肥仔雲南小鍋米線

Open Now

Now Closed

聽過哩間米線好耐，終於試到排咗十分鐘 一入座 嘩 個位會唔會太窄呀 我唔係特別肥都覺得勁逼 男朋友直頭全程要縮埋隻手食 🤯🤯 枱細 張凳又細 ！ 叫咗酸辣 腩肉 大腸 海藻 ，食落第一啖感想… 只會嚟一次 😵‍💫 雲貴X仲好食過佢 整體好咸吓 食一啖要飲一啖水 🤯 餸亦好少 ！ 同埋真係太逼 完全食得唔舒服 得罪講 無下次 ，湯底係偏甜味果種，米線係幼身米線 😖 食一次當完咗個心願 ～～～但個環境 啲擺枱 ，座位 。。係咪俾小矮人定侏儒去食㗎？？？ 😂😂😂搞唔掂！ 名過於實！

真係好耐冇食，所以掛住肥仔嘅米線所以叫咗外賣平台落單，但係咪算嚟到係唔熱已經大打折扣小鍋米線嘅重點就係熱辣辣，是諗住自己叫外賣冇辦法，點知連米線都有啲唔熟。感覺到廚師嗰種冇生意，而令到自己冇追求進步。😞豬頸肉明明係最推介要食嘅，點知最後都係硬柴柴。小窩米線唔好食，豬頸肉又唔好食。

喺呢頭番工，成日都聽話呢間米線好好食，咁就趁lunch time黎試下佢啦。叫左個雞絲墨魚頭麻辣米線，又真係唔錯喎。比起譚仔米線食落多左麻辣香味，又少左味精感，墨魚頭夠爽口，雞絲就正常啦，平日lunch預左要等10分鐘左右，入面雖然細細間但turnover好快，黎開附近可以一試。

🤍米線真係試多幾間都唔怕多~每次都期待可以食中一間岩自己口味又抵食既米線🥹，網上肥仔米線評論好壞參半，所以都係親自拜訪下～👀間店係喺德寶商場入口嗰條巷仔，店舖細細座位之間都尚算逼•酸辣小鍋米線 (墨魚頭、螺旋藻*小辣)🐙湯底有小小似雲x香既小鍋米線，湯底酸辣balance 得岩岩好，唔會成層油浮面，米線份量偏小，墨魚頭都比較細舊，只係得一兩舊係大舊爽口，螺旋藻食落同海帶差唔多 米線比偏幼身小小，滑但唔彈牙•酸辣小鍋紅薯粉（豬紅、豬頸肉*小辣)🐽豬頸肉就有小小失望，以為會帶小小焦香，個人較喜歡焦香斜切豬頸肉（類似泰式個類)，豬紅有小小彈性總結⚠️如果要係九龍灣地鐵站行過去或者特登去食就不了，除非順路都可以考慮下

九龍灣呢邊都有d野食下可以揀下不過行到黎得寶就無試過，今次就因為想試下米線所以就行左過黎食。呢間都係小店部分位置會坐我得比較迫既，食物方面其實都係普普通通，炸鮋魚鬚，小窩米線紅腸雞翼雞絲，凍檸樂。炸鮋魚鬚比較失望，食落去感覺肉質比較小，吃落比較多粉，可能鬚比較幼所以炸完口感就一般般而已。紅腸雞翼雞絲米線，還好不過不失，料都算是多的，份量ok, 雞絲都有唔少，味道就沒咩特別不過份量算搭夠。凍檸樂，係一罐可樂另外檸檬加冰上。總結黎講。。。覺得正正常常未食過就試下。不過鮋魚鬚就失望少少了。

米線關注組谷友介紹今日去咗‘肥仔’度試吓⋯⋯叫一碗米線需時25分鐘先食度見前枱對夫婦同一個單身女客人吹侍應（原來已經等左2X分鐘）但當時個埸得10個客（有5個已經食緊）終於等到啦！叫左1:朱紅、墨魚頭中小辣 2:朱腸、魚腐小辣 3:炸雞亦一傷米線超淋淋淋⋯⋯😵朱腸碎上碎條⋯⋯😵‍💫魚腐真正身份系⋯⋯⋯⋯⋯⋯魚旦🙄朱紅正常兼滑👍🏻雞亦脆皮肉嫩湯味較肥膩辣味比一般店辣整體只可說一般唔太出色唔會掛住佢🤪

成日聽人講肥仔米線好出名，今次終於黎左試下！位於九龍灣得寶商場，外圍小巷地鋪，少少隱蔽，少少難搵，但平日晚上入到去都差不多滿座。🔸紫菜雞翼酸辣小鍋米線叫小辣，都已經好夠辣，碗湯食到最後都仲係好熱，米線煮得夠煙韌！夠濃味！份量亦十分多！紫菜掛湯！雞翼不過不失🔸豬頸肉豬大腸小鍋米線朋友叫的，兩個餸都份量十足！好食！

