好運印尼餐廳

Open Now

Now Closed

好運印尼餐廳印尼黃錦飯 Nasi Kuning $65黃錦飯係呢度signature dish, 其實我都係第一次食🙈 原來黃錦飯係用印尼香料炒成既黃飯mix 埋唔同菜料. 有牛雞豆肉鬆花生青瓜蛋同少量辣椒乾, 不過唔辣印尼米粒呈長條型, 比起平時食泰國米多點口感. 飯炒得粒粒分明, 加上香脆花生, 軟腍牛肉, 清爽青瓜, 同肉鬆, 味道口感都幾豐富. 不過唔太鍾意佢雞肉, 煮得太耐好霉😂 其實係咪印尼煮法都係咁呢? 好似食過幾間印尼餐廳雞肉都係咁轉轉口味試一次無妨, 不過無吸引到想去多次. 聽講係米芝蓮, 不過其實都唔代表咩, 聽下就算. btw, 價錢比起上幾篇openrice 食評有調整過. 下面係新價錢牌

喺觀塘區返工，成日都會同同事黎依一間印尼店，佢雖然鋪頭細細未必好起眼，但一試過佢嘅菜式，真係食過返尋味最鍾意就係印尼黃錦飯，佢雖然唔係好大碟但材料好足，飯本身已經好入味，再加埋其他印尼菜半碟，撈埋一齊食真係勁好味然後第二鍾意嘅就係喇沙，佢啲喇沙雖然唔會做到好濃味，但入口岩岩，而且海鮮料都好充足印尼炒飯，雖然簡簡單單一隻蛋，同埋啲炸蝦片 ,但係佢嘅飯加左醬油炒，好香口好入味，而且飯做到一粒粒，唔會黐埋一舊，蝦片片重要啱啱炸起，熱辣辣，好香口咖喱牛腩飯，牛腩都好入味，用黎送飯一流

真的想不到，在一條亳不起眼的小街裡頭，這一間面積細小，裝修老舊的印尼餐廳，竟能獲得鼎鼎大名的米芝蓮評審青睞，成為16年的車胎人推介店....我，作為一個天生的饞胃人，自不然就要去會一會她了....常言道 : "有麝自然香"，儘管地方蠻隔涉，用餐環境亦只屬一般，好像今天小弟就只是瑟縮坐於一個面對著走廊冷巷的二人面壁位，但東西有特色，更重要的是價錢公道合理，每人只花幾十塊錢就可享用米芝蓮美食....我想就算有投訴，也應不會有太多....一個人，想點多吃多確有難度。只能來一碟nasi campur，再想吃半打串燒，但想到會造成廚餘又於心不忍，也就打住....所謂Nasi Campur，即是雜錦飯。若將之理解為港版的四寶或八寶飯，那大家就知它是甚麼來路了....我們的四寶飯，材料大多是叉燒、鹹蛋紅腸一類的物事....而印尼人的呢，就有一大堆味道調味偏濃辣的東西如咖喱牛肉、醃炸雞槌，再加上大量的甜酸加辣兼而有之的醃菜以及灑上幼鹽的花生及甜甜辣辣但又硬崩崩的江魚仔....說實在，牛肉及雞肉肉質確是偏嚡較乾，不過卻沒料想般的油淋淋；但話說回來，各肉及菜醃味之濃重刺激，著實能令味蕾得到很大的衝擊...

