時新快餐店 (Closed) View

昨晚我們看左東張西望節目介紹不同地區的“港式漢堡包”😄，剛巧今日男友放假，今日又天氣好好，冇下雨，我們二人今日又同一時間話突然想食港式手打漢堡，所以我們去左一間係紅磡勁有名氣的手打漢堡包店“時新快餐店”食午餐😛😛😛，我叫左雙層芝士蛋牛肉漢堡包、老公食雙層芝士牛肉漢堡包，我們又叫了一份波浪炸粗薯條(熱辣辣又勁脆)及2罐凍可樂😋😋😋，這店的漢堡扒可以選擇牛肉或豬肉，全人手打，塊扒入面除了免治肉，仲加左甜洋蔥及青椒碎mix，入面好軟好juicy，牛肉味好濃😍，個沙津汁都係自家製，有碎青紅椒、洋蔥、菠蘿汁及鍊奶mix，稀杰適中，不會食到全手流汁，個汁甜甜地好惹味😙😙，面包有烤過的，記得食二塊牛肉扒才夠喉的😄，下一次我們會試埋他們的招牌炸雞脾，原來港式手打牛肉扒真是好食過西式快餐店的漢堡扒好多架👍👍👍！

成日經過時新快餐廳都好想試佢地d漢堡包，今日終於買左個芝士蛋漢堡同炸薯條好好品嚐😋芝士蛋漢堡唔錯，而且食落唔會太乾身，牛肉漢堡配沙律汁好夾，再加上香濃的芝士同蛋襯托，令成個漢堡平凡得黎又食得出一種幸福的感覺😃炸薯條係扭紋果隻，好香又好脆，而且感覺唔油膩，食落好野味，應該係學生哥至愛👍🏻另外其他食客有點左炸雞脾，賣想OK 而且都幾香，好吸引但食唔到咁多野，一於下次再試😁幾十蚊食個懷舊地道風味的漢堡餐，算係唔錯啦😋

最中意漢堡包 有蛋 有芝士 配特色沙津醬💓魚柳包都好好味 魚柳同漢堡 煎得鬆軟有肉汁炸雞比同滷水雞比都ok 😆特別在於所有野都即叫即整 香港品味👻 環境唔算好舒服 自己同街坊都係外賣多😆

平時食m記漢堡包🍔就食得多 但foodpigss🐷🐷偶然都想懷舊下😂 所以食呢個＜雙層漢堡芝士蛋包＞就啱曬！👇🏻👇🏻👇🏻👇🏻👇🏻其實🐷🐷已經唔係第一次食呢間港式快餐店 雖然佢嘅樓面都幾舊又窄 但🐷🐷都覺得係值得去的💕 事關店面帶點懷舊feel🍔又惹味😝 佢嘅汁係自製的 簡直係成個包嘅精髓👍仲有喺兩塊都幾厚嘅漢堡扒中間又夾住一塊煎蛋🍳 食果陣仲係熱勒勒😍 口感一流😋 真係物超所值😗

搬咗之後就無再嚟時新，漢堡包依然沒有失色。不過一個單層漢堡包完全滿足唔到我。我叫了一個單層漢堡，再後加雙層蛋漢堡，太誇張了，不過又真係好好味。不過原來加蛋反而突出唔到漢堡既味道。其實我見炸雞肶都好正，不過真係食唔落啦

住在紅磡這些年還一直沒機會到訪這間聞名已久的漢堡店趁今天跟老公都放閒日沒假日那麼擁擠就專程到這間漢堡店嘆個下午茶一進店就像坐上時光機一樣黃色的椅子，長長的枱像極了小時候假日爸媽帶我吃薯條的快餐店一樣真的是時光匆匆，還是趕緊食東西好了😂先叫了一個雙層芝士漢堡配上沙律汁（這間店的汁是可以選的）面包烘的鬆軟，漢堡內有洋蔥咬下去是爆肉汁的很純粹，很手工的味道老公生平最討厭洋蔥，唯有叫了碗面陪我紅豆沙很好喝2人盛惠$70元正滿滿小時候幸福的味道

其實早就聽過「時新」呢個大名，但因為地點唔太就腳，所以一直都無去試。今晚因為要去睇🖐🏻演唱會既原因，妹妹就提意去食漢堡包啦🍔去到未夠7點，所以仲有位坐✌🏻。堂食座位唔太多，大約都坐到二十人左右。話明快餐店，大家係食完即閃⚡️ 妹妹點左個芝士蛋漢堡🍔雖然個包睇落好細個，但其實都唔可以一啖放入口。地道港式漢堡做法，味道可以，不過感覺有少少鬆散。如果可以搓實少少，口感會更好。由於全日只係食左一個小麵包，所以超級肚餓既我點左個雙層漢堡芝士包，睇都睇得出好有份量，雖然無左隻🍳，但仍然好juicy💦.驚死唔夠飽，再點多一份炸薯條🍟粗粗的波浪薯條，上面沈左d似調制過既鹽，幾好味，可借既係唔夠熱，有點兒失色😕💢茄汁控🍅既朋友要注意，就係一份薯條只會跟兩包茄汁，額外的要收費喔☝🏻.本來見到隔離隻炸雞胣肶🍗好吸引想叫黎試下，但原來食完個包同薯條都已經幾飽下，加上之後仲要勁歌熱舞👯👯，太飽不適宜🤣，咁就留番下次再黎試啦🔙以呢個價錢和食物質素，唔怪得平時要大排長龍啦✨ .

