Video
1-min walk from Exit D, Tai Wai MTR Station
continue reading
Introduction
It offers many kinds of local style snacks, such as three stuffed treasures and egg waffles at reasonable prices, which is a fast food choice for students and neighbours.
continue reading
Above information is for reference only. Please check details with the restaurant.
Review (398)
今日帶朋友舊地重遊～番嚟先前幫襯左3年幾既早餐同宵夜既最愛之一再去前公司探班😂😂係大圍番工既寶寶們一定都唔會陌生，老字號小店，咩時段都係排晒長龍～想食好野都要比d耐性。椒鹽炸燒賣～朋友想食我之前都無試過～估唔到幾好食喎～外脆內軟既口感，椒鹽夠晒惹味咖哩三寶～辣得嚟好正最鍾意佢個汁～蘿蔔好入味無渣，豬皮吸晒咖喱汁好有咬口，魚蛋入味。水魷～魷魚鬚好大條～有咬口加埋秘製辣醬，口水直流，停唔到口牛柏葉～份量超大～爽脆可口燒賣兩串～之前番工成日買超鍾意，口感軟糯～好香魚味紫菜魚皮餃～收夜必食，魚皮餃大大粒，一碗有6大粒，紫菜湯好飲煎釀三寶實質好多寶～超豐富有長過手掌既尖椒、青椒、兩粒魚蛋、豆腐、餃子、兩件紅腸、兩件茄子、最得意有好大棵西蘭花～鯪魚肉份量好足～好滿足～食落口唔算太油~熱辣辣細魚肉碗仔翅～又係收夜必食既～加埋醋同埋麻油，胡椒粉，真係大滿足，魚肉份量爆多，碗仔翅入面好多冬菇片（大大片），木耳，食落嗦嗦聲，非常飽肚。店員姐姐們個個都超快手，人龍都清得好快，雖然好多人都一樣有講有笑，大聲絕對唔係無禮貌～會定時番嚟回味一下
continue reading
這間小食店，基本上每個星期都會來購買!他們位置超方便，一出港鐵站就見到，所以平時都會見到好多人排隊選購!這次又買左多款食物作晚餐。臭豆腐，自從第一次食完之後就愛上，每次也會必點!他們的臭豆腐即叫即炸，每舊都好大舊!豆腐外層炸到脆卜卜，臭味都幾濃郁，淋上甜醬和豆瓣醬一齊食，味道惹味!椒鹽炸燒賣，炸燒賣也是我每次必點的小食，燒賣也是即叫即炸，炸得脆口，椒鹽味香濃!煎釀三寶，他們的三寶價錢不算很貴，款式都幾多，除了有平常時常見到的青椒、茄子、豆腐、魚蛋、紅腸等款式，他們還有炸餃子，餃子皮炸到脆卜卜，餡料豐富，好香韭菜味!油渣麵，他們的油渣麵油渣份量好多，脆卜卜，而他們的辣菜圃辣得過癮，整碗份量十足!魚肉翅，他們的碗仔翅非常足料，除了有肉絲、木耳絲外，還有平時很少在碗仔翅內見到的竹笙，食落口感豐富，加上醋一齊食味道特別惹味!而這裡的魚肉每條都好大條，份量都好多，兩溝一齊食特別惹味!紫菜魚皮餃，紫菜份量超多，入面沒有沙!魚皮餃外層煙韌，味道濃郁!燒賣魚蛋，這裡的魚蛋是陳皮魚蛋，食落彈牙，而魚肉燒賣口感不錯，加上他們的秘製辣醬，辣得過癮!
continue reading
次次嚟到大圍，總係見到呢檔小食有好多街坊圍住當然啦，呢間可以話係大圍嘅landmark，有質素先開到咁多年，有大份又抵食佢地嘅魚蛋燒賣原來攞過獎㗎喎，關鍵係咖喱汁，點少少已經好刺激，魚蛋細細粒好香魚味燒賣質感好彈牙，唔會發到好腍，魚香好出見啲串燒大大串好吸引，就試吓佢地幾出名嘅豬頸肉，搽晒醬咁燒，色澤令人垂涎，肉質勁爽彈，點解可以咁好食㗎？炸大腸炸得好金黃，炸得爽身，食落冇揦鮓味，洗得好乾淨，但同時好香口臭豆腐都好堅，好臭好臭，勁大嚿放入口脆卜卜，裡面質感好香豆味兩份煎釀三寶都可以當飯食㗎，尤其是呢間，大大嚿係希原因，有啲不可思議嘅配搭，連冬菇同西蘭花都有每一嚿紅腸、茄子、青椒、豆腐、冬菇同西蘭花都有鯪魚煎餅黐住，仲要好多，打到大啲細骨同肉碎粒都冇，超犀利。餃子唔係鯪魚肉，但都好飽肚一碗韭菜豬紅，仲以為會好細碗，菜多過肉，點知豬紅豬腸爆多，食晒啲菜都未食完豬紅同豬腸，豬紅好滑唔會啜脷，冇怪味好香，豬腸洗到白𠽌𠽌，發揮到豬腸本有嘅香味，難怪街坊咁捧場啦
