Video
Above information is for reference only. Please check details with the restaurant.
雖然位於「荃灣」，接近「柴灣角街」跟「海盛路」之間的熟食市場中心「柴灣角熟食市場」，位置不是在「荃灣」港鐵站旁邊，而且距離「荃灣西站」也有一段距離，離開「荃灣西站」後需要沿海傍步行一段長距離才能到達。「柴灣角熟食市場」裡面有一間飯店「聯發福食飯店」，「聯發」雖然有提供平民價錢的自助午餐，雖然「柴灣角熟食市場」跟「荃灣西」距離不遠，但是跟「西貢」之間，實在有太遙不可及的距離。所以要我在中午，千里迢迢從「西貢」前往「荃灣西」光顧「聯發福食飯店」，享用平價的「自助午餐」難度實在太大，所以我不敢享用「聯發」的平價自助午餐，把平價自助午餐留給真正有需要的人好過。相反在晚餐時間光顧「聯發福食飯店」，享用一般晚餐食品反而未嘗不可。於是我在六時左右光顧，點了兩碟碟頭飯當作晚餐，包括「蘿蔔牛腩飯」跟「味菜雞柳飯」，其實我想食「雞扒」，可惜店主告訴我「雞扒」售罄。其實「味菜雞柳飯」裡面也有很多「雞肉」，只是「雞柳」實際份量不及「雞扒」那麼多而已。結果味道甜甜酸酸的「味菜」實際製成品份量，一時間看來比「雞柳」實際份量來得更多，單獨享用「味菜」口感感覺會有點單調。所以「味菜」本身除了味道偏向酸酸甜甜之外，而且「味菜」的實際質感感覺偏向外硬內軟，酸甜味道兼且口感不太腍的「味菜」，比較適合配「雞柳」跟「白飯」一起享用。至於「聯發福食飯店」晚餐另一款食品「蘿蔔牛腩飯」本身醬汁味道比「味菜雞柳飯」淡薄得多，「聯發福食飯店」的「牛腩」，屬於被預先慢煮炆熟備用的貨色，有客人柯打後才放進爐頭的鑊裡面加熱煮，煮完才淋在白飯上面。由於「牛腩」本身已經被「聯發福食飯店」預先慢煮煮熟，本來即時享用口感會是最腍，但是「牛腩」隨著時間熟成，加上需要把「牛腩」加熱煮成「蘿蔔牛腩飯」，所以「牛腩」實際口感在所難免地變得有少許硬。但是「聯發福食飯店」晚市即使沒有提供自助餐，餐牌價目表裡面也沒有為晚餐碟頭飯透露實際價錢，但是這樣也沒有令「聯發福食飯店」晚餐時間的碟頭飯食品實際售價變得太過昂貴。因為我享用完晚餐，結賬時發現晚餐兩碟飯沒有包含飲品，加起上來的總價錢也都需要港幣九十元而已，性價比算是偏高了。但是我享用晚餐期間，店主把場內電視打開，電視播放新聞報導，所以我食完晚飯，立刻趕緊結賬，儘快離開熟食市場返回港鐵站。
continue reading
位於荃灣柴灣角街及海盛路交界嘅柴灣角街熟食市場，場內嘅聯發飯店推出$40元嘅自助午餐，所有小菜、白粥、白飯、例湯，全部都係任飲任食，而且更不限時間，店內更設有冷氣房可供食客用餐，冷氣房內更設有電視及電風扇，冷氣房比較衛生D。自助午餐設有30多款小菜可供食客選擇，小菜款式更會作出不定時更新，惠顧自助午餐＋$4元更可配上冰凍罐裝可樂(可選冰底)，小菜款式有椒鹽豬扒、白切雞肶、麻婆豆腐、西芹雞柳、滷水豬頭肉、紅腸、滷水雞全翼、炆腩肉、豉汁蒸魚、炆冬菇、咸菜豬肚、涼瓜炒雞雜等，未能盡錄，如果唔太介意衛生環境嘅話，可以嚟一試無妨
