Pizza e Pollo

Open Now

Now Closed

本人是經openrice 購買優惠券的119一個3人餐 真係好抵我等左差不多20mins 就有得拎果時係平日收工時間17:30左右應該得我一張單拎到番屋企 仲係好熱1.最特別嘅係個pizza餅底 有d似pizzabox 的大家都係手拉餅底又唔會食到成咀油d配料同醬汁十分足料 酸酸地 幾開胃一個人都可以食半個大批2.個炸雞先係重點 大大隻炸漿好薄 好香脆 味道岩岩好我未食過咁有水準嘅炸雞好食過kfc 一倍有多 總結: 我覺得值得支持 相信店主都真係好認真咁烹調每一款食飯 我真係食到係用個心來整野食雖然環境一般 又有d小蟲飛來飛去 又有陣渠味但外賣自取的話 我覺得都無問題的下次有機會 一定要試下佢地嘅意粉

位於柴灣角街有綫電視大樓傍的冬茹亭 以前某T電車陳列室前面 原來隱藏了 Pizza e Pollo (批薩和炸雞)對係冬菇亭食野原來有啲保留 但佢地乾淨 整潔 連地下都有Pizza店logo同銀閃閃⭐️⭐️🌟🌟 非一般的地下濕淋淋 昆蟲來來回回的大排檔主打做外賣 但堂食都ok 跟朋友黃昏後大伙兒一同飲下食下Chill左一晚 食物大份有驚喜 特別係批薩有誠意 炸物有不同內涵 Juicy唔會乾琤琤 推介推介

外賣二人餐，熊貓叔叔送嚟嘅，所以包裝問題就唔講喇。但係呢，夏威夷，菠蘿有菠蘿味，茄醬有茄醬味，批都有批味，但就係食唔到夏威夷嘅味道。香草雞肉螺絲粉，港式茶記出品。如果係茶記食到唔會覺得有問題嘅。炸雞，大家可以幻想下樓上啲靚靚炸雞照再炸多兩次嘅情況。同老婆每樣食物都淺嚐一口之後就決定再搵熊貓叔叔送第啲食物嚟喇。

Pizza餅底非常脆，非常好味！炸雞大大件外脆肉嫩滑好味! 非常值得推介的小店！老闆店員都非常友善$119 雞批套餐好抵食，有一個超級多料的大批和四件炸雞，還有沙律一個，飲品兩罐!

想食pizza上OpenRice 搜，見到新開有個$119 2-3人套餐非常抵就試一下，環遊世界大批/炸雞4件/沙律3，味道真心不錯，取餐準時，份量足夠3人食👍👍👍雖然位置及環境不好，但非常值得外賣，半個鐘後炸雞依然脆👍👍👍

首次寫食評， 由於不是鱔稿， 沒有太多容易詞去表達我對呢一餐的感受。上星期四買了雞批餐回家， 簡簡單單的晚餐與家人分享， 炸雞好食， Pizza 同湯也不錯。我預訂了6點自取， 他們也能準時地6點正whatsapp 我， 餐已準備好， 讚

偶而行過柴灣角冬菇亭，見到呢間新開既小店 ，即被濃濃 pizza 味道所吸引。地方不是那麼容易找到，靠近馬路位置。當天所見，店舖由兩母子主理，非常有家庭風味，pizza 餅底 is hand-made, 正值假日，人流不多。我叫咗個夏威夷 pizza 外賣, 材料非常 generous, 有大量 cheese, ham and pineapple. 價錢合理, 即叫即做，新鮮滾熱辣, 異常美味。Would go again and highly recommend to others. If you work/ live close to this area, it might be a good idea to drop by and have a bite with the view of Rambler Channel.

見到柴灣角有間新開Pizza店，本身見無食評都擔心會唔會伏😂不過見OpenRice有優惠，咁就試吓啦！本身以為間鋪喺大排檔入面，兜咗2個圈都搵唔到，後來先發現原來喺外圍，喺馬路口位置，個位應該無乜人會留意到，都好少會經過，幾隱蔽吓。附近雖然全部都係大排檔，但係小店好光猛同乾淨，個廚房仲係開放式，可以睇到老闆同店員炸雞，搓餅底～🍕係時候講吓啲食物，性價比真心高！叫咗OpenRice優惠嘅$119雞批餐有個大批Pizza、4件炸雞、3個飲品/湯/沙律，超豐富😮🥢環遊世界Pizza（大批）Pizza有8件，餅底唔會太厚，係蕃茄醬底，好重茄味，餡料都好多，有辣肉腸、菠蘿、雞肉、蘑菇、青椒⋯仲要都幾多芝士🤩🥢炸雞一打開個盒，真係嚇親！係勁大件！淨係隻雞髀都大過拳頭🍗老闆嗰陣話因為即叫即炸，所以要等一陣，拎上手真係熱辣辣㗎（係超熱😂）咬落勁脆，肉質juice唔會乾爭爭，食得出係有醃過，好好食😍小店位置唔顯眼，都係做附近員工生意多，老闆同店員姐姐都好好態度，希望小店可以做得長！PS～因為本身有WhatsApp問老闆拎menu睇，但影得唔清楚，唔係好睇到，所以去咗鋪頭問老闆拎咗份menu，喺度同大家開

昨晚同朋友在荃灣沙咀道附近的工廠Party room gathering，尋找附近有什麼方便8-10人一起食的外賣，結果就找到呢間。叫左個8人套餐，套餐$548，包2個大批，8件炸雞，2客意粉/焗飯，2客小食，8客汽水/湯/沙律（我哋揀左沙律）由於我哋要等齊朋友到才開始食，所以d食物大部分都凍左，但質素都仍然ok。沙律無出水，沙律菜及車厘茄都算新鮮，沙律麻醬好味。Pizza 足料味道唔錯，餅底幾煙韌。螺絲意粉及飯味道也ok。小食要左炸魚手指及墨西哥芝士波（有微辣）味道都ok，雖然凍左。炸雞最有驚喜，大件，凍左個外皮雖然硬了一點，但內裡仍有肉汁，唔會柴，味道好。整體算抵食，味道及質素亦幾好，下次再同朋友到附近party room 玩時會再幫襯。

今日經外賣平台試咗呢間pizza店，order咗一個夏威夷薄餅、辣肉腸薄餅、肉醬意粉、原味炸雞同香辣炸雞，開頭都擔心咁遠送到，啲食物品質一定會有所影響，但出乎意料地，食物送到都依然好味，又夠熱！夏威夷薄餅餡料夠，餅底鬆軟，味道唔錯辣肉腸薄餅，味道夠，辣肉腸配蕃茄醬簡直絕配炸雞叫咗兩款，一款原味，一款香辣，咬落都好脆口，依然熱辣辣真係脆口又非常Juice 兩種口味都好食，不過個人比較鍾意原味多啲，好好食肉醬意粉真係世一，唔會太乾又唔會太濕，肉醬又惹味，無得頂，食晒無影相