896
37
10
| Restaurant: | One Point Zero One |
|---|---|
| Info: |
To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html
Video
7-min walk from Exit B2, Kwun Tong MTR Station
continue reading
Telephone
53697868
Introduction
It is a Taiwanese cuisine restaurant founded by few young people born in the 1990s. The dishes are designed with different collections such as braised minced pork, pork ribs and bento.
continue reading
Additional Information
最後落單時間: 20:45
Opening Hours
Today
11:30 - 21:30
Mon - Sat
11:30 - 21:30
Sun
Closed
*勞工假期: 休息
Above information is for reference only. Please check details with the restaurant.
About Reward Scheme
Offers
建議：主食嚟講大推蜜汁排骨，如果多人可以考慮單叫一份排骨，開心Share😎周末就喺要訓到日上三竿‼️本身約咗Fd子遊逛#觀塘海濱 ，去到觀塘變#芋泥搵食隊 😂 食咗個超豐富超飽嘅台式早午餐🇹🇼 出得觀塘又想正餐食到芋泥，毫無懸念直接去咗#中海日昇 2️⃣樓嘅壹.01 💜平日食開主要都喺外賣，估唔到今次周末就近下午茶時段去到堂食都算幾多人😌 今次試左：🍛主食：▫️芒果魯肉飯 HK$58 🥭▪️香蔥紫菜魯肉飯HK$60 🐽每次嚟都喺食排骨飯或者手撕雞飯，今次決定一戰新奇有趣嘅芒果魯肉飯🥭，餐牌仲寫明「睇落小奇怪，食落好和諧」😆整體嚟主食份量都好大碗，QR code落單可以揀多/少飯、多/少/走蔥等等，配菜有雪菜同紅豆絲有咬口，如果可以揀埋多/少/走就更好😌🥭芒果X魯肉食落唔算奇怪，夾埋嘅口感又真係幾新奇，因為芒果酸甜味又中和左到魯肉中嘅油膩感。而另一款紫菜碎X魯肉都唔差，紫菜份量都好多，魯肉汁＋紫菜＋肉汁好有醬汁紫菜飯糰嘅風味🍙 🍗小食：▫️秘製厚切蜜汁排骨HK$38▪️邪惡蛋之戀 (芋泥肉鬆脆皮蛋餅) HK$43▫️脆炸鮮奶卷・古早芋泥二文治 HK$48本身都諗緊如果單叫多一份排骨會唔會食唔哂，但又真係太耐無嚟堂食所以最後都默默加單😂 芋泥蛋餅同二文治嘅芋泥量都好厚，如果係#芋泥控 必試💜蛋餅嘅蛋可能比較薄身，加上中間一層厚芋泥，食落整體口感偏淋。一路食一路聽到隔離位嘅小朋友話，#火腿芝士蛋餅 啲芝士好勁😂 唔知如果芋泥X芝士整蛋餅會點呢🧀芋泥二文治配炸鮮奶卷，二文治食落夠脆口，不過鮮奶卷可能唔夠熱嘅關係，食落有少少偏甜，食落搭芋泥好似唔夠friend。如果配炸芝士，又唔知friend 唔friend呢😆🧀🍹飲品：▪️八寶桂圓茶 HK$25▫️芝．芋頭鮮奶 HK$34好耐無見過八寶茶，所以今次試埋，一開始無開蓋睇無諗過咁足料🙈 飲落淡淡紅棗同桂圓味，感覺幾舒服，而且杯口設計幾好，出口位有少少突起，菊花瓣就無咁易跌出嚟👍🏻本來Fd子以為芋泥鮮奶只喺平時嘅紫色芋香奶茶，飲完第一啖已經話原來芋泥鮮奶飲落天然，而且啖啖都有芋泥👍🏻 好耐以前仲係杯裝時，比較容易食得哂啲芋泥同奶蓋。依家就轉左有蓋嘅樽裝，飲唔哂拎走會方便咗，不過如果想飲埋角位既芋泥同奶蓋就記得要搖勻，再打開撩埋啲邊位😂💜#情報開心Share 😎▫️外賣自取/下午茶1430後都做緊9️⃣折 ▪️部份飲品仲做緊5️⃣0️⃣% Off
