時新快餐店 (Closed) View

事緣尖咀睇夜場戲見有多時間就響紅磡食下野終於一嚐時新啦 真係久仰大名 位置係天橋下 都好易搵到 紅磡確實係比較少專登過黎食野好多時去尖沙咀食叫左一個跟餐 同一個雙層漢堡即整 所以都要等一陣架門口位買完 搵個位坐等叫號碼 再自取既檸茶就無乜特別 普通茶記口味旨在食包乾爭爭 有野飲下仲有水俾客人自取好架勢咁啵 雙層 厚厚的超級肉肉子 塊肉唔太乾 新鮮熱辣確好味仲有幾款醬揀既 下次要試下其他醬先得單層就女友食佢既評語係 如果有埋生菜同蕃茄成件事就更完滿

同朋友專登約去紅磡四圍覓食，第一站當然要去紅磡好出名嘅時新快餐店，聽就聽過時新漢堡包好食，之前都有去時新諗住食漢堡包， 點知去到賣晒，失望而回。今次終於比我食到，我同朋友都揀咗芝士蛋漢堡包， 揀咗沙律醬。個包好軟熟，漢堡肉好新鮮，仲有一啲洋蔥喺裏面有啲咬口，配埋蛋同芝士簡直一流，加左沙律醬，令到成個包好juicy冇咁乾，好好味，而且識落唔會覺得好肥膩好漏。個包整得好出色，搞到依家成日心思思想食時新漢堡包😂😋😋😋

Si Sun Fast Food is famous among Hung Hom community as a non-chained small place where affordable and quality food (burger) is available. Usually a long queue could be spotted but it was not that crowded that day. My friend and I quickly found a table and I tried the double burger with cheese and egg ($22). Small portion of average quality. I think people queue more for the old-style ambience (e.g. small and packed tables and simple menu) and reputation than food quality. Personally I agree it i

好失望！今次叫咗薯條、炸雞肶、芝士漢堡包同紅豆冰，全部都好難食。等左一陣，好快就有，已經覺得咁快整好。枱面上邊有人哋食剩嘅嘢喺度，已經自己攞起跟住問佢放係邊，佢叫我隨便擺，但係周圍都係坐滿人。薯條又凍又有油"益"味，唔脆，茄汁只有兩包，再要的話要加一蚊一包。炸雞肶又韌又"諧"，冇雞味，只有雪味。芝士漢堡包食落一啲都唔熱，所以連芝士都唔溶，肉好薄，煎得唔好。紅豆冰冇豆味，又淡。雖然價錢唔貴，但係都唔係俾啲咁嘅嘢人食呀？叫四樣嘢四樣嘢都可以咁難食！攞咗多好評就冇心做，失望！

星期六早到小店一遊, 食物系其次, 主要系想追尋八十年代嘅感覺。> 感覺: 有! 老闆有老闆嘅態度, 食物有食物嘅味道。> 味覺: 雙層漢堡芝士蛋. 肉汁蛋汁缺一不可。牛肉通粉炸雞亦, 比較普通, 可以唔叫.> 趣味: 鋪面兩個叔叔好似樣唔知系咪兄弟香港小店特色, 未試過嘅朋友可以支持一下!

提早放工跟寶寶來個LATE LUNCH，想食BURGER又不想食太貴，於是便想起了時新。雙層芝士蛋漢堡配秘製沙律汁($24)漢堡即點即做，新鮮煎好的牛肉漢堡扒，咬落還有肉汁油脂流出，配上甜甜酸酸的秘製沙律汁和稍稍溶化的芝士，味道更為提昇。而麵包都還是十分柔軟，很香口。魚扒雞蛋米粉(配凍奶茶)($37)因為不想食牛肉，於是我點了米粉。份量都幾多，又估唔到魚扒咁好味，食落有點像用美極醬油醃過的味道，帶點咸味十分好食。蛋還要是半熟蛋黃，單是賣相已經很吸引。薯條($18)粗身波浪形薯條新鮮炸起，加點鹽稍為調味。10幾年前到現在，味道依然高水準。

話說上次試過佢地最出名既漢堡包，覺得很有港色味道，今次就想試下香港人最鍾意去茶餐廳食既，炸雞肶。由於部收銀機壞咗，今次仲有以前既感覺，因為直接係櫃面比咗錢就講個number你知，(要自己記住，其實得幾個人排隊)等咗5分鐘，香脆雞腿送上，個人對炸雞腿很有要求，覺得時新的雞腿不夠大隻，皮的味道還可以，但可能沒有選擇新鮮的雞腿，肉質和味道都不算好。不怕咸的朋友可以多加調味料去補救。對於只有少量食物供應的餐廳，應該可改善。

時新一向是POLY人的必去的飯堂 , 今次重遊故地 , 決定來這一家久違了的餐廳時新的裝修好像停留在80年代 , 無論一桌一椅, 伙計的服裝都好像回到舊時 , 尤其是放食物的橙色碟子所有野都好麻甩 , 但飄著一陣濃厚的人情味 , 令人想一去再去 , 好像探舊朋友一樣 , 一期一會自家製的漢堡包很足料 , 而且十分有咬口, 特別一提的是自家制 沙律醬 , 中和了肉的味道 , 一次可以食兩個呢!!薯條是粗身的, 脆卜卜又有香滑薯蓉, 同快餐店無得比回憶, 還是舊的好

