春水堂人文茶館 (Millennium City 5 (apm))

Open Now

Now Closed

❤️食過番尋味之台灣篇@春水堂記得很久以前去台灣特地去這間排隊試珍珠奶茶，但不知為甚麼品牌在香港開了分店許久也未去試。一試，發現還純正台式風味，老少咸宜 >V< ======================💯滷水：1) 香牛肚$48(每100g的牛肚約72卡，算是比較健康的內臟類別之一) 乍看滿是褐色醬色，混合香料和各式醬油比例調製出的醬汁，其實各派各有獨特之處。台式的滷水以滷湯為基調，牛肚吸飽醬汁口帶有八角等香料味道，微鹹而鮮甜，下飯一流。2) 魯肉飯$28配滷蛋$12 可能是因為豬肉肥瘦比例不同，滷肉飯有時又稱作「肉燥飯」，而春水堂這一道魯肉飯有切粒的半肥瘦豬肉，也有較瘦的肉碎，有多重口感，再配以醃蘿蔔半顆，解解膩一流。至於滷蛋，因為是鮮蛋煮熟成水煮蛋之後剝殼，再放進滷汁中滷煮數小時而成，入味非常，有點Q彈又不會太多水份。💯金萱香菇雞湯$48帶點茶香的香菇雞湯，個人覺得是進化版的貢丸湯，有香菇的鮮甜，也有雞的油香，而且整盅炖讓食材不會因火喉太猛而失去鮮甜味。💯蒜泥白肉 (忘了價錢$)~ 465卡 經稍微灼燙和冷水的肉片，再淋上由米酒和蒜薑磨成泥的蒜泥，吃的時候是沒有薑

今日做完嘢路過APM，可能未到lunch time；見春水堂唔駛排隊，就入去坐低睇下有咩食。叫左牛骨濃湯牛肉麵同鐵觀音拿鉄。牛骨湯好入味，牛肉大大舊但一啲都唔靱，正😄好味😋。一向是咖啡怪嘅我，今日破例試奶茶，試左鐵觀音拿鉄，有驚喜，好滑又保持到茶味，不過下次可以叫少甜。最後，仲外賣左紅燒牛肉麵同豬手魯肉便當🍱比屋企人。佢哋都讚不絕口👍🏻⋯⋯豬手炆得好入味同冧，老人家食都無問題。紅燒牛肉麵係皇牌，必試

好幾年無去台灣，經過apm春水堂見裝修靚靚，晚餐時間又唔多人就入去嘆吓先。✨🥢黃金香酥雞$48: 雞件炸得鬆脆，好香口👍🏻✨🥢滷香牛肚$48: 滷肉汁香濃；牛肚洗得乾淨，無騷味，好送飯😁✨🥢滷肉飯$28: 肥肉唔算多，塊醃蘿蔔幫到清一清肥膩感；飯細細碗，過口癮囉✨🍜紅燒牛肉麵$82: 食台菜無紅燒牛肉麵好似有欠缺咁，牛肉有4大件、好淋又入味，一咬就斷，湯頭又夠甜，正😄，如果多兩件蘿蔔就一流喇

今日去咗觀塘行街，去咗APM，唔知食咩好，見到春水堂就入去食啦，之前去過坑口分店，未試過呢間，就等我試吓先一行兩人，嗌咗三樣嘢，蕃茄湯半筋半肉麵，肉燥娃娃菜同埋麻辣涼拌牛肚絲推介麻辣涼拌牛肚絲$44 份量都唔少，再加上芫荽同埋蔥好香好好味肉燥娃娃菜 $35 都幾健康肉燥唔會太肥同油 半筋半肉蕃茄牛肉湯麵 $102至於牛肉麵方面，如果要食手工寬面，淨係蕃茄湯半筋半肉牛肉麵先至可以叫，其他牛肉麵都係幼麵，麵味幾香！都好掛湯！牛肉同牛筋嘅份量都足夠！推介！

今日去咗APM嘅春水堂度食飯，因為想飲珍珠奶茶。之前有人講過呢佢嘅珍珠奶啲珍珠特別煙靭。是細粒d, 朋友要黑糖仙草，我就試吓飲朱古力珍珠。要個麻油米粉，因為近來瘦身唔想食太肥。朋友就要咗飯，但飯的餸菜都好豐富。隔籬枱嘅客人佢嘅珍珠好似喺個杯度攞隻根匙羹🥄逐少逐少放落珍珠奶茶度。我以為是這間店的特色，我問侍應時。侍應就唔係太知道不過佢都有心幫我。但係其實我唔係太重視呢樣嘢。仲叫咗個牛筋，不過真係有啲辣，食一條又要飲一啖珍珠奶茶🧋。我去餐廳的時候是星期三，餐廳都有好多客人，8成滿座。 下次想去試他的牛肉麵。

食物水準間間分店一樣。只能說apm這間分店服務員態度最差，懶散唔願做，冇帶位，自己揾位自己坐。放低碗飯掉頭即走，企正响我張枱前，叫咗3聲都唔應，之後高舉雙手才有一個帶眼鏡扎馬尾的施施然行埋嚟，問佢攞個匙羹食飯，聽完 完全冇反應，施施咁递個匙羹比你，全程冇對話，冇表情，冇交流。其實已經自己電話落單，都做少樣嘢啦，服務性行業，態度可以寬容啲，比個笑容或者比個反應個客人都唔係好難啫! 應該係最基本啦！