continue reading
.觀塘唔只得塞車，仲有壹.01💁🏻♀️😙今日想介紹一間超抵食嘅台灣菜比大家💁🏻♀️壹.01以前附近經同事介紹有食過，都覺得幾唔錯!!原來最近做緊9折優惠😎本身餐廳已經無加一服務費，而家仲有多個9折優惠😙琴晚即刻約埋同事去食..熔岩蛋之戀（拉絲芝士火腿蛋餅） 38已經唔係第一次食，每次黎都一定同同事必叫嘅蛋餅🤩今次想食邪惡小小嘅拉絲芝士火腿蛋餅😎，熱溶芝士真係做到拉絲，蛋餅外皮超香脆，必食推介!!..脆炸鮮奶卷配古早芋泥二文治 43另一樣都一定必食嘅一定係脆炸鮮奶!! 咬落中間係超流心，今次叫左一份，下次一定要一人一份先得😎古早芋泥二文治都好特別，外層做到好似餅乾咁脆，入面滿滿嘅芋泥，好滿足呀😆..明明我不是章魚燒-6粒 41看似章魚🐙燒咁，其實係明太子醬嘅花枝丸，每一粒都有一至兩粒大大舊嘅花枝肉，好有咬口，旁邊介有香蔥可以配埋一齊食，呢一款小食幾得意🤩好食..辣椒大蔥排骨飯 53排骨無骨勁大塊，比我塊臉更大🤣我就好中意淋左小小蜜汁排骨有小小甜，外皮又炸得好香脆，飯量可以自己決定，同朋友一齊share我地叫左多飯，份量極多，排骨下面有d用辣椒🌶️調味嘅大蔥，撈飯幾唔錯!!..鹽酥雞球 16朋友最中意食呢款小食，好似popcorn chicken咁，9折後只係16蚊一份，好大份😆，味道方面，可能我又中左covid味覺未係好靈敏，感覺可以再咸多小小，但朋友就覺得調味💁🏻♀️剛剛好..酥炸花枝丸 13同樣都係好足料，花枝好爽口，平時唔中意食丸類嘅我都幾滿意呢隻花枝丸!!..我要趁仲有呢個優惠再黎食多幾次!! 想用到呢個優惠嘅朋友記得中午2點半後黎就有9折架喇～ 趁機會黎試下啦!!..地址：壹.01 (觀塘)觀塘駿業街56號中海日升中心2樓D號舖..
continue reading
今日同事帶我去食間好抵食嘅台灣菜😋之前都聽講過呢間餐廳抵食😂但真係冇諗到可以咁抵食🤩一坐低店員問我哋有冇follow @1.01_ig🈹如果有就可以全單9折‼️平上加平嘅機會我哋梗係唔可以放過🤑🤑🤑🍗台北夜市小食拼盤 ($43)見到呢個價錢真係唔洗考慮即刻叫🤣仲要已經有齊我想要嘅鹽酥雞，花枝丸同台灣腸😋正👍🏻炸物炸得夠乾身唔油膩，台灣腸加蜜糖🍯更香更甜😁🧀拉絲芝士火腿蛋餅 ($43)係真係拉到絲嘅蛋餅🤩🤩因為蛋餅即叫即製，黎到都keep住熱辣辣，芝士仍然係半肉溶狀態😌勁易影到拉絲相🤪爆多芝士被火腿同蛋包住🧀一啖食落去成口都係芝士🤤勁滿足！🍠脆炸鮮奶卷·古早芋泥二文治 ($48)見到芋泥兩個字又忍唔住叫埋😝炸鮮奶外脆內滑，而二文治就係綿密嘅芋泥用脆脆嘅餅乾夾住😋多重口感，又甜甜地，忍唔住一塊接一塊🤭🥒蘇子青瓜手撕雞 ($28)呢個包裝即刻喚起我喺台北夜市嘅回憶🥹聞落好香麻油味，啖啖肉食起黎又唔會太鹹😋🐣花雕雞翼 ($28)雞翼細份有3隻，都幾大隻幾飽滿，食落有淡淡花雕酒香，肉質爽彈有口感😙🥛牛肉汁煮風琴豆腐 ($12/1串，$20/2串)估唔到係邪惡野😈風琴形狀嘅油豆腐，吸汁力大大增強🫨每咬一啖都滲出鹹鹹甜甜嘅和風牛肉汁🤗唔洗多汁都已經好夠味😂🧋黑糖珍珠鮮奶 ($35)有得揀少甜👍🏻飲得出黑糖味得黎又唔會太甜，珍珠夠黑糖味又夠煙靭😁🥃仙草雙檸冬瓜茶 ($22)冬瓜茶加咗檸檬同青檸🍋除咗甜之外，多咗層酸，清甜解膩，減少罪惡感😛
continue reading