母親大人知我今日出左黎觀塘，佢話好懷念我細個時候同我一齊食既黃錦飯，叫我買盒番黎食，但點知已經執左， 附近我所知有一間米芝蓮印尼菜餐廳，於是買左幾盒外賣番屋企食，順便盡下孝道。我媽係印尼華僑煮得一手好食既印尼菜，舅父亦係印尼開印尼菜店，對於印尼菜我地一家可謂有一定既要求。結果阿媽比呢盒飯唔合格，飯雖軟熟，但椰汁同黃薑味薄弱，呢個我都認同，因為我都食到冇咩味。雞蛋亦冇傳統既辣醬，青瓜係新鮮，但啲炸雞硬邦邦，似炸完又番炸。鹹魚仔花生亦冇甜豉油味道，正常應該仲有辣椒仔炒香。椰絲比較好少少，算幾有香味，撈下飯食係可以既。豆角同豆腐亦冇咖哩香氣，豆角偏軟身。總結黎講盒黃錦飯完全唔正宗，係迎合港人口味，份量少，唔抵食，仲要58蚊。其實街市印尼店賣既黃錦飯都只係20蚊，味道先係真正印尼風味，呢度以呢種魚目混珠水平而得到米芝蓮推介，我覺得唔太值，我會選擇番各區街市印尼店既黃錦飯，好味又平。

米芝蓮餐廳喎，試下先！同事叫了印尼雜錦炒飯,咖哩鷄飯，我就選了梭多牛肚湯飯，其實唔知好唔好食，志在試下新野呀！個牛肚湯有芽菜有半個鷄蛋，帶點酸，牛肚很好吃的！個印尼炒飯就什麽都有，有炸雞巴東牛，很香口。食物大家都－致讚好，但飲品好貴，要20多塊呢！

基本上每星期五都要去觀塘上堂，而Mr.J都會嚟搵我食飯，今晚忽然諗起依間餐廳，就決定嚟食喇。嚟到嘅時候已經接近9點，都有7成滿。餐單係黃底黑字無圖畫，其實有啲都唔知咩嚟，所以無叫，今次叫咗1)印尼炒飯(2)巴東牛肉飯(3)沙嗲豬肉個炒飯份量都幾多，炒飯有啲蝦、雞肉同雞蛋，上面有一隻煎蛋同一堆蝦片。我好欣賞個飯炒得好乾身，而且食到落底唔會見到好多油，重點係夠即炒嘅感覺，唔係翻叮。味道唔會太咸，食完無乜口渴嘅感覺。巴東牛肉飯啱Mr.J口味，夠辣，不過啲牛肉就靭咗少少，而且唔夠汁撈飯。沙嗲豬肉有6串，啲沙嗲醬好特別，應該有花生醬喺裡面，所以食落去有啲花生粒同甜味。豬肉燒得幾好，唔會熟到乾哂。

這好友的童年回憶也在官塘。忽然想如果裕民坊、同仁街、仁愛圍和仁信里的街道永遠消失在地圖上，只成為整個商場和平台，觀塘這基層為主的社區又何去何從呢？好運好運反埋黎黃疆飯。好友至愛之一。肉燒烤過，入味的。花生加點糖及魚仔，脆口，配飯yummy。雞蛋炸過的。沙嗲醬汁不辣的。蕉葉燒魚：是燒靖魚來的，味道偏辣，肉質香口，小小魚骨，小心食用。印尼炒面：感覺加了點甜醬炒，伴有椰菜，蝦仁，芽菜。略厭不夠配料。gadogado.印尼沙律，底是芽菜，菜心，豆類等，配合蝦餅沙嗲醬，好食。自製辣醬，加入了蝦米，香口。好友說不夠辣，大家可以試一試。粟米餅，外面吃不到吧。用點薯仔，面粉調配炸起來。今次淡了點，配合泰色辣醬，哈。印泰合璧，好吃！

