品香樓中西風味餐廳

Open Now

Now Closed

平日同老公夜晚去完又一城行街，晚餐想食中菜，即刻諗起附近嘅品香樓。我地晚上8點幾到，等咗5分鐘就有位。餐廳位於石硤尾南山邨的大排檔，裝修懷舊。餐牌上很多選擇，好彩餐牌上有品香樓熱門排行榜，啱晒選擇困難症嘅我諗食咩好～👍🏻風沙雞（半隻）風沙雞比普通炸子雞更香口🤤～金黃色酥炸外皮鋪滿蒜粒，炸到皮薄香脆，唔覺油膩！雞肉軟嫩多汁，非常好食，兩個人輕鬆ko半隻風沙雞！🐔糖醋桂花魚桂花魚炸得非常鬆脆，先剔花後炸，再淋上酸酸甜甜糖醋汁，酸甜度岩岩好，非常開胃！😍 食嗰時小心魚骨，魚骨比較多。🐟

呢間餐廳係一個平民屋邨 日頭茶記 夜晚化身小茶館🤭 每晚6、7點時間 門口就堆滿人 晏小小去都要排下隊🫣 小菜選擇都唔算少，而且份量唔少，我哋4個人點左：🕊️脆皮乳鴿 $55 👉🏻唔算細隻 真係脆皮架👍🏻🧆七味椒鹽豆腐 $78 👉🏻豆腐滑 外皮香脆，係嫌大粒左啲🤭🦑椒鹽鮮魷$118 👉🏻香口 份量多🥫🐷🍍咕嚕肉$92 👉🏻最唔好食既一碟菜，上台時已經唔熱☹️肉表面已經lam左☹️☹️🍚🦐籠仔蒜蓉蝦蒸糯米飯 $108 👉🏻配埋蒜蓉豉油，🦐份量都唔算小 用上糯米飯幾特別 味道幾好 但略油🫣呢間餐廳間唔中都有食，但今次食感覺上水準差左☹️ 但4個人埋單都係$500有找🤣 而且好飽，係幾抵食既🤰🏻🤰🏻🤰🏻

石峽尾南山村就是City U的飯堂來品香樓不得不叫杯邪惡的凍朱古力雖然忌廉大多只有裝飾作用但朱古力香味十足絕對是每枱必點！椒鹽白飯魚$98本來想選椒鹽鮮魷但選擇嘗試白飯魚可惜白飯魚的口感不是人人能接受到還是椒鹽鮮魷較吸引火焰蜜汁牛柳粒$118上枱後會有點火儀式賣相相當吸引薯仔和洋蔥微微燒過牛柳軟腍多汁加上甜甜的蜜糖味非常受歡迎見到每枱也必點南乳炸豬手$98咸香十足略嫌外皮硬了點入口也不是啖啖肉好肉人士可能會有少許失望香蒜黃金蝦$128大大隻蝦肉新鮮爽口沾上惹味金黃咸蛋非常推薦的選擇啫啫通菜煲$88炒好的通菜再放到熱煲加熱充滿鑊氣味道一流七味椒鹽豆腐$88基本上都不太可能不好吃的一道菜金黃色的樣子看了也想吃熱辣辣入口外脆內軟非常美味風沙雞$158（半隻）蒜粒和酥炸的外皮薄而不油雞肉軟嫩多汁入口香脆的炸子雞品香樓多年來仍保持高水準難怪天天也客似雲來

這家位於石硤尾的大排檔，應該算是city u食堂，因為好近，我當時就印象最深的是朱古力飲料，上面有好大的cream！這次嘗試了新菜，通菜煲，蔬菜比肉還好吃！配飯一流！

