸可以促进人体对铁元素的吸收，还可以增加人的食欲。超级推荐！菜品是家常菜的味道，不像一些饭店味精过多。 糍粑也是香甜的，不会腻，总体来说，很推荐这家店。

香港終於搵到一間岩我口味既酸菜魚，就係十二味，十二味有數間分店，後來先知原來尖沙咀係旗艦店，所以裝修上亦特別用心，成間餐廳都好有中國風!另外一直播住五月天既歌，邊唱邊食，別有一番風味當日午餐時間黎到，叫左2個set lunch, 套餐包括左飲品 x1,前菜x1, 白飯x1，再加一款自選菜式! 餐飲選擇左酸梅湯，口味清爽唔會過甜，如果唔岩飲，亦都可以選擇加錢轉其他飲品! 前菜就係蒿筍，係用蒜蓉涼拌，蒿筍夠新鮮，唔會有渣，好清新人見人愛酸菜魚~酸菜魚份量都幾多，幾條辣椒拌上酸菜，就成為酸酸辣辣既湯底，可以就咁直接飲，或者撈飯食都一流!口水雞~口水雞應該約有半隻份量，仲有雞脾位，拌有青瓜，辣度可以自行選擇 ，雞夠滑身，襯上辣油就更加惹味!甜品選擇左紅糖磁粑~呢個絕對係必食，外脆內軟，磁粑本身就無咩特別味道，但當外層沾滿黃豆粉+黑糖醬，就成為左一款出色又傳統美食~必食~

朋友推薦這間店環境唔錯，今日帶媽媽來食飯，媽媽開心到影唔少相，因為樓下就已經唔少道具同擺設、夾公仔機，最深印象系有超大個熊貓公仔🐼，同佢合照一流👉🏻川式口水雞(午市餐)口水雞要做得好除咗夠滑嫩夠味勁外，溫度亦好緊要，呢味口水雞溫度夠凍，可以令口水雞入口後食到雞肉味同辣度慢慢化開，口水雞夠麻夠辣的，配白飯一流👉🏻乾煸四季豆(午市餐)呢到系川菜食店，好多道餸菜都系以麻以辣為主，菜單中有唔少客製化選項，有唔辣、小辣、中辣、大辣、全素等手動設計，所以唔食/不食太辣嘅朋友都唔使擔心，特登揀唔辣，目的想試佢最原始嘅調味，入口唔難食到火喉味，配上腌製過嘅肉燥，開胃又好吃👉🏻紅糖糍粑點上呢個天氣最鐘意💕嘅甜品，香港唔多甜食系熱食，所以呢味外皮鬆脆內裡煙軔嘅糍粑特別易上口，花生粉散得足夠，想要幾多甜度就沾幾多糖漿✍🏻我哋叫左兩個午市餐包飲品、花生同埋白飯，飲品方面我選擇凍嘅柚子蜜，而媽媽就揀熱嘅柚子蜜，其實呢個價錢包到咁多樣嘢真係幾抵，員工服務態度都唔錯，而且坐位闊落，播住周杰倫嘅歌，值得回頭💋🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般

今晚約左個喜歡食川菜的朋友去左尖沙嘴新開的十二味食晚飯。餐廳雖然枱同枱之間密質質，但坐落其實都幾舒服，同時餐廳用網上餐牌落單，都幾方便。餐牌選擇唔算多，我同朋友都選擇左幾款比較傳統的川菜。小食係燒椒皮蛋，而主食係酸辣土豆絲同酸辣魚配粉條。個人認為全部菜式都唔算好辣（我地分別有叫中辣同大辣，不過分別不大），反而著重係味道上的香同濃。我自己最欣賞個酸菜魚，個湯底係可以當湯咁飲，又唔會太油膩。甜品我地點左糍粑，係即製的，所以食落好香，又好煙韌，個皮又夠脆，個人認為係必食。