百寶茶檔

Open Now

Now Closed

一開門就話自己等咗幾耐，同埋自己再等落去就要走，我唔明佢係唔係壓力過大，係我面前發神經，我睇番屋企嘅cam，佢只係等咗倆分鐘，就係度串我，希望你哋審視番個問題，雖然啲嘢係唔錯，但服務態度係一個問題

鍾愛雪菜麵/米，落完單好快就上菜。多士夠脆，蛋略為油（太陽蛋無得唔油呀小姐😂），放埋落麵一齊食啱晒，因為雪菜調味比較咸，有蛋黃中和返啲。咸度同以前 XX運相約，但無咁甜。（利申食開淡口嘢，味蕾敏感小小）麵無煮過頭，有咬口。奶茶幾好飲，茶膽偏濃。見到隔離枱個成2寸厚西多好正，下次要試！食物飲品夠熱，份量都夠。座位係迫小小，唔介意可以坐室外。

好多餐廳七點先開門！百寶茶檔六點半準時營業。😂淨係要個餐蛋一丁麵加凍啡少甜少冰！盛惠33蚊！☝️餐肉夠厚有煎香過，起碼唔會尋日見到人情紙咁薄嘅餐肉。😏最緊要凍飲唔洗加錢，畀我提一提神！🎉

同朋友兩個人一齊去，點左一個餐肉米，1個卡邦尼肉粒飯。未食過有茶餐廳用滾水湯底都算啦，衰到連鹽都唔落。餐肉米已經係好唔需要廚藝嘅一樣嘢都做到咁差，即係冇良心。然後個卡邦尼肉粒飯，酸既。連埋其他怪味唔識講。好有可能因為佢係個汁度加咗香草，卡邦尼醬將從來唔會加香草。搞到個汁一陣怪味！然後啲肉粒都有怪味，係另一種嘅怪味！本來唔好食就連寫食評都費事，但係味道真係差得好緊要，唔寫驚其他普羅大眾俾佢呃咗入咗去。

到了附近工作後，常同肥師兄到這間茶記食早餐。這裡早餐價錢不貴，沙嗲牛肉麵+凍飲只需$33（2023年）再加雙滑蛋多士只需+$6。而且即食麵轉出前一丁還不用加錢已比別的食店慷慨。味道方面，其實早餐的食物不外乎即食麵，滑蛋多士。煮得難食比煮得好食更難。這裡比較特別有元朗的勝利牛丸。他的招牌百寶春卷都不太差，不過早餐食就油膩少少。若真的難食仲可以加辣，加辣就食乜都辣。除辣椒油仲有一蘭的辣粉可以試。唯一較差就是環境比較骯髒，不過早餐都是快快脆食完埋單走人，影響不大。

好多時買餸都會經過呢間小店。雖見佢乾淨企理，但係都係食下早餐，三文治之類，都無咩特別姐🙄前兩日天氣一潮濕人就懶，拖到下晝兩點幾先去買餸。去到行過見下午茶時間都坐滿人，我又未食晏，但諗住一枝公無謂同人迫啦。到買完餸，見剛有人走，又未有車返屋企。就試吓啦。睇到餐牌都係以前茶檔大路嘢，想快快趣就叫咗個特餐$40⋯⋯見佢有出前一丁係佢哋指定公仔麵完全唔駛加錢😂跟餐飲品仲要冷熱同價，真係未食先興奮🥰上檯直程要嘩一聲太陽燶邊蛋而隻蛋一啲都無散，個多士外脆內軟，咬落就知唔係隔夜方包個沙牛麵牛肉軟滑，個丁麵跟足我要求夠晒爽，仲落埋麻油，完全無得挑剔🤪仲有杯凍檸茶，茶夠香，甜味剛剛好，大大杯都唔駛加錢，真係不得了總結報告：非常之食得過同場加映： 全套樽裝汽水同自家製無冰奶茶+鴛鴦

沙嗲牛肉麵可以話全個油麻地數一數二，沙嗲味夠香之餘仲有花生粒，非常有誠意。再送兩條菜心，感覺都健康啲。如果剩沙嗲牛太寡可以加錢黎個多士炒蛋。裝修後，環境寬敞，燈光足夠， 位置都坐得舒適左。唔知係咪夥計都換左，快左爽手左，不過朝早比較多人食，可能要等位。下午茶，鹹牛肉蛋餅雖然話係招牌，個人覺得未到頂級，不過唔鍾意重味嘅朋友可以一試。飲品黎講都係茶記水準，我就飲左熱朱古力，奶味重，不過比較偏甜。黎到油麻地 食港式早餐常餐 一定係食呢間。

沙嗲牛一丁沙嗲無hea 你， 好香微辣，見到有花生粒嗰種。一丁會煮生啲，食下食下就岩岩好。腿蛋治係厚蛋，幾滑。茶檔環境唔好要求有幾乾淨但唔會令你唔舒服，服務都唔係温暖貼心但呀姐至少有求必應。

剛好經過街口茶擋，便入去吃個午餐～ 選擇並不多，但價錢合理。 一個特餐$40蚊，本來對街邊菜檔無咩預期，只是想填下肚同打發時間，點知首先個多士好香好脆味道不錯，煎雙蛋就正常水平，杯熱咖啡比一般茶餐廳好飲好多，值得一試。 最後是個主菜沙嗲牛肉公仔麵，牛肉是先炒過（見到有少少燶邊，所以好香）而值得一贊是個湯底，味道一流，第一次吃茶記公仔麵湯底是加左鮮辣椒和蒜頭粒，真係認真製作～ 最後埋單$40，貼心老板仲回了一去利是～ 本以為是下次光臨現金卷或祝福字句，點知是現金$10。。從用料和其他細節上看得出老板是真心真意做街坊生意👍👍👍

