Video
Telephone
26338832
Opening Hours
Today
10:30 - 21:30
Mon - Sun
10:30 - 21:30
Above information is for reference only. Please check details with the restaurant.
元朗新開發地方洪水橋，屬於新市鎮，陸續有好多新樓宇落成。最近去咗近輕鐵站嘅 "雲川百味"，主打雲南米線、川菜、雲吞及水餃等麵食，就不坊試吓啦！店內地方比一般米線舖大，格局有啲似茶餐廳，環境潔淨明亮，很不錯呢。餐牌裡種類都算多，選擇單餸套餐 $48，每加多一個餸 $10。湯底有5款 : 麻辣、鮮魚、麻酸樂金湯、豬骨同埋蕃茄，可配米線/麵或紅薯粉 ; 餸有三十幾款選擇，真係幾多。除左湯粉麵仲有炸醬飯、拌麵、特色小食同飲品。鮮魚湯米線 $58依碗有2個餸，分別係蝦卷和蘿蔔，奶白色嘅湯底，係用新鮮魚熬製而成，味道鮮甜清香，米線爽口，滑嘟嘟，湯裡面有好多芽菜和蔥花，食落非常爽脆，配埋彈牙嘅蝦卷及白蘿蔔爽口無渣，吸滿魚湯夠鮮甜。鮮魚湯米線 $58而另一碗同樣都係鮮魚湯底，啖啖鮮香，加埋豬潤嘅甜味，魚香味散發出來，無味精同無魚腥味，飲晒成碗都唔會口渴，濃郁嘅湯底配埋米線，食落好爽滑，吸入魚嘅湯汁，魚湯米線個人覺得好夾。揀咗兩款餸，豬潤同雞翼，豬潤新鮮爽嫩同滷水雞翼好入味，肉質嫩滑，滋味無比。豬頸肉 $40煎至外層非常焦香，少少鹹幾入味，肉質都好嫩，切成條狀方便食，沾上酸辣醬更惹味，呢款小食都唔錯。下午來到點套餐跟飲品，揀咗凍檸檬茶及熱檸檬水，茶底清徹，檸檬味夠香，解渴。
continue reading
我哋今次經過 #洪水橋 🚋，喺呢度搵嘢食😋，一定要嚟呢一區嘅名物🌟！我哋就揀咗呢一間米線舖🍜，呢度有好多唔同類型嘅湯底可以揀♨️。湯底嘅味道真係好香💕，聞到已經肚餓啦。🏅麻酸樂金湯米線(螺旋藻、豬頸肉)($54)酸菜味道好香濃👅，一入口酸嘅味道好出😆，之後再慢慢食到花椒嘅麻味出嚟🌶️，再配埋刺激嘅辣味😝，好惹味。而且米線真係好軟滑🍜。螺旋藻份量好多🌊，而且好清新爽口。豬頸肉🐷切成細條，啱啱好可以食到佢煎香咗嘅口感🍳，而且仲有油脂香味🤩，同埋蜜香味🍯。🐷豬骨湯米線(豬大腸、豬軟骨)($52)肉香味同油脂香味充滿咗個湯底🥳，加埋少少辣味🌶️，令到湯底好濃郁、好滿足💕。豬大腸嘅口感夠腍🐖，而且味道濃郁，啱晒鍾意食內臟嘅朋友😍。豬軟骨都煮得夠腍🫦，而且醬汁嘅味道好香，同湯底嘅味唔同😛，好特別。🦑脆皮花枝丸($31)炸得幾香💥，而且唔會有油膩嘅感覺👍🏻。食落口花枝嘅味道好濃郁🦑，點埋泰式辣醬🇹🇭夠香口。🐥椒鹽雞軟骨($32)份量好多😙，而且每一粒都夠香脆💕，唔會有粉嘅感覺，反而食落去有雞皮同埋油脂🐣嘅邪惡感覺，仲有脆口嘅雞軟骨🦴。可以點埋燒烤粉🔥，或者泰式辣醬，好食🤤。
continue reading
尋尋覓覓搵到間雲南米線都幾好，特別推介嘅係炸韭菜餃子$34有8隻，皮酥脆，韭菜餡料非常豐富，即叫即做。豬扒肉質鬆散。步入門口，門面貼上套餐價錢是$48單餸，原來下午茶餐平日減$4，即係$44，包指定熱飲，如果轉豆漿+$5，凍飲+$3。家鄉麻辣手撕雞點芝麻醬都好好味😋，價格合理$42。有飯食，不過冇下午茶優惠，可以淨叫白飯$10/碗。下次有機會想試吓脆皮豬大腸。呢間米線都可以叫紅薯粉，交通方便洪水橋輕鐵站步行三分鐘到達。
continue reading
雲川百味係位於元朗既一間米線店，近輕鐵行3分鐘就到，其實住大西北要去都方便！豬軟骨豬頸肉麻辣米線雲川百味的米線真係好正，湯底麻辣香濃，配上豬軟骨同豬頸肉，味道更加豐富。麻辣手撕雞夠辣夠味，雞肉嫩滑多汁，入口即化，真係一絕。雲川百味的熱奶茶濃郁香濃，正宗港式味道，好開胃。雖然地方唔近，但作為米線控嘅我覺得突然登入黎食呢個米線都係值得的。雲川百味係元朗嘅一間必試餐廳，如果你鍾意米線同辣味，一定要嚟試下！
continue reading
是晚又嚟咗洪水橋嘅雲川百味度食米線，幾鍾意呢度嘅湯底，加上地點好近朋友屋企夠方便😆估唔到八點幾鐘去到都係全場爆滿，好彩咁啱有張卡位走，我哋先至唔使等位，拿拿林落單先🤤⭐肥牛花枝丸麻辣米線自己叫咗肥牛花枝丸麻辣湯底，中辣啱我口味😋花之丸彈牙，肥牛份量下得多，米線唔過淋口感正。⭐豬頸肉水餃酸辣米線朋友就要咗豬頸肉加水餃酸辣湯底，佢就要小辣口味。水餃大大隻餡料飽滿，豬頸肉就略微瘦咗啲，口感有點乾，朋友勁鍾意呢個酸辣湯底，飲曬成碗湯一滴不盛😆⭐炸春卷好想食下香口嘢就叫咗份炸春卷，呢度啲春卷係蝦春卷黎，入面包住嘅蝦份量唔少，新鮮炸起，咬落香脆鮮甜，再點埋個蛋黃醬真係好正😋⭐凍檸茶 & 豆漿跟餐加飲品有優惠價，朋友要咗凍檸茶走甜，自己就要左支豆漿，食完辣嘢飲返杯凍飲透心涼，正😆去到九點半都仲有人入嚟食米線，雲川真係好受歡迎喎😆
continue reading