Brick by Brick

Open Now

Now Closed

外賣左一份百幾蚊嘅肉骨茶，簡直差到就算免費都唔想食：- 油炸鬼：有3-4小塊，硬到成舊石咁咬唔開，浸完湯好辛苦咬得開仲要痴牙……- 飲品：凍話梅桃膠羅漢果茶（少甜），味道奇怪，難飲到喊出黎，飲一啖就掉左。- 馬來西亞肉骨茶：無藥材香，個湯你睇相都知非常淡口，似係有咸味嘅水，個醬似係蒜蓉定沙嗲，奇奇怪怪咁，又係食一啖就掉左。所謂肉骨，部分採用左豬軟骨，完全唔夾，肉無肉香，湯無藥材香，唔係太明呢碗野想點。睇見其他用專業相機影相+讚到飛起嘅食評，睇見都嬲嬲地……由於係delivery外賣，環境/服務/衛生未能評價，中立少少Default比3分。

朋友喺中環返工，介紹我試吓呢間位於士丹頓街比較隱世嘅馬來西亞菜，餐廳唔同嘅菜式都好有風味同埋特色❤️🟢招牌喇沙烤雞烤雞份量幾多，除咗有兩塊雞胸，仲有兩隻大雞腿。雞皮烤得好香脆，而雞腿嘅肉質特別鮮嫩。醬汁味道唔會太濃，相對輕盈。🟡珍寶大蜆拼海蝦咖喱喇沙湯麵呢個喇沙湯麵材料夠晒豐富，除咗有超大粒珍寶大蜆，仲有其他配料包括海蝦、溏心蛋、豆卜、生菜同芽菜。值得一讚蜆肉非常鮮甜又大粒，而喇沙湯底仲冇落任何味精，而係用咗秘製香料同埋蔬菜煮成，相對健康又好味！👍🟠椰絲咖椰薄餅呢個係必食推介，薄餅非常之特別，有好多椰絲與咖椰醬，但係又唔會太甜，咬落口非常之香脆，仲有少少糯米嘅口感，我同朋友都食唔停口！😋

係中環搵到間隱世又好食既馬來西亞餐廳佢地最出名係肉骨茶同喇沙，兩款湯底都係佢地精心炮製，好健康嫁😍我同老公當然就要黎食啦下啦😋🔸火熱砂煲肉骨茶一定要叫呢個肉骨茶，實左太出色啦！😍即叫即整熱辣辣嫁，記得一定要先飲佢個湯先，肉骨茶主打藥材味，湯底係無糖無鹽嫁！餐廳都好貼心❤️，知道有D人鍾意重口味，就提供咗自家製嘅蒜蓉醬，可以撈落湯底，令到湯底更加濃郁！佢仲用左豬軟骨製作非常軟腍腍同入味。🔸珍寶大蜆拼海蝦喇沙喇沙湯底同樣都係自家炒製嫁，非常香口濃味，麵底用左油面及米粉，令到口感更豐富佢地用左珍寶大蜆同埋大蝦🍤，非常新鮮🔸日本三得利黑啤雞翼佢地用正滷水嘅方式醃製，令到雞翼好腍，入口即溶咁😍份量又唔小👍🏻🔸椰絲咖吔薄餅作為甜品我覺得好出色，薄餅，非常香脆，點埋香甜嘅咖吔醬，真係一定要食下啦

💠💠Brick by Brick💠💠🅴🅰️🆃 🆃🅼🆁 明天去吃指數：4/5🔹秘製馬來西亞咖喱喇沙湯麵（惹味肥牛堆） $126🔹 秘製馬來西亞咖喱喇沙湯麵 （脆炸梅子一口雞） $122椰奶專登落少啲，所以湯底質地唔係稠身嗰種風格，但味道照樣濃郁，順喉唔膩滯🙌🏻。麵底係正宗摻摻，混合咗油麵米粉，油麵煙韌掛湯，米粉唔易斷又吸湯，另有芽菜、豆卜同流心蛋配料👍🏿。當日揀咗惹味肥牛堆同脆炸梅子一口雞做配菜，肥牛肥瘦均衡肉味香濃；一口雞外脆內鮮嫩，加埋啲梅子粉酸酸甜甜又帶點微鹹真係好過癮，食到停唔到😂。兩款喇沙整體都好惹味，亦都食得出冇味精，絕對係誠意之作呀💯ꕀ ꕀ ꕀ ꕀ ꕀ ꕀ ꕀ𖤥 Brick by Brick 𖤥🗺️ 中環士丹頓街21號地庫

