Video
2-min walk from Exit L5, Tsim Sha Tsui / East Tsim Sha Tsui MTR Station
continue reading
Telephone
63180800
Opening Hours
Today
12:00 - 22:00
Mon
12:00 - 22:00
Tue - Sat
12:00 - 23:45
Sun
12:00 - 22:00
Public Holiday
12:00 - 23:45
Public Holiday Eve
12:00 - 23:45
Above information is for reference only. Please check details with the restaurant.
車仔麵香港街頭美食的代表之一，提供多種美味的麵食料理，一直深受大眾喜愛。而我近日發掘了一間新開張的車仔麵店——「天下無雙」，味道果真天下無雙！😋👍🏻除了車仔麵，很多小吃亦非常值得一試！天下無雙車仔麵我選了油麵底（$13），配上魚皮餃（$14）、陳皮鯪魚餅（$18）、豬手（$18）和牛柏葉（$18）！車仔麵麵條彈牙，有著嚼勁十足的口感，秘製麻辣湯底味道豐富！豬手經過慢煮，使得肉質鮮嫩多汁，不得不試！搭配上牛柏葉的香氣，增添豐富的風味。陳皮鯪魚餅加入陳皮調味，陳皮的香氣與鯪魚肉的鮮味相結合，使得鯪魚餅散發出獨特的風味。滕椒魚皮（$58）其特色在於魚皮爽脆，滕椒調味香辣。魚皮爽脆，每一口都能帶來嘎嘣作響的聲音。滕椒調味使得滕椒魚皮具有辣香味，令人回味無窮。荔枝蝦球（$48）將新鮮的蝦肉裹上麵粉炸至金黃酥脆，外形上更特製成荔枝的模樣。特色在於蝦肉鮮嫩，外形精緻，油炸卻不油膩熱氣，是一道不容錯過的小食。炸韭菜餃（$48）以韭菜為主要內餡，外層酥脆。韭菜的香氣和酥脆的外皮相互襯托，帶來獨特的口感和美味，搭配甜酸醬食用，增添風味。紫菜雲吞（$48）雲吞內餡以豬肉為主，搭配上韭菜等調味，再放入熱騰騰的湯中煮熟，加入紫菜於湯中一同燉煮，令湯的口感更加豐富。雲吞內餡則鮮美多汁，而紫菜的加入為湯雲吞帶來獨特的風味和香氣。天下無雙 (尖沙咀)地址：尖沙咀亞士厘道16號地舖
continue reading
一間會令人食過返尋味嘅車仔麵，重點一定係佢嘅秘製辣醬！位於尖沙咀嘅天下無雙，店家嘅辣醬夠晒惹味，絕對唔會令你失望。另外，車仔麵嘅份量十足，係有心經營嘅選擇。下次去尖沙咀留港消費，不如就去食碗地道嘅車仔麵啦！無雙魷魚魷魚被冠以店名：無雙，理所當然係店家嘅招牌啦！無雙魷魚份量十足，口感彈牙，而且非常入味，係啱晒大家share嘅小食啦！藤椒魚皮如果食得辣，私心推介呢碟藤椒魚皮。辣度一開始以為唔算強烈，但後勁嘅麻痺感唔簡單，加上魚皮爽滑彈牙，越食越惹味。八寶麵餐車仔麵嘅餸樣樣都想食，但又想經濟實惠，咁最啱就係叫八寶麵餐，仲可以幫助一眾選擇困難症嘅患者呢！八寶當中嘅豬腩肉、小花菇、豬皮同蘿蔔，真係好正，全部都吸收曬醬汁嘅味道，夠晒入味；至於八寶又點少得經典嘅陳皮魚蛋同雞翼尖呢，陳皮魚蛋彈牙又有魚味，而雞翼尖煮得夠腍夠入味呢！豬八戒麵餐食車仔麵梗有一個同豬有仇！豬大腸、豬耳、豬腩肉、豬皮、豬紅…無論裏裏外外都係豬，亦係車仔麵最受歡迎嘅食材！豬腩肉用上五花腩，肉同脂肪比恰到好處；豬耳條條爽口彈牙；至於豬大腸肥美得嚟又唔會太大舊，口感一流。
continue reading