基本上都係拎住招牌菜牌去點菜🐔風沙雞有半隻/一隻 ($135/$245)其實半隻都相當大份炸子雞外脆內嫩而且每一口都能吃出咸香味上面灑滿炸蒜所以取名風沙雞每次我都必定點這道菜！🦐咕嚕蝦球 ($98)大蝦碌先炸脆然後再用特製甜酸醬炒雜椒、菠蘿海蝦大大隻啖啖肉其實非常抵食！🧀芝士琵琶豆腐加伊麵 ($85+$25)一共有八粒琵琶豆腐香濃creamy的芝士醬汁非常配搭琵琶豆腐非常足料，有蝦膠、冬菇芝士伊麵不會陌生但可以不加因為琵琶豆腐太大粒食兩粒已經好飽了！🥦西蘭花花枝片炒帶子($118)花枝片爽滑彈牙帶子新鮮，比5蚊硬幣還要大多了成碟菜無得輸！💯💯💯💯💯💯💯💯💯💯好喜歡大牌檔每一位食客都面紅耳熱聲量愈來愈大其實可以聚首一堂就要珍惜那知將來你我他會身在何方？

品香樓多年馳名，星期六下午經過食下午茶，都有驚喜！黑松露醃蛋餐廳用黑松露醃製，入口有驚喜，強烈的黑松露味留在口中，醃製到入口冧軟！CP值超高！雲呢拿朱古力不用多說！雲呢拿超多，甜度剛剛好，唔會覺得滯，朱古力迷必試！

回想小學雞生活：讀書生活回憶去南山邨品香樓多過去U Can，價錢合理之餘仲夠哂鑊氣仲味道十足。🐣嗰時必定至少一行十人一張大枱去食到飽飽再回學校拉把（library) ，有南乳雞翼、朱古力、風沙雞、乾抄牛河、火焰牛肉、南乳豬手…..數都數唔哂既好味菜😍😍琴晚難得唔算迉放工，就去尋小學雞回憶，美中不足既係兩個人食唔多。🤭🤭🤭🐔風沙雞風沙脆蒜香口十足，雞肉咸香肉軟，雞皮唔叫太肥仲脆卜卜。👍👍👍糖醋貴花魚🐟呢個第一次食，成條花魚𠝹花炸再淋上酸酸甜甜芡汁，可口開胃，以$118呢個價錢，手工費都值回票價，唯一魚因為係貴花鮮味不足，可能用黃花魚會好更多，但功夫則更難。啫啫通菜🥬唔洗講一定野味十足，待應姐姐炒好拎上嚟先倒入鐵熱鍋，無論視覺味覺都太滿足 （掛住睇，影唔到煙霧彌漫一幕）凍朱古力🍫隆重登場嘅係🤩🤩🤩🍫朱古力，呢杯係不得飲，香濃朱古力味唔係間間茶記都做到，記得要加肥仔 cream, 得夜晚係免費，其餘時間要加錢嫁。呢間品香樓都唔洗講，以價錢、味道嚟講回食指數一定有成95分🤤👍👍👍👍唔食你損失😹😹😹

位於石硤尾南山邨內的一間小菜館, 別看格局像茶餐廳, 鑊氣小菜令餐廳每晚都坐無虛席我們點了風沙雞（半隻）炸子雞的味道, 外皮透薄不油、乾爽酥脆的雞皮、雞肉柔嫩多汁, 再鋪上蒜粒、蒜香味濃, 味道更加有層次火焰蜜椒牛柳粒每枱都必點推介, 賣相很吸引, 店員上桌後會 點火槍, 蜜糖薯仔甜脆、黑椒牛柳微辣, 非常有鑊氣及惹味, 打卡一流椒鹽鮮魷份量比較多, 外皮金黃酥脆、鮮魷有咬口彈牙飲品：生力啤酒食小菜點少得配啤酒忌廉朱古力回憶的朱古力, 濃濃香滑的忌廉人情味小店, 地道港式風味, 環境設多個卡座, 服務不錯, 店員姨姨態度親切

呢一間大排檔 相信係唔少學生嘅回憶之地 ocamp組聚都必食👩‍🎓👨‍🎓佢地嘅名物凍忌廉朱古力係必飲個朱古力味真係濃到癲 應該落左勁多可可粉去沖🍫再加埋面頭勁大pat忌廉 好有飲緊朱奶嘅感覺🤓