❀ Brick by Brick #中環 ❀❗ SOHO區隱藏馬拉菜 喇沙肉骨茶全自家製❗——————————————————中環SOHO區士丹頓街cookie vission 入面有條隱蔽嘅餐廳街🤣內藏呢一間正宗健康馬拉餐廳，雖然門面唔算好靚，但佢哋主打嘅肉骨茶同喇沙都幾出色🥰兩款湯底都係餐廳精心炮製，崇尚健康嘅路線，但味道一啲都唔單調，喜歡馬拉食品嘅一定要試吓😆.✷𝑀𝑒𝓃𝓊✷☞ 火熱砂煲肉骨茶 $172 (4/5)即叫即整，所以要等少少時間。馬來西亞嘅肉骨茶主打藥材味，同新加坡嘅胡椒湯底不一。用砂煲裝住肉骨茶，香噴噴熱辣辣，湯底冇糖冇鹽，但有好香而不苦嘅藥材香氣😚餐廳亦非常貼心，知道有啲客人鍾意重口味，提供咗自家製嘅蒜蓉醬，可以撈落湯底。內裏亦有約三四舊非常軟腍腍嘅豬肉🐷感覺似係豬軟骨，非常入味。.☞ 珍寶大蜆拼海蝦喇沙 $148 (4/5)喇沙湯底同樣係自家炒製，冇落椰奶較健康，單純用香料製成嘅喇沙，同樣非常香口濃味，微微帶辣🌶️不過個人認為冇咗椰奶感覺似冬陰功多啲，不過都好味🤣麵底係我最愛嘅摻摻，有齊油面及米粉，兩款唔同口感嘅麵條口感更佳。配料方面，佢哋嘅珍寶大蜆非常新鮮，另外仲

與很久不見的朋友約在中環呢間馬來西亞餐廳食個團年飯✍🏼佐酒小食拼盤$168即叫即炸，外脆肉軟，熱辣辣好好食。但上菜時間太耐，呢碟菜同酒一早落，但啲酒飲哂+主菜嚟齊哂佢先到✍🏼秘製馬來西亞咖哩喇沙湯麵 （珍寶大蜆拼海蝦 $148）可以揀跟其他料（eg 雞、牛）。碗麵好足料（雖然張相好似睇唔出），湯底好濃郁✍🏼火熱砂煲香濃肉骨茶 $172一句講晒：我從未試過嘅肉骨茶味道呢句唔係壞話嚟㗎，只係佢同我之前食過嘅藥材味重or胡椒味重嘅肉骨茶都好唔同… 但係好味嘅，啲肉又夠腍，可以一試同場加映：手工蒜香米餅呢個係跟肉骨茶一齊上，雖然賣相有啲… 但同肉骨茶一齊食太夾了！呢間餐廳食物水準幾高，服務態度都唔錯，但人手就少咗啲，啲食物要等好耐+要催先到，想食嘅朋友就要俾啲耐性啦

今晚同太太去左中環蘇豪區😬因為朋友嘅介紹，介紹左我哋去呢間「Brick by Brick」食馬來西亞菜☺️招牌火熱砂煲肉骨茶 $172即叫即整嘅砂煲肉骨茶，香噴噴熱辣辣！一上枱煲肉骨茶仲係好滾😂而且非常濃郁嘅味道😋職員話係冇糖冇鹽嘅純正肉骨茶，只有藥材嘅味道🤤美式燒豬寸骨配薯角及椰菜沙律 $298呢個豬仔髀賣相已經十分之吸引😋非常之嫩👍再配上脆卜卜嘅薯角，實在太正啦😬Pineapple Carrageen & Sea Salt Soda $76呢個菠蘿🍍+ 海鹽梳打特飲認真唔錯👍仲加上海燕窩食落好似蒟蒻嘅材料，真係相當之特別😋Cranberry Paradise $76P.S 餐廳將會有 Online Shop 網上店😊

