Video
Exit F, Admiralty MTR Station
continue reading
Telephone
28208571
Introduction
cafe TOO buffet offers international delicacies from all over the world. Some of their most sought after dishes include snow crab leg, brown crab, sashimi, authentic Thai salad, roasted US beef, double-boiled soup, xiao long bao and more. While dessert counter features 8 different ice cream flavours, pancakes, and soufflés.
continue reading
Opening Hours
Today
12:00 - 14:30
18:30 - 22:00
Mon - Fri
12:00 - 14:30
18:30 - 22:00
Sat
12:00 - 15:00
17:30 - 22:00
Sun
12:00 - 14:30
18:30 - 22:00
Public Holiday
11:30 - 14:00
18:30 - 22:00
Public Holiday Eve
11:30 - 14:00
17:30 - 22:00
Above information is for reference only. Please check details with the restaurant.
News
Unveiling Seafood Street at cafe TOO: A Culinary Adventure
2024-05-02
Embark on an extraordinary culinary journey at cafe TOO this Spring. Discover a vibrant seafood market with fresh lobsters, abalone, clams, and more. Skilled chefs prepare seafood before your eyes for unrivaled freshness. Don't miss the 1-meter giant bamboo basket filled with lobster, garlic, and lotus leaves. Explore the Chill section for snow crab legs, mantis shrimp, brown crab, and conch. Savor freshly caught tuna and Japanese delicacies in the sashimi and sushi section. Indulge in signature dishes like Moutai Drunken Shrimp and Steamed Giant Grouper Fish. Immerse yourself in the Fresh Seafood Grill section, transporting you to a bustling seafood market. Surrender to enticing aromas and flavors, and drink ice-cold local beer from the iconic Hong Kong style ceramic bowl!
