Video
Exit E/ L3/ L4, Tsim Sha Tsui / East Tsim Sha Tsui MTR Station
continue reading
Telephone
27343803
Introduction
The Window Cafe is a buffet restaurant inside The Kowloon Hotel that has an expansive international buffet and a la carte menu. Given its amazing view of Hong Kong and extensive menu, this is a popular restaurant among locals and tourists.
continue reading
Opening Hours
Today
07:30 - 21:30
Mon - Sun
07:30 - 21:30
Above information is for reference only. Please check details with the restaurant.
🌟餐廳：倚窗閣 （九龍酒店）📍地址：尖沙咀彌敦道19-21號九龍酒店2樓💰價位：～$200 - $400⏰營業時間：星期一至日07:30 - 21:30📱電話：27343803放假有咩好節目？當然係約埋三五知己去嘆番個海鮮套餐啦！最近九龍酒店倚窗閣就推出「仙氣來襲」蒸氣海鮮晚市套餐，除咗有多款生猛新鮮海鮮之外，套餐仲包埋海鮮刺身拼盤、粥底火鍋即刻同大家開心share先！———————————————————🔹海鮮刺身拼盤（紅蝦、北海道帶子、三文魚及油甘魚）一嚟到就送上超巨型海鮮刺身拼盤，有齊四款時令刺身，包括紅蝦、北海道帶子、三文魚及油甘魚，每一款都新鮮肥美，我就最鍾意北海道帶子，厚肉得來又夠鮮甜，夠晒滿足！🔹時令生蠔拼盤 （愛爾蘭 及 美國）除咗海鮮刺身拼盤，仲有愛爾蘭及美國生蠔拼盤，未到主菜，淨係呢兩個海鮮拼盤已經性價比十足！愛爾蘭生蠔海水味道突出，蠔肉爽脆；美國生蠔夠晒厚身Creamy，兩款生蠔各有特色！🔹 蜜汁叉燒九龍酒店既蜜汁叉燒，享負盛名，呢個套餐仲包括呢一款招牌叉燒，超正！叉燒選用肥瘦適中部位，厚身之餘，食落啖啖肉，散發出啖啖玫瑰露香氣，超推介！🔹自助醬料區準備迎接仙氣十足嘅蒸氣火鍋！當然首先要調製出獨一無二嘅心水醬料，呢度提供10多款火鍋醬料，基本嘅蔥花、蒜蓉、沙嗲醬、辣椒、芫荽等等一一供應，特別推介龍逸軒XO醬及泰式辣汁，用嚟搭配鮮甜十足嘅海鮮，簡直絕配！🔹仙氣十足海鮮拼盤🌟波士頓龍蝦 波士頓龍蝦新鮮生猛，廚師已經預早開邊處理，龍蝦膏澎湃，蒸制後肉質爽彈，夠飽滿！龍蝦鉗大大件，咬落啖啖肉，食得夠滿足！🌟蒜蓉粉絲大扇貝大扇貝肉質厚身，加入粉絲及自家調製蒜蓉醬汁，配搭非常惹味！🌟大海蝦大海蝦肉質澎湃，新鮮生猛，最啱就係用嚟配搭泰式酸辣汁，更能突顯蝦肉嘅鮮甜味！🌟活蜆新鮮活蜆蒸制後，蜆肉飽滿多汁，原汁原味一流！🌟鮑魚鮑魚大大隻，入口彈牙有口感，質素非常出色！🔹沙巴龍躉肉清蒸沙巴龍躉肉，更加能食出魚嘅鮮甜味道！魚皮Q彈膠質豐富，配合嫩滑鮮甜魚肉，鮮味十足！🔹安格斯牛小排除咗生猛海鮮，安格斯牛小排亦係賣點之一！