河內越式料理 (Sai Yeung Choi Street South)

Open Now

Now Closed

今年3月中去咗一轉越南芽莊，輕鬆渡吓假，由於芽莊喺個沿海城市，海產豐富，所以，嗰幾日我哋食海鮮居多，反而越湯粉就較少食。今晚兩公婆就懶煮，出嚟尋味搵食支持吓本土經濟，近近哋揀「河內越式料理」，貪佢一出地鐵站口附近就喺，加上風評不俗，定價實惠。雖然鋪仔細細，但裝修都幾骨子，偏向摩登嘅設計，唔多見啲傳統嘅越南擺設，反而有啲藝術嘅裝飾，個人嚟講，最緊要喺乾淨企理，坐落感覺舒服。食物嘅選擇都幾多種類，包括越式湯粉、越式撈檬、飯類、越式三文治、米紙卷類、沙律類、濱海類、小食、廚師推介、精選菜式……等等，最抵食喺個「優惠二人餐」，不過，啲湯粉選擇唔喺好啱老婆心水，加上佢有唔喺必須嗌嘢飲，而散點又有追加小食，計落個價錢都OK喎。餐牌最尾一頁喺飲品，包括多款特色飲品、沙冰，為顧及個別人士需要，亦提供少量港式飲品 同埋幾款暖意風情熱飲。最好就喺嗌咗主食，有得加配飲品，唔一定要叫套餐同樣可以慳返好多。枱面就放咗一啲特色嘅調味醬料，而餐具、餐紙、牙簽等就放晌枱側拉櫃中，排列整齊，自由取用。越式手打炸蝦餅（細）$33既然可以追加小食，當然用盡啲配額啦，先試一客炸蝦餅，喺咪真喺手打就唔知，但食落真喺好彈牙，又夠

這間越式餐廳有幾間分店 就太子站附近地點方便 餐廳人流不斷好旺場😍食物款式選擇多而且質素不錯 叫主食可以用優惠價錢加配小食同飲品 又不用加一😬性價比好高✨極品牛三寶湯河粉湯河粉一大碗🍜配料有生牛肉、牛展、牛丸🐮湯頭以牛骨熬製熱辣辣🦴味道清甜濃郁不油膩 加入青檸及辣椒更提鮮🌶️生牛肉粉嫩 牛展膠質豐富有口感 而河粉非常滑溜👍🏻✨越式河內三寶飯三寶飯有豬扒、雞翼、扎肉配料夠豐富🍚帶骨豬扒厚肉香茅味濃郁 雞翼皮脆有肉汁👍🏻白飯的份量都好多配上蔥油好下飯😋亦有甜豉油可以自己加✨越式炸蝦餅（細）蝦餅厚身已預切 炸得熱辣辣😍外皮好香脆不會油膩 口感好爽口彈牙🍤檯上放了酸酸甜甜的甜辣醬沾著吃味道好夾✨越式豬頸肉（細）加配的豬頸肉都幾大份🥓口感爽彈又夠入味 如果可以燒得再香口點就更好啦✨青檸梳打一杯冰底加青檸同一罐梳打水上枱😋冰涼好清爽十分消暑解渴🥤✨鮮芒果西米露一大杯好似一個甜品咁😍椰汁味濃郁而且甜度適中 西米夠軟糯 以優惠價錢加配好抵飲👍🏻📍河內越式料理 (西洋菜南街) (旺角)旺角西洋菜南街204號地舖

西洋菜南街的河內越式料理，在週末的中午過來吃，餐廳坐滿客人，我在門外等了大約10分鐘才有座位呢！生牛肉湯河粉這個招牌菜每次來也會必點，河粉好滑，配上生牛肉的湯，不是味精湯，食完之後唔會口渴！ 順化蕃茄蟹肉扎肉湯檬蕃茄湯底帶有濃郁的蟹肉及蝦殼香味，十分出色的湯檬，好味到最後會飲晒成碗湯！追加小食越式炸春卷（2件）香脆可口，正宗的味道！越式手打蝦餅（細）蝦餅好食， 炸衣部份炸得啱啱好飲品叫了椰汁冰及芒果沙冰，消暑解渴，正常發揮！ 香茅沙嗲雞肉串燒，即炸即整，配埋個沙嗲醬汁，一流！

