品香樓中西風味餐廳

Open Now

Now Closed

品香樓除左係附近大學生嘅聚腳點，仲有超多屋邨住客捧場，開業多年仍然人氣不減，有多款港式鑊氣小炒，啱哂成班人聚會夠哂熱鬧！—— 風沙雞 (半隻) $155必叫！炸得超靚金黃色，外皮好酥脆，雞皮真係好好好好食，啲脂肪炸到出哂油，濃郁鹹香，大量炸蒜灑上去一齊食，超正！—— 火焰蜜椒牛柳粒 $123上枱仲著緊火，好keep到熱辣辣🔥牛柳粒軟腍，有大量三色椒同薯仔，醬汁甜中帶辣，黑椒味出哂黎，好食！—— 啫啫通菜煲 $98份量十足！通菜炒得鮮嫩唔黃，口感清脆，好惹味！—— 七味椒鹽豆腐 $88豆腐好滑好柔軟，外皮炸得乾身香脆，完美包裹每舊豆腐，仲要大大粒，普通椒鹽調味已經食到停唔到口😂—— 回鍋豬頸肉 $88濕炒薄片豬頸肉，香辣辛香，嫩滑入味，不過食到後面略為有啲油膩—— 凍朱古力 $28名物之一！幾乎每枱必點！朱古力味濃郁，加埋忌廉更滑，唔會太甜🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 品香樓中西風味餐廳 (石硤尾)南山村南山商場平台204-5及210-13號舖

石硤尾南山邨的品香樓是昔日學生時代聚會食飯之地，畢業之後，相隔多年未有前來。這晚和家人去又一城睇戲，特意走過來品香樓吃頓晚飯。我們坐的圓枱是在卡位之間的通道，座位擠迫。而且冷氣過凍，凍到食物好快變凍，凍到連人都想快快吃完便走。明太子炒飯，配料有蟹柳及蟹籽，炒飯都算乾身。加入了蟹籽，有爽脆口感，令炒飯更有咬口。雖然叫明太子炒飯，但不會吃到明太子那陣淡淡鹹香味。蜜桃沙拉骨，沙拉骨香脆得來又啖啖肉，澆上沙律醬及加入蜜桃粒粒，味道酸酸甜甜，幾醒胃。啫啫芥蘭煲，好夠鑊氣，芥蘭嫩綠爽脆，惹味！火焰蜜椒牛柳粒，食物送上桌後，侍應在我們面前點火，將牛柳粒的醬汁燒至吱吱聲，打卡菜式之選！牛柳粒軟稔入味，帶微微蜜甜，很好吃！薯仔脆脆的，好香口～～鍋貼芝麻蝦，賣相一般，像是在蝦多士上隨意的灑上白芝麻及肉鬆，每件都不平均。味道普普通通，蝦膠尚算彈牙。港式脆煎蠔餅，蠔仔份量不多，鹹香度普通，但都算是夠酥脆，入口不會太油膩。風沙雞 (半隻)，面層鋪滿金黃的炸蒜，雞皮炸得香脆，惟肉質有點柴及乾身。七味椒鹽豆腐，豆腐炸得金黃，口感外脆內軟，七味椒鹽的調味恰好，惹味又不會太鹹，大家都吃不停口！凍朱古力，依舊是回憶中的味

聽講石硤尾南山村南山商場有一間餐廳好適合聚會，入邊啲嘢食都好有鑊氣。所以今次嘅聚會就決定約喺呢一度。晚餐時間嚟就需要等位，夜晚嚟講餐廳嘅座位有啲迫夾，所以都唔係好方便放野。呢度嘅嘢食主打鑊氣，火焰蜜椒牛柳粒同埋啫啫芥蘭煲都真係幾吸引。火焰蜜椒牛柳粒上菜嘅時候會點火，所以都好適合影相。甜甜辣辣嘅味道都幾開胃。牛柳都唔會好韌，容易入口又入味。啫啫芥蘭煲都係好有鑊氣，翻炒嘅時候都聞到好香嘅蒜蓉味道，翠綠色嘅芥蘭新鮮。