More
About Reward Scheme
RELATED ARTICLES
一提起自助餐，「cafe TOO」係我心目中首選嘅自助餐廳💗五星級酒店出品，用餐氛圍環境優雅，軟件及硬件無得彈👍🏻👍🏻趁放假約埋成班朋友過黎朝聖，盡興咁豪食一番先😋😋———————————————————🔹海鮮區 海鮮迷豈能錯過！新鮮生猛凍海鮮專區供應雪蟹、花蟹、麵包蟹、瀨尿蝦、大蝦、翡翠螺及大蜆，淨係呢個派場已經夠晒豪華！首推雪蟹及麵包蟹，雪蟹腳蟹肉一疏疏，入口鮮味十足；麵包蟹嘅蟹膏超級澎湃，入口甘香令人回味無窮！重點推介即蒸海鮮專區，清蒸開邊龍蝦、蒜蓉開邊蒸龍蝦、白灼蝦及白灼螺一一供應，每款熱辣辣香噴噴，特別係蒜蓉開邊蒸龍蝦，上層自家調製嘅蒜蓉醬汁夠晒惹味，搭配埋大大隻爽彈鮮甜嘅龍蝦肉，食得夠晒滿足！🔹日式刺身系列日式刺身區令人驚喜！原條藍鰭吞拿魚，由師傅即切，赤身、中拖羅及大拖羅任吃～當然要大推大拖羅！咁矜貴高質嘅食材又係另一回本位，大拖羅夠哂肥美，豐富魚脂啖啖肉，超鮮甜！🔹日式壽司及串燒區壽司及串燒區應有盡有，每款壽司材料豐富；日式串燒由師傅即席燒，特別推介呢度嘅日式玉子燒，蛋味濃厚，夠哂嫩滑Juicy，值得一試！🔹沙律及冷盤區沙律區提供各式各樣沙律及新鮮蔬菜，多款口味醬汁供應，我哋可以按自己喜好，炮製獨一無二既沙律，一開始食定啲沙律菜，開開胃，為等陣大吃特吃做足準備！🔹 一樂燒鵝估唔到呢度既自助餐聯乘咗中環既一樂燒鵝，提供源源不絕嘅馳名燒鵝，質素有保證，燒鵝皮脆肉嫩，鵝油油香四溢，除咗燒鵝之外，酒店仲自家炮製鵝油炒飯，每一啖都令人齒頰留香！旁邊嘅滷水專區，供應自家特色滷水，包括滷水蛋及滷水豆腐，鹹香味濃，值得一試！🔹烤肉及熱葷區鍾意食烤肉嘅朋友仔必試呢一度嘅烤牛肋肉及烤羊腿，特別推介烤羊腿，肥瘦適中，愛陣烤至焦香，肉質保持粉嫩，搭配埋薄荷醬及芥末醬，味道提升至另一層次！各式各樣中西式熱葷，同樣選擇眾多，蒸海魚、炒蜆、東南亞粉麵、印度咖喱等等應有盡有，特別推介佢哋嘅老火燉湯，是晚供應川貝燉雪梨，用料十足，夠晒滋潤，火喉十足！🔹甜品區平時唔太食甜品既我亦比呢度嘅甜品深深吸引著！特別推介呢度嘅即制雞蛋仔，提供原味及鹹蛋黃味，製作認真，佢哋嘅雞蛋仔蛋香味濃郁，夠晒香脆，爆餡嘅鹹蛋黃鹹鹹甜甜，成個組合好出色，必定要試！另外仲有多款蛋糕、雪糕等等，真係令人目不暇給～———————————————————🌟餐廳：cafe TOO📍地址：金鐘金鐘道88號太古廣場港島香格里拉7樓
continue reading
