Video
4-min walk from Exit A, Fortress Hill MTR Station
continue reading
Telephone
27157777
55111176 (WhatsApp)
Introduction
座落於天后的西班牙小酒館,主打具亞洲元素的Fusion Tapas。而ROJO的招牌西班牙海鮮飯，以魚、蝦、蟹等海鮮熬煮湯底，並在海鮮飯中加入本地新鮮大蝦、蜆、青口及魷魚，令其鮮味十足
continue reading
Opening Hours
Today
12:00 - 15:00
17:00 - 22:00
Mon - Sun
12:00 - 15:00
17:00 - 22:00
Above information is for reference only. Please check details with the restaurant.
About Reward Scheme
Offers
🍴 ROJO Set for 2 ($535)二人餐可以任選5款Tapas同一款主菜 仲有一款甜品🧆 Jamon Potato Salad黑毛豬火腿味道濃郁 幾好味😌蛋黃醬薯仔沙律就相對較為普通🧆Truffle Jamon Bikini多士烘得十分酥脆 半溶芝士加上黑毛豬火腿 鹹香十足黑松露亦都好香濃 推薦！😍🧆 Sauteed Mussel (+$18)青口隻隻都大大粒 好新鮮香檳忌廉汁相當好味 好味到係咁黎飲🤤同樣推薦！❤️🧆 Croquetas de Pumpkin Blue Crab Meat南瓜薯餅味道中規中矩同埋唔係好搵到蟹肉嘅蹤影比起其他tapas略為遜色一啲🥹🧆 Tortilla 店員好貼心咁等我影完相 再切開4份畀我地西班牙蛋餅嘅內餡有薯仔、軟臘肉腸 表層略嫌乾左少少切開中間會有流心蛋汁同邪惡芝士拉絲口感豐富 味道都唔錯👌🏻🐷 ROJO Suckling Pig (+$38)燒乳豬嘅豬皮十分香脆！😍切落去係會有“咔嚓”聲肉質軟嫩 帶點脂香就咁食或者蘸青蘋果蓉黎解下膩都同樣好味😋絕對推薦！！🙌🏻🍫 Churros甜品餐具以天鵝造型嘅器皿盛載 好靚Churros加上朱古力醬同雲呢拿雪糕 經典又好味☺️
continue reading
有好一段時間冇食西班牙菜，又掛住西班牙海鮮飯😍炮台山𝙍𝙊𝙅𝙊主推融入亞洲元素嘅𝙛𝙪𝙨𝙞𝙤𝙣 𝙩𝙖𝙥𝙖𝙨同飲品，𝙏𝙖𝙥𝙖𝙨原來更系西班牙菜當中一個重要菜系同飲食文化。✿ 𝙍𝙊𝙅𝙊 𝙨𝙚𝙩 𝙛𝙤𝙧 𝟮 $535餐廳最近推出咗新嘅二人套餐，菜式非常豐富，首先可以從𝙏𝙖𝙥𝙖𝙨中選5款，呢樣野相信系最吸引，主菜選1款，最後系甜品𝘾𝙝𝙪𝙧𝙧𝙤𝙨。~ 𝙏𝙖𝙥𝙖𝙨 ~⭐️檸檬汁醃吞拿魚吞拿魚本身系刺身都驚腥，加埋檸檬汁好開胃🍋旁邊有脆片搭配，令口感更豐富。⭐️黑毛豬火腿，薯仔沙律，蛋黃醬黑毛豬火腿薄片，未至於太鹹，加埋薯仔沙律大大粒🥔⭐️炸西班牙蟹肉南瓜可樂餅南瓜餅入邊好足料，食到軟綿綿嘅南瓜蓉🎃蟹肉亦好新鮮🦀可樂餅脆卜卜。⭐️炸黑松露野菌芝士可樂餅黑松露醬香氣四溢，有埋野菌香氣更明顯🍄有芝士好邪惡😈🧀⭐️西班牙薯仔軟臘肉腸蛋餅薯仔蛋餅系傳統西班牙前菜，蛋餅夠juicy，食到粒粒薯仔爽口口感🥔加上臘肉腸鹹香別有風味。~ 𝙈𝙖𝙞𝙣 ~主菜就叫咗西班牙海鮮飯🥘材料十分豐富，有虎蝦、蜆、青口、魷魚🦑蜆肉好新鮮冇沙吾腥，魷魚比我印象較深刻，因為食到佢地吸盤位，質感好爽口。~ 𝘿𝙚𝙨𝙨𝙚𝙧𝙩 ~甜品就冇得揀，預設咗系𝘾𝙝𝙪𝙧𝙧𝙤𝙨。肉桂油條沾上朱古力醬香甜美味🍫
continue reading
好耐冇食過西班牙嘢心郁郁想去食，朋友就推薦咗天后嘅ROJO🥰 ROJO二人餐 ($535)店長同我哋講新出咗一個二人餐，可以揀五個tapas，一個Main，仲有甜品添🥰 我哋見到幾抵食就揀咗佢啦😎Tapas 🌮黑毛豬火腿薯仔沙律🥔薯仔沙律係帶少少硬親嗰隻，係我鍾意嘅口感，再加埋火腿嘅鹹香🥰黑松露芝士風乾火腿Bikini🥪咬落去好脆身，食到陣陣嘅松露香❤️青口，香檳忌廉汁🍾青口好新鮮仲帶陣陣海水味，加埋個忌廉汁好香滑😎西班牙薯仔軟臘肉腸蛋餅🥚蛋餅一切開裏便仲係留心嘅，仲有少少芝士拉絲，入邊仲有西班牙辣肉腸，辣辣地好惹味🫶🏻檸檬汁醃吞拿魚🐟吞拿魚多士，多士好香脆，再加埋檸檬同埋蕃茄做調味，酸酸地好開胃🤤Main西班牙海鮮飯🥘西班牙海鮮飯，食落好香蝦膏嘅味道好，仲有好多海鮮，蝦🦐墨魚🦑青口蜆同埋腩肉，材料相當豐富👍🏻Dessert 🍨 西班牙 churros呢個係每次食西班牙嘅必點嘅甜品🥰飲品🍸Virgin Mojito Shirley Temple我哋另外仲嗌咗兩杯Mocktail❤️