原來，原來這間「百寶茶檔」已有不短的歷史，不過也許是以前地方簡陋，其貌不揚吧，即使自己偶然都會路過，也從來沒有留意到它，到了近一兩年，有時候經過這附近，發現有這麼一間地方開揚的茶檔，才真正留意到它，而到了數天前，我再次經過這裡，就第一次在裡面吃個茶檔早餐。這裡早餐選擇不少，地方也算光鮮企理，看餐牌，見「早晨麵餐」中有一款「招牌鹹牛肉蛋麵」（$37）似乎不錯，便叫來一試。「招牌鹹牛肉蛋」是另上的，不怕被麵湯浸淋。這蛋餅都幾大份厚身，鹹牛肉份量適中，不會過多過鹹，但也不會太少而無鹹味，加上都算滑的炒蛋，以之伴出前一丁吃，沒有那麼大路之餘確是不錯。至於那杯以不鏽鋼杯子盛載的「凍奶茶」，味道過得去，奶味頗濃，也讓我勾起了一點往日的回憶，懷緬起舊日的足跡。這裡風味獨特，這天我吃的早餐味道也不錯，加上它還有不少其他較為特別的早餐，好像「勝利牛丸麵」、「客家鹹香魷魚米」、「百寶春卷麵」等可供顧客選擇，如果碰巧在早餐時間路經這附近，我想我應該會再去幫襯的。

一間老舖，好傳統既舊式茶檔翻新，執整過之後，坐得舒服左，不過都保留茶檔風味連餐牌亦都更新左，系靚左好多既一一一就叫個 招牌鹹牛肉餅 配 牛油多士賣相幾特別，系花過心思鹹牛肉系好食，裡面都keep到少少滑蛋感唔會煎得好老而牛油多士都唔止系放得好睇牛油足，夠香，亦都夠脆身，讚既👍🏽重跟凍飲唔洗加錢添

小妹腸胃欠佳，甚少去大排擋怕不衛生，但今日經過油麻地，遠看一間大排擋好多客正在午餐，自己心癢癢，既然係香港特色無防一試吧！要了杯茶走，老板娘見我係女士専登問我要不要少甜，太醒目了。味道濃郁有茶香味，好滑。再要了餐蛋公仔麵，蛋是即煎好熱辣，餐肉切得薄薄煎得香口，麵條軟硬度不錯。其實食物水準不錯，但坐底後覺得圍繞我的是煙味，每次張口進食有覺同煙味一起食落肚，再加上望到有個㕑師喉嚨裡發出吐聲，實在怕怕了。

次次去開附近買野都見到呢到坐滿哂人今次終於記得留肚去試一試佢！心大心細諗緊食咩好，落單阿叔“想食咩呀？講就有架喇”一於加$7要雞翼啦，原來加$3仲可以轉埋蛋牛治！老公話雞翼食落似生炸，我就話生唔生炸唔緊要，最緊要好味！雞翼加左黑椒粒，咬落又脆又香，入面又唔乾，正啊！埋尾encore多4隻雞翼先走人！呢排開始量地係時候安排四圍食好野喇

隨了有歷史價值之外，還是歷史價值，有一貫舊店的風格，全店只有2個餐或散叫，還有的是-時間，雖然是固定的常餐，但如果你不准備預計15至30分鐘等餐，這里懶洋洋的氣氛不適合你，不過，因為沒有規定準則，所以間中你會比其他人很快可以得到你的食物，如果你想睇報紙、玩手機，慢慢花上1、2小時，這里很適合你。煎雙蛋是最好吃的，凍O茶也很夠味，多士則太乾似隔夜的，牛油似有還無，雞翼要加12元，有2隻，其它的都一般。

記得小時候……爸爸媽媽每逢星期日都會帶我去旺角一間叫田記的鐵皮大牌檔食早餐，我最喜愛那裡的火腿煎雙蛋再加一支玻璃樽麥精，那種情懷、那種味道，牢牢記在我的腦海裡，歷久彌新~雖則已經在佐敦住了一年多了，但卻很少在大白天閒逛，今日好偶然咁見到這間餐室，竟然重拾那種我差點已忘懷的感覺……這裡一排過的長枱，有否勾起你學生時代於食物部進餐時的感覺呢？就是這種獨有的格局，沒門、沒裝修、也沒冷氣，坐在裡面時感覺又像坐在出面，像霧又似花、開放式的格局，連鄰座間陌生的食客也頓時變得親切起來~開放式的廚房，從內至外一目了然、就是代表這茶室坦蕩蕩的不羈性格了！時值中午十二時了，嘗試問問還有沒有早餐供應？親切的姐姐很爽快的答道:有！你要的話幾多點都有！……就是這種親民的態度，又加分了！(寫這篇食評的時候，再細看這餐紙、原來早午餐都是一樣款式及價錢的 -_-# )今天我點了沙爹牛麵、煎雙蛋、凍奶茶(盛惠$30)這味百分百的港式風味，只有香港獨有亦算小小的'香港驕傲'，曾帶一個台灣的朋友吃過一次沙爹牛麵令他回味無窮，苦訴返台灣後再也吃不到這種美食了，還差點誤會'牛'的廣東讀音是'嘔'添呢。很奇怪……你從不會投訴沙爹