提到SOHO區，第一印象就是酒吧林立，每到晚上自然熱鬧起嚟，但仔細發掘就會發現當中都有不少食店《Brick by Brick》就係SOHO區嘅一間隱世食店，主打馬來西亞fusion菜🥢雜錦海鮮喇沙 - 喇沙湯底由餐廳自家炒製，香濃微辣，份外惹味！麵底就係摻摻，即係油麵加米粉，每一啖都有2種口感，幾特別！至於配料就有大蝦、魷魚和青口等海鮮，份量豐富！🥢美式燒豬寸骨配薯角 - 豬寸骨醃得夠入味，啖啖肉之餘肉質亦爽滑，伴碟有薯角，香脆可口！

今次食咗間蘇豪嘅馬來西亞餐廳，真係一個意外嘅驚喜啊！首先，佢哋家嘅肉骨茶簡直係暖笠笠心窩嘅代表咩，湯底香而唔膩，仲有咁嘅微微甜味咁令人垂涎，肉骨嘅腍都啱哂力，滿滿啲肉汁加上滲透嗰種中藥材香，實在係滋味十足！隔籬桌啲朋友仲一路夸讚叫我哋一定要試吓😁。跟住個喇沙湯麵都嚟一個味道超級濃郁嘅表現，個湯底香滑得嚟唔會過辣，連肚子對辣椒敏感嘅我都食到停唔到口🍜。梅子一口雞嗰個濃郁嘅梅子酸香真係與眾不同，啖啖雞肉又咬落去彈牙得嚟入味，真係掂晒！飲品方面，羅漢果茶嘅甜度啱哂，加埋話梅個種微酸提神效果，簡直係食完油膩菜之後清爽嘅恩物🍹。成個食飯過程中，店員嘅服務態度真係好得點讚，佢哋細心嘅介紹同建議，令到呢次飲食體驗更加分👍！是但區區啲，都覺得值得推薦比大家，下次經過必定再嚟！🤤🥣🍵

最近發掘到中環SOHO區一間主打馬來西亞菜既餐廳，無論係選材、調味、烹調上，都非常有心製作美食的一間餐廳🥹🍜新鮮海龍躉片咖哩喇沙湯麵 ($182)作為餐廳主角之一既喇沙湯麵，係每枱食客必點之物🍜香濃湯底每日新鮮製作，可按喜好選擇唔同既配料，肉類，海鮮，素菜俱全。我地就揀左每日限定🐟海龍躉片，魚片很有質感，魚皮有豐富膠質非常彈牙。湯底有濃郁椰香而不乏微微辣味，令人回味😋🦪玫瑰酒煮卜卜大蜆配蒜蓉包 ($218)粒粒漲卜卜既新鮮大蜆並非雪藏之物，鮮味十足。經烤過的金黃蒜蓉包香味四散，脆口感很讚👍🏻🥧椰絲咖椰薄餅 ($72)很喜歡Kaya的我們無猶疑地選了這個充滿東南亞風情的甜品，🥥椰絲與咖椰醬係perfect match, 甜絲絲得來不會有死甜感，每款配料都有獨特的甜香味，薄餅有軟糯感，值得一試🥹另外仲有出名既肉骨茶😋用藥材精心熬製而成，留待下次再試

Tried out Brick by Brick, an Asian fusion restaurant and bar that is conveniently located in the heart of Soho, Central. If you’re ever in need of a quick bite before heading out, this is the place to be! 🇲🇾 ✨ They also have an 𝗼𝗻𝗹𝗶𝗻𝗲 𝘀𝘁𝗼𝗿𝗲 www.brickbybrickhk.com where you can order your favourite dishes from them to enjoy at the comfort of your own home. All you have to do is fill out a quick online form and you’re all set! Pic 1️⃣: 𝐁𝐫𝐢𝐜𝐤’𝐬 𝐌𝐚𝐥𝐚𝐲𝐬𝐢𝐚𝐧 𝐂𝐮𝐫𝐫𝐲 𝐋𝐚𝐤𝐬𝐚 𝐍𝐨𝐨𝐝𝐥𝐞𝐬 𝐰𝐢𝐭𝐡 𝐅𝐫𝐞𝐬𝐡 𝐆𝐢𝐚𝐧𝐭 𝐆𝐫𝐨𝐮𝐩𝐞𝐫 /

