鴻星中菜 (Closed)

成日話人蛋散，今日鴻星飲茶.見到隔離檯食.口痕痕.我都要點.4條king size.粉係偏鬆散，唔係脆身.面頭加蜜糖.甜品口感.同想像中有小小差別.一份四個人都夠食.

今晚同媽媽補食母親節晚餐，因為唔係正日，所以呢個醉翁蝦餐有8折，算係幾抵食！鴻星不嬲份量唔多，對女士嚟講係啱啱好，但男士可能會覺得唔夠食。但食物質素都幾高，一見到餐牌有呢個醉翁蝦已經好想試，果然冇令人失望！個花膠湯雖然唔算好特別，但都算係煮出一貫水準; 鮑魚都唔錯，但唔係好焾，老人家就要切細粒啲先𡁻到; 個麵睇樣好似麻麻地，但食落原來又幾好食！酒樓人唔多所以服務都還可以嘅，8折後288蚊一位，算係值得推介！

原來閒日黎呢度, 係有抵食COMBO 家~估唔到鴻星都有呢D~一睇個COMBO A, 唔洗諗就係你喇~ 片皮鴨~338 有3款野..先黎個片皮鴨, 伙計係另一邊片好上菜~ 連同2籠閏餅, 一齊送上黎~ D 閨餅侍一片都有點心油紙隔開~咁就唔怕羅一片時會撕當哂痴住個D~個湯係杏汁豬肺湯, 正常我就唔會叫呢個湯GA LA~ 唔LIKE 杏汁, 不過呢個都唔算難入口~好甜好潤~最後有個上湯焗蝦E麵~ 3個人食岩岩好~不過我地好掛住上年食既炸蟹鉗, 所以我地又追加多3只炸蟹鉗.可惜今次食已大不如前, 一黎個樣已唔同左, 上次大大只, 多D 蟹味~今次就失色左D~~~~有待改進~

同三五知己一齊品嚐期待已久嘅大閘蟹宴，為免麻煩所以選擇出去食，順便試埋其他菜色! 鴻星大閘蟹主題宴主要有兩款Menu，我哋選擇咗貴少少嗰款，因為菜色比較吸引! 首先上嘅係素鵝拼叉燒，素鵝脆口，叉燒很甜好惹味!跟住係蟹粉湯包，一人一個，好味!兩道前菜後，主角終於出場，每人有三隻大閘蟹，兩皇一后，出場次序係「皇、后、皇」，侍應會見到你差唔多食完先上第二隻! 大閘蟹雖然唔係好大隻，但都算多膏，加埋醋真係絕配，超好味! 食大閘蟹當然唔少得飲花彫酒，一人一小杯，唔夠喉可以再點，一杯$15，半斤$120，一斤$190，我哋叫多咗半斤，因為一杯實在唔夠喉~品嚐完美味嘅蟹，手有點攰，要補充體力，食返個臘味飯、中蝦同羹，臘味飯好入味好軟，正! 個羹就無乜特別，ok 啦！中蝦好鮮甜，但完全食唔到椰香味~最後係甜品紅棗糕，可能已經食到飽飽，感覺ok 啦…如果加埋薑汁可能好味d!

親戚最近遠道而嚟，帶咗佢哋去飲鴻星！因為有一個小朋友，而我知鴻星妹多卡通食物，我當然唔可以錯過帶佢嚟食，相信佢會勁開心！奶黃包又有煎豬又有熊仔哄得佢勁開心，平時唔點食嘢今日食勁多！問佢呢到飲茶妹飲啲定平時個到佢話呢到😂😂😂其實味道我唔覺勁好，一般啦，但價錢係貴啲。但如果係哄小朋友開心絕對值得！見佢平日有飯食，$12其實好抵，但假日就無了😟仲有個麻雀椰汁糕雖然賣相ok，但好淡味，for老人家係唔錯🙈

星期日下午帶女友陪屋企人飲茶，飲茶都係大路嘢，果日餐茶真係好麻麻，蝦餃皮爛，燒賣皮爛，味道一般.但女友介紹左個無敵好味蜜糖雞易.不得了.簡直係驚人發現.咁大個仔未試過咁好味既雞易.外層好脆好乾身.熱辣辣新鮮炸好有層薄薄既蜜糖衣，應該係用左麥芽糖.好脆又有小小既南乳味.唔知道係味準確.不過真係好驚艷.入面d肉仲係好滑.不得了.誠意推介蜜糖雞易.咩咩土匪雞易行埋一邊