約左友人係佢公司附近搵食, 原本已經搵好一間食店. 點知6點多去到先發現無做晚市. 咁已經打算去第二選擇食台灣野, 點知行番落去見到這間印尼餐廳好鬼懷舊再網上見到食評都唔錯仲要係米芝蓮平民推介, 岩晒我這個平民!!! 入到去都係得2枱客, 唔洗等位. 雖然裝備好舊咁, 但感覺都乾淨舒服.2個人加上早開餐大家唔算好胃口, 所以唔叫得多.點左個加多加多, 蕉葉燒魚同埋一個梭多牛肚麵. 另外我再叫左杯青瓜冰試下.個加多加多真係唔錯將多款蔬菜灼後再加入佢地既花生醬汁好香好惹味點個燒魚前店員提點話比較辣既, 不過我地都係想試下. 原本以為好似泰式燒魚原條燒, 點知來到都幾失望. 似一大PAT醬去醃鯖魚. 如果收$78就一D都唔平. 幸好個辣醬又真係好多香料, 我個人就唔覺得太辣, 鯖魚肉質都唔錯, 叫做試過就算.最後個牛肚麵就相當唔得, 個梭多湯似無味既水咁,牛肚又無味.至於我叫既青瓜冰都係一般只係加左糖漿再加青瓜絲的梳打...不過我個人唔識印尼食品所以不知是否正宗, 又或者我唔識叫啦..不過2個人埋單都係$200又真係幾抵既..下次會唔會再來? 經過可以再試不過會叫D大路野比較好.地址: 觀塘

Summer是大學生們做Intern來充實自己暑假，體驗下Pre社會大學的生活，學習老師教不到你的辦公室政治，捱下連FYP都沒有這麼Chur的連續OT一星期，美其名又可以幫下自己CV做下填充遊戲。而師妹剛好成為一員，在觀塘區「捱騾子」中。放工便約她食個靚飯，順便update下大家的近況。一見面便開始講她對於這份工的無力感，聽到這樣，我呢個師姐即時說：「定姐姐帶你食好野，唔好咁嬲豬啦😂😂😂」雖知觀塘區工廈餐廳林立，新晉的均保持高質素，但我今次卻想與她捐窿捐罅發掘下觀塘舊區的隱世米芝蓮平民美食 — 好運印尼餐廳。地點不太近地鐵站，需要再走15分鐘的路程，一邊走，一邊輕輕鬆鬆地談著天，上了斜坡，就到了。店鋪小小，掛了很多印尼色彩的掛畫，冷氣足夠，一進去就頓時舒服了不少。7點到卻只有一枱食客，老闆便安排我們坐在卡位。7點半左右，就陸陸續續有些街坊鄰里到此用餐。那裡有印尼粉麵河飯、其他印尼小菜、沙爹串燒、湯類、印尼特色甜品和飲品選擇，價錢十分親民，大概$40-60。 一看這張黃澄澄的餐牌，已經突出它傳統地道樸素的味道😊😊等了10-15分鐘，最快上的是印尼黃錦飯和咖哩雞飯印尼黃錦飯黃錦飯是他們最有

和友人一行四人到此吃印尼菜首次品嚐點了黃錦飯,,十五夜,,加多加多,,沙嗲串燒,,薯仔餅&喇沙個人較喜愛吃沙嗲串燒沙嗲醬汁惹味,,很香的花生味!!配以烤得香香的串燒,,正!!基本上,,以黃錦飯最合大家口味~飯香四溢,,而且煮得乾爽只是肉略為乾身加多加多是印尼沙律,,將煮熟的蔬菜配花生醬一起吃這樣的吃法未能討好我們但味道是正常的~不算難吃~薯仔餅味道亦是普通本以為是香香脆脆的,,原來是稔身的薯仔味道不明顯十五夜是將蔬,,肉,,醬汁撈成一堆,,再加十五個飯團可以說是類似加多加多+肉&飯但那飯團沒什麼味道的,,質感又很軟稔稔!!喇沙的味道不夠濃,,因此不惹味綜觀像是家庭feel的菜式看來,,印尼菜還是不太對我的口味!???

保持高水準的米芝蓮印尼餐廳時候還早，比較易找位，就進佔了店子最末端的四人座。串燒送來已聞到濃郁的炭烤香味，惹人垂涎。豬肉串燒吃起來滿有口感，明顯的沒有給鬆肉粉招呼過。烤得外皮微焦脆，加上惹味的沙爹醬是好吃的。更出色的就是羊肉串燒，羶香味濃而羊肉也較鬆化軟滑，最美味的還是帶羊油脂的部份，絕對的人間美味。

