火鍋仔

Open Now

Now Closed

今次黎呢間店食飯，簡直開心到嗌爆！對住個餐牌就知，選擇多到令人頭暈！湯底種類一應俱全，我地揀咗最基本嘅好嘢，原來「平凡中見真章」係真嘅。蕃茄薯仔鍋湯底真係撼到我，濃郁嘅甜味同天然嘅鮮香真係愈飲愈陶醉🍅🥣。萵筍送到嚟時，份量足得嚇人，咬落去又脆又甜，真係完美！手打蝦丸同芝士墨丸，一講我真係要讚啦👍，墨丸入口即溶，那芝士拉絲嘅滋味，真係令人回味無窮！至於專說嗰個招牌餃，外觀已經係讓人心動咗，打開一看滿滿嘅鮮肉餡料，猛啖啖肉的感覺，咀嚼間完全是「彈牙咁滑」！整體嚟講，食味夠正，環境雖然唔豪華，但係温馨得黎好有人情味，仲掛住去多次！#街坊食堂 #正宗打邊爐 #簡簡單單最開心

先前係朋友介紹我先識嚟!位置處於開源道工厦內!但其實唔難揾!講番食物真係要讚店主對食材嘅要求!湯底非常足料!海鮮處理得好乾淨同新鮮，其餘即炸魚腐同響玲全部都係熱辣辣!另外有豚肉同牛胸爽肉都好好味，牛肉都有幾款選擇，其實仲有其他不能盡碌!😁我本人真心覺得呢間小店的食物可以對得住個價錢!😋😋

好友從外地回來，我哋book咗打邊爐同佢洗塵。今次呢間打邊爐，感覺私房菜，餐廳細細地，大約有五張枱，靜靜地傾下偈，好輕鬆。有好多款湯底選擇，我哋揀咗栗子雞鍋（正確名唔記得咗）。附送半隻雞，隻雞好入味。我最欣賞本地手切牛，豐富牛味。另外招牌餃同即炸響鈴都好正，食物新鮮。餐廳細細間，感覺好warm。😋Yummy Yummy: 8/10😋

疫情前幫襯多次，海鮮牛肉超正，今次$468的牛頸脊完全唔掂，第二碟叫特級牛，張點餐紙$218，叫完，伙記話印錯咗，應該係$318，無言，海鮮只有蚌同虾，其他食物質素麻麻，感覺應該唔係以前嗰間，無下次。

10年以前係開聯工業中心返工，當時已經好鍾意去火煱仔，喜歡佢地D食物質素高、新鮮，湯底足料，又多選擇，有冬陰功湯底、椰子雞湯。。今次就叫左胡椒豬肚大蜆，濃味好正！我最鍾意呢度啲桶𧐢、本地手切牛肉、皇帝蟹柳、黑松露蝦滑、仲有新鮮雞子，最正嘅就係脆骨腩，sock sock聲，非常鮮甜嘅魚味～每次都係必叫食品，不過呢度舖頭仔仔小店經營，睇得出店主多年用心經營，食品10多年可以保持到呢個質素唔容易，雖然價錢偏高，總好過比錢任食垃圾⋯⋯會再幫襯！

多謝朋友精心既安排，去左呢個隱世小店，如果唔係朋友帶路，完全唔會揾得到，一去到見到其實地方好細，都已經坐滿左人，好彩朋友一早預留左枱。先講下地方先，因為係小店既關係，環境真係好迫，坐得唔太舒服。不過唔緊要，主要係D食物好食就得，因為好多野都好新鮮，搞到掛住食都唔記得影相，唯有憑記憶分享最出色嗰幾款野食。最有印象本地手切牛$298 ，好有牛味，軟滑又有牛既香味出色。order左一邊冬陰功湯底，一邊醉雞湯底，各有各特式，一開始先飲左個湯先，冬陰功就好惹味，醉雞就好滋補，唔錯。仲有 黑松露餃好飽滿，皮滑餡料豐富。牡丹蝦好大隻彈牙，食得出好新鮮。朋友仲預留左生蠔，好肥美鮮甜，忍唔住食埋朋友嗰隻😂😂。整體食得好開心，味道亦令我好難忘。雖然環境就一般，坐得唔舒服，價錢亦都唔平，但食物質素令我會再回頭的。

終於等到晚市重開， 當然要約朋友們一起去打邊爐， 今次朋友介紹到火鍋仔， 地點位於觀塘開源道55號開聯工業中心A座2樓11室。 小店細細間， 場內非常熱鬧， 我們先點兩個鍋底， 泰式冬陰功鍋$168 和雪耳雪梨豬肺鍋$108， 兩款鍋底都好足料， 尤其是冬陰公鍋， 酸酸辣辣味道適中， 豬肺鍋清清地， 又另一番風味。 肥牛肉質嫩滑， 豚肉薄切口感新鮮， 美國桶蠔超大隻， 新鮮又肥美， 海蝦肉質爽口， 花甲脹卜卜， 泥鯭好鮮甜， 基本上這裏的海鮮都非常新鮮。😚👍🏻整體來說小店用心經營， 火鍋配料新鮮好味， 但場內位置不多，所以大家來的時候記住訂位呀！😉

直接了當，今晚兩條棍去食，7點到，點左個紫菜大蜆湯底，咸左少少，可以接受，大蜆就要彈下，D沙多到去海灘咁，唔怪之得話新鮮即做，岩岩摸番來咁手切牛肉係好食嘅，無牙都食到，雞子就新鮮野，細細粒但份量細，韮菜餃就好好食，自家製服務方面就唔得喇一個打全場，佢都做到盡，廚房出品慢，好肚餓就要有心理準備喇（好婉轉咁講架喇😏）仲有，佢哋海鮮唔會預太多，我7點黎，連蠔都冇呀！蝦又冇！

