鮨匠

Open Now

Now Closed

嚟過幾次食飯，一次差過一次！今次嬲到要寫評語! 呢度全部侍應都無禮貌，粗聲粗氣，次次去都聽到佢地整跌啲碗碟落地，總之成個環境好嘈！呢次仲要反問我佢手上啲食物係唔係我叫嘅! 明明啲order喺你度，個客又點知你攞住嗰啲嘢係唔係自己落嘅order呀！到發現原來你手上嗰碗嘢唔係我嘅，仲要寸個客唔知你攞住嗰碗嘢係咩，有無攪錯？到我食完個餐，同個侍應講仲有樣嘢未到，佢竟然大大聲同我講「唔可以催單㗎！我催廚房，會俾人鬧㗎！」幾咁霸氣! 吹漲! 到去收銀處俾錢嗰陣，個收銀阿姐喺度同另一個職員一路講嘢一路講粗口，然後好悔氣咁同我講「嗱! 多謝! 」! 好懷疑自己究竟係入咗間日本餐廳，定係譚仔.... 講真，譚仔啲阿姐仲有禮貌過佢地好多囉！

已經嚟食過唔止一次，其實食物性價比係高，以呢個價錢有呢個食物質素，真係無得投訴。一直都無試過佢哋嘅鍋物🥘見140幾蚊一個，仲諗住係一人一鍋嗰種，但個鍋嚟到，我同朋友都嚇親，嘩咁大個嘅，真係2個人食都得，最後我真係要share先食得晒，如果唔夠可以再加配料，都唔貴。不過我同意，入面嘅員工笑容係爭啲，第一二次去食佢哋都係無表情㗎，我仲諗咩事呀，不過因為抵，我返咗去食咗幾次就同佢哋熟咗啲，感覺會好好多😂

接待唔清唔楚，根本人手不足，counter要做埋樓面，其他員工見到門口排哂隊都唔出嚟，喺門口等超過5分鐘先有人問幾多位，又冇自助攞飛，其他人問仲要等幾耐答人唔知，答人哋仲要等多幾多張飛好難？帶位態度極差，指住張枱叫客人自己過去，呼呼喝喝，要問先有QR code同餐牌，仲要大力拍落張枱到打到我收呢個價錢畀啲咁嘅質素出嚟，淨係理食物質素，服務質素就可以咁離譜？日本餐廳做出茶餐廳服務質素，我孤陋寡聞真係第一次見，厲害

去完南Y島坐船出香港仔，整個香港仔中心都是大路連鎖店，未試過這間鮨匠，比宣傳照的刺身吸引，進去一試。叫了厚切牛脷飯，特價60多元，牛脷塗上燒汁，味道算ok。但老公叫的鮨匠豚肉拉麵，湯底如滾水，形容不了是甚麼湯底，相當難食。另外叫了燒三文魚骨腩及炸墨魚咀，2樣都食不出食材的原有味道。這餐廳只可一試！

呢間嘢未執之前都已經食過，今時今日食到今質素都算係咁，炸物種類多，食物質素出色，環境優美，座位舒適，唯獨係員工服務態度差勁，招呼客人已經鞋口鞋面，完全冇態度可言 ，叫佢倒到杯茶，好似要攞咗佢條命咁，餐具都是油油的，啲枱又唔執，張張都係空枱，但全部都係留座？員工圍埋喺度傾偈多過做嘢，唔講仲以為啲二打六係老細，今時今日咁既經濟條件下都請到這些好食懶做的二打六，真係替個老細可憐，服務質素反映食物質素！唔怪得長期拍烏蠅，祝個老闆好運，希望唔會第二次執笠😆

$406/2人真係好難食 無服務可言態度差 口頭禪係黎緊黎緊為左食到鍾意既壽司我哋放棄咗晚餐定食以為Menu入邊嘅相影得好靚，會有一定質素但係真係完全唔係嗰回事雖然唔排除係因為日本內科嘅緣故但係海鮮的質素（尤其是係呢個價位）真係完全不能接受！吞拿魚係西瓜質感海膽同爭鮮同級三文魚極度薄豉油都可以唔好味根本就係攞爭鮮質素嘅貨嚟俾人食但係收你$30至$50兩件總之呢個價錢真係唔值唔怪得知全場都食佢嗰個$128嘅牛肉鍋元氣都要等半個鐘呢間野有位自己想像點解！🫰🏻

今日同同事去開香港仔training，放lunch時係openrice搵到呢間日式餐廳，就同同事去試下佢喇😋🍚鮨匠牛丼（$78）牛丼飯啲牛肉肥瘦分佈好平均，唔會話有某幾塊全塊都係肥肉，而丼飯都有啲煮到好淋，索晒牛肉汁嘅洋蔥同小蘑菇，食落都juicy☺️ 丼飯嘅飯粒都煮得岩岩好，不過就唔係平時食開日式連鎖果種大大粒，粒粒分明嘅飯喇😕🍣櫻花角切井（$118）雜錦魚生飯夠晒豐富😍魚生鋪係飯面鋪到滿晒，滿到一開頭無從下手點食🫣而雜錦魚生分別有飛魚子、三文魚、章魚、吞拿魚、玉子等等，食落好滿足，而且味道都好新鮮👍🏻📍 鮨匠 (香港仔)香港仔香港仔中心四期1樓10號舖

