Video
Introduction
Genuine Southeast Asia cuisine restaurant which had three branch in Hong Kong. Their recommended specialty is Curry Soft Crab bread.
continue reading
Opening Hours
Today
11:30 - 23:00
Mon - Sun
11:30 - 23:00
*Last order time: 22:30
Above information is for reference only. Please check details with the restaurant.
Recommended Dishes
-
越式燒春雞釀香茅黃飯
-
燒豬頸肉
-
香芒軟殼蟹米紙卷
-
巴東牛展
-
燒西冷牛扒+26
喺灣仔利東街附近，發現一間裝修幾靚，坐得幾舒服嘅泰國餐廳，雖然小貴，但食物份量算大，同埋我地唔算食得辣，都好多選擇，所以好值得。睇下餐牌先舖頭環境泰式柚子蝦沙律$118柚子用左泰國金柚，非常多汁爽口，仲落左大蝦同魷魚，醬汁方面有椰糖香味，就算走辣都好夠味。香芒軟殼蟹米紙卷 $98芒果同炸脆嘅軟殼蟹，配生菜同紅蘿蔔，點酸魚露，好食，但俾頭先好突出嘅沙律搶曬flow 。越式燒春雞釀香茅黃飯 $228一般喺街食燒春雞，皮脆唔難做到，但好多間就算雞髀，啲肉都可以好鞋。呢度做到嫩滑多汁，所以裡面用香茅同黃薑粉炒香嘅飯好好用，本身乾身，但又可以吸收雞汁，一物多用更正。隔離伴碟嘅菜絲沙律，原來又有特別嘅，有一般沙律嘅酸甜，苜蓿芽同紅蘿蔔絲上面加左花生碎即刻惹味左好多，但繼續可以解膩。侍應哥哥仲話呢款沙律無得散叫啊！泰式凍奶茶$48味道香甜，奶香夠滑，都可以龍眼冰$55好多龍眼沖嘅，清甜，不過感覺有另外加多左糖。雖然要增加穩定性，但可以落少啲。芒果雪糕配糯米飯$68店員推介呢個甜品，原來上枱用椰青裝住咁精緻。裡面有芒果雪糕、芒果肉、椰青肉，同埋主角，暖暖地又有椰子香味嘅糯米飯，糯米飯唔係太硬，仲做到冰火效果，非常出色。小計$615服務費$61.5總金額$676新泰東南亞餐廳 (灣仔)灣仔大王東街21-23號興旺閣地舖至2樓電話: 23273938
continue reading
呢間舖頭喺灣仔開到好夜 好適合放工人士去平日去到都有班人喺度飲酒 喜慶氣氛都幾好先叫咗一個咖喱大蝦我自己幾鍾意食泰國嘅咖喱，因為通常都會比較鮮甜，而且有啲蛋絲喺度再加埋啲蔬菜配合蒜蓉包就一流果然不出我所料咖喱有豐富嘅椰汁味道👅 真係幾香 而且口感係比較厚身 大蝦處理過 都幾鮮甜 就咁已經食到 唔需要剝殼蒜蓉包總共有四塊 都幾厚豐富嘅蒜蓉跟住嗌咗個火山排骨個火山排骨嘅排骨真係幾多分量非常之林 啖啖肉啲湯底有菠蘿嘅鮮味 大家都飲咗好多啖熱辣辣好舒服最後叫多個三色冰入邊啲啫喱幾得意
continue reading