米線關注組有唔少人推薦呢間係九龍灣嘅米線舖，當我滿心歡喜以為搵到好西嘅時候，只可以話，可一不可再🫥⠀我嗌咗紫菜雞絲麻辣米線🍜(加杯凍檸茶)，對於我比較細食嚟講，份量都唔少架，但係一試就... 雞絲偏“嚡”，不過有好多米線舖嘅雞絲都係咁。紫菜好吸湯，但係個湯出晒事，鹹到不得了😪，之前聽聞過有人話呢間店嘅米線偏鹹同重口味，我冇諗過係鹹到令人食唔到，失晒望。⠀雖然加咗嘢飲後嘅價錢依然相宜，但係食物質素令我投晒降。喜歡食濃味嘅人可以試吓，但如果食慣淡口味嘅人就自行斟酌。

九龍東其實一直都好難搵到好食嘅米線店唔同油尖旺開到週街都係如果叫我揀九龍灣最好食嘅一定要介紹呢間肥仔米線由荃灣搬過嚟嘅已經有好多年經營經驗每次路過都聞到好香有時夜晚食嘅話要排隊配菜份量好足夠，而且好好味每次都係嗌螺旋藻同墨魚頭， 有時會配雞翼螺旋藻好有咬口， 而且唔係週圍都有得食如果會幫襯嘅話建議試下 墨魚頭都好大粒不過辣度有啲飄忽唔穩定有時小辣已經好夠辣， 有時又好淡如果鍾意食辣嘅話保守起見叫高一個辣度

幾乎每次食酸辣米線都會諗起肥仔😋😋😋有時收工都會特登過去食～😚不過有時夜晚比較多人，繁忙時間就要等位...咁多年都keep到質素～湯底好濃味，夠辣，係重口味人士之選！唯一就係舖頭比較迫個人覺得衛生程度可再加強🤏🤏🤏

去咗九龍灣，我以前返學嘅地方今日去咗德寶商場食咗一間想食好耐嘅米線我叫左麻酸辣 中辣 豬軟骨螺旋草米線豬軟骨蚊得都幾林炸豬扒豬頸肉肉燥飯都唔錯呀 豬頸肉都幾好食 😋推薦一下 蒜泥白肉味道都正宗啊💕💕

點了外賣但是好鹹 超級鹹 吃到一半就要加水到米線裡面才能繼續吃。湯整體是偏甜 點了bb辣也沒有什麼辣味道。炭燒豬頸肉是最好吃的，很推薦。不建議特意來吃，如果路過的話可以試試

身為米線半愛好者，當然唔少得試食米線餐廳啦😋今次我哋發掘到一間位於九龍灣嘅米線餐廳「肥仔雲南米線」餐廳係德寶商場地下嘅小巷到，位置唔多起眼，所以我哋都轉左陣先搵到～～～～～～～～～～～～～～～～🍜小鍋米線+蟹柳佢哋嘅小鍋米線整體味道還好，米線硬度適中，個人覺得湯底咸咗啲🙈酸度都重咗啲。湯底可以選擇辣度🌶️，可能選擇辣啲可以中和到整個味道😂🥢涼拌米線+腩肉我哋兩個都較中意涼拌米線，配菜中有炸醬，食起上嚟有少少辣辣哋🌶️ 配菜同醬汁撈埋一齊食都好惹味。但食食下會覺得有啲咸🤣 所以一定要叫野飲🥤🍖碳燒豬頸肉豬頸肉真係值得一試👍🏻 碳燒味好出，肉質岩岩好，唔會話好硬或者好軟，份量都足夠，配埋啲泰式辣醬正呀🤤想簡單平平地食個米線，可以嚟呢到試吓☺️～～～～～～～～～～～～～～～～推薦度：⭐️⭐️⭐️美味度：⭐️⭐️⭐️環境：⭐️⭐️📍九龍灣牛頭角道3號得寶商場地下37號舖#香港美食 #美食 #美食推薦 #美食日記 #九龍灣 #米線 #肥仔雲南米線 #頹食 #hkfood #minicouple #minicoupleenjoyer #hkcouple #kowloonbay #foodie #hkfoodie #co

好耐冇去過九龍灣，一定唔能夠錯過肥仔今日叫咗雞絲大腸中麻辣米線，雞絲正常，大腸乾淨好味，不過無個人係偏向鐘意丈腸切成圓型嘅，長條影響左口感。差唔多半年冇食仍然保持水準，米線有口感，唔會太淋亦唔會太硬，中麻辦比出面少半度。湯底雖然偏甜，仍然響接受範圍。店員亦有貼心提醒麻辣本身已經有酸菜，亦都聽到佢同另外一台講某一個米線本身係唔跟芽菜嘅👍🏻建議如果大家食開酸辣，記得要減一度酸，因為本身佢已經有好酸嘅酸菜

鋪入面好多小黑蟲飛黎飛去, 一望向牆上面, 即刻睇到勁多蚊蟲, 仲要係所有牆同椅都有, 嚇死人!!!米線煮得太硬, 食完飽滯感明顯餸方面點左腩肉, 螺旋藻, 豬耳三款餸味道都很好, 可惜因為衞生問題, 唔會再幫襯