✨半筋半肉番茄牛肉面✨适合吃不了辣的朋友，蕃茄味都挺浓的。牛筋炖的很软烂，入嘴黏糊糊，面条很劲道吸汁，牛肉也很软烂。✨红豆珍珠奶茶✨很正宗台湾味道的珍珠奶茶🧋

點了個功夫麵，上面有少少肉碎，麵嘅份量超細份，少過譚仔1/3，食唔飽，但收我$59碗，我expect比譚仔更大份，食到我頂上胃。黃金香酥雞又細份，又唔算好好味，又收$55，仲以為比酒樓賣嘅金磚豆腐多d tim，數埋都唔夠20粒。再黎叫了杯熱黑糖珍珠鮮奶茶，味道不過不失，甜度適中，但比其他茶飲店嘅份量就細杯，如果加番1/4就差唔多，就對得起$39杯，街外茶飲店都係賣$32-35蚊杯咋麻，又大杯。唔怪之得香港餐飲業做唔起，收得貴夾唔抵食，味道又唔算超特出，類似食物其他餐廳都有，唔推薦黎呢度食。

第二次幫襯依間春水堂，忍唔住留言。先憑印象憶述返第一次體驗，第一次黎果陣眼見堂內大把空位，仍要人喺門口等，直到出現人龍先放人，order左個lunch set便當同野飲，both都值得比8/10。但侍應上菜時細聲到唔知佢up乜，唔知佢想講果碟係咩黎定係叫我地小心睇熱，ok!都無問題，我地識自己分返，但上菜果陣成碟野咁飛住上黎，餐具都差啲跌走，之後想即場話佢時已極速逃離，又認唔到佢樣，所以費事嘈，但成個過程都唔知佢急乜。事隔個月，想話可能個別事件，再幫襯佢第二次。點知同樣眼見堂內大把空位，仍要人喺門口等，直到出現人龍先放人，同樣上菜時又係細細聲唔知佢up乜，confirm左次，先知原來攞漏匙羹，話轉頭攞返比我地，點知轉個彎，唔知佢失左憶定放左工，等左個幾個字仍未出現，咁我地揾第二個幫手啦，點知啲侍應識靈活走位，好難揾人，最後攞個匙羹足足用左2個幾字。唯一進步係無再飛野上枱總結一下，食物係唔錯，但想有個良好體驗睇黎會好難，亦唔怪得依到咁多留言都係針對個服務黎講。可能外賣會有另一返體驗。

食物一般 。無當年一開張個時咁好味 。服務態度亦都一般 。明白呢個係宜家香港餐飲業嘅服務水平 。但未過用餐時間就趕人走，就真係接受唔到 。12:55pm 開單，1:30pm侍應同我講已經過左用餐時間 ，但由頭到尾都無人同我哋講有限時嘅用餐時間 。我媽媽同收銀嘅女職員反應帶位個時無講到用餐時間 。女職員話用餐時間嘅notice 貼左係當眼位置 。但所謂嘅「當眼位置」，係正常人入呢間餐廳係唔會望到 。到最尾睇返張收據，先發現我哋只係食左30分鐘。上次其實係呢間春水堂遇到無禮貌嘅侍應 。本來想俾多次機會 。但今次真係唔會再有下一次 。

每次經過都心癢癢的想吃，但又因為排隊龍太太太長而放棄，輪回了幾百萬次...終於！.叫了4度菜、1度甜品、1杯奶茶1️⃣麻辣牛肉面不是好吃不好吃的問題，是$82港幣吃一婉面太幼沒口感，但牛肉很軟但又入味有口感！2️⃣魯肉飯 $28一小碗，味道中規中矩3️⃣麻辣涼拌牛肚絲 $38好味！有驚喜，平常食的都是四州涼拌菜多，但牛肚味道微酸，清甜爽口！4️⃣鹽酥雞粒 $485️⃣珍珠鐵觀音雪糕吐司 $58珍珠 黑糖 巧克力雪糕 是什麼神仙組合😍太好吃了！❤️🧡💛💚.📍地址：⏰營業時間：星期一至日 11:30 - 23:00📞電話：36194335 （但不能訂位子）🚝交通：港鐵觀塘站 A2 出口, 步行約3分鐘

同朋友好耐冇見去到APM唔知食咩好就發現原來呢度有春水堂最近唔食牛肉，好彩佢有素面 比預期好食朋友就食牛肉麵，半筋半腩香味濃郁來到一定要飲番杯珍珠奶茶挺好飲的 最後叫埋個小食好好味。

行下apm，口淡淡便去買野飲，apm呢個商場勁多飲品店，各大連鎖品牌基本上都飲過了，就試下未飲過又多人讚嘅春水堂，聽聞過江龍好威威，要排好長龍。阻人收工最xx😂差唔多九點先去買，黑面是很合理的。點咗鐵觀音珍珠奶茶同朱古力珍珠奶茶，一杯走甜，一杯正常。鐵觀音我覺得偏淡，唔知係咪走左甜嘅關係？朱古力個杯就幾好飲，仲有朱古力餅碎。但兩杯都真係太多冰，慢慢行街慢慢飲，飲完都仲有大半杯冰，珍奶其實只有三份一杯😂三十幾蚊杯…試過便算了，驚喜不大。

一直排队的商店今天空无一人。我经常来的一家台湾餐厅，因为它很好吃。尤其是奶茶，即使在香港也很好吃🧋🧋🧋食物很好吃，但女服务员的态度总是不好。 看得出来，她的心情总是不好🤔总是微笑的男店员脸上总是挂着笑容，一切比以前好多了😄吃完台湾菜，我想去台湾。 下一步我应该什么时候去😜

食物一貫台灣野水準，都幾好食！服務，有位講日文男職員，好好禮貌。本來想領教下戴眼鏡果位女職員，原來在收銀，行出去比錢時，，講咗一句（$319），然後無聲無息放低張收據在枱上。無講多謝（氣場好勵害）！呢位女職員咁優質既服務，原來已經成為標準，真心佩服！（講咁多咪又係排晒隊去食！）