Video
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
Recommended Dishes
襯聽日放假去左遠啲搵食，見到呢度有間８鍋，之前係銅鑼灣食過，覺得唔錯，原來葵芳呢間都係上年先開，係以一人一鍋既模式既，夠方便衛生。因為鍾意食辣既關係就叫左台式麻辣鍋，入面有好多款唔同既配料，包括麻辣餃、鴨血同油炸鬼等等，個油炸鬼浸左係麻辣湯度，索晒啲湯汁，都幾好食。本身係火鍋入面都跟左半個王子麵，另外仲可以配粉絲同飯，滿滿既澱粉質呀😍😍😍😍😍😍😍😍仲可以用優惠價配埋台式飲品，我最鍾意加芋香奶茶，個顏色好靚，不過略嫌就算少甜都有啲太甜既感覺🥶
continue reading
今日中午嚟咗呢間位於葵涌興芳路208號葵芳匯2樓201號舖嘅8鍋臭臭鍋食lunch，一人一鍋，不同口味，三個人叫咗三個鍋，一個係特濃沙茶鍋，一個係養生藥膳鍋，一個係香蒜濃湯鍋，再配上美國肥牛片，台灣腸，大腸，滷肉飯，再加三杯飲品，好豐富嘅午餐。特濃沙茶鍋，沙茶湯味濃，配菜有粟米，大白菜，丸子，豆角，蕃茄，蓮藕，金針菇，炸支竹，粉絲另外上，將肥牛片放上去滾一滾，沙茶好入味，加埋配菜一齊食，非常夾。養生藥膳鍋，藥材嘅味道好濃鬱，當歸味比較出，配菜有大白菜，粟米，蓮藕，炸支竹，木耳，鮮冬菇，貢丸，鳴門卷，材料豐富。香蒜濃湯鍋，蒜味香，湯青甜，配菜都差不多，有油條吸湯。滷肉飯，呢個真係必點，滷得剛剛，鹹甜適中，豬肉還見到肥瘦，食到滷肥肉噶甘香，眼前一亮。台灣腸都係必點，配蒜片食，可以減低台灣腸噶鹹味，增加蒜香味，又無左蒜片噶辣味，口感幾特別。大腸處理得乾淨，滷得比較入味，肥膏唔多。飲品就係平時噶手搖飲品，飯后解渴。午餐又解決了。
continue reading
Lunch @ 8鍋臭臭鍋 (葵芳匯) ~新春大吉，當然食個台式火鍋 happy 下，「8鍋臭臭鍋」價錢平，食物質素也不差，是我們當天的選擇 ~招牌臭臭鍋：湯頭都幾濃香，喜歡這個鍋就是因為有臭豆腐 & 豬大腸 , 其他的肉、丸丸、蔬菜等，都只是 "坐冷板凳的二打六" 而已，味道來說，是正正常常，肥牛片也都 okay ~黑金滷肉飯：味道來說，正正常常，略嫌滷肉不夠肥，這個可能是因為我比較喜愛重口味 ~邊吃火鍋，邊吃滷肉飯，邊飲冬瓜茶，Taiwan feel 妙極！本篇完 ~
continue reading
同朋友係葵芳行到攰，搵咗間坐得舒服啲嘅餐廳，休息一下，順便醫埋個肚，之前成日食尖沙咀嗰間，而家葵芳都有得食啦，晚飯時間仲好似少啲人等添。而今次店員仲安排咗我哋坐卡位，好多空間，係唯獨坐某啲位會有盞射燈照住者。今次叫咗香蒜濃湯鍋小辣，唔知係咪因為叫小辣，所以連蒜味都俾想像中輕描淡寫，但唔緊要，依間餐廳好在可以自己再加料，即刻加多匙蒜蓉落去……而家都仲回味緊。肉類方面就叫咗雞肉，不過不失啦，其他丸同菜嘅份量都唔少，再加埋個吸水粉絲，真係飽到上心口。而醬料方面，好欣賞佢個豆瓣醬，唔係平時個啲得個酸字，係有種台味嘅感覺。
continue reading
📍8鍋臭臭鍋 (葵芳匯) (葵涌)葵涌興芳路208號葵芳匯2樓201號舖==============================葵芳匯重新裝修之後進註左好多食肆，呢間臭臭鍋係最近先出現，位置非常方便，距離葵芳地鐵站大約3分鐘，旁邊就係葵涌廣場同新都會廣場，可以食飽再去shopping==============================黑金滷肉飯滷肉好入味，配一碗飯份量岩岩好秘製酸辣鍋湯底偏酸辣度適中，唔會辣到蓋其他食物味道特濃沙茶鍋沙茶味道濃郁，配肉非常夾👍🏻
continue reading