週五，雖入冬已久，猶雨水不斷，彷如與寒冬的錯配。自來港以來，已光顧此餐室多年，近年於觀塘工作，總是意欲再到此進膳。此印尼餐室食品地道，然老闆娘卻精通廣東話，其口音與家母相似，甚有親切感。今日，我依舊點了一客黃錦飯，即雜錦飯，作為今天的午食。進食時無次序之別，惟小弟常留炸雞塊於最後進食，小時務農，家貧，雞為貴食，珍而重之。炸雞肉質乾而不硬，香氣四溢。先吃青瓜，清新怡人，為午膳作序，雞蛋與香口花生作續，黃薑飯與炸椰碎為絕配。米飯分明不至油膩，薑味不溫不火，炸椰子碎是遊走於飯粒之間的遊子，兩者於舌頭上呈現南洋格調。巴東牛肉香辣醒神，肉質香腍，辣味消逝之前再急忙吃下炒豆菜，妙也。後以香炸雞肉作結，快哉。再呷一口南洋風味之Kopi(咖啡)，令人忘卻窗外之寒、胸中之愁。此處食餚味道多年始終如一，雖非山珍，卻足以撼動味蕾，令人動容。

家中工人姐姐要回家鄉，今晚特別選擇了這家印尼餐廳買外賣回家歡送，order了兩個炒飯，疏菜加小食及飲品，先介紹名為多加多加的疏菜，內有白豆，芽菜，薯仔及豆卜等伴上花生醬汁，感覺似沙律很清新，接著有粟米餅，由於是生粉加粟米做成，食落比較軟身亦可能拿回到家吃沒有了香口的感覺，所以味道一般，另外有牛肉及雞肉串燒伴蝦片，這個加上醬汁很好吃，最後還有無得輸嘅印尼炒飯😋超好食，及印尼黃錦飯很特別（工人姐姐都話好食），這餐雖然是外賣但很滿足，值得推介👍🏻

印尼菜並非喜好的菜式之列，若不是友人多次提議到臨這間老牌印尼菜，自個兒一定不會主動前來。加喱牛腩飯味道普通，飯則又乾又硬。比較可喜的是牛尾湯麵，湯底濃厚而牛尾軟腍滑溜，跟麵條融為一體；蕃茄湯難得不肥膩，用料新鮮不化學；多喝也無妨。老板娘推介的黃錦飯則沒甚驚喜，算是一次過能嚐到幾款熱門食品，最不濟是乾巴巴的炸雞，巴東牛肉很香辣，但質感與外形太像湯渣，基本上飯面其餘餸款都給人一種"餸頭餸尾"之感；至於黃薑飯算是較特別，聽說可防治老人癡呆症呢﹗友人極愛炸雞，但吃罷這裏的炸雞便有後悔之感，更著我幫忙吃一點，我當然不會浪費胃的空間兼令自己受罪吧﹗全晚最好吃的要數串燒沙嗲，肉質嫰滑的雞串燒最受歡迎，牛肉也很不錯。加上美味的沙嗲汁充滿花生香味，總算沒有白來。加多加多這款印尼沙律，很難說好吃不好吃，對我來說是有點不倫不類之感；不喜歡煮得軟軟的豆角和蔬菜跟花生醬混在一起吃；還是比較喜歡伴黑醋汁或芝麻醬吃的新鮮蔬菜沙律，口感會更爽甜清新。翻看其他食評才知原來這小店也是米芝連推介食府，看來米芝連不再是殿堂級食府的天下，加上聽聞最近連雞蛋仔等地道香港小食也入圍，看來從前所謂能登大雅之堂的菜式，其定義已來了一個

點印尼黃錦飯，份量相當足夠，亦有不少材料，巴東牛肉，肉質好鬆，香辣惹味。花生雖然幾香口，不過我就唔多岩。小魚乾蘿蔔絲爽脆，加上肉鬆用來送飯好岩我個type仲有雞肉，雞蛋，青瓜。不過我嫌黃薑飯好乾，無咁油，我鐘意再油點。結論，大滿足。價錢都只係40幾，不錯。