燒肉 DON DON

Open Now

Now Closed

週末一人去旺角附近辦事，唔知lunch可以食乜好，睇到呢間燒肉dondon，店面環境很寬敞舒適，唔塞搭枱，一人食都唔會尷尬烤肉有100g 200g 300g幾個set選擇小食可以選擇沙律或者泡菜我鍾意泡菜多點，比較好送飯會搭配一份羅宋湯都算幾好飲我鍾意食牛肉多，選左牛五花套餐，呢排胃口唔算好好選左最細set，連50蚊都唔塞，性價比唔錯肉質都唔錯😌非常適合我！全程都比較自助，仲免左+1，總體食落來覺得幾抵食！

自從第一次食過一人燒肉之後，愛上左發掘一人燒肉，今次就黎到旺角通菜街呢間燒肉dondon食，嗌左一人份既牛肉套餐套餐可揀泡菜或者沙律，附一碗飯同一碗牛肉羅宋湯牛肉同之前食過相比比較厚同大塊，厚實有牛味，飯都係粒粒分明，係優秀的飯粒，建議大家點的話點100g或者雙拼。除左牛肉豬肉雞肉外都有好多其他不同的組合選擇餐廳有對墻一人座位同埋多人一台座位，一人坐門口對墻位獨食就最適合不過。平平地幾十一百，又係一個獨食燒肉選擇

燒肉 DON DON (旺角)旺角通菜街35號地舖。邊個話食燒肉一定貴？我只係用左$48就已經做到啦～ 同埋我發現呢間餐廳係好適合一個人毒毒黎食😆 因為呢度係一人一爐架。牛五花套餐100g ($48)中午食個100g就岩岩好，有4塊牛五花，燒下燒下一樣咁過癮，只係$48有呢個體驗仲想點 🤣 仲跟碗白飯、湯、沙律，湯一d都唔hea，係足料羅宋湯黎ga。當然呢度都有靚牛食，食平食貴就睇你自己budget la~ 下次遇著糧尾手緊又燒肉癮起，呢度都一定幫到你😆。#gpigmk

燒肉DON DON，旺角一人燒肉店，簡潔裝修，燒肉套餐由$48起就食到，仲要食到牛肉同有100g肉🥩電子落單直接網上俾埋錢，方便，上餐都好快😌豬五花&牛五花套餐，配沙律、和風湯同日本珍珠米飯，幾豐富😇日式燒肉爐，好快熟，先試牛肉，好大塊，幾厚身，油份當然夠，燒香後配個燒肉汁，好味😋肉汁多，配埋珍珠米仲正👍🏻豬五花係薄片，可以燒到好脆，配韓式辣醬好惹味🤩有好多唔同既醬俾你慢慢試，蘿蔔蓉牛扒醬都幾特別🥓抵食既燒肉，一個人食都可以好舒服👨‍🍳

冇寫食評習慣，但今次唔寫唔舒服🫣星期六同朋友兩個人下午茶時段入去，客已經唔多，口音重的音姐姐叫左我地坐近門口位置。其他入少少既枱都放左「留座」牌仔，諗住食個快飯就算啦。未坐低就見到有d細細隻既烏蠅飛黎飛去……感覺唔好，個爐都算熱得快，不過連個人都烘到塊面出汗🥵之前去其他燒肉店都冇熱到咁既。QR code落單，落左個牛舌+牛五花+牛胸腹既套餐，野食到左，驟眼睇都應該真係有250g既，不過d肉唔似係燒肉用果種，似係打邊爐果種薄片😅一夾落去呢，喂未溶雪既🥲🥲🥲🥲餐具係櫃桶自助式，一打開拎筷子，d筷子好污糟呀🤮洗得好唔乾淨有漬既，仲有幾塊蔥係上面🫠點樣洗先可以仲keep到上手既蔥花係度？？同朋友邊燒邊傾計，好難傾到計，因為d侍應姐姐係隔離普通話吹水超大聲，唔知以為自己去左大陸燒肉店🫥🫥🫥大聲到我聽唔到朋友講乜野。個套餐$102，有肉有飯+沙律+酸酸地既雜菜湯。唔包飲品。呢個價錢我可以揀好多其他更好既餐廳，中伏一次就夠🙌🏻

女人街真係好多嘢食，大大小小餐廳應該都超過70間🧐淨係燒肉都有幾間，今次就試吓呢間先🤣設有一人座位，就算自己食lunch都唔使怕搭枱尷尬啦🫣餐廳座位除咗一人區，仲有二人/四人區，都算闊落，另外有自助斟水，呢度性價比好高👍🏻lunch set $48起🤑🥩牛五花&豬五花套餐 $48(包括日本珍珠米飯、和風湯、泡菜或沙律)枱上面有5款醬料選擇，而且有黑椒及鹽👍🏻牛肉肉質正常唔會太柴，出乎意料之外係牛肉幾重牛香味🤩加少少黑椒已經好夠味🤤豬肉幾乎全部都係肥膏🫣睇見都超級邪惡，但係燒嘅時候逼出油分，入口又唔算太肥膩😯同樣地加黑椒加燒汁，燒完少少脆口感，送飯唔錯😌

旺角通菜食肆林立，放假一個人唔知食乜果陣就會去睇下有乜好食🤔今次發現日式一人燒肉店，午餐時間都幾多人食，咁就決定入去試下餐廳有多款套餐，價錢按肉嘅級數同重量計算，我點左牛五花100g$48，套餐已包珍珠米飯、和風湯、泡菜或沙律。點餐後店員會開爐預熱，個餐亦隨即送上，即刻可以開餐😋醬料好多選擇，有黑胡椒、岩鹽、鹽味醬、牛扒醬、燒肉醬同胡麻醬，我個人鐘意加胡麻醬撈沙律，燒肉就沾燒肉醬同鹽味醬好惹味餸飯一流👍🏻