呢度嘅食物都算性價比高，嚟過3次，價錢同食物都合理：🍚櫻花角切丼魚生好新鮮，百零蚊食到真係好抵。🍱鮨匠 六貫定食跟埋湯烏冬、沙律同麵豉湯，先130幾蚊，壽司仲要好食，無嘢講🐟鹽燒三文魚腩骨無錯佢比較少肉食，但一碟4件先22蚊，仲要燒得好香口，我又覺得ok喎🍣芝士飛魚籽軟殼蟹卷我本身好鍾意食呢類卷物，呢度都整得唔錯，唔會軟殼蟹炸到好脆，又唔會有油益味。價錢合理，食物都唔錯，係店員cool少少，但都好推介👍🏼

舖頭門口嘅裝修好有日式風格！嗰啲日式嘅燈籠拼埋一齊好靚！😍😍牛丼定食 啲牛肉好多，然後啲汁都好足夠！下面啲飯唔好好似白飯咁！成碗飯每一粒米都有汁包住😋😋😋飛魚籽炸蝦卷 飛魚籽同炸蝦都好脆！唔會話淋咗，有啲沙律醬撈埋一齊好好食！日式煎餃子餃子煎得好脆而且裏面唔會好乾！配個酸酸地嘅汁勁開胃🤤👍🏻👍🏻特選海鮮丼 海鮮丼有六款刺身，三文魚、油甘魚、甜蝦、北寄貝同埋三文魚籽！啲刺身都好新鮮👍🏻👍🏻😻三文魚子卜卜脆，而且飯嘅份量好大！另外一提，出面仲有日式沙律自助仼食👍🏻有兩款醬汁俾大家揀！

___________🏖店鋪狀況🏖___________ 門口已經有濃濃日式風格的裝修，餐廳光亮廣寬😃座位數量不少，入門會經過壽司bar，可以看到師傅在用心製作壽司，而傍邊竟然有自助沙律吧給客人自製沙律💓員工們親切有禮貌😊抵讚- _____________🍽食物🍽_____________🦑海苔魷魚 $38推介指數 ■■■■□海苔味道濃郁，魷魚大大條，上枱快所以超級新鮮，熱辣辣脆卜卜♨️-🍤飛魚籽炸蝦卷(6pcs) $48推介指數 ■■■■□$48有六大粒，炸蝦雖然包裹在壽司卷內，但層炸衣依然脆口的💯而壽司外層則被滿滿飛魚籽包圍着，大滿足！-🍱炙燒壽司 • 牛肉烏冬定食 $ 138推介指數 ■■■■□套餐包括了主食牛肉烏冬、小食牛肉薯餅跟炙燒壽司4件😊 一次過滿足了🌶📝又想吃烏冬又想吃壽司的願望，正常女仔來說絕對夠飽。怕太多澱粉質?! 記得可以到外面的自助沙律吧添食☺️不用怕纖維不夠-🥘 特盛海鮮鍋 配稻庭烏冬 $128推介指數 ■■■■□朋友點了海鮮鍋，上枱時把我們都嚇傻，太足料了吧💥 有鮮蝦🦐、青口🐚、帶子、魷魚🦑，還有魚豆腐、魚板🍥、蟹柳🦀和冬菇野菜(完完全全跟餐牌的照片一樣🤯)

放工與友人去香港仔搵食，被鮨匠的日式餐廳裝修風格吸引進去店內地方寬敞，環境舒適，長長的走廊掛滿整齊雅致的日式燈籠，加上簡潔的木系傢俬及一排排的日式吊燈，佈置和裝潢都令人恍如置身於日本，打卡影相一流餐牌都頗多選擇，另外有個沙律菜自助吧，可隨意添加；整體而言，食物味道不錯，價錢公道，環境舒適，值得推薦~炭燒餃子雞翼 $32雞翼熱辣辣脹卜卜，外皮炸得很脆很香口，雞肉入口嫩滑多汁，餡料香口好juicy，炭燒的香氣讓味道更豐富更有層次火炙海鮮丼 $158海鮮丼包括了炙燒三文魚、炙燒油甘魚、炙燒北海道帆立貝、炙燒左口魚裙邊、炙燒蟹棒、飛魚子，份量十足，食材新鮮肥美，表面炙燒至焦香，內裡保持海鮮的鮮味，互相結合，口感豐富，大滿足咖喱吉列豚肉丼定食 $78又是份量十足，咖哩帶點辛口，但不會太辣豬扒炸至金黃，肉質鬆軟，入口嫩滑定食附有蜆肉味噌湯，非常鮮甜開胃蔥花吞拿魚蓉手卷 $28吞拿魚蓉由頭包到尾，每一口都有吞拿魚蓉魚蓉質地柔軟，油脂豐富，鮮甜不腥三文魚手卷 $28三文魚大大片，餡料充足，帶有淡淡油脂香，鮮味十足鮨匠📍香港仔香港仔中心四期1樓10號舖