食左個雙層芝士蛋漢堡包＋炸薯條＋凍奶茶，盛惠$59。好一般，普通炸薯條，凍奶茶偏淡味，個包個醬係Ok的，沙律醬𥚃面有洋蔥粒，包鬆軟，至於果舊漢堡肉唔知佢比左豬定牛我，食唔出，唔知醃得耐定點？好淋好淋啊唔好食！

聽聞時新快餐店嘅芝士漢堡飽好好味，於是趁今日放假就走去食。餐廳地方細細，但連遊客都專登走去食，果然好出名！兩個人叫左芝士漢堡飽、薯條、炸雞脾，漢堡飽嘅牛肉好Juicy,裡面仲有洋蔥所以好香！芝士漢堡飽套餐 $28薯條果然扭扭嘅夠經典又好味，簡簡單單加上鹽，一個人都食到成碟！薯條 $18炸雞脾都係原隻上最好味，新鮮炸嘅唔駛講，皮香肉滑，食多隻都仲可以！炸雞脾 $19依家地鐵開通左何文田站，行過去唔駛五分鐘，放假去食下都唔錯。

Went to this famous local burger "fast food" restaurant. Got a burger and some fries. It didn't disappoint. This beef burger with egg for only $21 is as good as it gets. The salad sauce created a nice mixture of sweetness, along with the slightly salty beef and the egg. For this price, I can't think of many better food. If only they could make the burger even bigger...!As for the $19 fries, although it wasn't anything special, it was still the good, typical French fries that you would normally e

今日係poly考完試 就諗住試下好出名既時新 路程唔算遠 但都要搵路同行十五分鐘到 去到見到間鋪細細間間咁 入到去好有懷舊感覺 即刻點左招牌 雙層芝士漢堡包同埋炸雞腿 等左十分鐘到 個包勁juicy 又熱又軟 香噴噴 個雞腿反而失望 比較多油同埋好乾 冇咩汁 我個朋友點左薯條 都一般 冇咩特別 另外點左個牛扒飯同牛扒包 塊牛都幾juicy 幾香 個人推薦點包好啲 19$一個薯條唔抵 但包係值得一試

香港主要八間受政治資助的大學，各位認為哪間大學附近最多隱世或知名食店呢？我覺得不會是科大、嶺大或教大，反而理大鄰近尖東紅磡，總有大量有潛力的餐廳食店等着他們去光顧，總比大學飯堂的黑汁白汁頹飯好味吧？當然，我又不是八大出身的畢業生，我何來有資格親自評定，哪家大學有最多美食食店？況且一眾大學生要吃頹飯，不一定全是他們的問題，大學校園的選址，和附近配套都起了決定性的作用。還是不要只顧着評論人家大學的私事了，今次我倒是想評評紅磡香港理工大學，附近的一間著名快餐店「時新快餐店」。「時新快餐店」是紅磡區之中，最接近理大的一間快餐食店，勢必是一眾理大學生開飯的理想熱點。「時新快餐店」受理大學生的歡迎，不單純粹因為食店位置，極度接近理大的範圍，亦因為他們有其著名的代表菜式，吸引了一眾理大學生垂青，和每日光臨用膳，令「時新」成為最受「理大」學生歡迎的快餐店。「時新快餐店」的樓面裝修，跟何文田愛民廣場的「天X快餐」很相似，一樣是比較懷舊的經典風格格局。檯櫈用到現在，還沒有被食店更換或翻新，一看到「時新」古早味的檯櫈，不禁令我懷念，已經結業換主的西貢「利口褔」。和「天X快餐」情況相同，「時新快餐店」的傳統經

Since i am in hong kong, i might as well try this famous local burger.The burger joint certainly has this nostalgic vintage feel to it with red seats etc.The basic beef burger was quite small like those school burgers with a small thin patty.It didn't really give me that wow factor because the sauce was strange.Perhaps I would have liked it more with tomato ketchup and mustard.

去開紅磡，必定要去時新快餐店潮聖。鄰近紅磡港鐵站，走過天橋，橋底便是時新快餐店，非常容易找。店鋪地方不大，幸好，中午人潮未開始，買完餐還有空位堂食。坐下不用等太久，便可取餐了。是次點了，時新漢堡包，加了蛋，及時新秘製沙律醬。包的賣相非常傳統，包放在橙色碟上，另加一張牛油紙。包皮十分軟，漢堡肉很嫩，與沙律醬十分夾。雖然只有沙律醬，但食起來一點都不乾，而是十分juicy 。沙嗲牛肉通方面，沙嗲湯底如所想一樣，是傳統的味道，只是牛肉不夠軟。雖然，肉量不多，但整體通粉份量都足夠。同行的朋友點了炸雞腿及薯條。雞腿同薯條都炸得合宜，不會太過肥膩。大家有機會都可支持港式懷舊味道！

雙層漢堡芝士蛋包 $24 @ 時新快餐店好多人都知道紅磡既時新快餐店😜，今次都係試下佢地既招牌漢堡🍔。漢堡扒不算厚，但新鮮製肉汁頗多，而且牛味幾重，加入洋蔥更👍，加上半溶芝士🧀同蛋🍳（今次蛋有點過熟喔），一啖咬落去口感更豐富，配合酸酸甜甜既秘製沙律醬，簡單的滋味。