趁有時間，同媽咪、阿姨喺牛頭角打完一場中午羽毛球，梳洗之後，就諗住搵地方飲個下午茶！我哋向九龍灣方向行咗2丶3個街口，就到咗淘大商場。因為阿姨住附近，佢就推介去鴻星飲下午茶。其實連鎖的酒樓質素，間間店都差唔多，不過阿姨就話呢間酒樓開咗好耐吓（唔奇吖)，但佢鐘意嚟呢度ge原因除左抵食，就係開咁耐，佢哋D員工都無乜點變(阿姨講ga)，咁代表呢度ge員工應該做得幾開心，其實呢樣對餐飲服務業係好重要！有好多公司為求自己賺多D，就壓榨員工，又或者唔太明＂人＂對公司，尤其服務業何其重要，試想員工做得唔開心，又如何expect 佢地待客誠懇，提供優質服務？又真係俾我等位果陣見到實例，酒樓係二樓，有個行動不便的婆婆要走，佢屋企人準備輪椅之際，員工細心咁拉張櫈俾阿婆坐住等，又叫佢唔好心急，係準備下午茶入座忙碌之際，小小事其實都睇到佢哋ge細心服務！好，講返野食，望返下午茶的紙仔，優惠精選推介的點心小食選擇唔係話好多(當然你可以剔平時點心紙），但我都揀咗幾款算比較特別ge小食平時火鍋食ge福袋會預佢入面有一件白年糕，但呢度入面係蔬菜，加埋個湯清清哋，反而覺得好健康講抵食ge話，佢ge迷你牛肉篜煲仔飯只係要

今晚同老婆岀去食晚飯，平時好少去呢間食晚飯，多數都係飲茶多，一於試下晚飯鴨好食，食落去唔肥，而目好軟身，如果份量多少少就十分完美炸野好香口，不過今日喉嚨痛，我就無得食呢碟野啦呢個好健康吖，蔬菜種類有幾款，淡淡地唔錯

星期日中午同母親大人飲茶，9 龍灣其實選擇不多，淘大算較易搵食 ，不過都要等位 。 1 行 4 人，叫了 2 個孖寶餐 ， 分別有香茜皮蛋魚滑湯米線 + 薑汁炒芥蘭 ，皮蛋瘦肉粥 + 瑤柱咸肉糉，另外叫咗 3 個點心 ：青椒茄子 ， 蟲草花腐皮卷 ， 香芋蕃薯丸 ……都算係甜品 。如果不是大胃口 ， 已足夠有餘 。 講真，鴻星質素唔會太差，全部味道都合格 ， 但點心選擇款式不是太多 。如果想搵特色啲食品， 呢間不會是選擇 ，另外一提，就是淘大呢間，如果太遲入座，想開 2 種不同茶，一定滿足唔到，因為茶壺 5 夠…… 都幾攪笑

母親節正日真係好好賺, 平時淘大D 餐廳去到6:45先爆~今日6點黎到已奶左野.............真係好隆重其事呀! 我地太HEA 了~~度度都冇位.FULL 哂..咁我地就唯有揀黎呢度啦.. 我一年只會係黎食大閘蟹餐, 其他日子都好少黎~價錢都唔係好貴~我地叫左個COMBO金蒜茄子蒸大老虎斑頭腩 +脆皮黃油雞(半只) $298呢個SET 又幾抵~ 呢2味就真係唔係我STYLE GA LA~不過爺爺岩食嘛~~~~ 個魚份量好多.我地係食唔哂既.要打包~每件魚係有茄子墊底既~西蘭花炒帶子. $188喂!!!!!!呢碟野一上黎, 我覺得好對 得住呢個價!!!!! 帶子多過菜.好勁!!!!重要大大粒~係入哂味既.唔係冇味帶子黎!!! 正呀呢個!!香辣豉椒牛柳粒$108呢個就濃味左少少~~~但都OK 好食既~普普通通都唔出事既菜~本身我地係叫左呢度.然後見到隔離大圍台D SET 上左個炸蟹鉗!!我地見到好大只好吸引!!就問下姐姐有冇得散叫喇~~係有既!!!好似係$38 一只~最少叫2只~咁我地就梗係叫人頭啦~WOW WOW~~~ 熱辣辣~~~~真係好大只..啖啖肉呀!!!係好味既~~~兩

