Video
Opening Hours
Today
11:30 - 22:00
Mon - Sun
11:30 - 22:00
*Last Order: 21:00
Above information is for reference only. Please check details with the restaurant.
Terrace in seaside📍屯門屯順街1號屯門市廣場1期UG樓UGK9號舖星期日，我同好耐無見嘅大學好友相約喺佢屋企樓下商場見面，update一下大家近況。因為兩個女仔主要都係傾偈為主，所以我哋揀咗一間望落環境舒適，又有點小清新嘅韓式cafe食lunch。睇openrice介紹，佢係店舖範圍內放置招牌橘樹，除咗好適合打卡之外，仲不失舒適、輕鬆、活潑嘅感覺。實際去到的確覺得環境幾好，不過食物有幾乎都係得個靚樣，如果想食好嘢，似乎呢度唔會滿足到大家。 💰$88明太子蟹肉飯卷 🍱飯卷餡料方面有蛋絲、蘿蔔、青瓜、牛蒡絲同紫蘇葉，雖然份量充足、色彩豐富，但可惜米飯比較鬆散，餡料除食到淡淡嘅麻油味外，完全無任何味道。全靠濃郁嘅明太子醬汁同蟹肉絲搭救，整個飯卷先有返啲味。但總括嚟講，飯卷同醬汁有些少格格不入，賣相靚但性價比唔高。 💰$98燒慢煮雞腿紫蘇拌飯 🍗泡菜拌飯鋪平喺碟面，配上靚靚慢煮雞腿一隻同少量沙律菜點綴，以小籃子上菜，視覺上大感滿足。呢個飯有讚有彈，值得稱讚嘅地方，係佢嘅雞腿肉真係做到多汁滑溜，雞肉用刀叉輕輕一切隨即分離，啖啖肉嘅口感真係無得彈。雞皮嘅脂肪唔厚，連埋雞肉一齊食亦唔覺油膩，加上調味適宜，如果溫度再熱返啲會更佳。但要彈嘅地方就係泡菜拌飯，除咗較油膩之外，佢嘅微辛味道唔似平時嘅辣味咁開胃，食到中段已經有啲飽滯感，而且飯味偏鹹，我同朋友食完都飲咗成3杯水！ 💰$98清甜柑橘窩夫 🍊🧇我自己最期待呢個signature甜品，眼見幾乎每枱都會叫嚟食，真係幾受歡迎呢！Waffle上面唧滿香甜軟滑嘅鮮忌廉，再喺上面放滿新鮮柑橘，賣相清新優雅，令人忍唔住影完一張又一張。甜品伴有糖漬柑橘同柑橘醬等，食落甜而不膩，味道的確唔錯。唯一美中不足嘅地方，係厚身鬆軟嘅waffle居然一啲都唔脆口，而且毫無香氣，要靠多啲醬汁同忌廉balance返，我哋都稍感失望。
continue reading
今日放假約左朋友去之前食過幾次既Terrace in seaside😍今期係白桃季☺️店員戴住白桃造型嘅帽超得意🍑果然一如以往野食野飲都係咁高質冇令人失望👍🏻$138燒醬油黑毛豬白切肉紫蘇飯🍚賣相已經好好吸引，飯入面仲加左泡菜特別香☺️黑毛豬肉質好嫩滑軟稔，好有韓式風味 ! 豬肉味香濃🤤$88明太子蟹肉飯卷🍙明太子醬汁惹味，蟹肉量超多，配埋飯卷好 juicy👍🏻睇得又食得👍🏻入面都包入雞蛋絲/蘿蔔/青瓜/牛蒡/紫蘇葉🤤口感極佳👉🏻$128春日白桃花園窩夫🧇即叫即整👍🏻窩夫放耐咗依然外脆內軟🤤入面好鬆軟並有好香蛋味👍🏻上面cream份量雖然好多但唔會過膩或太甜👍🏻係好出色既甜品👍🏻一定要食👍🏻$62絲滑白桃希臘乳酪布甸杯🍸絲滑嘅乳酪配上當季嘅白桃同布甸🤤係入口即融嘅感覺😍$58白桃飛舞冰雪乳酪🍑乳酪味濃郁，上面超大粒白桃，飲完切左黎食，估唔到咁甜🤤好新鮮 ! $52西柚戀曲氣泡梳打🥤一大塊西柚酸酸甜甜好開胃，透心涼🎐
continue reading