行行下落毛毛雨，急急腳喺附近搵嘢食，男友話呢間佢前同事幾鍾意食，帶我去試下豬頸肉撈檬 $64 珍多冰跟餐+$10豬頸肉香嫩脆口，隨意淋上酸酸甜甜的魚露，令人胃口大開！至於珍多冰椰子味濃，又唔會太甜牛肉撈檬 $63 青檸汽水跟餐+$10牛肉味濃，加上白芝麻，而且量好多，好抵食！青檸加汽水好清新！順化炸蝦餅 $74男友推介之蝦餅，果然炸得金黃香脆，點上甜酸醬，好惹味！香茅沙嗲雞肉串燒 $68上枱時，我地都好奇，沙嗲醬另上，自己點，又別有一番風味！

今日去左旺角行街，見到呢間食越南料理餐廳都多人食，於是決定入去食個午餐。餐廳環境舒適，裝修別緻，落完餐後好快就上菜。我哋叫左無骨酸辣鳳爪，呢款小食份量夠，鳳爪爽口，配上芹菜、洋蔥、蘿蔔絲一齊食，酸辣開胃。上湯灼田園蔬用左牛骨熬製上湯灼，每啖菜都食到牛嘅上湯味，健康得黎又好味。街頭香葉卷撈檬用左香葉包住碎豬肉，香葉卷炸得甘香鬆化，配埋清爽撈檬一齊食，好夾。軟殼蟹米紙卷好足料，外層係軟軟嘅米紙，內層係香口吧軟殼蟹，口感豐富。另外叫左兩杯飲品：牛油果沙冰清新解渴，每啖都飲到清香牛油果味，沙冰又整得好綿滑。凍越南滴漏咖啡飲落偏甜，但又保留左咖啡香味，有越南風味。總括而言，餐廳坐得舒服同性價比高，得閒可以再黎食。

豬頸肉撈檬：呢碟豬頸肉撈檬真係不得了！豬頸肉煮得剛剛好，口感嫩滑多汁，加埋檸檬汁同其他調味料，味道鮮明又開胃。撈檬嘅方式更加突顯出肉質嘅鮮美，每一口都令人欲罷不能。如果你鍾意酸酸嘅味道，呢道菜絕對係你嘅首選！香茅雞翼：嘩，呢碟香茅雞翼真係好香好好味啊！雞翼炸得香脆，入口即化，配埋新鮮嘅香茅同其他香料，味道更加濃郁。每一隻雞翼都充滿獨特嘅香味同風味，嚟一口就忍唔住想再食多幾隻。如果你鍾意雞翼同香料嘅結合，呢道菜絕對係你嘅心水之選！青檸梳打：哇，呢杯青檸梳打真係好爽口又解渴啊！青檸果汁搭配汽水同埋冰塊，冰涼爽口。呢杯飲品有種酸酸甜甜嘅味道，而且青檸嘅香氣好迷人。係夏日飲一杯，真係好舒服又消暑。如果你鍾意清新嘅飲品同檸檬嘅風味，呢杯青檸梳打絕對係你嘅最佳選擇！

Happy Friday又同個女出去拍拖食吓野佢話想食粉麵 就同佢去食越南嘢啦我哋叫咗兩碗粉 再追加一個小食 同埋兩杯嘢飲 碗粉嘅份量係超多 我哋兩個加埋係一碗嘅份量都食唔晒 所以男士都唔驚唔夠食😂扎肉河有五片 今次係佢第一次食扎肉 佢覺得好好食呀 比咗一個好嘅第一印象佢😁香茅豬扒河豬扒好食 好腍 又入味 佢唔鍾意豬扒試食咗都想再食 同我爭食😅追加兩隻雞翼都好食 因為係香茅醃嘅關係 同豬扒差唔多味道👅我哋仲分別叫咗青檸梳打同熱情果梳打比較之下我會鍾意熱情果梳打多啲因為我一路加汽水 成杯嘢都依然有熱情果味反而青檸就會淡啲

