All About Nuts

Open Now

Now Closed

前排喺朋友ig見到呢間專賣nuts嘅小店「All About Nuts」，身為nuts嘅愛好者經過呢頭當然要嚟試吓😻 小店每日供應唔同款嘅即磨堅果醬，咁啱呢日係開心果😀 Nuts 嚟講我都算幾鍾意開心果～可以趁機試埋其他小食🤭🥛 開心果奶：飲落有開心果嘅鹹味，亦唔太甜，可惜比我想像中稀同細杯🥹🥪 開心果醬西多士：寫明「#非油炸」，唔係傳統嗰種西多士。不過我幾鍾意佢種蛋香，口感亦唔錯，可以一試😋🧇 開心果醬素窩夫（配：椰糖漿）：可能係素窩夫，同平時食開嘅窩夫口感有啲唔同，開心果醬嘅味道亦顯得冇椰糖漿咁出。雖然我係窩夫控，但個人覺得西多士比較吸引。🫙 開心果醬：買咗100g試吓🤤 堅果醬係即叫即磨，可自備容器嚟買。味道同質感都好濃郁，鍾意開心果嘅朋友可以試吓☺️下次再試綜合堅果醬同朱古力系列～～😊

✧ 開心果醬西多士（$58）開心果醬係真係純開心果打成醬！留意係真天然 所以食落冇甜味亦都偏油亦都冇加cream加奶❌所以食落絕對唔係平日嘅開心果甜品味道建議去試嘅朋友仔俾啲心理準備( ´▽｀)甜味99.99%係嚟自煉奶煉奶冇用到傳純白色嗰款而係用咗啡色嘅焦糖煉奶標謗非油炸 所以感覺冇咁guilty但兩個人share都幾飽！✧ 開心腰果糊（$48）可以揀凍或者熱注意係星期六、日同公眾假期先有⚠️質地𢳂俾大家睇 濃稠到癲咗！撈腰果係ok的 兩陣味都相容🤝🏻但唔知點解除咗nuts味仲有陣薑味 食落透心涼咁🫚✧ 開心腰果奶（$32）只可以熱飲飲落係冇奶味 似almond milk估緊係咪就咁開心果+水再望返個英文description話係Dairy Free‼️舖頭仲有賣即磨堅果醬但每日只補花生醬+另一款（即日公佈）千其唔好直接衝過嚟買開心果醬呀！

鍾意食開心果嘅，一定知道呢間位於石硤尾嘅小店。鋪頭最特色係賣各款嘅堅果醬。而呢個開心果西多士曾引起開心果關注組大批開心果 Fans追捧。終於搵到機會去試，嗌左一份開心果西多士西多士煎到金黄，淋有花生醬及少量開心果碎。麵包吸滿蛋漿再煎香，好重蛋味，口感淋身完全無脆口感覺，蛋漿多到有啲覺得唔係食緊多士內餡擦滿開心果醬，但開心果味卻唔係太特出同太重有點失望，因爲我都係鍾意食脆口嘅多士，同埋開心果內餡價錢都偏貴，下次有機會再試其他內餡嘅多士或者窩夫。

第2次幫襯依間即磨果仁醬既小店。佢既好處，除左係新鮮即磨，無額外添加糖， 仲有最特別可以揀買100g平時出面通常最少要買300 g, 好多時未食完就因為放得太耐已經益晒。而all about nuts 最少可以買100 gram 都只係18hkd, 係非常非常之抵！如果冇容器，都只係加多5蚊，當然最希望大家環保自備容器。除咗花生醬，綜合果仁醬都值得購買。而開心果醬，個人覺得唔夠濃郁。今次再試咗一個腰果醬西多、依款小食就小小偏貴 。講真，腰果味唔太出，面頭嘅醬只係好似煉奶嘅感覺。

今次跟開心果關注組搵食😙之前bookmark咗呢間開心果醬西多士好耐，終於有機會試吓😛星期六中午去到好彩唔算好多人排隊，等咗15分鐘就有得食☺️小店主打天然無添加堅果醬🥜有花生、杏仁、核桃、腰果、榛子、開心果嘅配搭😇小食可以配多士、西多士同埋素窩夫🧇仲有甜品、飲品同埋可以買走堅果醬😋🥪開心果醬西多士($58)西多士係蛋奶素，用咗法式西多士嘅做法🤓兩片麥包中間夾住開心果醬，吸滿蛋漿先再用牛油煎香🧈再切成小塊，表面淋上焦糖煉奶，同灑上開心果碎🤩口感比較港式西多士重蛋香同濕潤🤤食落口感會比較淋身，如果追求脆口啲嘅可以揀多士😉