好耐都冇嚟呢間高性價比嘅台式餐廳食飯😉 嚟嘅呢日係星期五嘅夜晚七點半 餐廳座無虛席 真係非常高人氣 我哋等咗一陣就入座啦✌🏻蜜汁紫菜排骨飯呢個飯嘅排骨真係好大件啊🐷 排骨有層薄薄嘅炸粉包住 排骨下面有層紫菜 紫菜加上蜜汁撈飯食真係好夾😋辣椒大蔥魯肉飯唔好見佢嘅賣相冇咁適合打卡 就以為佢唔好味 其實呢個飯好惹味㗎☺️ 因為有辣椒 大蔥呢啲重口味嘅配菜 仲有啲蝦皮嘅鹹香 都幾多味道拉絲芝士火腿蛋餅呢個蛋餅即叫即製 所以都等咗少少時間🤓 蛋餅上面有少少千島醬 加埋入面嘅芝士拉絲 真係夠晒邪惡🧀 脆炸鮮奶卷 古早芋泥二文治呢個雙拼嘅小食炸得好香脆😂 鮮奶卷餡料creamy 甜甜地 第一次睇二文治以為係typo 但係其實係餐廳特登創作嘅名稱 芋泥份量好充足 二文治外層嘅餅乾幾脆口⭐️飲品兩杯都係芋頭鮮奶 不過我哋一杯加咗芝士奶蓋 另一杯就要佢嘅原味😚 雖然驟眼望呢兩杯冇乜太大分別 芝•芋頭鮮奶 奶蓋部份都算厚身 底下就有我好鍾意嘅芋泥鮮奶🥰 芋泥唔算好甜 同埋好真材實料 非常綿密呢間係好高性價比嘅台式餐廳 難怪有咁多客啦 每日兩點半後仲有九折優惠㗎😊
continue reading
已四訪！街坊價錢，台灣味道，壯男份量！好讚欸🤤・・・・・・・・・・・・・・・・・・・・2點後有九折，以下為折後價！🐔 香蔥紫菜手撕雞飯 HK$53.1・味道：上次食過再翻兜嘅飯！手撕雞有輕微麻油香同芝麻，配埋蔥同紫菜好香口，仲有酸菜同甜甜地紅色嘅條條(?)，味道好豐富欸・口感：成隻手咁大份，雞幾彈口喎，而且算嫩，非常不錯！🐷 蜜汁紫菜排骨飯(酥炸) HK$55.8・味道：炸皮好薄好脆，冇改錯名真係酥炸喎XD 排骨真係似台灣豉油嗰種鹹中帶點甜嘅味。好厚肉，底下仲要有紫菜同魯肉，味道同樣豐富，非常出色！・口感：排骨仲juicy有肉汁嘅，樹歌依desu呢😂🍢 牛肉汁煮風琴豆腐 2串 HK$18・味道：吸汁肥仔嘢，牛肉汁係吉吉家嘅味，甜甜鹹鹹咁都幾OK。不過汁可以唔使畀得咁大方，因為浸耐咗食都幾鹹哈哈～・口感：索汁嘅海綿，一定好食啦XD🥛 脆炸鮮奶卷・古早芋泥二文治 HK$43.2・味道：脆炸鮮奶卷嘅鮮奶好濃奶香，似係全脂奶mix啲煉奶咁，好邪惡好好食啊！呢間嘅芋泥不嬲係皇牌，今次同樣出色，香甜幼滑滑0假甜～・口感：鮮奶卷炸皮好薄好脆似春卷咁，想講啲鮮奶醬係半流心醬嘅狀態，掂喎。二文治嘅外皮係兩塊炸過嘅餅乾包住幼滑芋泥，double脆😆💜 芝・芋頭鮮奶 HK$30.6・味道：次次嚟都怒啪佢杯芋頭鮮奶，今次試下芝士奶蓋版。呢款奶蓋比市民嘅薄身冇咁重鹹味，如果鍾意好thick好鹹，要奶蓋存在感好重嘅人就未必啱。不過我覺得呢款「減肥版」奶蓋好襯芋頭鮮奶，有平衡兩者，唔會話兩款重味厚身嘢硬碰硬咁撞埋一齊，真係有諗過啲食物夾唔夾先mix的，欣賞🫡・口感：杰身足料幼滑芋泥，配全脂香滑鮮奶，一定係不死組合，加埋輕身奶蓋，依然掂喎！🍋 仙草雙檸冬瓜茶 少甜 HK$23.4・味道：聽落睇落都好伏，飲落係想encore嘅味！本身我麻麻冬瓜茶，因為多數好甜好渴喉，但呢款好輕身少甜，0甜人士都會鍾意嘅易入口程度。加上檸檬有令到成杯飲品新鮮咗！個茶底係已經滲透咗檸檬香氣，冬瓜茶同檸檬係好夾咁二合為一咗🤌🏻，仙草正常發揮，整體是很讚的一杯！・口感：輕身順口，好飲！・・・・・・・・・・・・・・・・・・・・🤰性價比：高～🤰9衝度：9衝～🤰結論：食咗第四次了，每次都冇令我失望。觀塘價錢，真係有台灣味！有諗頭嘅mix and match台灣嘢都係諗過度過，有gimmick亦有好味道， i love it🤌🏻・・・・・・・・・・・・・・・・・・・・
continue reading