continue reading
今日帶朋友食天后一間之前食過嘅西班牙餐廳Rojo，佢哋嘅Tapas同飲品融合咗亞洲元素，令菜式有新鮮感。首先，我哋叫咗前菜油甘魚他他配牛油果。油甘魚他他混合咗新鮮嘅蕃茄同洋蔥，伴有少少沙律菜。再配上烘多士，味道酸酸地，係一款既健康又開胃嘅小食。之後叫咗椰菜花西班牙蛋餅，我好欣賞餐廳為呢款西班牙地道美食加上嘅特別元素。蛋餅內部流心，仲落咗芝士，令蛋餅口感更加豐富同特別。侍應亦細心咁幫我哋開蛋餅，方便share 食。西班牙當然唔少得海鮮飯！我哋揀咗西班牙墨汁飯，除咗因為我好鍾意食墨汁之外，亦比較少見海陸版海鮮飯。配料有原隻八爪魚仔同粗身八爪魚腳。最特別嘅係仲有豬腩肉，因為撈均之後成碟飯黑色嘅關係，食到嘅時候會發現佢嘅口感同其他海鮮好唔同，絕對係一個驚喜。講起墨汁，佢嘅味道非常濃郁，而且好creamy，令人回味無窮。至於飲品，我決定配合下西班牙風情，揀咗佢哋特產氣泡酒Cava，味道清爽，少少dry，同味道濃郁嘅西班牙菜好夾。朋友想要啲fresh啲嘅飲品，揀咗菠蘿汁。我哋趕係七點半之前落單，仲有happy hour價！
continue reading
好喜歡食西班牙 Tapas, 今晚特別在 天后 ROJO 訂了枱, 同朋友聚會.這家餐廳裝修很有格調, 落地大玻璃窗, 坐位舒適, 餐廳內有大型酒吧, 美酒配佳餚, 真吸引, 好酒多款, 一定有合心意的. 店員熱誠先安排座位, 又介紹我們各種飲品, 我們点了紅酒和香檳. 紅酒香醇口感豐富而結實. 香檳金黃色口感濃郁溫順, 氣味清爽. Cheers !! 点餐了, 店員推介, 抵食 Rojo Set for 2, 餐廳正做特價 20%折扣. Tapas 12 款選五, 正合我們理想, 有齊特式的 tapas. 主菜有多款, 我們 愛西班牙燒乳豬, 同傳統特式甜品. 立即落單.第一款先來 黑毛豬火腿薯仔沙律, 蛋黃醬, Jamon Potato Salad.薯仔沙律配蛋黃醬, 好開胃, 加上西班牙聞名的火腿, 黑毛豬火腿, 鹹香味十足, 食出好滋味. 炸西班牙火腿可樂餅, Croquetas de Jamon 樣子精緻, 即叫即制, 上檯熱騰騰, 香酥不膩, 佐酒極好.黑松露芝士風乾火腿比堅尼 Truffle Jamon Bikini,一客4 件, 特式是烘脆多士內餡有 風乾火腿配上味道超濃黑松露, 火腿鹹香十足, 非常可口, 佐酒不錯. 蕃茄銀魚柳多士 Tomato Anchovies Toast 薄片法包烘到卜卜脆, 伴上蕃茄銀魚柳粒. 擺設好靚.刷上醃製凍蕃茄銀魚柳粒, 味道酸甜開胃, 多士夠脆入口鬆化, 蕃茄十分新鮮, 其味無窮. 系一道出色的 tapas.檸檬汁醃吞拿魚 Tuna Ceviche , 顏色繽紛, 吞拿魚魚肉嫩滑, 調味得宜, 加上烘脆法包 , 口感唔錯.西班牙燒乳豬, 青蘋果蓉, 燒新薯, Rojo Suckling Pig w/ Apple Puree, new potato燒乳豬份量好正, 配自家制青蘋果蓉, 新薯. 乳豬切開了幾塊, 更方便食用. 西班牙乳豬皮薄薄的, 很脆又香口, 乳豬肉質嫩滑, 油脂感不算重口, 再加入青蘋果蓉, 感覺不肥膩. 好滿意. 乳豬下面墊有蔬菜, 新薯, 組合很好.餐後有西班牙傳統甜點: 肉桂油條朱古力醬雪糕, Churros w/Chocolate Dip, Ice-cream這個西班油條好香口, 鬆脆又甜甜的, 伴以雪糕, 加點朱古力醬, 確可口. 而那對天鵝餐具做配搭更錦上添花. 在此碰碰杯, 享受了輕鬆時段, 更感覺已戀上了西班牙 Tapas !!
continue reading