收工買埋外賣番屋企食，天氣又熱又焗，特登揾附近越南餐廳，想食撈檬。我之前未食過呢間河內越式料理。好特別嘅係呢一間竟然有素菜，平時都好少見，今次就嗌咗素春卷撈檬$66，加小食香茅雞翼$23，同埋唔少得嘅涷飲青檸梳打$10。個素春卷內餡豐富，有粉絲，蘿蔔絲，木耳絲，口感豐富，春卷皮炸得脆香，卜卜脆。檬粉嘅份量合適，另外仲有有蘿蔔絲同青瓜絲，如果多啲花生就好。另外我好鍾意撈檬醬汁，酸酸甜甜，食完好開胃。小食嘅香茅雞翼，$23有兩隻雞翼，亦都煎得好香，食到香茅味。整體嚟講，嘢食幾好食，下次有機會試堂食。

上次嚟旺角上堂叫過呢間法包外賣一次，覺得真係好好食決定要嚟試一次堂食順化蕃茄蟹肉扎肉湯檬 $68 呷一口湯先 蕃茄味好香之餘仲飲到好濃郁嘅蟹味😍真·蕃茄蟹肉濃湯😂😂😂仲跟埋粒迷你小青檸（勁香～）仲有4塊扎肉同兩粒豆卜，有啲肉碎同芫茜豆卜索晒啲湯汁 入口爆汁又入味💣越式河內三寶飯 $72（有扎肉、香茅豬扒、雞翼）呢碟飯啖啖肉，香茅豬扒同雞翼炸到好香～炸到啱啱好，又唔會太乾連塊豬扒都炸到好Juicy😍飽到越式炸春卷 $23 （跟主食價）呢個春卷好多料好紮實 入口又脆口感又豐富 個春卷皮厚薄適中🫶🏻冰鎮凍奶茶 $22個人好鍾意冰鎮凍奶茶多過加冰嘅凍奶茶味道濃郁好多 又唔會比啲冰搞到淡晒茶底飲到係好厚好濃郁 但飲到奶味會更重嘅凍奶茶 鮮芒果椰汁西米露 呢個簡直就係飯後甜品 但係變咗高杯裝😋😋😋😋芒果都幾多好滿足Location : 太子站B2出口一路向前行3-4分鐘就到啦！（要過對面）店內payment: cash / 八達通

真係已經唔知幾耐冇食越南野 今日咁岩同同事係旺角做完嘢，經過就決定入去食嘢我揀咗個牛三寶，一上到嚟嘅時候就聞到好香嘅越式湯河嘅味 勁正 我嘅湯河有牛丸，一堆牛肉片，同埋牛腱。牛腱算係比較貴價嘅食材，但係都有兩塊。河粉索晒啲湯好好味，而且個量勁多，我覺得男仔自己一個食應該都夠飽。朋友叫咗個飯，有豬扒、雞翼，同埋扎肉。我哋兩個主食都可以追加小食，所以追加咗個炸蝦餅同埋炸軟殼蟹。蝦餅超級好味，外面炸到好酥脆，但係入邊係好有蝦味又彈牙軟殼蟹不嬲都係貴價之選，我估唔到佢可以咁小嘅價錢追加就可以有一隻咁大隻嘅軟殼蟹，你見到佢入邊都坐質飽滿，唔係剩係得個殼我地仲加左個包，勁多蔬菜，好fresh!嘢飲方面我叫嘅係芒果西米露，幾驚喜嘅係係間越式舖頭竟然有種港式嘅甜品。西米同埋芒果嘅份量都好多，再配埋個椰汁底，我覺得佢既係飲品又係甜品，好正。朋友就叫咗個椰汁珍多冰。

基於Vivian近排要減肥，所以要食多少少野🤏🏻🤏🏻先有力減有fd子話呢間2人餐抵食，話Vivian食完都會飽，睇下true唔true先Menu跟friend子叫左優惠2人餐，同行人士最後飽到上心口，本Vivian表示仲有quota 🤭叫多碟酸辣無骨鳳爪優惠2人餐 $195扎肉撈檬好食，鐘意呢隻檬粉好爽口，仲要大大碗🥹鮮蝦紙米卷都好食，好扎實又有份量雞翼超正，唔記得講埋個撈檬汁，酸甜剛好，唔似其他會偏酸仲有碟菜，朋友呢個時間已經陣亡，Vivian表開心，冇人爭食，btw碟菜冇味精，其他野食都冇落味精，唔錯酸辣無骨鳳爪$76整得幾好食，唔會淨係得辣味，酸酸甜甜，唔太食得辣嘅人都可以試下套餐仲有野飲添最後可以同friend子講：非常認同，真係好抵食