Today, while strolling through Mong Kok, I came across 燒肉 DON DON, a cozy barbecue restaurant. Intrigued by their affordable prices, I decided to give it a try for a quick lunch. The restaurant even provided wet tissues, showing their attention to detail. For my order, I chose:🥩 牛五花套餐 Beef Short Plate Set 100g Price: $48The set includes Japanese rice, soup, and a choice of kimchi or salad. I opted for the refreshing salad without any sauce. To complement the succulent beef, there are condiments

今日喺旺角搵食, 搵到間親民價嘅燒肉店. 位處通菜街 地點方便，店鋪非常闊落,  有4人枱, 也有單人位. 任君選擇. 揀左個午餐SET  - 豬五花拼鰻魚     ($50/包日本珍珠米飯、和風湯、泡菜或沙律）  另加  牛五花100g  ( $32)    共$82   非常滿足 豬五花- 肉質新鮮，油花分佈均勻, 鰻魚更有驚喜, 厚身大件, 更重要係香口. 牛五花肉質嫩滑，油脂均衡，配埋沙律解膩 , 湯好好飲足料嘅日式羅宋湯蘿蔔牛肉湯. 醬油選擇有好多，有鹽味醬、燒肉醬、牛扒醬、胡麻醬及岩鹽實有一種啱口味. 下次去旺角 可以encore!燒肉Dondon地址*旺角通菜街35號地舖

入到去枱面已經唔乾淨，張枱好油同黐立立！之後啲肉上到黎又有隻蟲係啲肉上面！！！之後叫職員換，佢攞左返去淨係整走左隻蟲同淋左啲汁上去就當換左一份比我十分過份，態度又差

🥩牛五花&豬五花套餐｜包白飯+和風湯+泡菜/迷你沙律💰$48（100g）⚡有時候想食燒肉但冇人陪，或者想要ME TIME，去連鎖舖可能有啲尷尬，呢個時候就可以去旺角嘅燒肉Don Don 🙌自己霸住成個爐頭，鍾意點燒都得～重點係餐牌有好多種唔同肉嘅部位+gram數揀，對胃口較細嘅朋友仔（小女子是也）/唔食牛嘅朋友都好friendly💖大家可以按自己需要鍾意點燒都得，而且仲有獨立爐+座位，簡直係社恐人同i人福音(⁎⁍̴̛ᴗ⁍̴̛⁎).⚡今次揀咗100g嘅牛+豬套餐，配有珍珠米飯、和風湯、泡菜/沙律，超抵食😳肉類質素唔錯兼冇加一，餐廳有多款醬汁可揀，仲有玫瑰鹽同黑椒，可以過下煮飯仔癮，當然都可以考慮加$配生雞蛋沾嚟食，保證幸福感max🥳⚡整體嚟講燒肉Don Don係一間以CP值極高嘅一人燒肉店，更加係i人嘅天堂🙌

現時愈來愈一人燒肉，這一間位於旺角的一人燒肉，價格超值，100G的套餐只需要$48就可以享用到，更可以選擇豬五花、牛五花甚至雙拼，當然也有牛小排、牛肩肉、和牛等等，這裡是用手機自行下單。豬五花拼牛五花套餐：兩種肉都是薄切，燒的時間不用那裡長，豬五花可以按個人喜愛燒至脆皮，牛五花只需要兩邊燒一燒便可，而且可以配搭不同的醬汁，個人最愛燒汁。另外有羅宋湯及一個沙律，沙律配有醋，而個人喜歡加上很多的胡麻醬。相信價錢十分親民，因此引吸很多學生光顧。

一人前燒肉套餐 - 牛五花100g ($48/包日本珍珠米飯、和風湯、泡菜或沙律）★－:+:－:+:－:+:－:+:－:+:－:+:－:+:－:+:—★​一人成團燒肉🔥位處通菜街，地點勁方便，一入店鋪感覺非常闊落，有卡位有開放式座位有面壁思過位，環境乾淨企理，冷氣好夠凍，爐頭細細但火力十足，吸油煙功能OK，食完冇成身油煙味👌🏻有十幾款一人燒肉套餐，肉品選擇多；我就叫咗客全場最平嘅$48牛五花100g🤭套餐除咗有主角 - 肉，另跟一碗飯，沙律同蕃茄牛肉湯；牛肉燒香後咬落唔韌，油脂豐富，薄切極快熟食得，燒好後一口飯一口肉正，每張枱有齊多款調味料，旺角區$48仲想點🙂

牛五花套餐300g $108牛舌，牛肩肉&澳洲M5牛胸腹套餐250g $165未試過嬲到要寫食評 啲肉完全唔新鮮 啲醬汁冇一種係好食 燒肉汁似豉油個爐又污糟 勁多黑邊 見到都唔開胃

興之所致，突然想食烤肉，但係一個人又食唔到好多，唔想去放題，見到呢間平平哋，賣相又唔錯，所以最終揀咗呢間。入面地方幾乾淨，冇乜油煙。餐牌有套餐和很多不同部位的肉可以選擇，而且還可以選不同份量的肉。枱面上還有很多不同的醬汁可供選擇。牛五花套餐我選了一份牛五花套餐，因為唔太肚餓，所以只選了一份100g。加上套餐包括了白飯，湯和泡菜，仍然相當飽肚。而質素方面，牛肉質嫩滑，油脂均衡，泡菜和湯的調味也不錯。以五十元不到的價錢就能享受這烤肉，性價比可算是相當不錯～