安格斯牛小排，油脂雪花分布均勻，經蒸制後牛脂四溢，肉質入口滑順，牛味相當濃郁，夠晒高質！🔹醉雞件醉雞煲大家就食得多，蒸醉雞肉原來亦相當出色！雞肉蒸制後散發香醇酒香，肉質嫩滑多汁，雞肉嘅精華滲透鍋底，為黎緊嘅粥底，增添一番風味！🔹蔬菜籃有齊娃娃菜、西蘭花、椰菜花、翠玉瓜、本菇、南瓜，超多款蔬菜嘅拼盤，夠晒健康！清蒸嘅蔬菜入口特別鮮甜，特別推介蒸南瓜，特別香甜粉糯！🔹台式鹹粥緊張嘅時刻到啦，各種蒸制後嘅海鮮、牛肉、雞肉、蔬菜嘅精華，滲透晒下層湯底，令人流晒口水，我哋就揀咗呢款台式鹹粥，咁至夠滿足！餐廳提供冬菇、蘿蔔絲、椰菜絲及肉粒，加入米飯，以頭先超濃郁嘅湯底炮制，每一啖食落都夠晒鮮甜，超滿足，為今餐畫上完美句號！🔹食完正餐，為食嘅我又點會放過套餐包既自助甜品區，超級豐富！九龍酒店倚窗閣自助餐甜品一向款式眾多，各款蛋糕、朱古力噴泉、葡撻等一一供應，重點係Movenpick雪糕嘅口味都相當多，我忍唔住都要食返幾球，超盡興！———————————————————真心推介九龍酒店倚窗閣呢一款蒸氣海鮮晚市套餐，包含嘅食物菜式，真心超豐富，除左海鮮刺身拼盤、高質生蠔拼盤、馳名蜜汁叉燒、牛小排及醉雞之外，最後更可以歎盡鍋底嘅精華，享受埋特色嘅泡飯，性價比十足！除此之外，套餐更包括自助餐甜品區任食，另外加$38更加可以無限暢飲紅白酒，超級精彩又抵食！
continue reading
首訪倚窗閣是在晚上，對那超長長長自助餐桌印象猶多深刻，當時就覺這家自助餐可在推介之列。無獨有隅，今次友人相約午市自助餐，選址就是倚窗閣，友人的眼光真不錯。近期因些理由，北上多了留港少了，對香港的吃喝玩樂陌生了。今天再訪，發現復活節正日未有滿座，如是本地常態真不勝唏噓。友人預訂倚窗位置，正是餐廳的Signature。喜歡倚窗位置獨特景觀，會讓人憶起舊時代的香港。再長長長自助餐桌，也抵不過跟友人侃侃而談，訴說舊事的慾望，也因對友人的尊重，收起平日拍照的執着，專注去享受美食，談天說地。午市有生蠔供應亦是稀罕之事，生蠔個頭不大但新鮮，刺身壽司亦當然不缺。大愛港味corner，有豬紅、魚蛋、八瓜魚丸、軟骨串、燒味，對遊客們味遊香港很是Friendly，而霖迪欣賞油雞叉燒的水準。沙律除了可以自選外，也有三款特色沙律可選。熱葷選擇較多，大部分是中式口味，淺嘗一兩款葷食味道還不錯。至於首訪難忘的中式湯品是必需要來一碗的。印度咖哩corner是小眾之選，這兒咖哩微調過符合大眾口味，不試也可。甜品選擇非常豐富，有蛋糕、啫喱、cupcake、雪糕、豆花等，當中最愛豆花有眾多配料，能讓霖迪發揮創意自製花生湯豆花！最後聽到鈴鐺一響，以為是耶穌復活了，原來是新鮮出爐的疏乎里，是的原來今天是復活節，無論如何節日是要好好過。午市不及晚市精彩是自然的事，但論價格質素仍物有所值。也許還是會有再訪的機會吧！
continue reading