continue reading
星期五 casual Wear，放工走咗去掃街，大圍小食店我食咗好多年㗎啦！水準同質素都好穩定，價錢又唔貴，大件夾抵食。大圍火車站一出就見到富嘉花園，平日放工時間成日都逼滿人。外賣一樣新鮮熱辣。煎釀三寶生意興隆，人流源源不絕，煎釀三寶，簡直係供不應求，因為價錢合理，超大件，勁多選擇！尤其是西蘭花、冬菇，出邊比較少見，特別啲。魚蛋燒賣金牌辣汁，絕不可缺少缺，醬汁有錦上添花的作用。魚蛋彈牙，燒賣特級甘香，包著綿綿鮮味的魚肉燒賣，熱騰騰的小食，配搭秘製辣汁，滿意的香港特色！炸雞髀炸雞髀酥脆可口，感受到即炸的鮮味，熱呼呼的充滿雞肉香味，彈滑濃郁，爆汁食得滿足！串燒豬頸肉、豬肉、雞肉、司華力腸，款式選擇多，即叫即燒，仲可以塗上沙嗲/蜜糖，再大灑孜然粉。款款串燒，肉味濃而不油膩，豬味甜美，濕潤有肉汁，微微焦香，十分美妙！黃金臭豆腐名不虛傳的臭豆腐，鍾意食嘅一啲都唔臭，尤其是加上甜辣醬，最佳拍檔！巨型大件，咬落震撼味蕾，大大件，睇見都口水流。油渣麵其中一個靈魂係辣菜甫，小小已經好惹味，皮脆內嫩的油渣，粗身掛湯的麵條，更加係經典。魚肉碗仔翅混合魚肉，碗仔翅每口都溢出美味，真材實料，暖暖的全部掃入口。魷魚脹卜卜勁彈牙，配搭芥辣汁，添了不少芳香，好食肥美。
continue reading
大年初三，本來一心想去大圍車公廟拜車公，打算買個風車，轉個好運，誰不知前往拜車公的善信實在太多了，立刻決定避個風頭，擇個日子，才前往參拜。來到大圍火車站附近，見這間港式傳統地道小食店生意甚佳，心想這店子的港式小食應該不錯吧，便決定不吃午餐，在這間小食店掃掃餐牌，把這裡的港式風味小吃一網打盡，大快朵頤一番。這天我與老婆仔吃的小食可豐富了，包括：「港式炸大腸」（$20/串）是自從太子的有名小食店在年前結業之後便沒有吃過的美味。一串四大件的炸大腸，雖然並不健康，但卻風味滿滿，下點甜醬和辣醬，讓人不禁渾忘它有多麼邪惡。「正宗古法臭豆腐」（$20/件）也是很久沒有嚐過的港式風味，雖然這裡的臭豆腐跟香港其他地方的臭豆腐一樣可能是怕被附近的街坊投訴而減輕了昔日的濃烈臭味，不過新鮮炸起熱得燙嘴的臭豆腐，仍是念人懷念的港式美味。「椒鹽炸燒賣」（$18/6粒）同樣是新鮮炸起，不過相比起炸大腸和臭豆腐，炸燒賣就沒有那麼好吃，相對地比較普通。「咖喱蘿蔔牛柏葉」（$20）我已很久沒吃過，這天再嚐，又是一個美好的回憶。「韭菜豬紅腸」（$45）不是豆腐名店的專利，這間小食店也有，韭菜、豬紅、豬腸的結合，帶來豐富的口感和吸引的味道，是我十分喜歡的港式小吃。這裡的「煎釀三寶」（$20/4件）除了有常見的釀青椒、釀茄瓜、釀紅腸等之外，竟然有較少見的釀冬菇和更加少見的釀西蘭花，款式比其他絕大部分的同類小食店都多，所以我就買了足足十件，把三寶變成多寶，飽餐一頓。「生菜魚肉碗仔翅」（$55/大）把生菜、魚肉和碗仔翅合而為一，變成三溝，雖然不是出奇朱古力蛋，但一次過可以滿足三個願望，可真是甚好呢！「港式鹵水雞髀」（$30/隻）大大隻的，價錢不算便宜，但鹵得都幾入味。這天我倆點吃的小食實在太多了，先是在店舖旁邊一些堆得高高的發泡膠箱上面吃，後來有人來取箱子，我倆就把還未吃完的小食兩人夾手夾腳搬移到大圍車站附近不遠的一個休憩地方，與旁邊的菲傭為鄰繼續我倆未完成的午餐。這樣吃街頭小食，我還是第一遭，不過可是挺有趣和難忘的呢！原來這間港式小食店已在大圍經營多年，店舖位置又好，就在大圍火車站對面，平日來往人流不絕，港式小食又多選擇，怪不得生意那麼好啦！其實這店子還有「生炒糯米飯」、「咖喱魚蛋」、「雞蛋仔」、「格仔餅」等其他港式小食，不過我與老婆仔只得兩個人，兩張嘴，一次過又怎能吃得那麼多呢？下次有機會再來的話，我才再試試其他港式小食吧！
continue reading