/如果無人推介，都唔會發現到依間喇沙店😍地理位置黎講，中環依個價錢💰配上依個食物質素，性價比真係好高🫶岩晒一班上班族放工黎依到聚一聚.玫瑰酒煮卜卜大蜆配蒜蓉包 大推⚠️食得出用料新鮮，粒粒蜆都好大粒，仲要無沙😳用左玫瑰油去調味，仲特出左蜆既鮮味👍🏽 蒜蓉包烘到好脆口.🍜新鮮海龍躉片咖哩喇沙湯麵龍躉麵真係第一次食🤣龍躉魚肉片做到超滑身，肉質嫩滑, 喇沙湯底唔會話好鹹，如果味道可以再濃啲會更好，麵就用左摻摻麵☺️油麵用米粉兩溝，啲麵會索晒湯既.椰絲咖椰薄餅出面食馬來西亞菜都唔覺眼有依款菜色，依個甜點係熱食既♨️薄餅煎完後放上椰絲，芝麻，食前再揸上咖央醬🫶甜甜地脆脆地，唔錯👍🏽

🍗招牌喇沙烤雞 $278烤雞配喇沙汁惹味，酸甜開胃有啲似羅宋湯，雞肉嫩多汁，皮微脆，有3大隻髀😆，配菜有椰菜🥬、紅蘿蔔🥕、翠玉瓜，配菜煮到好入味😝🧆玫瑰酒煮卜卜大蜆配蒜蓉包 $218推介！大粒新鮮蜆冇沙，帶湯汁甜甜地，玫瑰酒提鮮，蜆鮮甜😝，蒜蓉包烘到脆帶焦糖味，可以點埋個汁一齊食👍🏻，要趁熱食🥗泰式酸辣無骨鳳爪 $118無骨鳳爪入味開胃，鳳爪大隻彈牙，配沙律菜🥗、洋蔥🧅、紅蘿蔔🥕、蕃茄🍅，配菜爽口吸汁，微辣惹味😆🧇椰絲咖椰薄餅$72必食甜點！有8件，熱辣辣，酥餅烘到脆身香口，鋪滿椰絲、芝麻🫙，甜甜地🥨，更驚喜既系配搭咖央醬，非常出色👍🏻.✨店員親切會主動介紹menu同埋菜式，座位唔算多，野食新穎用心烹調，系值得支持既小店，餐廳較隱蔽，系巷仔入面，環境靜舒適.

雖然隱藏係蘇豪區嘅小巷入面但都有好多人發現到佢🙈🙈夜晚9點去食都好多人✿ 秘製馬來西亞咖喱喇沙湯麵配雜錦海鮮 $132 ✿上枱就比滿滿嘅芽菜同海鮮震撼左🦐🐙🦑入面配料仲有溏心蛋 豆卜 啲湯嘅味入曬去 好正🥹佢嘅面底係摻摻 份量好夠 2個人都夠食✿ 火熱砂煲肉骨茶 $165 ✿原個砂煲上 黎到嘅時候仲係煮緊🔥好香濃嘅藥材味 入面仲要係用豬軟骨食嗰陣唔會有細骨 好貼心☺️☺️除左湯入面嘅豆卜 菇同生菜 佢亦配左油炸鬼同蒜香米餅✿ 脆炸梅子一口炸雞 $112 ✿個雞炸得好香脆唔油膩(⁎⁍̴̛ᴗ⁍̴̛⁎)熱辣辣嘅炸雞 配上梅子粉 同泰式辣醬酸酸甜甜好開胃🤤🤤食物份量好足 2個人好夠食😌店員服務好好 舖頭仲有2隻狗狗🐶可以同佢哋玩😍餐廳11月5號就要結業了‼️疫情一路走來都不易 快d去支持一下啦🥲💪🏾希望將來係另一個選址可以再見❤️

Soho區之小巷隱世餐廳，同朋友喺soho區想搵一間靜靜地嘅餐廳，估唔到俾我哋搵到一間小寶藏 - 馬來西亞菜嘅餐廳😍雖然細細間, 亦都好溫馨。店員都好nive為我哋介紹咗幾款佢哋嘅特色菜品。我哋叫咗玫瑰酒煮卜卜大蜆配蒜蓉包，呢個我覺得好surprise因為佢哋用rosé，個口感好特別，酸酸甜甜好易入口，份量都啱啱好。亦都叫咗個美食燒豬肋骨配薯角，個醬汁好特別，好開胃～可能我哋太肚餓，亦可能因為真係幾好食，食完個肋骨覺得好想再食多塊！