朋友起有無食物選擇多, 又富香港特色既自助餐推介, 不用多想就推薦 港島香格里拉酒店 自助餐廳 café TOO, 最近試過, 選擇除了琳琅滿目, 還有富香港特色既雞蛋仔, 蛋撻, 還有米芝蓮燒鵝等等18:30準時入席, 先看看海鮮冷盤, 當中更有較罕有既 麵包蟹 和 瀨尿蝦, 麵包蟹更是充滿蟹膏, 其他亦挺新鮮的海鮮除了冷盤, 還有不可錯過的蒸龍蝦, 有 清蒸 和 蒜蓉蒸 兩款, 是其中一個回本位! 開邊龍蝦肉多又彈牙, 小丸比較喜歡清蒸的, 愛蒜蓉的比利當然喜歡後者凍肉有 三文魚 和 巴馬火腿 等等自助餐其中一個最多人關注既, 當然是刺身櫃, 這裡供應多款魚生, 是夜就有 油甘, 大拖羅 和 牡丹蝦 等等, 大拖羅會於指定時間供應, 大家要留意喔, 而寿司亦有多款選擇, 賣相亦不錯突然又聽到鐘聲, 原來是晚燉湯出爐 - 川貝南北杏雪梨燉瘦肉, 唔使急最緊要快, 湯頭非常清香, 滋補養生, 而 竹笙瑤柱海豆腐皇羹 用料豐富, 也很值得一試熱盤選擇亦很多樣化, 特別推介 茅台炒醉蝦, 是即場製作的, 大家除了品味, 還可即席觀賞大廚炮製過程還有辣炒蟹鉗, 蜆芥炸鯪魚球 和 椒鹽魷魚仔, 還有大推既 粉絲蒸龍躉白灼田螺 和 白灼大蝦, 後者是不能錯過的, 爽口又鮮甜, 蘸上一點豉油吃已很滿足泰式船麵 檔口, 配料選擇挺豐富的比利是食肉獸, 烤雞 和 燒牛肉 當然不會錯過燒味類, 必試當然是來自米芝蓮既 一樂燒鵝, 還有 鵝油炒飯, 加入了鵝皮來炒, 非常香口, 還有酒店出品既 义燒 和 油雞, 也不錯吃各款 烤物, 也是很不錯水準甜品環節還有多個亮點, 有 低調高手雞蛋仔/格仔餅, 都做到原店水準, 建議要趁熱食呀!又是要趁熱吃的, 是新鮮出爐既 泰昌蛋撻, 很香滑富蛋香還有多款糕餅, 比利至愛 黑芝麻大福, 當然少不了小丸至愛既 哈根大斯!而小丸就特別喜愛 章魚小丸子 和 珍珠奶茶!Café TOO 還會不時會推出各項優惠, 大家要密切留意喔~
continue reading
今天是父母的結婚紀念日所以請父母嚟食香格里拉午餐自助餐應該係最近做緊海鮮主題嘅午餐自助餐，所以今日嘅主要食材都係海鮮為主基本嘅長腳蟹啊，凍蝦，青口，田螺都係正常水平本人極力推薦嘅，就係佢嘅刺身本人好鍾意食油甘魚，佢哋油甘魚都好新鮮冇雪味。一流🤤🤤🤤🤤🤤🤤🤤🤤🤤🤤另外就係熟食啦，佢熟食係好多嘅，中式，西式啦，泰式款式好多。熟食方面佢都有點心嘅，但係蝦餃嘅皮呢就偏厚，但係燒賣呢就不錯。另外就有好多唔同嘅小炒，有酸梅骨，叉燒，燒味。講真佢叉燒真係幾好食。亦都有馳名嘅燒鵝。另外牛朳羊朳都唔錯。今日仲有避風塘蟹鉗，好食🥰🥰🥰🥰🥰甜品方便呢佢有即整嘅雞蛋仔啦同格仔餅仲有昌記嘅蛋撻咁因為我係香格里拉會員嘅關係，新入會嘅時候有七五折嘅coupon，所以我今次同爸媽嚟食呢個結婚紀念餐有七五折優惠🤗🤗🤗🤗🤗下次都會再黎食🤗
continue reading
🌟餐廳：cafe TOO📍地址：金鐘金鐘道88號太古廣場港島香格里拉7樓💰價位：～$200 - $400⏰營業時間：星期一至日12:00 - 22:00📱電話：28208571忙足一個星期，又到happy Friday可以約班朋友仔出嚟見見面鬆一鬆😍😍咁多人食自助餐就啱晒💁🏻♀️朋友仔就特登訂咗位於港島香格里拉✨cafe TOO✨呢間五星級酒店嘅自助餐一向出品高質，環球海鮮多不勝數👍🏻食物款式眾多，啱晒同成班朋友仔大刷一番，夠晒盡興💖💖———————————————————🔹日式刺身區高質嘅自助餐，日式刺身當然與別不同！首推藍鰭吞拿魚，師傅即叫即切，質素媲美高質日本菜，赤身、中拖羅、大拖羅任君選擇，必定推介大拖羅，入口肥美甘香，油脂感爆燈，自助餐有咁高質素嘅刺身，令人回味無窮！🔹自助沙律及凍盤區自助沙律區提供嘅蔬菜選擇眾多，包括深受歡迎嘅凱撒沙律、日式沙律、各款沙律配料及醬料，款式夠晒多！