61E Coffee

Open Now

Now Closed

餐廳位於荔枝角站B1出口, 步行三分鐘左右就到相當方便👍🏻。餐廳在商業大廈地下, 門口位置雖然不太明顯, 但也有亮點位就是周邊附近很多花草, 一推開門餐廳比本人的感覺是樓底好高, 空間感好大, 座位與座位之間好寬敞😃。其採用園林系裝潢所以進餐時會比人感覺猶如身於森林花園的感覺, 尤其餐廳內有一棵彷真假榕樹, 枝頭上仲有幾隻彷真的麻雀充滿大自然色彩。令人心情忘憂放鬆寫意。 以下是跟友人點選的食物：🥚班尼迪蛋酸種麵包煙文三魚🥪份量十足的兩顆班尼迪蛋面上灑上調味粉及蔥花, 中間夾著多塊煙三文魚賣相相當吸引。 唔怕話比大家知, 本人每次食佢都好有衝動想第一時間切開它, 睇佢流心的程度❗今次一切開果然沒冇令人失望, 蛋漿瞬間已流出蛋白唔會過老處理得唔錯。當酸種麵包吸了蛋漿的精華味道再提昇另一個層次, 煙三文魚味道唔會過咸整體味道不錯。不過美中不足的地方是小編略嫌麵包唔夠脆身。 🔥焗帶子香料鍋飯🍚粒粒分明的帶子鍋飯, 面層灑上紅蘿蔔粒及蔥花顏色配搭得不錯。建議上碟時已經要開始拌勻佢, 因為鍋底太熱好容易會痴底, 但如果喜歡食飯焦的朋友可以不用理會😏。鍋飯份量及帶子數量適中, 味道偏淡沒什麼特別之處

環境舒適，位置方便入去冇人打招呼自己行出去買野食，現今Cafe應該使用QR code落單啦食物選擇少，冇下午茶餐質素不俗，賣相正常炒蛋toast D蛋炒得好滑凍飲太細杯，份量少$4x 不值收銀冇服務可言，冇笑容，冇多謝，北上有原因的，香港人要爭氣D約朋友傾偈可考慮

和朋友於荔枝角做完瑜珈後，無意中被這間森林系餐廳吸引了，樓底偏高，而且座位有一定間距，不會有壓迫感，整個環境令人感到舒適，心情放鬆。由於我們運動後比較飢餓，所以感覺食物份量不算多😂，但味道卻充滿驚喜，值得再次到訪。泰式冬蔭公大蝦意粉 $110爽口大蝦，鮮甜小蕃茄，每條軟硬度適中的意粉都沾滿了冬蔭公醬，辣度十分惹味又醒胃。菲達芝土炒蛋配酸種多土 $48濃郁的芝士粒粒及滿滿的嫩滑炒蛋配上軟身酸種多士，口感一流。

拜完山想揾個地方坐下，一家人傾吓計又可以休息吓。呢間感覺好舒服。食物質素同飲品都好好。幾個人一人一杯飲品其中兩個要甜品set選燉蛋，另外選了一杯較特別的士多啤梨㗎啡熱飲。正嘅😋讚👍

經過見到新開，餐廳裝修環境幾靚，綠洲園林feel，抱了期望入去試試。🥗Lunch 時間只供應 Lunch set ，有10款可選擇 （沙律類，意粉類，焗飯類 ， 酸種麵包類）。中午沒散叫，對我來說，選擇都比較少。🤪價錢亦都唔算平， 要出去自己order, 連餐具，水，都要自己去取，自助式。所以冇收加一， 都算合理啦。🧃跟餐飲品種類又係太少。基本檸茶 檸水都冇😆跟餐免費只有Americano, 涷果茶3，earl grey tea. 熱果茶要加5元😝😝相信未必會再幫襯

兩大一小1點去到直接walkin 都唔駛等位我帶左BB車 地方尚算闊落1） Duck confit laksa 2) scallops pilaf rice 3) scrambled eggs feta cheese sourdough 4) 黑糖咖啡 Total $336 我會用抵食去形容

在同區嘅Cafe嚟講，佢環境係不錯！但服務態度實在太差，明明冇乜客，但都要等好耐先有嘢食，員工個個喺度掛住傾偈，一邊沖咖啡一邊傾偈喺度笑！嘢食又出得慢，價錢又唔係特別平，嘢食款式選擇又少。

下晝5點幾上堂前諗住係樓下食啲野，叫左冬蔭功大蝦意粉，味道ok，蝦同意粉夠爽口，不過冬蔭功味可以濃啲。基本上食物同環境都ok，重點係服務岀哂事。當時入到去樓面有2個人，有個女既帶位，面口已經唔太好。因為係自助，去到收銀前個男既樓面就指示我同收銀落單。水吧連住收銀，入面有2至3個人，我唔知邊個負責收，但企最近收銀機個男仔keep住dup 低頭㩒電話，直至其他人叫佢收錢，佢都仲㩒多幾下至肯收錢。雖然當時唔多人，但個客企係面前要落單都仲玩電話玩到唔停手，會唔會有啲過分？而其實樓面個1男1女都係咁㩒電話，雖然話無加一，但都賣成百幾蚊個意粉會唔會可以有番基本既服務態度？

