好運印尼餐廳

Open Now

Now Closed

今次黎試呢間隱世小店，有米芝連推介過既印尼餐廳。環境係舊式小小既茶餐廳，讚讚老闆態度幾親切😊印尼炒貴刁 （$68）推介💓佢唔算細碟，炒出黎好有鑊氣，河粉比較碎同幼身，條條都炒到有味，唔算好油，同埋唔會痴埋一舊舊，蛋同簡單配菜，雞肉，蝦肉，已經好惹味👍🏻🍳喇沙雞絲麵 （$55）普通🤔湯唔算好濃，唔算辣，椰味都唔算重，唔似平時餐廳食開既喇沙（平時一般都比較重口味d 既）另外麵身有小小似拉麵質地，整體好普通，下次應該唔會再叫。見到其他人食沙嗲串好似幾正，汁好似幾濃郁，下次黎會試下🌟

年多前曾光顧過，今天看菜價仍是差不多一樣，沒有因入選為米芝蓮車胎人美食而加價。老闆推薦吃印尼黃錦飯，顧名思義即雜錦黃薑飯。逐樣食材介紹，先是配料黃黃啡啡的以為是炸蒜粒，吃落原來是椰絲，唔甜且越𡁻越出味，撈些黃薑飯一起吃，鹹鹹甜甜好開胃。巴東牛肉，是牛𦟌肉，都幾辣吓，但撈埋飯吃相當正。佛掌瓜絲，煑得軟淋，清清甜甜。雞鎚仔，少少乾硬，並不似一般中式的做法，但又醃得入味，雞肉又唔嚡。豆角豆干，炆得軟熟，少少辣，豆干仍有彈性，送飯一流。魚仔花生，做法好似花生糖，啲花生和魚仔都香脆無比。蛋是曾炸過外頭，但不會油淋淋的。黃薑飯，唔油，好像染了黃色的飯，味道比白飯多了少少味道，但又唔覺有薑味。全碟雜錦飯就像家常吃的幾餸飯。全部餸都是獨立送飯一流的菜色。一個簡單的多餸印尼什錦飯做得地道之餘亦感受到種種食材都是很用心的製作。沒有是因不起眼的伴菜而敷衍了事。

這家小店我從小幫襯到大，現在已經不在觀塘住了也要回來幫襯。今天跟朋友來叫了加多加多、沙爹豬肉、黃醬飯、印尼炒麵和咖喱雞飯。加多加多是水煮好的菜加上印尼花生醬和蝦片，味道十分正宗、惹味。沙爹豬肉半打實在不夠吃，因為太好吃了😋黃醬飯是每次必點的上面有巴東牛肉、炸雞、魚乾等配菜，十分正宗。印尼炒麵是我的最愛粗幼適中，有蝦。加埋我最愛的辣醬，是一絕啊！！這裏的辣醬比一般的辣最後叫了咖喱雞，這個就有點失望，雞嫩但咖喱不夠濃。希望喜歡這家小店

呢間野禮拜嘅時候可能會等位，主打家常印尼菜，冇乜裝修不過坐得都算舒服，兩個人去食咗加多加多，沙嗲同埋個牛尾湯。食完再打包半打沙嗲返去俾阿媽試吓，食得出係用炭燒，正！

今日lunch去左觀塘食印尼野，呢間店都比較細，冇咩佈置，燈光偏黃色~我同d同事叫左印尼黃錦飯,印尼炒貴勺,春卷和串燒 ~印尼黃錦飯，份量都幾大碟，配料有巴東牛肉，咸菜，半隻蛋，炸雞，青瓜，花生d飯充滿咖哩黃薑味，味道都好濃下，巴東牛有少少辣，如果喜歡吃濃味的人，呢碟飯應該會岩佢地，本人就一般印尼炒貴勺，嘩呢碟勁多油，雖然我知炒河係多油，但佢係勁油，反晒光既油，味道都可以既。。，但就真係好油半打雞肉串燒雞肉肉質都幾嫩，串燒配上花生醬，絕配印尼春卷都幾脆口，味道還可以

We ordered the Sate Ayam, Nasi Ayam Bali, Nasi Sayur Lodeh and Es Cendol and loved them all! Everything tasted authenthic, well seasoned and rich in flavours. The Nasi Ayam Bali was our favourite. The restaurant was very clean and was very comfortable.

今日突然想食印尼野🤤🤤🤤就去左宜間印尼餐廳原來宜間餐廳係 米之蓮餐廳來的一入到去好印度🇮🇳feel ah我地叫左個豬牛串燒👍🏻👍🏻👍🏻咖哩牛同飯👏同埋荔枝特飲仲有炸雞件👏👏🤤🤤豬牛串燒好好食燒得岩岩好，唔會過火有汁俾你點!個汁好香甜甜地幾特別咖哩牛肉辣辣地幾開胃個飯咩都有D，好好送飯荔枝特飲都唔錯，唔會太甜👍🏻👍🏻👍🏻炸雞件必食，有大約6-7件，好香脆，大大件好好食👏👏👏👏果然好好食,好滿意，下次一定再來食也~~~~~

週末與父母一起去吃，叫了個炸魚，成條咸魚咁，賣相也似咸魚，沒有骨，味道怪怪，賣價$85，簡直是另外兩碟飯也失敗，整店只有我們三人晚飯前的一個小吃簡直是浪費錢和肚子

