廣成冰室

Open Now

Now Closed

講開上水嘅冰室，基本上冇人唔識廣成冰室，呢間嘢開咗幾十年，佢嘅牛通加蛋治真係食極都唔厭，每一次食門口都好多人要排隊等大概都要等10零20分鐘，最近人更加多，因為佢嘅營業時間縮短咗，仲好似禮拜三禮拜四都會放假，平時呢好似開到2:30定兩點，想食嘅機會就係越嚟越少，誰人是在要特登就時間黎食，佢嘅蛋字啲蛋厚度呢真係冇得頂。仲有另外一樣嘢你唔要蛋治可以叫菠蘿油，我屋企人就比較鍾意食菠蘿油，但係佢個菠蘿油係凍嘅都好好食唔計嘅朋友可以試吓同埋佢嘅奶茶都好好飲

已經忘記了多久沒有來十幾年都是同一份茶餐牛肉通感覺退步了雖然湯底仍然好薑好味但牛肉片只有淡淡牛味加上胡椒粉會味道更鮮蛋治一如以往厚厚的喜歡帶點濕潤的炒蛋還看到蛋白蛋黃兩色但紅豆冰是非常出色的紅豆分量十足濃郁且甜軟淋手刨冰金字塔碎冰最配紅豆可惜茶餐不能加錢轉紅豆冰一餐要飲兩杯飲品就非常飽60多年的真冰室由細個食到大個由排長龍到即入有機會還是會帶小朋友去試手刨紅豆冰金字塔

🐮 牛肉通粉配雞蛋三文治 $42牛肉夠嫩, 通粉加左薑絲去煮可以去D肉腥煮到岩岩好 雞蛋三文治 鬆軟既麵包夾住勁厚既蛋, 麵包2面都搽滿牛油, 簡單得黎好又好食🐮 牛肉通粉配菠蘿油 $42呢度最出名既就係菠蘿油, 菠蘿包每日新鮮整既, 中間夾一塊厚厚既牛油🌟 冰室既下午茶先有既紅豆冰, 我推薦大家可以試下小編ig page @foodie_masian 👈🏻記得follow埋同比個like👍🏻支持下🥰～～～～～～～～～～～～～～～～～～～～～～📍 廣成冰室Guong Shing Ice Cafe地址:上水石湖墟新成路10號※※※※※※※※※※※※※※※※※※※※※※※※※※※

自小住上水，幫襯咗30+年，現已搬到外區，上星期都特登開車去食，但絕對係最後一次。當日生意並唔旺，一路有位，我老公食完野去咗洗手間，我因腳傷，等埋佢至起身埋單，當我剛飲完杯奶茶，有個疑似熟客入嚟，守門口個阿姐就即刻非常無禮貌咁問我：你啲嘢嚟齊啦，起身俾人坐啦！其實嚟得嘅，大部分都係街坊，食物質素根本好一般，大家只係習慣嚟吓，唔怪之得而家唔使等位，多得嗰個粗魯無禮嘅阿姐，令我知道，真係唔使再嚟受氣。

廣成冰室聽就聽過好多次但因地點問題一直都冇去試今次去間上水就決定一試⭐️紅豆冰有個圓錐體刨冰喺頂 賣相夠特別紅豆有成大半杯 香甜 夠腍起沙花奶落得幾慷慨整體味道唔錯唯一問題係用幼飲管 紅豆要用匙羹先食到⭐️雞蛋三文治份量十足 方包軟熟 去邊去得唔完整雞蛋尚算嫩滑 牛油味好突出但略嫌油膩 令到下層方包索晒啲油總結：食物可以 份量足環境一般 裝修懷舊 要搭枱坐得好迫服務還可以 態度普通一般落單冇問題 但成日送錯嘢價錢可以 去開可以試吓 特登去就唔值

懷舊冰室已經少之又少,一心來試嚇這間廣城，看評論還不錯，從踏入冰室開始徹底失望，那班阿姐的態度真是絕，5個人坐一張卡位還不給櫈，叫我怎樣吃，落單到上通粉簡直就是懷疑人生，難食，菠蘿油牛肉通粉，蛋治，差👎