網上成日都有人問我，邊度食自助餐可以有生蠔同龍蝦，老實講，有其中一樣好多酒店Buffet都有，但有齊兩樣就多數都好貴，但早排去尖沙咀九龍酒店倚窗閣，性價比真係高。先講講價錢。《尋鮮之旅》由2024年1月4日至2月29日供應，時間為下午6時至9時，可以食足3小時之餘，又可以切合近年香港人早返屋企的生活作息。為慶祝九龍酒店38週年，優惠仲要超多，先係經網上訂位，會有72折，已經好抵食。家陣(星期一至四) 6位以上更是高達62折，成人每位港幣$509.8元 起。(星期五至日/公衆假期及其前夕): 6位以上高達62折, 每位港幣$553元起。由【2月19日至3月14日｜閃購優惠買二送一】倚窗閣自助午餐及自助晚餐，每兩位成人，第三位可享免費優惠。請注意閃購優惠期：2024年2月16日至22日享用日期：2024年2月19日至3月14日訂檯傳送門 : 《尋鮮之旅》生蠔但凡自助餐有生蠔或龍蝦加持，大家都會覺得係回本位，不過好多時都係得其中一樣，倚窗閣今次不惜一切，樣樣齊。先係有愛爾蘭生蠔及美國生蠔，仲要即開即食，並非半殼蠔可比。而且美國蠔近年質素有改善，已非當年大而無當，肉質死實的感覺。不過大家要注意，基於貨源問題，有時候會無生蠔，但會另行供應波士頓龍蝦，變成冷熱兩食。蒸海鮮有鮑魚、龍蝦、沙巴龍躉、蜆螺、鮮蜆及海蝦，全部新鮮貨，喜歡的，更可以單點龍蝦，生蠔加海鮮，點都值返大半價錢啦！凍海鮮小龍蝦、紐西蘭青口、智利藍青口、海蝦、翡翠螺、俄羅斯蟹腳及加拿大雪花蟹腳。刺身及壽司北海道帶子、赤貝、阿根廷紅蝦、八爪魚、劍魚腩、油甘魚及三文魚，更講明產地來源是阿根廷、澳洲、加拿大、中國、印尼及挪威。精選手握壽司、三文魚籽、蟹籽。每晚的特別時段，都有即製火焰雪山。熱葷熱葷可以分為中式同西式兩種。支竹羊腩煲一食便知高低，竟然用上了新鮮黑草羊，肉質鮮香軟熟，旁邊仲要放上腐乳，夠認真，可惜沒有生菜，唯有走去粉麵檔淥一碟加羊腩汁，真心覺得好正。慢煮和牛面頰超稔同大件，好入味，又係可以配白飯食。臘味煲仔飯原煲上，臘味油份落晒飯粒度，煙煙韌韌有嚼口同油香，美味度爆燈。帶子海膽意大利麵口感豐腴，帶子肉質幼嫩，而意大利麵個人覺得可以煮得較有嚼勁。蟹肉乾燒伊麵很傳統的宴會菜單尾，兒時最期待的菜色之一，炒得好乾身，蟹肉份量也不少。豉油皇虎蝦烤得蝦殼微脆，豉油香味好出。酸菜魚深圳食得多，香港反而少食，試了兩件，跟深圳的味道差不多。另外仲有雞蛋煙肉焗美國生蠔煲、美式燒排骨同夏威夷薄餅。即片混醬北京片皮鴨，有金薑、青瓜、京蔥、蜜瓜、海鮮醬、麻醬及酸梅醬供大家自行配搭。湯燉湯是蟲草花燉烏雞，火喉十足，一口氣乾了兩盅，滿足。西湯是藜麥粟米周打湯，而中湯冬瓜清補涼煲雞，很家常湯水感覺。越式牛肉河大家都知我係“澱粉怪”，就算食自助餐都要來碗粉麵。湯底清而香，配料有肥牛、龍蝦丸、鮮蝦、鮮魷、豆卜、黃金魚片頭牛丸及扎肉，相當豐富，麵底就有油麵及河粉。即煎羊架好厚肉，臊味輕盈，加點Mint Jelly食，好味。另一款屬於隱藏美食係鹹蛋黃炸魷魚鬚，勁熱氣但香口。仲有蔥鹽香煎和牛粒、香辣鐵板牛舌、日式雞軟骨串燒同香港特色及日式天婦羅，都係幾熱氣菜，大家要有心理準備。頭盤基本上帶港風，尤其是有港式碗仔翅同埋咖喱魚蛋豬皮。朋友係食雞控，口水雞同玫瑰豉油雞都是中菜廳龍逸軒出品，當然有水準，就連雞胸位都好嫩。而黑豚叉燒又係正，有嚼口而鬆軟。加埋四川麻辣豬肚及涼拌青瓜，都令人幾開胃。點心自家中菜出品的點心有蝦餃及燒賣。西式頭盤日本清酒生蠔海膽杯、白蘆筍鮮蠔荷蘭汁、芝麻吞拿香芒沙沙、自家醃製刁草黑椒三文魚。咖哩為了照顧不同口味的客人，咖哩當然不能或缺，不過被安置在餐廳較後位置，大家要細心搵搵。當中有印度蔬菜咖哩、泰式紅咖喱牛肉、印度天多利烤雞、印度素咖哩角、印度薄餅及印度香米。