餃好味

Open Now

Now Closed

平時收工夜晚想買宵夜，唔知去邊度食好行過去睇佢嘅餐牌覺得幾吸引所以就叫咗自家製作煎餃（韭菜餃，芹菜餃各五隻）香酥雞同胡麻雞絲撈麵煎餃子咬開好多汁，啲肉都好新鮮同啲菜好夾，一定要趁熱食，如果唔係就冧晒香酥雞炸完之後外脆內軟，好Juice，唔會話好乾，而且味道都好足夠烏麻雞絲撈麵就正正常常，但係雞絲嘅份量真係好多，見到都流晒口水！

每晚深夜街邊打牌賭錢叫囂到凌晨4-5點，為左好氣相求佢地安靜買左食物，提出左小小安靜建議，食物麻麻都算，之後重要變本加厲，冇良心既食店千萬不要幫襯，街坊每晚都比佢地嘈醒，報警又無用，本土鄉克咁樣，只想大家幫幫手唔好買。

平時夜晚想買宵夜，唔知去邊度食好最多宵夜嘅地方應該就係又新街但係出名嗰啲已經食到厭😂😂😂咁啱夜晚經過又新街嘅時候，見到呢間企咗幾個人行過去睇佢嘅餐牌覺得幾吸引所以就叫咗自家製作煎餃同麻雞絲撈麵煎餃好大隻！皮薄餡靚食完夠飽，但係都唔夠喉-麻雞絲撈麵份量都好多食完勁飽！好有滿足感-仲有香酥雞份量好多 食極都食唔晒！調味得好好，唔會話太鹹！-雖然舖頭位置未必係人流多但係老闆真係好好，好有人情味，同埋舖頭嘅嘢食出乎意料地好好食唔怪之得啲人排隊都一定要試！下次有機會要試吓其他嘢-餃好味 (元朗)地址：元朗又新街38號恒富大廈地下16B號舖

今日去咗元朗食嘢，晏晝食咗船麵還可以未算好好食，夜晚唔知食咩好最後決左掃街返屋企，行過又新街見到有間餃子店又有啲酸辣嘢所以試吓 最後叫咗煎餃子，泡椒鳳爪，拍青瓜同埋炒腸粉。仲有好多其他嘢食但眼濶肚窄只好留返下次再試，但煎餃子一定會再encore煎餃好正 熱辣辣 脆卜卜好香口加啲醋同豆瓣醬夠哂惹味（韮菜餃同粟米餃）拍青瓜唔會過酸 食落去好清新仲有啲小雲耳泡椒鳳爪 唔會好似出面嗰啲咁好硬咬都咬唔開 如果再辣多少少就正喇炒腸粉脆卜卜好正 但味道可以濃多少少我個人鍾意❤️香口嘢 呢間啱哂我 一定再幫襯

又新街呢間街坊小店「餃好味」，主打招牌煎餃/湯餃、冷盤涼拌、小食炸物。最近佢哋轉咗手，由90後主理，質素提高仲更貼近年輕人口味。粟米鮮肉煎餃餃子好抵食有多種餡料選！個人較喜歡煎餃，即叫即煎，邊位脆口皮不過厚。餡料唔算好飽滿，六隻份量剛剛好。炸雞軟骨炸雞軟骨同煎餃係最佳組合保證落單即炸呢樣有驚喜，賣相金黃，size比一般大粒，唔會炸過龍，外脆內軟香辣帶點鹹香。冷盤麻辣豬手/麻辣雞腳獨家麻辣配方用足12種醃料製成，麻香十足，小辣程度幾過癮豬手味軟腍，皮夠爽口，麻辣正可減肥膩。咖喱三寶魚蛋夠彈牙，豬皮蘿蔔好爽脆，咖喱汁自家調製做到先甜後辣輕輕嘅5小辣，嫌唔夠？可要求追加咖喱汁。

哩間野，堅難食；柯打20蚊6隻餃子，3隻煎餃及3隻蒸餃，煎餃是熱的，蒸餃凍冰冰，哩個日間得9度既天氣，竟然唔係咁二烚返熱d先比客人，點食呢？不過已經心諗，算數，試一次、無下次。。。最後諗住食埋隻凍餃，頂！食到重肥皂味道，好似有舊番簡hi左響隻餃度，於是9秒9，立即吐出黎，從來未試過食到咁既食物，本人完全難以接受。。。話就話芹菜，食就係韮菜餃囉，如果無賣哂芹菜餃，講聲就得，唔係是但求其比韮菜餃客人，唔係太老實。所以決定寫一個食評，睇下其他食客會否選擇試佢哋既餃子。元朗餃子店多的是，其中賀苗記，係貴佢哋小小，13蚊3隻，但真係超正，食過蕃尋味。