若搭車過嚟 真心位置有點唔方便 有巴士到行幾分鐘不過揸車🚗就好方便 門口停到車#開心果西多士 $58#即叫即整 所以要預返10-15分鐘舖頭細細 真心唔多起眼 但食物賣相吸引🤤外賣自取嚟講 價錢係貴咗少少 不過佢生酮 天然野 都可接受麵包吸滿蛋漿 #非油炸 煎到金黃色 咬落亦好有蛋味🥚由於充滿蛋漿 所以麵包更軟綿綿重點係 中間有層厚厚嘅➕好濃郁嘅開心果醬蛋漿再濃 亦蓋不住開心果醬嘅香味😋😋再係表面淋上 #焦糖煉奶 然後灑上開心果碎粒焦糖煉奶起咗畫龍點睛嘅效果 帶起甜味之餘突出濃濃嘅開心果味 有埋nuts 口感更豐富😍#開心果控必食 👍🏻👍🏻鐘意佢個 #開心果醬 仲可以買埋返屋企🏠留意返💁🏻‍♀️係🈚️添加 夠healthy 👍🏻仲要係佢地 #自家磨製 $50/100g#買醬請自備容器 記得自己帶個玻璃樽 冇帶即場想買都唔駛擔心佢地有少量玻璃樽 $5@只收現金 轉數快 payme 🙅🏻‍♀️唔收八達通架

唔值得特登去 都唔值得等嗰日去到諗住嗌個開心果素窩夫結果賣晒（建議賣曬就寫返個牌話比客知）然後要咗個腰果素窩夫（38蚊）個窩夫真係酸到😅好奇怪，唔係好食得慣素窩夫係乾到脆身嗰一隻😅（唔係外脆內軟）可以話係食完素窩夫之後，會成日係咁想要飲水+個醬又係乾😂（可能真材實料）餅乾+醬乾=乾上加乾 越吃越辛苦 又酸😅冇食過咁難食嘅窩夫 仲特登入嚟食同埋咁嘅價錢 38蚊 仲要係外賣 真係唔抵食嗌野食嘅過程拎嘅過程又混亂如果唔係大家有秩序，真係好容易嘈交

依日行經白田商場附近，諗起有間外賣自取堅果小店有款開心果西多士想試，一於買一份返去做下午茶 😁🍞 堅果醬西多士 (開心果)😋😋😋😋西多外層炸至金黃，中間夾住超級濃郁嘅開心果醬，另外仲灑上開心果碎～ 整體好濃郁，只有好輕微甜味，靠指定搭配嘅焦糖煉奶甜度 😆 小編一個食晒成份，可以唔使食晚飯咁滯 🤪下午茶 💵💵 約港幣$60/人💁🏻‍♀️ 西多士係即叫即做，要等大約十幾分鐘～ 除咗開心果醬，亦可以揀花生🥜、榛子🌰、腰果、杏仁、核桃口味，鍾意濃味堅果嘅朋友可以一試！😉🙆🏻‍♀️ 最後，喜歡嘅話，歡迎follow @foodirectory.hk！

食一次試過就算 ，唔好特登黎食 ，會失望個西多士好dry， 唔係脆口個啲西多士 ，食落漿口一pat野 ，個賣相係好吸引 ，但食落係另一回事本身已經賣得貴 ，但好食都唔緊要宜家係又貴又唔好食！

之前在IG一直看到這個開心果西多士，作為一個開心果愛好者，真的非常非常想試。今天是個星期日，下午大概四點來到的時候，西多士竟然賣完了！好吧，我唯有試試看開心果窩夫。他們的窩夫是素的，吃起來非常鬆脆，就像餅乾一樣，可是不像平常的窩夫，比較不習慣吃起來沒有蛋味。除了開心醬，還可以選擇配搭椰糖或者焦糖煉奶。這次選了椰糖，味道比較甜膩，有一絲絲的椰子味慢慢滲出，但是卻好像掩蓋了開心果醬的味道。只有避開椰糖的位置，才會吃到開心果味。而且窩夫和西多士一樣價錢，但是份量比較小，是半個格仔餅的大小，感覺還是吃西多士會比較滿足。如果下次來，希望可以買到開心果西多士配焦糖煉奶，認真再試一次開心果醬的味道。

一去到已經好多人等緊，都係嗌完等拎。咁諗住嗌野食啦，同個人講order，佢就話等等， 然後繼續拎d野比客，咁都算，然後企咗喺度幾分鐘都係比人無視，真係0尊😅.第2次問佢係唔係order得，佢繼續叫我等，真係想問，有冇咁忙呀，都係嗌number比啲野食啲客姐？.然後再等咗一陣，佢終於得閒啲，肯理我啦！我話要個西多士，佢話冇哂，但係冇貼出黎話「售馨」嫁喎！咁轉窩夫啦，又係冇（都係冇貼出黎）😀.專程黎幫襯小店，得到嘅係0尊、無視，都唔知講咩好😀仲要企咗喺度吹咗風，成肚氣。其實一開頭講西多士同窩夫賣哂咪完囉，哂我時間！