第一次去呢間越南餐廳食越南菜呢間餐廳都幾多客人係門口等咗一陣就有位今次叫咗香茅豬扒湯河同叫咗一杯凍蜂蜜柚子等咗一陣 野食都好快到湯河嘅湯底味道好濃 好夠味🤤豬扒好大塊 又好食份量十足 一個人食到好飽杯蜂蜜柚子都好飲下次會再嚟☺️

係近旺角東天橋底 無意中發現嘅一間餐廳 店員態度很好 食飯時間好多人排隊 可能需要等十幾分鐘 舖頭位置算多 上菜速度很快 點的豬頸肉同無骨風爪都很好吃 係食完仲會想再食嘅一間餐廳

今天晚上，我和太太到位於旺角西洋菜南街的河內越式料理晚餐。我們點了法式蒜茸包、酸辣無骨鳳爪、越式炸蝦餅、牛腩片湯河粉、椰青和芒果沙冰。法式蒜茸包是我們的開胃小吃，外皮酥脆，內里鬆軟，散發著濃郁的蒜茸香。這道菜讓我們胃口大開，迫不及待地等待接下來的菜式。接著上桌的是酸辣無骨鳳爪，酸辣的調味讓人胃口大開，鳳爪肉質鮮嫩多汁，完全不怯生。越式炸蝦餅則是我們在越南餐廳的必點菜色，外脆內軟，搭配著特製的醬汁，香氣四溢，令人回味無窮。當牛腩片湯河粉上桌時，我們被它濃郁的湯汁和嫩滑的河粉深深吸引。牛腩片入口即化，湯汁鮮美，讓人感受到越南料理的獨特風味。椰青清涼解渴，配上芒果沙冰，甜而不膩，是我們完美的結尾。在這家河內越式料理店裡，我們不僅享受到了美味的越南菜餚，還感受到了家的溫暖和舒適。這個晚上，不僅填飽了我們的胃，更充滿了愉悅和幸福的回憶。这是一頓讓我們嚐到美味的越南料理晚餐。

放工約朋友去太子附近搵食，諗起西洋菜南街嗰邊多選擇就行過去睇下～見有間越南菜座無虛席咁，而且門口餐牌價錢幾大衆化，朋友又話想食湯粉，咁就等位食呢間啦～ Order咗幾款~~賣相幾好!!順化蕃茄蟹肉扎肉湯檬 $68蕃茄湯底酸甜度幾好，唔會過酸，夾住蟹肉、檬粉一齊食多咗份鮮甜味，有驚喜！不過個人就略嫌配料較少河內生牛肉湯河粉 $59熱辣辣嘅牛骨湯頭，令生牛肉剛好浸熟，牛肉食落嫩滑，配上大量配料，夾住河粉一齊食可以減去油膩感，推介！追加小食～ 越式手打炸蝦餅（細） $33大大件，炸到外面好脆、入面彈牙，點埋雞醬 一流！追加小食～ 香茅雞翼（2件） $23睇落以為外皮好乾，但咬落入面幾juice，雞翼都夠大隻，唔錯～主食加錢配飲品熱蜜糖柑桔+$5好足料！落咗3、4個柑桔仔，配埋蜜糖水，甜甜酸酸，夠潤喉椰汁紅豆冰 +$10紅豆夠軟糯，甜度啱啱好，配埋椰汁夠解渴，呢個配搭真係無得輸呢~值得一提，枱面準備好各款醬汁俾客人，唔駛下下要問店員拎～ 贊！晚市一個主食+ 小食 + 飲品 只係人頭一百蚊左右，仲要唔駛加一，價錢合理，性價比幾唔錯！雖然座位唔算好闊落，但坐得舒服，地方乾淨整潔！值得一贊！河內越式