上樓私房打邊爐 回頭率100% 每年都要同好多朋友同屋企人上黎食。夏天平時都會上黎嘆住冷氣食 難得到左冬天 凍冰冰梗係要同朋友衝上黎嘆下正野啦🤩同平時一樣，店主好有耐性主動介紹當日時令海鮮同邊種牛肉好食，今次經佢介紹仲難得食到平時少見既蝴蝶蚌，同有大大隻既桶蠔同蟶子。不得不提，呢度處理食材一直超用心，尤其係海鮮全部洗得好乾淨，乾淨嘅程度同屋企平時食個啲係可以相提並論，絶對唔洗擔心。手切肥牛同手打芝心蝦丸水凖依舊，係必食之選！唔少得招牌即炸響鈴，同行朋友都大讚❤️

之前都係誤打誤撞發現呢間餐廳 發覺食物質素一流 於是keep住幫襯🤣每日都有新鮮海鮮 手打芝士蝦丸同招牌餃好食到不得了♥️牛肉同豚肉片都冇得彈🐷另外大豆芽好爽脆 加落湯入面簡直perfect池🥳湯底好多選擇 最鍾意蕃茄薯仔同海底椰栗子雞🤙🏻每日精選海鮮 個人認為蝦同帶子最好食 鮮甜到一個點💕食肉獸同海鮮控不能錯過呀 >< 温馨提示：walk-in未必有位 所以預早book就穩陣 係大班friend食飯理想飯堂🤪

$200一個人minimum charge 食物不錯，服務態度差，小孩子都當是成人收最少$200/head. 有點不合理，坐位很逼，在工業大廈內，地點不方便，不會再來了。

大暑緊係要打邊爐啦﹗第一次黎火鍋仔..去到地方唔大，正正安排左坐門口位。湯底多選擇...最後我地揀左蕃茄薯仔湯..兩個人點左︰本地手切牛，墨丸，鮮淮山，油麥菜，自家制韭菜餃，芋絲，蟹籽蝦滑。之前見個蝦滑$93，心諗個價有冇咁誇張﹗黎到之後發現個蝦滑勁多蝦同好爽..值唔值由大家自行衡量，但我會推介。食物湯底都好有心機又足料，食物部份即叫即整好新鮮。同場見到有幾檯人嗌左響鈴..外觀幾靚仔..不過我地人太少冇嗌到..大家去既都可以試下﹗

同6個朋友飯局，選擇食火鍋，上網睇過火鍋仔，食評都 5 錯，咁就要試一試 。因為係工廠大廈，位置較隱蔽 ， 環境就一般，地方不大，座位有限 。火鍋醬料選擇得幾種……係最基本，但都很新鮮 。湯底選了 2 種，沙嗲 及 木瓜魚 。叫了 2 款不同牛肉 及豚肉，響鈴……新鮮即炸，幾巨型，口感唔錯 。蜂巢豆腐 …… 一般啦 ， 翠肉鯇……新鮮 ， 花甲……新鮮，無沙，蜆就較細……不過都係新鮮 ， 古法牛腩 …… 一般，可以唔叫 ， 鮮淮山 ， 油麥菜……新鮮 。手打墨魚丸及魚皮餃…… 幾彈牙 ，黑重露蝦滑……內有很多蝦 ， 幾好食。鵝腸…… ok 啦 ，另外叫了烏東及一丁麵 。其實叫的食物，都係一般火鍋食材 ，不是好特別 ， 不過勝在夠新鮮 。另外當然叫了罐裝飲品 ， 火鍋必需 。以埋單每人 $300 ， 唔算低食 ， 不過都叫咗幾多野食，都算有質素 ，另外一提就是沒有加一收費 。

成日去開酒樓打邊爐，配料都差唔多係普通野，今次試吓特別私房菜工廠大廈靚料打邊爐，全部配料都自家製用料新鮮，出面搵唔到🤩🤩🌟🌟<惹味胡椒豬肚湯底>湯底濃郁配以胡椒豬肚味，豬肚豬肺用了超多，入口有濃濃胡椒香味即刻暖晒胃☺️自家炸響鈴，新鮮炸起好脆同好熱，響鈴長過你隻手掌✋🏻，食完想再食🤤<黑松露墨魚滑>一上枱，黑松露味已勁香咁樣滲入你個鼻，食落口簡直有 ‘忘不了’ 嘅效果，松露嘅香，再加墨魚嘅滑，入落口爽脆彈牙👍🏻👍🏻👍🏻桶蠔- 新鮮又肥美🤤蜂巢豆腐-呢個唔係間間有得叫，平時識開有車仔麵我先可以食到，唔知呢度有得食，索晒啲胡椒湯底，簡直一流😍至於其他火鍋配料，都係新鮮自家製，用料十足又有驚喜，如果人少少4-6人打邊爐的話可以一試，每人大概$200至$300度，值得推介👍🏻

天氣轉涼最好嘅就係打邊爐，表弟約我打邊爐， 即刻book枱先，好彩有位！火鍋仔食咗好多次！價錢唔算平！但係質量就一定有保證！ 兩個人帶咗個海鮮拼盤！非常好味呀有好新鮮！配個醉酒雞煲湯底！啲聖子超甜！雞嘅份量都好多架！豬潤同秘製豬肉條！秘製豬肉條係必點！ 海鮮拼盤三百幾蚊二人份量！手打芝士墨魚丸韭菜餃啊！打邊爐點都要食啲菜嘅！今日食豆苗！地點係係工業區，但係都成日滿座架！所以大家想食，之前要book枱啊！