凍盤區除咗供應一系列嘅Cold cut之外，亦有多款芝士供應，啱晒鍾意食芝士嘅我，超級推薦！🔹海鮮區 海鮮控至愛！自助餐供應既新鮮凍海鮮超多選擇，有齊雪蟹、麵包蟹、花蟹、瀨尿蝦、大蝦、翡翠螺及蜆，淨食海鮮已經值回票價！除咗凍盤海鮮，特別推介呢度嘅蒸海鮮區，大大個蒸籠由廚師即席炮製清蒸龍蝦、蒜蓉蒸龍蝦、白灼蝦及白灼螺，每款熱辣辣香噴噴，當然重點推介清蒸龍蝦，原汁原味，食落肉質夠晒鮮甜彈牙，食材夠晒新鮮，值得一讚！🔹壽司及日式串燒區特別介紹一下呢度嘅壽司及串燒區，各款特色壽司整齊擺放，每款食材新鮮，特別推介餐廳自家製作嘅玉子燒及串燒系列，玉子燒提供多款口味，總有一款啱你心水！🔹 中式燒味及滷水系列酒店特地搵黎遠近馳名既一樂燒鵝合作，供應高質明爐燒鵝，燒鵝肉肥美飽滿，皮脆多汁，自助餐食到咁出色嘅燒鵝，夠晒噱頭！當然仲有酒店自家製作嘅叉燒、油雞等皇牌燒味，每款各有特色！值得一提，呢度嘅滷水蛋及滷水豆腐亦相當出色，滷水汁用料豐富，滷水蛋及豆腐夠晒入味，超正！🔹烤肉區食肉獸絕對不能錯過呢個烤肉區～烤羊腿及烤牛肋肉，由師傅即切，肉質鮮嫩多汁，睇見都流口水！特別推介烤牛肋肉，外層焦香，肉質粉嫩，入口相當嫩滑，烤煮既火候控制一流，大推！🔹熱葷、燉湯及粉麵區林林種種既中西式熱葷，多不勝數，每一款都夠晒吸引，蒸海魚、小炒王、豉椒炒蜆、東風螺，以至印度咖喱一一供應，實在太豐富！中式燉湯今日提供川貝燉雪梨，熱辣辣出爐，飲落滋潤夠晒養生；鍾意麵食嘅朋友，必定要去試埋佢哋嘅粉麵區，分別提供泰式及中式粉麵系列，配搭各款生猛海鮮及蔬菜，夠晒多元化！🔹甜品區甜品控不能錯過！除咗各式各樣精緻蛋糕、任食Häagen-Dazs雪糕之外，甜品部師傅更即席炮製火焰雪山及新鮮即製雞蛋仔，我就超推薦呢度嘅鹹蛋黃雞蛋仔，烤至外脆內軟，內餡嘅留心鹹蛋黃令人齒頰留香！———————————————————💗今時今日高質嘅自助晚餐餐可遇不可求，真心推薦呢間cafe TOO‼️‼️供應各式各樣環球美食之餘，每一個系列選材及烹調手法製作認真，尤其係海鮮區及刺身區，生猛即叫即蒸龍蝦及矜貴嘅藍鰭吞拿魚無限量供應，值回票價😬值得一讚餐廳嘅各類食物擺放井然有序，refill 速度夠哂快，源源不絕既高質食材，盡現眼前👍🏻適逢母親節，帶埋媽媽嚟呢度嘆番餐盡興嘅自助餐就岩哂💁🏻♀️💁🏻♀️
continue reading
呢個星期日就係母親節諗到同你阿媽食咩未呀！我就醒喇一早同老婆大人去食自助餐慶祝咗，仲要係佢最鍾意嘅海鮮主題自助餐開心到佢癲呀。今次食自助餐嘅地方就喺港島香格里拉嘅cafe Too，原來我係第一次嚟食自助餐入面勁多嘢食好鬼開心呢，經過靚靚嘅花叢第一眼見到就係呢舊咁正嘅藍鰭吞拿魚！呢晚有得任食真係正好夢幻呀，除咗刺身仲有呢一個撈咗味嘅吞拿魚粒，勁好咬口件一啲酸味都冇呢個吞拿魚真係好靚好新鮮，除咗吞拿魚之外仲有好多唔同種類嘅刺身，每樣食一件都已經好鬼滿足啦，跟住仲有日式前菜、壽司、玉子燒、章魚小丸子同埋串燒，一定能夠滿足鍾意食日本嘢嘅朋友。冰鎮海鮮區都好澎湃有醉鮑魚、魷魚青口沙律、烤蝦小米沙律、大蜆、瀨尿蝦、海蝦、花蟹、麵包蟹、蟹腳同埋海螺。轉過彎呢度有麵包、芝士、沙律菜鍾意健康嘅朋友就啱晒啦。自助餐入面有任飲就最受歡！迎呢度仲要有自己調製嘅果汁三款都好好飲而且唔會好甜，如果鍾意飲肥仔水仲有三款唔同口味嘅珍珠特飲，唔好話小朋友連我都覺得好開心呀。講到開心甜品區又係睇見都引死人！