同朋友出左黎尖沙咀，順便食埋野先走，經過一間叫天下無雙嘅食店，見個名咁型就埋去睇下，原來係食車仔麵的。價錢唔貴就入去試下先，餸同小食都好多款式，睇左好多先落單😆⭐牛魔王麵餐實在太多野揀，最後決定叫牛魔王麵餐，個麵有牛腩、牛筋、潮汕牛丸，湯底要左麻辣，麵就要左米粉。好快就上枱啦，碗面香噴噴，餸望落去都好多喎。牛腩牛筋炆得軟腍入味，牛丸爽口彈牙，個麻辣湯底要咗小辣程度好惹味，辣度啱啱好，米粉吸咗湯汁好好味呀🤤⭐三餸麵車仔麵朋友就揀咗叫三餸麵，要咗鬼馬炸魚腐、魚皮餃、陳皮鯪魚餅，湯底要秘製辣汁小小辣，麵就揀咗油麵。上枱同樣豐富，滿滿一碗都係餸，仔細望下，原來朋友叫呢個全部都係魚類喎，哈哈😆個魚腐開頭我仲以為係豆卜，咬落有豆卜又有魚腐嘅口感，吸咗湯汁幾好味，鯪魚餅好香陳皮味，魚皮餃就正常嘅冰貨貨式啦。⭐街頭魚蛋呢個小食就係自己揀嘅，想食下咖哩魚蛋就叫咗呢個，一杯入面都好多粒魚蛋喎，冇仔細數，但好似都有15粒以上，魚蛋用上陳皮魚蛋，個人覺得個陳皮味仲重過過咖哩味😆⭐炸韭菜餃炸韭菜餃就係朋友揀嘅，佢話見到牆上張圖好吸引所以就叫咗，個皮炸得好香脆，點埋個甜酸辣醬真係幾好味嘅，不過可能廚師搞錯咗，入面得一粒係韭菜餃，其他幾粒係雲吞嚟喎，哈哈，一個小食有兩款口味抵咗啦🤭⭐無雙魷魚差唔多食完嗰陣，店員拎咗碟無雙魷魚過嚟，話送畀我哋試下喎，個魷魚爽口，秘製嘅無雙醬汁有啲似鹵水汁，甜中帶鮮，仲有少少辣味，食落香口惹味，不過以外地原來無雙魷魚係涼盤黎🦑⭐凍菜蜜 & 咸檸七飲品跟餐有優惠，叫咗一杯凍菜蜜同一杯鹹檸七。個餐牌唔知係咪打錯，凍飲正價同跟餐價都係十蚊，哈哈🤫另外真係想講下個餐牌，中文係冇問題嘅，但啲英文…唔知係咪google translate黎呢，簡直有當年Albert Yip咁高水準🤣
continue reading
尖沙咀收工食咩好🤪經過亞士厘道見到有間新開既港式車仔檔💁🏻♀️店面裝潢具心思，主打港式懷舊風，環境乾淨企理👍🏻店員仲好有禮貌又熱情，值得一讚🥰🔹牛魔王麵餐麵餐有齊牛腩、牛筋、潮汕牛丸，價錢都幾抵食！揀咗出前一丁，口感煙韌彈牙，煮得夠爽唔會糊，正～腩汁配秘製辣汁昇華味道層次👅牛腩軟腍入味、肉汁豐富，牛筋爽滑充滿膠質、潮汕牛丸大大粒好彈牙😋🔹自選麵餐蘿蔔香甜無渣、越南扎肉帶有胡椒香，彈滑清香、午餐肉經煎香更惹味、鬼馬炸魚腐食落好得意，好似油炸鬼、香煎陳皮鯪魚餅陣彈陳皮香，好彈滑有咬口～幼麵索滿腩汁湯底，正😆🔹無雙魷魚新鮮魷魚製成，入口特別鮮嫩爽脆，配埋秘製醬汁，甜中帶點微辣，好開胃🦑🔹燒賣蒸得岩岩好，帶魚肉香，煙韌綿軟👍🏻👍🏻🔹荔枝蝦球即叫即炸，熱辣辣上枱～細細粒，荔枝外型好別緻，外層酥脆香口，咬落內裡蝦肉彈牙😍🔹油菜食車仔麵通常都會叫油菜平衡下～芥蘭新鮮翠綠好爽口🥬🔹凍檸茶+熱柑桔蜜茶底清香唔苦澀☕️天下無雙🌟📍尖沙咀亞士厘道16號地舖
continue reading
天下無雙 (尖沙咀)尖沙咀亞士厘道16號地舖尖沙咀嘅天下無雙！佢嘅獨特菜式同高超廚藝有別於一般車仔麵。湯底濃郁，餸菜精細，係車仔麵界的頂流。招牌菜之一，荔枝蝦班$48。呢道菜以炸蝦球造型仿荔枝，真係視覺同味覺兩重享受！蝦球外脆內腍，再加上外形勁似荔枝，每一口都帶嚟驚喜嘅口感。滕椒魚皮，呢道招牌涼拌小菜$58。魚皮薄脆，再加上辣椒同香料嘅調味，帶嚟一種清新開胃嘅感覺，絕對係夏天消暑嘅最佳選擇，魚皮口感爽脆。最令我驚喜嘅係佢哋嘅車仔麵，我揀咗自選車仔麵，價錢就係根據每樣餸而計。呢度嘅車仔麵真係同啲一般嘅唔同，湯汁濃郁，餸菜選擇多元。我揀咗大肥腸同牛柏葉嚟配麵，每一口都飽含濃郁滷味同鮮嫩口感。份量絕對夠食，一定滿足到你嘅胃口！最後，叫了杯清爽嘅荔枝特飲，$18，同餐相得益彰。荔枝嘅甜美同特飲嘅清新完美結合，帶嚟一種愉快嘅口感。
continue reading
You may be interested in