鮨匠出名價錢親民 食物質素又好 自助吧仲提供免費沙律 真系岩曬做飯堂🍣軍艦盛合 $98有海膽 三文魚籽 香蔥吞拿魚蓉 芝士蟹籽 蟹肉蟹膏 一共5件 而且每件都系矜貴食材 真系抵食🤑海膽堆滿曬系軍艦到 好新鮮吞拿魚蓉肥美香口 油脂幾充足蟹肉蟹膏味道濃郁🥢櫻花角切丼 $118賣相幾吸引 色彩繽紛有勁多種類既魚生 例如甜蝦 北寄貝 玉子 希靈魚 吞拿魚 三文魚 章魚 帶子 青瓜 蟹籽 油甘魚一次過滿足曬對咁多刺身既欲望丫🤤🐮厚燒牛舌丼 $68呢個系新推出 有5塊大牛舌用左秘製醬汁去燒 好惹味飯面鋪滿左紫菜碎 送飯一流✌🏼🍄炭燒冬菇串 $33落左啲醬油去燒 所以菇味更突出😋 外面睇落乾身啲但入面仲好juicy 燒得幾出色💭食物味道吾錯 樣樣都好足料 價錢仲可以咁相宜 超級抵讚👏🏼

今晚同家人去香港仔嘅鮨匠日本餐廳食晚餐，環境大又舒適。店內有個自助吧提供免費沙律，沙律菜新鮮好味，可以配胡麻醬或者沙律醬汁味道更佳睇咗陣餐牌就叫咗份 [ 鮨匠豚肉烏冬 $78 ] 豚肉烏冬絕對係必點美食！豚肉鮮嫩口感同烏冬嘅彈牙口感相結合，令每一口都充滿驚喜！搭配上鮮美嘅湯汁，獨特嘅風味另外叫咗份 [ 鮨匠•六貫定食 (配麵豉湯+迷你烏冬+野菜沙律) $138 ] 吞拿魚蓉壽司、芒果三文魚、油甘魚壽司、紋甲魷魚壽司、三文魚腩壽司、黑松露帆立貝壽司，壽司食材全都來自於新鮮嘅刺身，每一款嘅味道都鮮甜肥美，口感十分細膩。一口咬落去，柔軟嘅壽司飯同鮮美嘅刺身係口中結合。吞拿魚蓉壽司肉質滑嫩、芒果三文魚甜甜口感、黑松露帆立貝壽司有著奢華口感，令人回味無窮嘅壽司吧[ 咖哩吉列豚肉丼定食 $78 ] 淋上咖哩醬係勁大塊嘅吉列豚肉上，濃郁嘅咖哩香氣同鬆脆香口豚肉，肉質嫩滑，配埋粒粒分明嘅飯粒，令你感受到細膩嘅口感同豐富嘅層次感。而且定食仲配埋沙律菜及蜆肉麵豉湯，鮮甜好飲小食就叫咗份 [ 炭燒餃子雞亦 $32 ] 一碟有兩隻，燒到金黃色，口感香口，外脆內軟，咬落肉質好juicy，好味道

親民日本菜~位於香港仔中心嘅鮨匠最大嘅賣點應該係佢哋會提供免費自助沙律吧(有少少似牛角放題嗰種)今次我哋叫咗炙燒壽司牛肉烏冬定食同特選牛肉鍋，牛肉烏冬好大份 牛肉油脂好充足。另外仲叫咗兩個特色小食，日式煎餃子(以為得四隻 唔知原來有六隻🤣🤣)，再食埋芝士年糕~飽到不得了😚😚💸💸日式煎餃子(六隻) $36芝士年糕 $28特選牛肉鍋 $128 炙燒壽司牛肉烏冬定食 $138📍鮨匠地址: 香港仔香港仔中心四期1樓10號舖

早兩日約左個好耐無見既朋友食飯，係香港仔中心等佢補完習之後就去左呢間係香港仔中心四期既日本餐廳開餐#特選牛肉鍋-我地揀左壽喜燒湯，牛肉唔錯，有d油花，食落唔會靭，鍋底有菇、椰菜同粉絲，仲送兩個烏冬，兩個人叫一個鍋其實都已經幾夠飽，抵食，如果食完牛肉同菜之後唔夠湯淥烏冬，可以問職員加湯#飛魚籽炸蝦卷-飛魚籽咬落卜卜脆，配新鮮炸好既切件大蝦，簡簡單單咁幾好#鮨匠炸魷魚鬚-炸物點蛋黃醬，可以講係絕配，只有邪惡呢個形容詞可以形容#日式煎餃子-對於唔食水餃既我，有煎餃就會叫煎餃，煎餃點少少日式醬油，係好味既