📍石硤尾堅果小店‼️· 外脆內軟開心果西多士😆 — All About Nuts============================All About Nuts位於石硤尾後街一角，位置有少少偏僻🤣店舖主打各款手工堅果醬，例如係開心果、腰果、花生、核桃等等😙今次就試咗堅果小食😍—————————————⭐️開心果西多士 $58 （4.5/5）西多士即叫即製，需要少少時間耐心等候！😝多士外脆內軟，入面嘅自家製開心果醬好濃稠，堅果味突出，而且味道天然🥰加埋焦糖煉奶好香甜😙·⭐️開心果堅果奶 （3/5）呢個飲落好稀身，冇想像中咁濃厚，堅果味都唔係好出，個人唔太推薦🙈-—————————————賣相：3.5/5味道：4.5/5 （only for french toast!)性價比：3.2/5推介度：3.8/5-—————————————店舖資料名稱：All About Nuts地址：石硤尾偉智里1-3號白田購物中心地下13號舖前往方法：石硤尾站A出口

之前有買過佢嘅醬無添加啱晒我而且價錢合理 (你知啦，生酮就係貴）開心果醬$50/100g見到最近新出開心果奶同開心果糊終於有時間去一去白田買啦🥰係滿滿既開心果味，開心果迷一定鐘意有機會要再去encall開心果奶😋無糖食得好放心再現場試食左朱古力醬系列(無額外加糖，但朱古力本身有糖)就咁食都好似食甜品咁🤣我鐘意咩都唔搽就咁食買左朱古力花生醬之前既腰果核桃醬同開心開醬已經清左腰果味道帶甜，油份多啲，所以個醬就無咁杰身希望小店keep住親民價錢 🥰會keep住幫襯All About Nuts (石硤尾)石硤尾偉智里1-3號白田購物中心地下13號舖#開心果 #開心果醬

呢間小店小編一直好想嚟，因為佢嘅堅果醬全部自家製，無添加即叫即磨。嚟到嘅時候都有唔少嘅人過嚟買，特別係開心果醬，非常之受歡迎。（不過留意堅果醬每日只限兩款，視乎貨源供應。）西多士亦都係即叫即整，需要等若干時間。佢嘅賣相非常之靚，店主已經將西多切成細細舊方便一啖過。每舊西多中間夾住佢哋嘅開心果醬，再沾上蛋漿拎去煎，最後林上焦糖煉奶醬同撒上開心果碎，非常邪惡。味道整體來講會比較甜，入口主要係焦糖煉奶味，而焦糖味道唔算非常之出。之後會有一陣幽幽開心果嘅堅果香，唔會非常之搶，證明真材實料，唔係化學調味。（如果怕太甜可以試堅果醬三文治）質感上麵包比較淋，亦都係我唯一唔太鍾意嘅地方。可以見到佢每嚿麵包由外到內都係沾滿蛋漿，成嚿都呈金黃色。咁做令到麵包過淋，之前食過興記佢係用新鮮麵包切出嚟，再沾上一層薄薄嘅蛋漿，咁就可以食到蛋香同麵包嘅彈性。另外，佢用煎嘅方式亦都唔會好似一般西多咁外脆內軟，但我覺得都可以接受。欣賞佢加咁開心果碎，多啲咬口。後記：小編第一次嚟到石硤尾呢個地方，因為歷史緣故，呢度有好多嘅舊長型公營房屋，而且中間會有行人天橋接駁，遠處仲見到獅子山。我一直都覺得呢個地方只係普通嘅舊區，今次

自這小店一年前開業以來便有關注，主要是被無添加100%即磨堅果醬吸引。每天均有花生醬 + 是日堅果醬選擇。吃了一次便再返唔到轉頭~加上小店毫無花巧marketing或包裝，不會增加無謂成本繼而轉嫁顧客，令價格非常合理。除了醬，店還有堅果奶/茶、多士、窩夫、西多士、午餐主食選擇等，三款特色美食 + 一款不時更新的廚師精選，葷素均有。這天試了鷹咀豆菠菜素咖喱飯、味噌堅果醬意粉配烤南瓜、花生醬西多士。鷹咀豆菠菜素咖喱飯：鷹咀豆煮得軟稔，菠菜甚多，咖喱吃出含豐富香料，包括小茴香等，故有印度咖喱感覺，辣度適中。還可選配黃薑飯，增添風味！味噌堅果醬扁意粉配烤南瓜：朋友點的，說醬汁美味濃稠，非常「掛麪」。吃了一片烤南瓜，灑上芝麻，竟然很夾，驚喜!花生醬西多士配焦糖煉奶：在社交平台見到照片已覺得是必試，果然沒失望。沒有一般西多的油炸感，中心軟滑的蛋漿、加上濃厚花生醬及獨家焦糖煉奶，出色到再飽也吃得下！