每次經過佢嘅分店都覺得餐廳裝修好靚，啲野食好colourful🤩特別係個飲品，勁浮誇🤭一見到個濟州橙，就認得係呢間餐廳🤣🤣今次終於有機會試佢係咪真係好睇又好食😁🥘醬油黑毛豬白切肉紫蘇拌飯 ($138)黑毛豬肥瘦均勻👍🏻醬油煮過又香又甜，膠原滿滿仲入口即溶，真係食到停唔到口😆拌飯拌泡菜調味都幾香口惹味😋不過拌飯口感偏硬😆🍣傳統飯卷 ($72)每逢食韓國菜都好鐘意食飯卷😝一上枱已經聞到好香麻油味😌係傳統飯卷嘅味道😍😍飯卷包得實淨，好足料好滿足😋現場所見每一枱都有叫呢個飯卷，去到尾段仲聽到店員講已經賣晒😱好彩比我叫到🤭🍮提拉米蘇 ($58)甜品賣相精緻，cream都幾香滑，又唔會太甜👍🏻可惜手指餅底浸太濕影響口感😅下次可能試吓pancake會唔會好啲😝🍊濟州金橘乳酪 ($68)雖然話佢浮誇😝但咁signature嘅打卡飲品，點都要試吓嘅😙原個濟州橙喺飲品上面，勁吸睛🤩飲落酸酸甜甜，幾fresh👍🏻🦄夢幻紫薯奶 ($48)如果係外貌協會😏特別鍾意佢夢幻嘅外表嘅可以叫杯試吓😆紫薯味比較淡，奶味較紫薯味重🤔
continue reading
📍 #Terrance in inside❣️原個蕃茄沙律配胡麻醬 $82第一次食完果蕃茄去咗皮，紅色晶瑩剔透，睇落去好新鮮，食落非常爽口，再配胡麻醬，成個沙律令人好好胃口❣️醬燒牛肉飯卷 $88韓國菜我最鍾意就係食飯卷，醬汁燒牛肉好軟腍腍，飯卷帶點麻油味，有10件左右，份量十足㗎！❣️神話豬腳紫蘇拌飯 $112豬腳亦都係韓國比較出名嘅主食，呢個豬腳炆得好腍，醬油味唔會過分鹹，眼見有火炙過，食落有少少焦香，令成個豬手嘅味道昇華，拌住韓國泡菜米飯食，好好味！❣️Lotus 焦糖芝士甜蜜滿屋窩夫 $118窩夫外脆內軟，cream同脆脆分布平均，配上生果及Lotus餅乾，不會太膩。❣️濟州柑橘乳酪 $68韓國最出名就係柑橘，配上乳酪，甜酸分明，而且非常順滑。❣️熱情金菠蘿沙冰$68酸酸甜甜的沙冰，菠蘿味較濃，非常透心涼。————————————📍Terrace in seaside (屯門市廣場1期)🏠屯門屯順街1號屯門市廣場1期UG樓UGK9號舖#hkfoodstep#hkfoodstep屯門#hkfoodstep韓式 #hkfood #hkfoodie #hkcouple#屯門美食
continue reading
新一年當然要有新開始，在剛剛的人日，我就好想去吃一餐好的開年飯順道來慶祝一下大家的生日嗎(笑)這次我就揀選了一間我想吃很久的，就是這家的Terrace in seaside每次經過它家的店總是被它家店員帶的橙帽子吸引著，仲有它那家的原個橙上碟的飲品，也是我每次經過好心心眼所以這次我們的開年飯我都目標要這杯原橙上的果汁這次我們點了幾款食品，先來介紹的前菜原個蕃茄沙津配胡麻醬 $80這個沙津絕對是可以當作一個餐吃，先說一下那個沙津都以火箭菜,紅黃椒絲配以少量既生果粒清爽又清甜，如果是不吃飯的朋友絕對可以當一份主食呢然後就是我的主食，這是醬燒牛肉飯卷 $88 吃韓國食品怎少得一份飯卷，這個飯卷差不多是每台客人也有點的今次我們點的是牛肉，它家也有雞肉可以選擇我喜歡它家的飯卷是有不同既配菜包著,有酸蘿蔔絲,酸青瓜,玉子,當炙少不了有主角牛肉真係吃了半條也夠飽肚耶~然後也是隊友的主吃，絕對推介這個也是差不多大部份也有叫的它是 神話豬腳紫蘇拌飯 $112首先要說的是它家的豬腳沒有骨的，吃起來是啖啖肉然後它煮起來的豬腳肉質煮得夠淋，又不是一夾即散的不過拌飯帶略為有一點辣，小朋友未必吃到的~講左每次都好心心眼既特飲，又怎少得這杯 濟州柑橘乳酪 $48造型已經夠突出，有原個橙做杯蓋,(留意個橙不能吃的)內有乳酪及少量橙肉，飲下後又可以解辣仲有陣陣清新感除左橙之外仲有菠蘿特飲可供選擇最後亦係估唔到甜品都好出色因為唔知係唔係大家都會將甜品當作主食? 它連同我們的主食一同上枱講緊既係 Lotis 焦糖芝士甜蜜滿屋窩夫 $118不過吃到尾的時候，仍然可以keep 住這樣狀態我們家其實不算是太喜歡吃Cream ,因為通常都是蠻濟的，但係估唔到它家既Cream 唔會太Over 仲同窩夫超級Match最後甜品就成了小孩的主吃，我們就是到一點點而已這一餐開年飯，生日飯我自己很滿意亦很快樂,終於有機會可以一試它家的產品,真的沒令我們失望/
continue reading