Video
Opening Hours
Today
11:30 - 20:00
Mon - Sun
11:30 - 20:00
Above information is for reference only. Please check details with the restaurant.
2024年3月15日 星期五呢日突然間早咗收工，所以就係中環街市行下，因為翻新咗之後都無乜機會嚟過，同以前真係好唔同，多咗好多舖頭同餐廳，而且有冷氣行得好舒服咁岩見到有呢一間泰國甜品餐廳，之前已經試過佢其他分店，不過冇諗到原來仲開埋甜品，見到裏面嘅裝修好有特色，一枱一凳都好似去咗泰北嘅感覺咁，而且燈光好柔和餐廳嘅門面已經放咗凍櫃，裏面放滿咗形形色色嘅甜品，全部賣相都好吸引，有原裝同一個咁賣，價錢唔算太貴最後我選擇咗呢一個香芒熱情果香茅忌廉蛋糕返屋企同屋企人分享，賣相好特別，好似以前嘅中式糕點咁，買嘅時候店員仲好貼心提醒我記得要一個鐘頭內拎返到屋企，因為蛋糕冇落防腐劑，驚佢既忌廉外層會慢慢開始溶返到屋企食完飯已經急不及待由雪櫃拎出嚟食用，一切開就見到裏面嘅蛋糕分開一層層，整得好出色，味道酸酸甜甜，唔會太過膩，而且冇諗過百香果同香茅會咁夾，香茅味慢慢喺口中散發開，同時間都食到芒果同百香果嘅味道，互相配合，完全顛覆咗我對蛋糕嘅印象，竟然可以用香茅作為配料！！
continue reading
喺中環街市見到呢間泰式甜品造型幾特別，同事就話要就買黎試吓！榴槤慕絲麻糬蛋糕$88甜品造型師真係好厲害，可以整返成個榴槤死為蛋糕🎂咁！見到個樣已經好吸引！一打開個盒已經香噴噴，榴槤味湧晒出嚟食慾大增～～中間除咗榴槤味嘅蛋糕，仲有麻糬好煙靭！椰子慕絲造型蛋糕 $78真係個外型整到椰青咁！好吸晴，未食已流口水🤤，打開個椰青蓋入邊仲有超大粒麻糬！椰青身體部份都有大麻糬非常煙靭有口感又唔太甜！好正！🍱Asok Thai Cake (中環)📍中環皇后大道中93號中環街市1樓121號舖
continue reading
行過見到啲造型咁cute ，真係忍唔住買返兩件返屋企食。佢哋有唔同嘅生果造型，有榴槤又有士多啤梨，最後揀咗芒果同埋椰青。望親啲原來呢間係Asok Thai Cake，應該都係同阿叔泰麵、Asok Thai Garden 同一老闆。芒果慕絲麻糬蛋糕🥭先試呢個芒果，芒果味好甜同好濃，芒果有啲似芒果布甸，入邊仲有一大舊軟腍腍嘅麻糬，只係有少少蛋糕墊底。如果鍾意食芒果嘅，呢個就啱晒佢啦。椰子慕絲造型蛋糕🥥開頭以為有好濃嘅椰子味，但原來唔係反而係淡淡嘅椰奶香，支飲管係黑朱古力，入邊都有啲麻糬同埋蛋糕。呢個蛋糕嘅做型就更加神似，仲有一個放大版可以買俾朋友生日開心一下
continue reading
Asok Thai Cake位於中環街市內，店內雪櫃有多款像真度好高嘅蛋糕，個個造型精緻，賣相💯，有別於傳統蛋糕， 口味創新，個個都想試～🎂泰國青檸士多啤梨慕絲蛋糕 4”$238最後揀咗個顏色以粉紅色為主嘅蛋糕，賣相超可愛🥰 造型好似個盤栽咁，外層以白朱古力圍邊，面頭鋪滿朱古力脆脆，蛋糕內有三個層次：海綿蛋糕、士多啤梨慕絲同士多啤梨醬，海綿蛋糕口感濕潤，整體食落酸酸甜甜，士多啤梨醬食到果蓉，慕絲口感滑順，就算慕絲比例多，但食完都唔覺膩。
continue reading
經過中環街市，見有一間泰國主題嘅蛋糕店，裝修幾有泰國風情，買左個椰香芒果麻糬蛋糕戶，切開層次幾靚，蛋糕入口軟滑，整體主要重芒果香甜味，最上層係非常之滑又厚實的忌廉擠花好靚，整個蛋糕都不太甜，最外層係芒果慕士，中間仲有芒果果肉，味道幾夾，夾心層的手工麻糬好煙韌，椰子奶凍的口感好soft，Small size 4吋蛋糕，啱哂兩個人食，唔洗怕食唔哂，下次會想試吓其他造型嘅蛋糕，有榴蓮、芒果、椰青，佢啲蛋糕仔都好得意，又無平時咁悶。
continue reading