回鍋肉公仔面餐37原來新年後加了價但肉不樣多，荀亦足料，無將價就貨，面不淋，紅辣賣相好誘人。加2凍奶茶少冰茶味多奶味無澀味，少冰真無半杯的。雙牛旦之包24今日試新汁，秘製沙律醬完全滴汁，幾開胃。牛肉餅今日有兩小粒un，包比昨日的更新鮮岀爐，所以細軟多，而芝士也因熱度原故更加半溶，又吃到第一次來的好味道喇。食後感：連續兩天來光顧，還沒有吃厭的感覺，漢堡包的汁分別有黑椒汁，咖哩汁，茄汁，沙律汁四款選擇，茄汁不是我心頭好，咖哩汁還未嚐到，留待下次吧

估唔到上次去完時新食之後今日咁快又過嚟啦，好難忘記佢個雙牛芝士孖寶啊，今日中午特登過嚟食過返尋味。雙層芝士孖寶索價24無食一個月，過年後即加價一個大洋都仲好值得一食，牛肉香酥冇得彈又有汁，仲要好正好正好正啲包好鬆軟，不過啲芝士就有少少唔夠溶美中不足啦。肉丁公仔面37肉量不少，但無上回回鍋肉量多，不知實際有否縮左水。某人最欣賞個面成個咁煮成個起碟，保持原貌佢最開心。又講番杯加2凍奶茶用上碎冰調校得好好味，茶同奶味相當非常之港式茶餐廳風味。自從黎過時新，一定會過返嚟食翻下先至叫做嚟咗紅磡😍

去紅磡，總有好多美食引誘住你，胃就只有一個，應如何應對眾多引死人的小食? 這是一個非常深的學問。由於胃口有限(雖然口大)，今次紅磡掃街之旅首站仍然先預留位置予正港漢堡包店—時新。時新根本不愁沒有生意，所以大家都已接受零服務態度，零環境氣氛，為的就是KO那個即煎的惹味漢堡~~~ 店面好細，所以我同朋友一支箭就衝入去搵位，你知啦唔快手就無架喇! 由於本住淺嚐之大原則，我同朋友只點一份開心share~ 雙層芝士漢堡 ($21)等咗大約10分鐘，最愛嘅熱辣辣漢堡終於上場喇!! 啖啖牛肉加上芝士同最重要嘅沙律汁..簡直係無得彈此刻，大口覺得哥吃的不是漢堡，是一種正港麻甩態度。

幾年前食過，到今日番食，出奇地無乜人，可能poly啲學生開始放假，之前一路都好想再食，不過真係無咩機會，因為之前成日都超多人，等到傻，仲試過去到無開，白走一趟，試過禁之後，無再專登去，禁隔涉去到摸門釘！好無謂！今次再食，比以前確係差左，一行四人，叫左四個雙層芝士蛋漢堡，其中一個個樣好正，爆汁，另外個三個，無乜汁！同之前比，件肉明顯薄左，醬汁少左，不過肉香味好彩還健在，如果唔係真係……………另外要左份薯條，完全係炸過龍，80%以上係泥黃色，超級乾，同埋應該好耐無換過啲油！以前我可以食兩個漢堡，兩份薯條都覺得唔夠，因為太好食，今次食過之後，如果唔係路過個頭，都唔會專登話要去啦！環境方面～朋友（女性黎）坐個位背脊貼住柱，柱上高過頭既位置，癡住左隻死蟑螂！完全唔敢講服務方面～舊式快餐店，本身唔預有服務，不過態度真心覺得差！由於環境嘈雜，見到有自己盤野放滿左，佢講左句野，但係又聽唔到講咩，正常都會行出去睇下啦！“返埋去等叫號！” 態度奇差！薯條跟兩包茄汁，再要就$1包無比到我地，我朋友第一次食唔知有跟，出去問佢羅仲比左錢！最後幾蚊廢事煩～算數！

Unpretentiously good and messy, this is the burger joint for anyone who craves a good patty or just looking to try the flavour of Hong Kong in a bun.You can smell the mix of homemade patty juices, grilled onions and baked bread from the moment you enter. This isn't any big or grand establishment, instead look out for modest canteen chairs and benches parked right next to the grill/kitchen counter. If you are inclined towards weathered diners with an unostentatious street feel, this will be up yo

漢堡芝士蛋包 ($21)身為包迷既我都想食哂全世界既漢堡包🍔👅去時新朝聖是理所當然的事💁🏻果然名不虛傳，面包好軟熟，充滿芝麻香👃🏻塊漢堡都幾新鮮，仲有洋蔥粒係裡面好香，而且食落juicy ，唔會乾曾曾。配埋蛋同芝士同沙律汁好夾，簡簡單單，已經好好味👍🏻😆

今晚去睇演唱會，終於可以試到想食幾年既佢，好開心呀bb肯帶我黎食唔洗等位就有得入，正呀。。。。雙層漢堡芝士旦包23第一次來朝聖，要了黑椒汁，牛肉又正斗，旦又不干，包好香軟，兩個人食到超感動呀。回鍋肉面餐35肉好多，足料又多荀，好難難食。加2凍奶茶茶味好香濃，港式味道，呢度做到。食後感：好正囉，好食過triple x 一萬倍，果然係真牛肉，屬於香港人既包，無黎錯，有下次。P.S.卡位台太高，食得不爽。最後轉了面壁的就好好多。