提前慶祝母親節，去左淘大間鴻星食飯。1-4都平小小，唔叫平，應該係無加價。有個母親節餐，睇d送名好奇怪，唔想集體12人中伏。嗌左個鴻運12人餐，起碼上年食過唔會瀨野.上菜都好快，頭盤乳豬，但係得d皮 好少肉， 燶左dd，皮都幾脆。跟住龍蝦依麵就上lu。波斯頓龍，無咩肉咬，個汁略嫌傑左D。味都都算可以，但係龍蝦肉少左D。講講煲鮑魚，賣相幾好，但鮑魚仔有d舊舊地既味，其實間間酒樓既都差唔多。不過d冬菇就好出色，全部味道比距索曬，而且好厚身。條班都算OK，無過火，夠曬大條。碗翅，只雞都幾滿意。合格味，對得住鴻星個名。埋單加一3300，都算正常價。淘大尼邊 我覺得鴻星係最好既選擇。隔離幾間真係唔咁試，無畏貪平果幾百，親戚聚會集體12人中伏。

教友聚會 , 聚會地點就在 九龍灣 - 淘大商場 的 鴻星海鮮酒家 ~叉燒 & 燒腩仔肉 : 叉燒肉質鬆軟味道甜蜜 , 邊位略有焦香 , 品質在中規中矩之上 , 略嫌肉質偏瘦未夠肥美 ; 燒肉皮脆肉嫩 , 看得出是五層肉 , 味道豐腴鹹香 ~ 脆炸黃金磚 : 黃金磚即是炸豆腐也 , 豆腐炸得金黃色 , 粒粒炸得脆口內嫩 , 口感一流 ~ 醬皇脆皮雞 : 真的烹調得皮脆肉嫩 , 而且最重要就是雞肉是熟透 , 因為吃 pink chicken 是不健康的 , 味道很好 ~  清蒸海石斑 : 味道正正常常 , 中規中矩 , 魚肉都算嫩滑鮮味 ~ 上湯焗中蝦伊麵 : 伊麵焗得爽彈 , 中蝦都算新鮮 , 蝦有蝦味 , 只是湯汁稀了一點 ~本篇完 ~

同男朋友一齊睇波食咩小食送啤酒好！！鴻星海鮮洒家有售嘅經典中嘅經典小食~脆脆銀魚花生係必選之一！！吓！！小食都有五種味道任我選！！原味,紫菜味, 番茄味，咖喱味同芥末味！！緊有一款啱你口味！！今次男朋友揀左原味, 紫茶味同芥末味！！佢話紫菜味最正！！我就最鍾情於芥末味！！可能係我比較鍾意食濃味D！！辣嘅嘢！！銀魚加花生嘅配搭真係最佳拍檔！！缺一不可！！兩樣都很脆口！！食完幾包都好似吾夠喉咁！！可能下次要一次過食齊五款！！哈哈！！

恭喜發財!!!新年快樂!!!新年又係開動個胃既大好時機啦!!!由於年30晚先整完勁野，屋企人想休息下過返過懶年🙊於是開年揀左外賣盆菜不過都要勞煩爸爸去拎嘩嘩嘩!!!好多野6人盆菜around千3蚊，好足料!!! 有乾鮑，海參，🐷手，蠔豉，冬菇，🐷皮等等...好入味仲要俾埋個煲你😒加多2百就多1斤燒肉，1罐鮑魚，1盒生炒糯米，芋絲同蘿蔔套餐既罐頭鮑魚都有成8隻，單買都成3百蚊，所以都抵生炒糯米又唔會太硬太諗，岩岩好芋絲同蘿蔔又索曬盆菜d味燒肉就太飽試唔到唯一不足就係蠔豉唔過心，都係媽咪整既蠔豉好味d

今日星期五， 約咗一班同事上酒樓飲茶食飯。 上酒樓飲茶， 是香港人文化之一。上一代人，喜歡享受一盅兩件， 現在年輕人比較喜歡去外國餐廳進餐。 office同事多， 集齊人馬約6至8人的話，也喜歡上酒樓， 一來可以訂枱啦! 還有， 不用被伙記圍住枱， 趕著要你埋單走人嘛! 酒樓每日有套餐， 選了星期五午餐， 上湯米粉加脆皮黃油雞; 粉麵孖寶有鮮茄浸白菜仔加沙爹肥牛炒烏冬。同事一起去飲茶，你一句我一句， 絕對不別人投訴過吵，就是這熱情熱鬧的情懷，伙記細心又有禮貌。酒樓樓頂高沒有樑柱，裝修華麗，來延開酒席，也很不錯呢! 合適酒樓已經買少見少。