【北區】【廣成冰室】香港嘅老牌冰室，因為現今世代好多人都蔑視「茶記」呢種本土文化，因此數量每況愈下。不過依然有一啲仲喺度同呢個世代做「相映成趣」嘅示範，例如今日要講嘅呢一間石湖墟嘅冰室，就真係老字號得嚟，老中青都中意。「以愛情來填滿的，用年華維繫的縱是銀或金或張白紙，依然完全沒保障……」我喺好多年前曾經同我嘅初戀情人喺對話嘅時候提及過一齊過食呢間嘢，我已經忘記咗我有冇應承過對方一定要陪佢嚟呢度食嘢，不過反正佢而家都有適當嘅人可以陪佢，我亦都無謂為對方徒添煩惱，為大家留個好嘅印象嘛。「愛到頭來能強積，或無人能累積那是人類美麗的幻想，只能求無力保養……」咁又做乜無啦啦走嚟食呢間，我坦白啲啦，就係我直屬上司叫咗我嚟試呢度啲紅豆冰好耐，我為咗自己來年嘅 appraisal 著想，就決定放低心中嘅羈絆，走嚟食吓呢間，起碼出年我個表現係 Poor 以上我已經心滿意足架喇。當然我喺好耐之前其實都自己嚟食過，罪疚感冇咁大。咁其實個個嚟到都係食茶餐，主菜「牛肉通粉」係呢度招牌菜之一，不過除咗薑味夠之外，唔算好特別。小食可以揀菠蘿油或者蛋治，蛋治我食過係唔錯嘅，今次唔揀。可惜個「菠蘿油」冇畀到驚喜我，好一

出名的懷舊冰室 慕名而來食左店舖最馳名既鮮牛肉通 同鮮蛋治蛋治足料感覺無落味精 幾新鮮健康味道係吾錯既但坐位就好迫夾 坐得吾舒服仲有蚊針🦟整體黎講 都值得一試有獨有既懷舊味道

上水懷舊茶記老字號茶記冰室，專程揸車過嚟廣城冰室，當然一定要試佢嘅冰山紅豆冰😋😋😋我哋係下午茶時間嚟，入座嘅時間都坐滿人，但好快有卡位，初頭要同人一齊坐，座位比較逼夾，可能都比較舊嘅緣故一嚟到我叫咗佢嘅茶餐，有個牛肉通粉、厚蛋治、另加一杯紅豆冰👍🏻👍🏻👍🏻牛肉通粉，正常味道不是傳說中的出色😆😆蛋治好味麵包鬆軟，但可能我係叫餐，所以雞蛋唔係太厚，因為我見到隔籬枱有個女仔單叫蛋治，佢嘅後蛋治非常之好非常之吸引😂😂下次我都會單一叫蛋治🤣🤣佢最出色，就係佢杯紅豆冰，甜而不膩、仲有一個花奶冰山👍🏻紅豆蓉，非常之有沙唔會死甜呢杯，下次你一定會再encore🤣🤣

🧊廣成冰室🧊一入黎感覺好似時光倒流咁，Menu上見證到好多幾十年前冰室獨有既飲品，例如牛肉汁、蓮子茶、鳳凰奶糊、榨檸汁等等，不過有得睇冇得叫既🥲。紅豆冰🫘🧊($27)紅豆冰雖然好多茶餐廳都有，但廣成喱杯紅豆冰既造型，放眼全香港，都係好獨特既😆，大半杯以上既紅豆加埋大大枝碎冰柱，正！飲落超多紅豆，好香甜，奶水反而少，一路食可以一路拮碎啲冰，感覺愈飲愈多🤣！牛肉通+雞蛋三文治+飲品($44)牛肉幾新鮮，湯底冇乜特別，就係舊式冰室個種鹹鹹地湯底🤣，雞蛋三文治幾驚喜因為真係好大份，蛋都係舊式做法，主要食蛋香，而唔係新式加好多奶偏滑蛋個種，麵包偏軟淋。菠蘿油($17)包唔係熱既，皮又唔算好脆，勝在牛油夠，普通質素啦。