#品香樓 #南山邨 .對我來說品香樓係一個回憶的味道😊好耐無黎過 今次狠狠地叫左好多道菜式😆.#風沙雞 #蜜桃沙拉骨 #火焰牛柳粒 #香蒜黃金蝦 #芝士琵琶豆腐 同埋 #魚湯娃娃菜 .其實佢signature既菜式都好多 花多眼亂 多啲人就可以試多幾樣今日最有驚喜係芝士琵琶豆腐（佢仲可以加伊麵底）我本身以為會好奇怪 結果食落出奇地夾🤪 另外風沙雞同黃金蝦都推薦！其實整體品香樓既菜式雖然未至於令你「嘩」一聲 但都應該唔會太伏 .另外仲有出名既凍朱古力 不過今日無飲了 已經飽到上心口 呢排南山邨好紅 下次要食雞蛋仔同芒果冰！.#南山邨美食 #hkfood #石硤尾美食 #九龍美食

隔左咁耐都係咁多人😝😝 食左好多餸 但有好有唔好出名 風沙雞🫣 皮脆肉嫩但髀位唔夠熟所以再翻熱過 但味道係ok的火焰牛肉粒 👁️👁️上枱好有效果但放得愈耐就愈甜⋯ 係我心目中唔係必食少爺炒飯 我印象中好似係咁叫 好有鑊氣好正 有下次♥️酸菜魚 唔太啱我口味 係我心目中唔係必食*2椒鹽白飯魚 幾好食唔太鹹 可以有下次🤣 鹹豬手 幾脆口🫣 賽螃蟹 🦀 個人覺得太多油係我心目中唔係必食*3火爆魷魚鬚 有啲麻辣味但都唔係係我心目中唔係必食*4 因為我係拎埋蛋糕過去 個蛋糕本身幾高身 姐姐執晒雪櫃俾我放個蛋糕 🍰 我真係覺得佢哋幾好服務態度🤣

石硤尾嘅賓墟餐廳都仲有去，要講到南山邨大坑西邨呢邊嘅餐廳，就好似近五至八年都冇乜去了，🫠以前都不時會去南豐或是品香樓，品香樓無論係入邊卡位，中間圓枱，定還是出邊露天茶座都坐過。這次還是點了風沙雞，而家半隻要成$150 ，即叫即整，雞皮都算是挺為香脆，雞肉還帶輕微鮮嫩，不過其他雞胸肉還是比較鞋比較乾燥。沙拉骨都冇以前咁正，非常之大塊的沙拉骨，肉還是有點兒乾，沙拉醬比較多，另外桃的份量都相當多，以呢個價錢來說，這個小菜其實都算抵食啲。姐姐通菜煲，份量亦都不少，來到才將菜推落熱鍋上，渣渣聲，賣相以及聲響到相當好。雜菜煲，份量都係唔少嘅，有魷魚鬚，及幾款生菜以及大量粉絲，清清地，份量不算太少，的確放滿了整個煲子。凍檸賓，可能利賓納以及糖水及檸檬都調教得宜，因此味道相當好，大人定抑或小嬰兒都喝得非常過癮。雖然過了咁多年再嚟品香樓，睇到餐牌價錢加了唔少，以及它引入了手機掃QR code電子落單，的確嚇人一跳，在石硤尾南山邨平台的餐廳竟然都已經用電子落單，不過就質素以及份量，其實都唔算太過掠水，至少份量夠多，基本上都一定食得飽，不至於百幾蚊，每樣得幾嚿那些呃錢小菜店

品香樓是我們常常都會來的地方，我特別喜歡他們的風沙雞，可是每次來試沒有吃過的菜式都會有一點驚喜。 我們訂了位置，但是到了還是需要稍稍等候，幸好今天客人不算多，等了大概10分鐘左右就有位置了。 今天的風沙雞一如往常的好吃，皮脆肉嫩，雞肉炸的剛剛好，只有骨頭中心有一點點血紅色。雖然知道龍鳳球和炸豬手是很多人推薦的菜色，但是還是第一次試。生汁龍鳳球是雞肉和蝦滑做成的一個球體，然後拿去炸，再裏上白色的沙律汁，上桌時新鮮熱辣，還有很多西蘭花伴碟。這個做法挺特別的，好像沒有在其他地方見過。整體而言是不錯的，但是兩種材料配在一起好像也沒有特別相得益彰的感覺。而每顆龍鳳球都很大一顆，吃兩顆的話肚子能留給其他食物的位置已經不多了。我比較不會啃骨頭，以前都不太敢挑戰炸豬手，這裡的炸豬手看起來每件不會太大塊，炸的不會太硬咬不動，反而是容易把肉跟骨頭分開，吃起來不至於狼狽。而且一樣是做得皮脆肉嫩，咀嚼起來能感覺到滿滿的骨膠原。上桌時會附上一小碟南乳醬，但直接吃已經很有味道，當然再沾上南乳醬，味道會更昇華。這暫時是我吃過最喜歡的大排檔炸豬手了。