平日通常帶飯返公司食... 不過今日冇得帶，所以就出左街食，由海濱道中間位行去要二十分鐘左右。行到去大約一點四左右，眼尾望到門口話依間野2014年攞過米芝蓮... 所以就二話不說直接入去坐底了... 見到得三四枱滿都覺得奇怪啦！正常平日午市間間食店應該都坐到滿一滿，為獨依一間... 唔理喇！再睇睇menu先，嘩！冇午市餐牌，只有得單叫... 心知不妙... 不過都坐底左，我都照叫當試下新野啦！叫左蝶椰香雞飯，另外叫左個榴連搭子冰。整體來說味道係可以咖，不過價錢偏貴，咁様叫左兩樣嘢都收我87蚊。一定冇下次... 為一值得一讚咖係招乎唔錯，坐得舒服同冷氣夠涼！

基本上三個字: 好難食！完！但係食評話最少80字，所以有以下食後感:- 印尼炒飯: 冇味，自己亂炒都會好食過佢。- 加多加多: 同認知嘅唔同，原來佢呢度係一碟沙嗲汁炒什菜，個汁重要又甜又唔香。- 牛肉串燒: 牛肉醃得太咸，食完應該會患腎病，加埋佢同一個沙嗲汁，真係勁伏！另外，一叫半打要同一款肉，not good!- 蕉葉燒魚: 齋辣，唔香，細條，勁貴！- 榴連冰: 假嘅榴連味，係一條榴連糕嘅味，難飲！最後，要去麥記滿足返自己個胃。

照舊同同事一星期一飯局😝今次到呢間！入到去好中意個裝修呀😍勁80年代～👉🏿✨巴東牛肉飯 Hkd 65 💸📌老實講咁既價錢算貴了，份量也不算多，味道也一般啦🤷🏽‍♀️佢啲醬汁都幾重椰汁味，不過辣度都非常勁！牛肉都算好食，唔會香口膠👍🏿但就普普通通，唔值65啦⋯⋯👉🏿✨喇沙蝦肉麵 Hkd 55 💸📌呢個就更加普通了，諗住佢啲喇沙係濃味啲椰香啲既喇沙，但黎到就好似係味精湯咁😂有啲失望..佢啲麵就幾似拉麵，軟硬度都可以，但啲蝦肉就唔新鮮了，真係失望呀😣

由中學到依加出來做嘢已經幫襯呢間印尼菜好幾次，味道都能夠保持一貫嘅水準，室內環境咁多年都無變過，依然有種復古嘅感覺，食物亦唔需要好花巧華麗presentation，大家都食得好開心。特別推介炒雜菜，薯仔餅，炸魚同黃薑湯，炒雜菜有花生醬嘅味道，口味好特別；薯仔餅mash到啲薯仔溶晒，再用蛋汁煎返香去，好入味；炸魚啖啖肉，配埋特製醬汁好鮮味；食飯當晚好凍，黃薑湯好暖身，雖然以黃薑為主調，但湯底配以雜菜好清甜，唔會好油膩。不過唔知係咪印尼菜嘅特色呢，唔知點解碟碟菜嘅味道都係帶甜嘅？

今日在觀塘上課, 知道呢度有間米芝蓮餐廳, 我同媽咪都係第一次食印尼菜, 內裡裝潢如一般茶餐廳的, 黑暗暗的, 沒有很多燈光, 沒有加一收費, 午飯時段也沒有多數人光顧, 我們點了有名的印尼黃錦飯(65蚊)及加多加多 (50蚊). 先說加多加多是雜菜豆配甜醬汁, 上有幾塊印尼蝦片, 但50蛟當小食黎講有點貴啦, 印尼黃錦飯, 賣相很吸引, 份量一個人也吃不下, 一個飯上面有一些肉, 但媽媽覺得不夠淋身, 另有半隻蛋, 有點乾身, 有一些炸花生, 超好吃, 仲有豆及一些蔬菜, 有黠黠辣, 我很喜歡整體味道, 二人分吃剛剛好, 一個女仔可能會太飽了.

炎炎夏日，食慾不振，於是到了這家印尼餐廳，吃一些香口、味濃的食物以增加食慾。我點了印尼黃錦飯、加多加多和印尼咖啡。印尼黃錦飯的飯夠乾身，薑味頗重。飯上覆以巴東牛肉、燒雞及各種配料。巴東牛肉味道香濃，肉質也軟滑，再光顧的話，可一試其巴東牛肉飯。加多加多即印尼沙津，有豆角，豆腐卜、牙菜等，是開胃頭盤。自家製的花生醬很香，但稍嫌太甜。我甚少喝咖啡，因喝後胃部不適且晚上難以入睡，這裡的印尼咖啡以明火煲成，再加上煉奶，因為味道較淡，挺適合我這種想喝但不能喝咖啡的人。這家餐廳原來已經營多年，我是近來才發現。除添好運外，這裡應是米芝蓮推介餐廳中，收費十分相宜的一家餐廳了，食物質素不算頂級，但以這個價錢計，絕對是抵食了。

觀塘有很多餐廳，但在這個不起眼的位置，有一間米之蓮餐廳，個人覺得十分值得推介～ 餐廳不算大，沒有豪華裝修。我們七點來到，客人仍沒有很多，老闆娘很友善，任我們選擇位置，細心解釋菜式，我們點了印尼炒飯，加多加多，和牛尾湯。先講牛尾湯，不算太特別，蔬菜味比肉味濃，湯中有牛尾肉，湯的分量足夠兩個人～印尼炒飯，炒飯乾身入味，配有印尼蝦片和蛋，蝦片新鮮炸，熱辣香脆，簡簡單單一個炒飯已經很好味～ 加多加多是印尼的特色小食，有豆腐卜、一些雜菜，上面再加上炸蝦片，重點是那些花生醬，濃郁花生香味，拌勻一起食，實在令人吃過不停～