continue reading
今次已經係第二次嚟食嘢，雖然佢個位置唔算就腳，不過佢嘅質素唔錯而且價錢真係非常之抵食！ 今次一行十人係食海鮮餐當然要同老闆深哥訂定枱嘆住冷氣咁食 一坐低先食三個頭盤滷水墨魚 佢嘅滷水野都好食，點埋芥辣同埋辣椒醬食更加正炸大腸 呢個送啤酒係一流仲有呢一個椒鹽炸菇真係不得不提，去到係必食嘅，我覺得佢嘅好味程度係拍得住新鮮嘅椒鹽鮮魷，再點埋喼汁食，佢入面嘅菇又唔會炸到好乾 佐油小食首選冰鎮鮑魚 隻隻嘅size都唔細，而且佢處理得好乾淨 新鮮美味椒鹽賴尿蝦 一睇張相同筷子對比就知佢有幾大隻蒜蓉蒸大蜆油鹽水沙白醬油大蝦麻辣花螺清蒸紅油班羊腩煲 呢個羊腩煲又係好正，老深哥親自揀羊返黎整嘅，一嚟到佢嘅半膻味非常濃，但食落一d都唔覺，點埋腐乳 秋冬必食其實仲有一個薑蔥炒蟹但係唔記得咗影相呢度食嘢真係好抵，如果比呢個價錢食到咁多樣海鮮而且咁嘅質素係非常非常值
continue reading
麻將需少，但五藏區存，地方需然唔係咁靚，但海鮮一流價錢合理，要咩海鮮都有，推介椒鹽手臂賴尿蝦，冰鎮鮑魚，蒸大扇貝，凍蟹，蒸大蟶子！椒鹽茶樹菇，炸大腸，墨魚餅！冬天可以食羊腩煲！打邊爐！肥牛、手切牛真係無得頂！仲要有冷氣位坐，不過一定要訂位如果唔系要坐出面會好熱，冬天還可以！仲有好多好多菜式不能盡錄！只要你諗得度嘅海鲜都司以预早訂定，已经多次幇襯，仍然保持良好水準，老闆叫深哥，有求必應想食乜野有乜野!
continue reading
工作到深夜，大家都未食飯，最後同事帶我哋到呢度食晚飯，附近可以泊車，去到一個殘舊冬菇亭，講真環境一般，有啲貓叔味，大圓枱有木轉盤，枱面都有啲黏，有室內冷氣房，比較光猛，我哋方便睇車無入去！好快落單！見住開放式廚房廚師煎炒煮炸！鹹香花生：新鮮無溢味！落鹽粒好好味！例湯：夠熱老火湯，下火土魷蓮藕湯香煎墨魚餅：煎得外脆入面彈牙，點埋啲泰式醬仲正！西檸雞：雞肉炸漿太多，雖然脆但食唔出雞味，西檸醬酸酸甜甜，杰身掛雞能力唔錯！好味！椒鹽炸菇：第一次食炸菇，炸漿唔厚，菇大條炸完唔乾，食落微脆煙韌，點少少喼汁已經好好味！粟米班塊：班塊唔乾，淋咗粟米汁微脆，粟米落得多，香甜好味！小炒王：西芹爽脆，蝦肉同魷魚都新鮮，蝦爽口，魷魚有咬口！腰果爽脆！好味！芥蘭炒牛肉：牛肉嫩口味濃，芥蘭爽脆！好味！豆豉鯪魚炒油墨菜：油墨菜嫩綠爽脆，豆豉鯪魚鹹香！好味可樂：支裝汽水夠汽！白飯：太濕，太碎！唔好味食物夠鑊氣，味道唔錯，而且份量幾大！店員好好笑容，大家食得盡興！雖然環境一般，食物唔錯！廁所要去附近嘅公廁！
continue reading