沙律想食得健康，有好幾款沙律，包括了雞蛋青瓜沙律、羽衣甘藍牛肉藜麥沙律、雜果大蝦沙律與甜粟米火腿沙律。Cold Cut有紅椒凍肉腸、Coppa Ham同埋黑椒牛肉。甜品選用了Movenpick雪糕，共有熱情果芒果雪葩、檸檬青檸雪葩、瑞士朱古力、士多啤梨、法式焦糖燉蛋、楓糖合桃、Espresso Croquant、Tiramisu 以及 Panna Cotta Raspberry，9款口味各有不同，睇下你食得幾多？太太就好鍾意即製雲呢拿疏乎厘，熱辣辣出爐，灑點糖霜，口感鬆軟，好正。另外有好有趣既扑扑朱古力（棉花糖及杏仁），小朋友就鍾意朱古力噴泉，因為可DIY自己喜歡的口味。其他甜品種類好多，甜魔恐怕郁要失控。整個蛋糕有綠茶士多啤梨蛋糕、72%朱古力慕思蛋糕、芒果慕思蛋糕、士多啤梨慕思蛋糕、招牌芒果拿破侖、木糠布甸、意大利芝士餅同埋麵包布甸配雲呢拿汁。個人首選一定係芒果拿破侖以及Tiramisu。細細杯既有紅桑子特飲、杞子桂花糕、椰汁西米糕、藍莓芝士蛋糕、士多啤梨吉士泡芙、冬甩、杯子蛋糕、榴蓮布甸、Panna Cotta、香芒布甸及什果Jelly。今次就推薦Panna Cotta 同香芒布甸。中式甜品有楊枝金露，而涼粉同豆腐花，就有好多配料，任你配搭。水果有新鮮菠蘿、哈密瓜、西瓜同火龍果，揀得好好，基本上都勁甜。飲品除了有咖啡機外，凍飲有橙汁、蘋果汁、羅漢果茶以及檸檬青瓜水，個人鍾意健康些小，一於飲羅漢果茶。
continue reading
識我嘅朋友一向都知道我鍾意食海鮮，今次又有好介紹！九龍酒店倚窗閣推出「仙氣來襲」蒸氣海鮮晚市套餐，提供生猛時令海鮮、日式海鮮刺身拼盤、沙巴龍躉片、安格斯牛小排、醉雞等，最後更可嘆埋鍋或海鮮精華炮製而成嘅蠔仔泡飯，係咪聽到都流口水呢？事不宜遲即刻介紹好嘢俾大家！———————————————————🔹海鮮刺身拼盤🌟紅蝦🌟日本帶子🌟三文魚🌟油甘魚巨型海鮮刺身拼盤令人流晒口水！四款時令刺身肥美鮮甜，夠晒高質，特別推介紅蝦，大大隻得來，肉質晶瑩剔透，鮮甜味十足！🔹時令生蠔拼盤 🌟愛爾蘭 🌟美國提供兩款時令生蠔，包括愛爾蘭產及美國產！我就特別鍾意愛爾蘭生蠔，海水鹹香味特別濃郁，入口爽脆，夠晒新鮮！🔹 招牌蜜汁叉燒九龍酒店龍逸軒嘅蜜汁叉燒，一向係招牌菜式之一！套餐仲包括一份招牌蜜汁叉燒，性價比十足！特別鍾意呢一度嘅叉燒厚切大大件，肉味澎湃，入口更帶點玫瑰露香，必試！🔹蒸氣海鮮火鍋自助醬料區供應10多款火鍋醬料，款式齊全！特別推介龍逸軒自家調製XO醬，用料豐富，鹹香味濃，搭配海鮮簡直係絕配！🔹仙氣十足海鮮拼盤🌟波士頓龍蝦 肉質肥美，新鮮生猛！蒸煮後嘅龍蝦，肉質鮮甜飽滿，夠晒彈牙！🌟蒜蓉粉絲大扇貝大扇貝大大件，厚身鮮甜，加份特調蒜蓉醬及粉絲煮制，層次感十足，鮮甜又惹味！🌟海蝦蝦肉肉質結實爽彈，清蒸最近突顯蝦嘅鮮甜味道！🌟鮑魚鮑魚肉質彈牙帶點嚼勁，我就鍾意加埋龍逸軒嘅XO醬一齊食，更能提鮮！🌟大蜆新鮮大蜆帶點海水味，入口Creamy，夠晒原汁原味！🔹沙巴龍躉肉沙巴龍躉肉魚皮彈牙，厚肉滑嫩！蒸煮後鎖緊魚肉肉汁，入口特別滑順！🔹安格斯牛小排安格斯牛小排，牛脂雪花粉嫩，色澤紅潤，一睇就知高質，牛脂味濃厚得黎，肉汁澎湃，質素相當出色！🔹醉雞肉蒸醉雞肉第一次食，估唔到零舍嫩滑，酒香特別濃郁！