Video
3-min walk from Exit B2, Sham Shui Po MTR Station
continue reading
Telephone
34688348
Additional Information
1) 用餐時間90分鐘
2) 如座位編排有特別要求，請於訂座時備注，餐廳會盡量安排。
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About Reward Scheme
Offers
近日在北河街發掘了一間不錯的fusion餐廳，店內掛滿了燈飾，枱面亦放上月球燈🌕 這裡不定期會有music night現場歌唱表演，感覺蠻有氣氛的 🎵🔸蟹肉牛油果釀松葉蟹蓋 前菜點了焗蟹蓋 ，加了牛油果口感非常creamy 🥑 芝味濃郁🔹阿拉斯加長腳蟹海膽汁意粉份量十足的阿拉斯加長腳蟹🦀 意粉彈牙掛汁，色香味俱全呢🔸鮑魚龍蝦汁意大利飯Risotto用上龍蝦汁烹煮，鮮味十足，而且米粒很有咬口，加上彈牙鮑魚，口感一流🔹焦糖牛角香蕉船牛角包用上食用花作點綴很有心思，內餡有焦糖香蕉伴紫薯醬，甜甜的滋味，一份外帶也很方便🍌 🔸鮮果牛角芭菲層次感十足的芭菲，加上色彩繽紛的鮮果，好看又好食，非常IGable!!🔹法式朱古力心太軟伴雪糕即叫即焗的心太軟，吃一口熱騰騰的流心朱古力醬再佐一口冰涼的雪糕，絕對的享受～ 這裏的甜品都很吸引！🔸飲品點了熱情果梳打和特色雞尾酒濃情蜜意，加了棉花糖的草莓cocktails 甜甜的很易入口🍓
continue reading
本來就只喺約老表交收，我無飯開，佢又無飯開，就不如約埋食番餐。就一就佢，晌番佢屋企附近搵食，就推介呢一間新開無耐嘅小店「S³ 186」。估唔到雖然喺小店，但裝修上都花咗好多心思，近門口閃爧爧嘅月兒彎彎，絕對喺打卡點。而入口呢邊因為設有酒吧區，所以，座位唔多。不過，轉向另一邊，就有好大嘅空間，仲滿天掛上小燈泡，猶如天上繁星，加埋枱上唔同嘅星體枱燈，完全喺個好令人有想像空間嘅環境。再者，枱與枱之間都好闊落，讓人坐得舒服。翻一翻餐牌，食物選擇非常之多，此外，更有不少期間限定菜式、時令生蠔、蟹肉盛宴……等等。而優惠主食一份，可以加$48轉為套餐，就多咗餐湯、沙律、飲品及甜品，真喺無理由唔加架。田園沙律簡簡單單嘅沙律菜、車厘茄、青瓜、粟米粒，再淋上胡麻醬，清新開胃，食食吓，原來裡面仲有少少水牛芝士，實在喺點點驚喜。是日餐湯餐湯會配上蒜蓉包，而是夜嘅餐湯喺洋蔥忌廉湯，口感幾滑溜，好有奶油香味，最緊要喺夠熱焫焫，好怕啲湯喺凍嘅，西班牙凍湯例外。黑松露野菌意大利飯 $88一向都幾鍾意食意大利飯，因為可以真正試到師傅嘅實力，加上只賣$88，感覺幾划算。一上枱聞到陣陣黑松露香，而入口亦好有黑松露味，加上混有唔少野菌，飯粒亦煮到好有咬口，確喺做得唔錯。巴伐利亞脆香豬手 $188據店員講，雖然未必好多人點，其實，呢一道喺招牌菜嚟，我都好耐無食過德國豬手，所以，今晚就大快朵頤。一整份豬手連埋薯角、野菜非常有睇頭，豬手外皮勁脆口，其實切嗰吓已感受到，而啲肉鹹香軟熟，沾上芥末醬，食味一流，再搵啲酸椰菜中和吓，成件事就喺咁夾。就連薯菜都好食，用上厚身薯角，風味十足，啲菜都唔喺普通嘢，俾咗意大利青瓜、蜜糖豆，都值得加佢分。即磨咖啡、熱奶茶嚟到啲西餐廳就梗喺揀咖啡啦，比較穩陣啲嘅選項，而杯咖啡其實又無話太特別，都夠香醇嘅，但就唔會有咩驚喜，但啲奶打熱咗，仲有啲奶泡添；相反，老表就話杯熱奶茶普普通通咁囉。朱古力奶凍雖然只喺太餐嘅甜品，但做得好認真，睇賣相就知無馬虎，非常靚仔。奶凍口感比較挺身，而朱古力味好濃郁。雖然小店一間，但今餐飯都有啲驚喜，尤其喺個豬手，侍應都喺啲後生仔女，招呼殷勤，而且好有禮貌，讓我哋兩老表可以慢慢食、慢慢傾。
continue reading
價格唔係特別平，但係食物份量極其少之又少。連我一個女仔都覺得食唔飽。出咗門口我同個F一人點咗一碗雲吞麵。😅食物質量都尚算OK。裝修比較老土簡陋。唔係高級餐廳嗰種格局。 今次試咗佢個金箔牛扒，和牛肉質尚算嫩滑。炸豬手皮好硬，如果牙齒唔好嘅朋友建議唔好點。龍蝦飯份量極之少。 唔夠一個成年人飽肚。個set裏便仲有甜品同埋一杯飲品＆沙律。總括嚟講就係性價比唔高，因為佢價格唔算平。但係裝修又只係等同茶餐廳Level。試一次無妨，不過唔會再去第二次。
continue reading
差，非常差的經歷!一心想同朋友慶祝生日，原本是想叫金泊和牛打下卡影下相，但佢地有個90分鐘任食，又好似有好多選擇，咁2個人想試多d野，就叫左呢個餐。串燒是凍的，雞翼是生的，裡面重有血的，鹽酥雞裡面是全生的，重係透明的啫喱狀，凍蟹腳是梅的，個湯咸過海水。食得落只有一個炸薯條，1塊羊排同牛排，起碼是全熟的但沒有味道。其它串燒一係就燒到全黑，可能因為叫炭燒。埋單$867, 得個唔關事既侍應埋嚟道歉。見侍應同老闆娘反影完重要苗苗嘴。真係沒有下次，難怪d人要北上消費食飯，咁既質素，想收銅鑼灣價錢，你地真係要白交下租先同好好檢討下！
continue reading
超級大伏！又貴又難食！叫左90分鐘無限任食，落單後好快有串燒上枱，但全部係凍既，相信一早整定擺放已久。再試芝士焗生蠔，又腥又凍，完全未焗熟。烤羊扒又騷又肥，極難食。自助食物只有少量炸物，蟹鉗麥樂雞等，但竟然都係好難食。蘑菇湯稀似水，完全冇味。叫左杯+$68凍飲Oreo smooth，基本上成杯都係冰，飲兩啖就冇哂。5人用餐，餐廳只提供一支水，再加水要每支收$10。當日入座率只係一半左右，多次漏單冇上齊食物。用餐日期係星期二平日，星期三係佛誕紅日假期，原來仲有假期前夕附加費！餐牌底下有小字註明但職員介紹時完全冇提及過，冇紙巾提供，甜品冇甜品匙，然後仲收加一。食完餐飯後一直耿耿於懷，做左超級大傻仔。咁貴既收費完全冇任何加分位，簡單係人生食過最伏餐廳榜首…
continue reading