唔行都唔知，荔枝角原來都有靚靚Cafe！我同同事Lunch時間12:45左右到餐廳，都要等1張枱左右，睇落都幾多人食😋店員安排入座後就要自己出去比錢落單，餐具同水都係自助。我就叫左個黃金流沙蟹肉意粉🍝一上菜已經見到滿滿既蟹肉😋賣相都好吸引！再試一試，鹹蛋黃味濃郁，配埋蟹肉真係一流！意粉食落去口感都好好，軟硬適中又入味😋👍🏻枱與枱之間都好寬敞，坐得好舒適，好有休閑既感覺，食完完全唔想返返去公司🤣🤣

有位同事即將離職，連同另外2位同事一齊係18/10，同佢嚟個Farewell lunch啦~ 曾經路經見都多人幫襯，所以靚女同事預早Book定12點，4位~外觀及裡面環境唔錯，座位尚算寬敞，中午12點可能係工業區嚟講食飯係早咗少少，所以暫時未見太多人入座。Lunch set，有飯，有意粉，有麵包~類，靚女同事嚟食過一次，話Menu好似好少轉款式.....（其實餐廳可以諗諗一至兩個月轉吓餐單~~）今次我哋叫咗~黃金沙蟹肉意粉 ~幾好味，不過太乾，如果有啲醬汁點綴(例如fing啲沙律醬/千島醬上面)，應該色香味嘅層次會好好多~泰式冬陰公大蝦意粉 ~擺盆，顏色靚，大蝦有4隻，同事話係唔錯嘅選擇~帶子香料鍋飯 ~好香，8粒帶子連同日式拌飯料係飯面形成感覺好豐富兼顏色悅目~凍鮮果紅茶 ×2~味道唔錯，如果大杯少少會好一點~熱伯爵茶×2 ~係，伯爵茶😆法式焦糖燉旦x2 ~（開心share食）依個真係無得輸，外觀~啡色瓷杯，一set木蓋木盆木茶匙好靚，一打開有條迷迭香係面而下面好靚嘅燒焦糖面，好Creamy又夠味~是日精選旦糕x2~Tiramisù~(開心share食)都係好好味，有層次，個略嫌個旦

原來荔枝角都有一間靚靚咖啡店, 今日Lunch專程過黎試下, 好彩唔使等好耐, 不過個位好晒, 都好, 坐office成日, 要吸收下陽光先得. 一坐低諗好食咩後要出去同職員落單俾錢先, 同埋餐具要自已拎. 之後先等職員上菜.金黃流沙蟹肉意粉: 蛋黃味好濃郁, 蟹肉都算多, 但個味道, 我麻麻地. 不會再嗌.焗帶子香料鍋飯: 真係得帶子, 啲飯有加料係幾好味既, 如果唔係就真係太dry啦.烤雞件伴虎蝦辣豆板醬芝士鍋飯: 烤雞超級大份, 虎蝦彈牙好食, 啲醬溝埋啲飯辣辣地好好食, 食完好飽.Cappuccino: 唔係好識嘆咖啡, 覺得唔够熱係咪唔正常? 不過個拉花好靚靚

荔枝角地鐵站行過去都唔太遠，青山道後面果條永康街，環境比較清靜，原來開了間咖啡店。行入去原來幾大間，店內好多綠色植物佈置感像去進了小森林，洋溢法國風情，每個角落都是打卡位！有別於一般咖啡店🍵 這間位近荔枝角站的「61E Coffee」，是九龍城人氣店「南角」的姊妹店。「61E」在荔枝角永康街的一幢新型商廈的地舖。呢間仲係試業緊嘅cafe 裝修好靚係森林系 有啲花花草草同雀仔咖啡好飲，濃郁嘅咖啡味班尼迪蛋酸種多士配三文魚 ，好吃😋價錢仲比一般cafe平少少

吃了幾次，食物質素ok的，只是那女的服務員永遠都黑口黑面、講嘢倔擂槌，想坐得舒服些又唔可以坐這要指定，講嘢永遠都冇尾音，比人一種感覺唔憂做，你可以話係有性格但做服務性行業啊，小姐！吃了多次，其實食物質素真的唔錯，環境亦都算舒服，只係有一些枱，如果是搭枱的比較迫，試過隔離座位唔識的一位男士，普通拎起隻叉去食嘢都撞到我手脾。四人枱，如果要搭枱就真的比較迫。自助式拎水、杯、餐具，都可以接受的，感覺好casual 和chill

依間cafe 充滿綠油油既植物，行過幾次都好想試下但次次都好多人，機緣巧合下得知原來係九龍城南角既分店，即刻多咗一分期待。店內周圍都有植物包圍有真有假，日頭去有日照真係幾舒服，好似去咗個花園咁同街外成個環境有強烈既對比🔸Veggie Brekkie其實係一個素食版既all day breakfast，碟入面樣樣都好新鮮，個sourdough 好食夠煙靭配埋Brie誠意撘夠，仲有沙律菜車厘茄烤南瓜，重點佢係無茄汁豆嫁，最憎係ADB見到佢😂😂😂杯咖啡就無野好挑剔嫁啦，係可以encore 既cafe 💗

今日同朋友去荔枝角做運動，經過61E cafe ，見到環境靚靚地就入去食喇😋好有驚喜的質素，值得再回來食🤭😋▪ Tom Yum Kung Fresh Egg Spaghetti 泰式冬陰公大蝦意粉$118 好有正宗冬冬陰公味道，醬汁調得好好😋▪ GuIty Pleasure Roasted Fione Marrow Rigatoniin laiksa Broth 烤牛骨髓喇沙通粉$148 好特別味道👅好有牛肉味道，成個配合都好正😋食物：🌕🌕🌕🌖🌑價錢： 🌕🌕🌕🌗🌑回頭指數 ：🌕🌕🌕🌖🌑