🔹蔬菜籃包含翠玉瓜、本菇、娃娃菜、西蘭花、椰菜花及南瓜，選擇夠晒豐富，各款蔬菜入口鮮甜，清蒸煮法更加Juicy!🔹 蠔仔泡飯壓軸當然係善用埋濃郁嘅海鮮精華湯底，我哋揀咗蠔仔泡飯，令人食指大動！加入肥美飽滿嘅蠔仔及飯粒熬煮，所有食材嘅精華滲透粥底，蠔仔肉夠晒肥美香甜，食材出色，大滿足！🔹自助甜品區套餐仲包括埋自助餐嘅甜品區，選擇之多，款款都好吸引，有驚喜！各款特色蛋糕，中西甜品、Movenpick雪糕等等應有盡有，食完咁豐富嘅蒸氣海鮮套餐，再嘆埋幾款高質嘅甜品，咁至夠滿足！而家仲可以加$38，無限暢飲紅白酒，一路嘆海鮮，一路嘆紅白酒，咁先至係真正享受！愛酒朋友記得唔好錯過！———————————————————餐廳：倚窗閣 （九龍酒店）📍地址：尖沙咀彌敦道19-21號九龍酒店2樓
continue reading
又到同老婆大人、朋友一齊去食大餐嘅好日子！今次我哋去食蒸氣火鍋勁多嘢食飽到一個點呀。我哋今次揀咗去九龍酒店嘅倚窗閣開餐，初初仲以為食自助餐原來佢間咗少少位尊做呢個蒸氣火鍋。食呢個蒸氣火鍋套餐可以用$38額外嘆任飲，可以揀紅白酒、啤酒、汽水仲有咖啡同埋茶，咁鬼抵梗係要加錢任飲啦。蒸氣火鍋方面我哋揀咗鱻上鮮套餐！除咗海鮮之外仲有好多嘢食其中一樣就係刺身拼盤，入面有北海道帶子、三文魚、油甘魚同埋紅蝦，全部都好啱我心水尤其係油甘魚夠晒新鮮魚味香濃。跟住仲有蜜汁西班牙黑毛豬叉燒，之前食中菜試過叉燒好唔錯今次又有得食開心到彈起，叉燒一貫整到好腍好香最鍾意佢唔會好甜食多兩件都唔會覺得漏。男士們好開心因為有生蠔食嘻嘻！兩隻生蠔分別係愛爾蘭同埋美國貨兩款都好新鮮，講到我鍾意嘅梗係愛爾蘭生蠔啦。食完第一part係時候調個靚醬預備食蒸海鮮，淨係醬汁同埋配料都已經有10幾款，點都搵到自己啱心水配搭喇啩。呢個海鮮拼盤一上枱大家都嘩嘩聲！因為入邊有波士頓龍蝦、扇貝、鮑魚、大顯同埋海蝦，全部都好鬼新鮮，快啲攞去蒸快啲攞去蒸好心急呀。呢個扇貝已經加咗粉絲同埋蒜蓉蒸幾分鐘就食得！鮮甜嘅扇貝配咗濃味嘅蒜蓉醬夠晒重口味點會唔好食呀。咋咋臨蒸爆哂膏嘅波士頓龍蝦啦！蒸熟嘅龍蝦殼紅噹噹入面嘅肉就白雪雪顏色好靚，食落去又爽口又彈牙嘅龍蝦肉好鬼鮮甜，食完成口都係鮮味同埋膏嘅甘香正呀喂。跟住仲有蜆同埋大蝦呢兩味嘢新鮮就一定好食。龍蝦鉗我哋就留返同鮑魚一齊蒸因為時間差唔多嘛！龍蝦鉗啖啖肉梗係好食，鮑魚唔係好大粒不過勝在夠鮮甜都唔錯。鍾意食魚嘅老婆大人見到呢個沙巴龍躉肉已經流晒口水！終於等到蒸佢5分鐘就搞掂好快可以食，龍躉食落去一啲都唔腥仲好有魚香好食喎。跟住就輪到我最鍾意嘅牛肉！安格斯牛小排擺到成朵花咁樣好好打卡，唔止樣靚食落好滑溜牛味仲勁香濃添好掂呀。唔食牛嘅老婆大人就有呢個醉雞可以嘆！醉雞幾入味食落真係有陣陣酒香，而且雞肉好有彈性絕對係新鮮雞。食咗咁多海鮮同肉梗係要整返啲菜平衡吓啦！呢個蔬菜籃有菜有瓜仲有菇好豐富，大家都會搵到自己鍾意食嘅蔬菜就一齊健康吓啦。食到呢度我哋仲有個鮮甜嘅湯底唔好嘥要嚟整咗個蠔仔泡飯嘆！肥嘟嘟嘅蠔仔好鮮加上鮮甜到一個點嘅湯底，煮出嚟嘅蠔仔粥實在令我太好味喇。喂喂喂未完㗎我哋叫呢個餐仲可以任食自助餐嘅甜品！好多雪糕、蛋糕仲有甜點任攞任食都咪話唔爽，如果想食呢個蒸氣火鍋記得早兩日預訂啊。
continue reading