專登9:30先嚟，宵夜時段嘅價錢平好多，一行四人叫咗5個items.🍴明太子炒飯 $4x明太子好足料，配合炒飯非常香口。雖然係宵夜item，份量都好充足，四個人分，每人都食到兩碗仔（當然佢啲碗好細）.🍴黑椒牛柳粒 $4x同正價冇分別，粒粒牛都嫩口入味，只係份量較為細.椒鹽豆腐 $4x呢個餸真係差少少，對比正價時段椒鹽豆腐完全兩種感覺，椒鹽豆腐做到外脆內超級滑口，入口即溶嘅感覺，呢個真係普通炸豆腐，仲要冇咩味.🍴豬頸肉 $4x豬頸肉炒得好香，不過切得勁細粒，每一啖都係攝牙罅嘅感覺，冇咗豬頸肉嘅咬口.🍴香蒜蒸蝦荷葉飯 around $130全晚唯一order咗呢個正價餸，真係好好食，成個飯都係蒜香味，仲有荷葉嘅味道，加埋一齊好正😋 同埋都好多隻蝦👍🏻👍🏻.其實覺得品香樓有少少退步，但宵夜時段真係好抵食，平均每人都係$60左右，性價比好高👍🏻

呢間大排檔食嘅餐廳喺南山邨多年，一直深受街坊同埋附近嘅大學生支持，多年冇嚟食過，今次來試一試睇吓水準是否依舊。首先點一客南乳風沙豬手。豬手外皮炸到非常脆口，南乳滋味依舊。豬手大大碟，上枱熱辣辣，喺呢間餐廳非試不可嘅菜式。再來一客經典名菜沙拉蜜桃金沙骨，呢個沙拉骨用上沙律醬做醬汁同埋蜜桃一齊炒，口味偏甜。仲有點咗粉絲什菜煲，因為唔想食飯太飽，來一個粉絲什菜煲又有菜又有粉絲，飽肚得來又健康。最後嗌埋經典飲品凍朱古力，呢間餐廳嘅凍朱古力上面會加上一層厚厚嘅忌廉，朱古力味非常濃郁。

23/2/2024今晚gathering 團拜，好耐冇去南山邨品香樓了一行六人，叫咗：南乳雞翼、半隻風沙雞、椒鹽鮮魷、火焰牛柳粒（一上枱，職員會問我地準備好影相未🤣🤣跟住點火👍🏻👍🏻）、蒜蓉蝦蒸糯米飯、金銀蛋豆苗、一人一杯凍忌廉朱古力就梗咖啦👍🏻👍🏻👍🏻👍🏻👍🏻味道同以往一樣咁好食、服務同以往一樣好忙但仍然keep 到禮貌、仍然同以往一樣咁多人，坐得有d迫夾，熱鬧。埋單除翻開每人$160。抵Ps: 只收現金

今晚去咗好耐都冇食過嘅品香樓以前返學都不時會幫襯今晚我地order咗4個餸首選就一定係佢地個風沙雞雞肉十分滑同juicy雞皮好脆好香另外當然唔少得蜜桃沙拉骨同火焰薯仔牛柳粒欣賞佢地個沙拉骨唔會只係淋上去所以反而仲可以食到燒骨本身嘅香口同味道而牛柳粒雖然又係每枱必點但係上牛柳粒太淋食唔到牛本身嘅質感覺得對比下有d失色不過味道上係可以甜甜地係小朋友鐘意嘅另外最值得一定要提係佢地嘅蟹肉豆苗唔好睇佢個樣好似好普通食落去加咗酒香豆苗同蟹肉同時變得鮮甜真係好驚喜好好味呢個反而係今晚嘅重點菜式