今日約左一個上水朋友喺佢屋企附近消磨時間因為到咗下午茶嘅時間大家都覺得肚餓所以就去咗我朋友口中話上水好出名嘅冰室試試一入門口係覺得呢間冰室幾懷舊幾有香港風情一坐低就叫咗一個茶餐因為我唔食牛肉既關係我就叫左個火腿通粉同埋雞蛋三文治以我嘅朋友就叫咗牛肉通粉當啲嘢食嚟到嘅時候因為真係有好多人都話呢間好出名所以我對啲嘢食都非常期待不過有幾期待就有幾失望其實只係普普通通嘅雞蛋三文治食落仲有啲蛋殼碎非常失望原本以為啲蛋會好滑點知。。。。我覺得佐敦著名態度差嗰間更好食另外雞蛋三文治有少少後悔冇叫烘底火腿通粉平平無奇根據我個friend所講牛肉通粉都係一般般，冇乜特別我哋仲叫咗個菠蘿油就係牛油加菠蘿包，正常味道如果大家想去一間懷舊冰室體驗下舊時香港嘅冰室文化嘅話都可以去下嘅不過對食物質素方面就唔好要求咁高對於職員態度方面都唔好要求咁高我估佢哋已經做響左個朵，完全唔憂做如果你係M底嘅話歡迎去呢間餐廳try try

個個月都要嚟三兩次上水做嘢唔熟路又唔知有乜好食，都係上嚟搵食睇完又睇 ，一於試下呢間啦，見平時又話排隊又盛，我個時間又唔駛排😂😂😂坐低望下餐牌，都係一般茶記嘢啦。叫左lunch, 以為可以加錢轉好出名嘅紅豆冰，但姐姐話只可以散叫，但我又冇理由飲兩杯嘢.....咁...唯有下次啦...如果仲有下次的話，哈哈牛肉通有啲薑絲喺度，都幾好嘅，本身好鍾意薑但成碟就冇特別好味，反而冇諗住跟餐蛋治會有咁多蛋，都開心嘅，不過都係冇特別好味想像唔到點解咁出名，要排隊

据知呢間冰室在上水有幾十年歷史，睇下格局和食品選擇，就知“真”冰室係點🤔，和坊間的“新”冰室真係好唔同。早上8點幾來到，有位直入。叫左全日茶餐，滑牛通，蛋治和茶走。都要等下至送到，滑牛通味道並不複雜，簡單的牛味和薑絲，作為早餐個人覺得較沙嗲牛肉通更合適🤭。蛋治就真係好，又滑又厚無得輸😌。茶走呢。。。無乜茶味，奶有點多🙄未到9點門口已經有人群聚集要等位。姐姐們都好禮貌好好人，也許這就是街坊店的人情味。😆👍

茶餐（牛肉通、雞蛋三文治）紅豆刨冰呢道只提供一款茶餐，所有客都喺清一色食牛肉通同埋雞蛋三文治。牛肉通湯底好重胡椒味同薑絲香味，牛肉片喺鮮牛肉，所以好嫩，仲好重牛肉味。雖然無咩太特別，不過出面都已經難搵到。雞蛋三文治喺厚嘅滑蛋，蛋好滑同有蛋香，不過就無肉，缺乏咗肉香同油香，所以咬落去好似咬空氣咁，😂😂😂食完好空虛。個人都喺比較鍾意坊間果種厚實口感嘅蛋牛治，咬落有蛋同肉嘅質感，仲有肉嘅油香味。紅豆冰相當唔錯，紅豆肉夠爛夠軟身，所以好出味。而用嘅冰雖然喺刨冰嚟，不過因為成舊癡埋晒，所以都喺做唔到同時食到紅豆蓉加冰碎嘅口感。個人覺得試過就算，唔值得排隊等。仍然呢間喺老字號，但餐牌上嘅餐品都已經無賣，感覺就同出面坊間普通茶記差唔多，😂😂😂只喺老舊嘅裝修，加埋媒體炒作，去力賣情懷。

原本約咗朋友一齊去食，但係朋友遲咗少少嚟，佢已經不停係咁催問朋友到邊度，5分鐘後朋友到咗就即刻叫嘢食，過咗唔夠20分鐘佢已經叫我哋走，係真係過嚟張枱度叫我哋走，咁嘅服務態度都得？啲嘢已經唔係好食！講真去澳牛無咁嬲！