新泰東南亞餐廳今日同朋友去灣仔行街食晚飯，去完利東街打卡後，朋友話附近有間好吃嘅泰國餐廳，這間餐廳叫新泰東南亞餐廳，位於灣仔大王東街21-23號興旺閣地舖至2樓，港鐵灣仔站B2出口行幾分鐘便到，非常方便。這間泰國餐廳原來係有三層高，餐廳外招牌好光亮，令人一眼就見到，有三層高真係好適合一大班朋友聚會嘅地方，餐廳內環境非常寬敞，裝修都好有泰國風格，好靚又新淨，好似去咗泰國食晚餐，樓梯及牆上都罷放咗好多東南亞的擺設作為裝飾， 好有特色，好適合俾客人打卡，每張枱都好濶落，令人坐得舒服，尤其是梳化位更有咕𠱸坐得闊絡舒適。這間餐廳嘅員工有好嘅服務，門口就有員工安排客人去上那層樓吃餐。這間泰國餐廳嘅食物款式都不少，有沙律、小食、湯、燒烤、咖喱、肉類、菜類、海鮮、飯麵類、甜品、果汁及飲品，真係樣樣都想選擇來吃，但我哋看見隔離枱啲食物份量亦不少，所以我哋先選沙律、小食、麵類，食唔夠就再叫。泰式沙律嘅款式都唔少，有成十幾個款式，我哋就點咗燒豬頸肉沙律，燒豬頸肉份量都多，有成十幾塊，燒嘅時間啱啱好，肉質爽彈，令到豬頸肉咬落去非常有口感，油脂分布平均，一啲都唔乾，點埋個惹味嘅泰式醬汁及伴埋個生菜一齊食，非常之惹味，不過就有啲辣，不是太辣小小辣啫。跟住就叫小食香芒軟殼蟹米紙卷，芒果同炸脆嘅軟殼蟹，夾住生菜同紅蘿蔔，連埋塊有啲煙韌嘅米紙卷，點埋酸魚露，真係好好食。芒果夠鮮甜，軟殼蟹夠脆，生菜同蘿蔔夠爽，真係唔錯米紙卷。飯麵類就叫咗海鮮濕炒河粉，份量大亦非常足料，海鮮有大蝦、魷魚、青口，份量不少，樣樣海鮮都新鮮爽口，好有味道，蔬菜就有好多款唔同種類嘅蔬菜，有菜心苗、椰菜花、西蘭花、椰菜、紅蘿蔔、粟米條、草菇，而河粉非常爽口，所有足料加上配對濃味多汁嘅芡汁，就非常滋味。我哋食完之後都覺得飽，但未到好飽，最後都要叫埋個甜品食，叫咗芒果雪糕配糯米飯，這個甜品裡面有芒果雪糕、芒果肉、椰青肉，同埋有椰子香味嘅暖暖糯米飯，糯米飯不硬，仲好配合同芒果雪糕、芒果肉、椰青肉一齊食，非常出色。這個泰國餐廳真係好值得推薦俾大家，食得好滋味，好抵食，價錢又大眾化，我哋下次都會再嚟試埋其他食品，尤其是燒烤、咖喱嘅食物。
continue reading
今日去灣仔做完嘢，臨時搵個朋友去食飯。 知道佢係一個識食之人， 帶咗我去間食東南亞菜嘅餐廳食好野！喺門口見到，店舖設計都幾有特色， 真係好似去咗旅行咁。 入到去見到座無虛席幾驚冇位好在佢地地方都大，店員安排咗樓上一樓坐位俾我哋。原來呢間係由泰籍廚師處理。職員服務態度都好好， 推介咗啲特色嘅嘢畀我哋。一打開個menu 睇啲食物相，就畀泰式生蝦深深吸引住😍！ 依家都唔係好多餐廳有泰式生蝦食。🌟泰式生蝦 $118生蝦新鮮爽口， 隻隻蝦都係大隻肥嘟嘟嘅！點埋佢哋個醬汁一齊食好好味！🌟香芒軟殼蟹米紙卷 $98個米紙皮好滑又唔會好韌咬唔到個d感覺， 個軟殼蟹都好脆口。🌟燒豬頸肉$98個豬頸肉燒到脆邊香口。🌟巴東牛展另配印度酥餅$118＋$42呢個巴東牛展個汁好正，牛展炆得好淋。 我哋仲點咗印度酥餅， 點落啲汁到一齊食真係超好食！其實啲甜品都好吸引， 因為我哋點得太多肉嘅關係, 已經好full下次嚟一定要試下啲甜品!
continue reading
灣仔呢個排骨山真係好巨型同埋好豪邁✋🏼首先個排骨係用鐵盤上 下低一直用火燒住上邊淋上火水 轉個頭就燃點起🔥有火花好過癮呀☄️排骨嘅份量真係好多 最重要係因為下低有啲湯浸住 所以排骨全部都好腍甜 🐷🐽啖啖肉 同平時嗰啲燒排骨比較 我更加鍾意食呢個款式🤪啲湯淡淡菠蘿味道 我唔覺意都飲咗好多啖🤣我哋嗌咗小辣所以就避開咗泰國原有嘅超辣風味😉好適合我哋享用另外去到泰國舖頭又點可以唔食蒜蓉包🥖最鍾意就係用蒜蓉包點咖喱食💛今次我哋叫咗咖喱蝦🦐咖喱充滿海鮮嘅鮮味 係甜甜地有啲蛋絲蝦就係已經去咗殼嘅 所以食用非常簡單最後嗌多杯三色冰❄️
continue reading