幾年前曾經好興去南山村嘅圓拱形攀架到打卡🤣 而南山邨仲有另一樣出名嘅就應該係品香樓😛 菜式主要係大排檔小炒，不過呢到就有冷氣同卡位，坐得舒服啲～ 有幾樣嘢係幾乎每一枱都會叫嘅：風沙雞、火焰蜜椒牛柳粒同埋凍朱古力，今次我哋都有叫晒😆•🥢 風沙雞 （半隻） $155風沙雞其實就係類似炸子雞，但上面灑咗大量炸蒜，非常之香口惹味😋 啲雞皮好薄又唔會好肥，有少少脆；而雞肉就好嫩滑，帶少少肉汁，而且仲好入味！ 整體唔會好油膩👍🏼•🥢 火焰蜜椒牛柳粒 $123上枱之後店員就會點火🔥 好有gimmick，但食落味道應該無大分別🫢 雖然睇落細細碗咁，但堆到成座山咁高，其實份量同醬汁都唔少～ 牛柳粒軟腍，配埋洋蔥、甜椒同埋薯仔，甜甜哋好惹味～不過就略嫌太多汁，食到最尾好似食緊蜜糖浸牛柳/薯仔咁，會有啲膩😂•🥢 粉絲雜菜煲 $95呢個雜菜煲超足料，有西蘭花、白菜仔、生菜，仲有好多菇同魷魚，再加少少蝦米嘅鹹香，清清哋👍🏼•🥢 椒鹽雞軟骨 $108雞軟骨全部好大粒，係連埋少少肉嗰種，而且份量又係勁多🤣 不過味道同個炸衣就扣咗唔少分🥲 食落無乜椒鹽味，而炸衣除咗有啲啲厚，仲要唔太脆，食落唔夠香口，無咗令人想食完一

十年前老公介紹我嚟食過兩次，當時我讀緊大學，覺得老公好識食。早幾日老公心血來潮，想食Book咗位。餐廳環境同食物水準真係十年如一日，仲係咁好食，同地方幾整潔。十年前去學校接我落堂嚟食晚飯，咁啱今日公司Course，都係嚟接我落堂。我哋唔再係十八廿二，唔敢挑戰頗具名氣嘅凍朱，太邪惡了開胃小食：鹽香花生，好脆無油溢味。南乳炸豬手，炸得好香脆入味，咸度啱啱好，外皮脆口肉質嫩滑，本身好夠醬油味，唔點南乳，淨食已經好好味。一份大約5-6件，每一件都好多肉。啫啫通菜煲，通菜好新鮮翠綠，上枱後即刻倒醬汁「咋」~ 熱辣辣！醬汁帶有蝦醬同腐乳味，同通菜簡直係絕配。香蒜黃金蝦，略為遜色，因為唔夠味，蝦肉彈牙新鮮又大隻，但唔入味。值得大讚嘅位係滿佈咸蛋黃，而唔係溝淡咗咸蛋黃醬！每隻蝦外殼都食到咸蛋黃嘅咸香，和沙沙的口感，食到最後下面仲有大把咸蛋黃粒老公一路食一路話味道keep得到水準，清曬枱面所有餸，食到好飽好滿足。我哋仲講返十年前拍拖嘅開心事，結婚生BB之後，頭幾年無曬二人世界，唔再係男女朋友，用另一個身份再來食回憶別有一番滋味。

1.唔熟呢頭，去參觀前深水埗配水庫前喺附近搵嘢食，上Google Map，搵到嚟呢度，假期嚟講都幾多人，應該Ok啩2.環境係老派屋邨餐廳格局，少少密集但唔係話好摎攪，就算我哋獲分發坐到好埋邊都無奇怪嘅噏味3.食物方面算多選擇，當日係公眾假期都有是靚午，我叫咗馬蹄鱆魚肉餅蒸飯，正正常常（但冇影相），身邊人叫咗金沙咸蛋黃汁龍脷柳飯，一上枱，係久違嘅螢光汁，上面仲搭咗2條蟹柳，賣相懷舊得嚟有啲創新，味道就一般般4.整體嚟講，算Ok，如果係街坊應該會有下一次，試吓其他嘢睇吓有冇機會變做飯堂。另外見餐廳入面有聖誕裝飾，覺得好有誠意，諗起細個住屋邨過聖誕嘅氣氛5.回頭指數：🌝🌝🌝或🌝

心血來潮想去品香樓食lunch，由石硤尾站行錯方向，找了很久也迷路，原来是由地鐵B1出口往太子方向直行，最终抵步巳是下午茶時段😅一見到只有在香港才有茶餐組合，紅豆冰配西多士，眼睛立即發光，唔食都對唔住自己**下午茶餐-- $36**西多士加紅豆冰，勁抵食--紅豆冰--三份之一係奶，三份之一係紅豆，三份之一係冰,紅豆腍軟，不是太甜，味道剛好--西多士--可能係全港最厚嘅西多士，用兩片軟厚方包再夾粒粒花生醬組合而成，配上牛油加糖漿