有勁多款唔同口味嘅細件甜品任揀，呢度仲可以食到低調高手大街小食嘅雞蛋仔同埋格仔餅，老婆大人見到即刻雙眼發光，最後仲有火焰雪山同埋六款口味嘅Häagen-Dazs雪糕，相信呢個陣容甜品迷應該都唔會有投訴喇啩。睇完啲甜品係時候去睇吓有咩熱嘢食！首先必吃推介一定係呢個清蒸龍蝦，睇住師傅喺魚缸撈出嚟劏好攞去蒸新鮮到不得了，食得幾隻龍蝦都已經回咗一半本啦。跟住仲有好多中式嘅嘢食！好似有沙拉骨、黃金茄子、點心、燒味、滷水仲有清補涼湯，啱晒啲鍾意食中菜嘅朋友。不過都唔夠呢個一樂燒鵝吸引大家都知呢間燒鵝都唔平，另外仲有個鵝油炒飯好鬼死邪惡，呢度就食到佢哋嘅出品仲係任食都咪話唔爽。西式嘢食就有烤羊腿、烤牛肋骨、煎魚、燉肉、意大利雲吞同埋南瓜湯，選擇唔係好多始終呢個自助餐都係本地嘢做主題。粉麵檔就供應泰國船麵！除咗船麵湯底之外仲有清湯同埋喇沙湯底，自己鍾意食咩餸要咩麵配咩湯底自己揀。呢個位入面有兩大個魚入放咗龍蝦同埋大頭蝦，師傅撈啲蝦出嚟白灼然後放去蒸籠度，呢個新鮮嘅食法真係好鬼死吸引。跟住仲有好多海鮮嘅菜式！好似竹笙瑤柱海鮮豆腐羹、辣酒煮花螺、蝦乾小炒王、豉椒炒蜆、蝦子鴨掌海參、金銀蒜蒸龍躉、椒鹽鮮魷、椒鹽鮑魚仔、蜆蚧鯪魚球同埋避風塘炒龍蝦鉗。行多兩步又有驚喜呢度放滿咗各式各樣嘅海鮮，而最特別嘅肯定係呢個茅台炒醉蝦！師傅即刻放新鮮蝦落鐵板然後落茅台，跟住就會熊熊大火呢個時候記住預備定手機呀。最後呢個位仲有烤雞、烤魷魚同埋烤大蝦，呢個自助餐咁嘅陣容鍾意食海鮮嘅朋友真係會流口水。係時候埋位開餐喇喂！我同老婆大人夾手夾腳出去攞啲嘢返嚟一齊食，自助餐6:30開始但係去到7:15記得出去攞藍鰭吞拿魚嘅大拖羅！超級肥美嘅大拖羅真係好油潤勁好味呀。其他刺身都好唔錯我就最鍾意油甘魚同埋阿根廷赤蝦。至於凍海鮮梗係要食紅花蟹啦勁鮮甜，本地嘅瀨尿蝦雖然細細隻但其實都好鬼甜。呢碟前菜入面嘅醉鮑魚好鬼煙靭帶少少酒香幾好食，壽司質素都好唔錯有位嘅話真係要試吓。講到最精彩一定係新鮮嘅蒸龍蝦！除咗清蒸仲有蒜蓉味兩款都各有各好味，細食咗嘅我呢晚淨係食咗三隻龍蝦咋！茅台炒醉蝦啲酒味好香而且蝦肉好彈牙一定要食呢個呀，另外白灼大頭蝦勁多蝦膏都好鬼正㗎。老婆大人鍾意食點心梗係要攞返啲俾佢嘆吓啦！蝦餃同燒賣都係高質嘅出品唔錯唔錯。我就仲開心因為呢度一樂燒鵝係任食！除咗任攞燒鵝髀之外仲有我最鍾意嘅鵝頸，即刻嗌咗杯白酒要嚟送鵝頸爽爆呀。呢一個小炒王我特別要介紹俾大家，入面除咗有唔少海鮮之外最正嘅係好香甜嘅韭菜花，我同老婆大人食咗勁多。食到半路中途有個侍應推住架車仔出嚟！原來係送呢個川貝燉雪梨燉湯俾我哋，燉湯熱辣辣又足料幾好飲喎。食過蒸嘅海鮮呢個烤嘅都好出色！魷魚煙韌彈牙唔會好韌好鮮香，而大蝦燒過之後嗰朕香味好出色又係唔同食法。芝士區入面有呢個我最鍾意食嘅蒜蓉芝士，老婆大人見到即刻攞俾我嘆真係抵錫，呢度嘅烤牛肋骨做得好出色夠晒粉嫩而且好有肉香味，如果係牛魔王就千祈唔好錯過呀。最後整返碗船麵暖吓胃不過老婆大人呢日喉嚨痛所以我嗌咗清湯！鍾意食惹味嘅佢扁晒咀唯有加返啲炸蒜等佢食得開心啲啦。其實已經飽到一個點！但係老婆大人超好特登出去等攞咗兩底雞蛋仔返嚟，一底原味一底鹹蛋黃新鮮熱辣加埋老婆大人攞嘅點會唔好食吖，朋友就攞咗格仔餅我真係食唔落不過睇落好都鬼吸引咁，見到呢件橙花白豆卷蛋感覺好鬆軟忍唔住攞咗嚟食！都要讚吓自己好眼光食落真係好鬆軟好有豆味，食埋呢件蛋糕仔已經飽到傻咗，希望呢個母親節嘅自助餐老婆大人食得開心又滿足啦。
continue reading