成日堂食都覺得d野食唔差，但一叫外賣就大鑊。今日叫左3個外賣，肉絲炒麵，星洲炒米加蠔仔肉碎粥。3個麵咸到hihi聲，打過去問，仲話咁咸係正常，下次叫既時候記得叫小鹽，WTH….咁即係咸到食鹽係正常🤮🤮就連肉絲炒麵變左伊麵底麵話係正常，聽電話個位女士仲話係我地問題。依家品香樓變成咁，真係無下次🤬🤬

朋友gathering 想食中菜小炒，但只有3人，平時都食日式和西式多，中式一下子都冇咩頭緒。係OpenRice search 下見到品香樓，記得多年前和朋友食過，一於再黎懷舊下。由於假期前夕，所以都係訂咗位安全d 啦。門面和多年前一樣都係唔起眼的街坊小店三個人叫咗四個菜：1.啫啫通菜煲2.XO醬炒象拔蚌3.椒鹽白飯魚4.蒜蓉生蝦蒸糯米飯通菜喺煮完即場拎過嚟放落熱鑊，所以好夠鑊氣，見好多人都有點呢個菜，不過$88有啲貴, 上年才$66。真係食菜貴過食肉。椒鹽白飯魚炸粉太厚而且唔夠脆，凍咗之後變咗好靭，好考牙力。XO醬象拔蚌味道正常但冇咩驚喜。糯米飯份量幾多，蒸的糯米飯幾煙韌，唔係生炒糯米飯嗰種粒粒分明。見到差唔多每一枱都有叫呢杯朱古力，有滿滿的cream係上面，夠晒邪惡，但飲落朱古力味不是很濃，就係一般凍朱。埋單總共483， 價錢還可。咁多年後再來品香，感覺上係食回憶多於味道。

#品香樓好耐冇黎食啦～都係咁最出名凍忌廉朱古力🍫但其他野都覺得咸咗D，可能大排檔野餸飯食就偏重口味（？）😖😖薯仔炒牛柳粒🥔薯仔唔太夠香同外皮脆，有D失望🙍啫啫炒通菜/芥蘭煲真係隔離飯香，人地食就好香，我地食落就都係咸 🤨🤨🤨📍 品香樓中西風味餐廳 (石硤尾)石硤尾南山村南山商場平台204-205及210-213號舖

呢間已經好耐冇去過喇!!!今日經過，其實唔係好餓，呢度最出名係凍朱古力，突然好懷念所以就忍唔住入咗去隔咗甘耐呢間都係咁多人，但係好在我地兩個人唔駛等太耐。而且仲係比左卡位我地，坐好舒服。晚上六點後如果落單就可以㩒側邊鐘仔，好快就會有姐姐過嚟幫手今日試下泰式肥牛脆豆腐，同埋枝竹黑椒牛仔骨。（佢d牛仔骨一向都唔錯）而且份量好多。泰式肥牛脆豆腐，就麻麻地，泰式酸酸甜甜，個人就覺得偏甜唔係咁適合我口味。凍朱古力都係舊陣時味道，都係忌廉係上面😍打卡一流！因為唔太肚餓，食淨既用外賣盒拎走都竟然可以裝滿晒就證明佢真係份量唔少拉！兩個人埋單total$240有找好抵！

今晚點了個風沙雞，啫啫通菜煲食，風沙雞上面放上蒜香，肉質整到岩岩好好嫩滑，外表層皮好香好脆，啫啫通菜煲好夠火鑊味，菜嫩鮮甜，仲有我最愛的朱古力上面加cream..沖到好濃，連埋cream入口簡直無得彈❤️❤️❤️

作為正宗港女 除咗鍾意食打卡下午茶其實仲勁鍾意食大排檔飯因為屋企真係食唔到咁有鑊氣嘅菜呢間屋邨餐廳咁出名都唔使多介紹黑椒薯仔牛柳粒係必叫嘅相信大家都知道哈哈牛肉唔會好un，超正同埋佢係連住個鑊咁樣上熱辣辣！！今次仲叫咗一個梅菜肉餅豆腐其實有少少重口味不過送飯就好好食！！唔敢相信我食咗兩碗飯金銀蛋時菜正正常常蛋嘅份量都好多～因為得兩個人食所以叫唔到好多餸大排檔梗係要叫到成枱都係先過癮希望快啲完結限聚令又可以一大班人食嘢