Video
Telephone
63773038
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
第二次嚟食海膽仔，之前食過佢哋嘅串燒、壽司同埋生蠔都覺得質素幾好，今次專登嚟食海膽😍呢間小店地方都幾隱蔽，位於新蒲崗嘅唐樓內街入面，但係佢哋以新鮮海膽、刺身同埋生蠔而聞名😎 唔係住喺呢一區嘅朋友都同我推介過呢一間餐廳！平時開party會嚟order生蠔同埋海膽🥰餐廳入面大概有七至八張枱，裝修係簡潔少少日式佈置。menu入面嘅食物種類繁多，除咗供應原板海膽同埋以海膽為題嘅特色料理，另外仲有原條鮮魚刺身、生蠔、刺身、壽司、串燒、鍋物、定食、刺身丼⋯⋯等等，酒類選擇都多，居酒屋嘅食品都一應俱全。———.+:｡(〃ω〃)ﾟ.+:｡ ｷｬｧ♪🌟超推薦💁🏻♀️〖倍化帶子吞海膽〗紫菜上面放咗勁大粒3L帶子刺身夾住海膽，呢個配搭真係無敵！好鮮甜又厚肉嘅帶子加濃郁嘅海膽，入口嗰種飽滿嘅幸福感🤤非筆墨所能形容！一客兩件，非常抵食！🌟〖海膽仔迷你丼〗有三碗佈滿海膽嘅丼飯仔，左右兩邊用咗加拿大海膽，分別加上三文魚籽同埋黃金魚籽，加拿大海膽比較肥厚，有陣奶蛋香味，口感幼滑又甜😍而中間嘅係日本北海道海膽加金箔，北海道海膽味道濃郁甘甜，兩種都好味😋🌟〖赤崎生蠔〗大隻肥美又鮮甜，唔算好creamy，入口甘甜，海水味適中，係我好鍾意嘅生蠔口味😋 行入餐廳嘅時候會經過生蠔櫃，睇到今日有啲乜嘢生蠔選擇～已經睇中咗佢😆 呢度嘅生蠔全部買五送一‼️曾經風靡一時嘅〖令和之怪物〗都只係$68一隻，一樣有買五送一優惠！🌟〖三文魚腩刺身〗鮮甜厚切，今次嘅魚腩部位又唔算好肥，同行朋友比較鍾意，我就覺得食得三文魚腩，梗係想肥美啲🤣一客有八切，都好抵食😋———.+:｡(〃ω〃)ﾟ.+:｡ ｷｬｧ♪❀倍化帶子吞海膽（2件）$98❀海膽仔迷你丼 $268❀赤崎生蠔 $68（生蠔買五送一）❀三文魚腩刺身（8切）$98
continue reading
今日放工去食下好嘢先，好耐冇食過日本嘢， 記得有間出名日本海膽餐廳喺附近就去試下， 這間餐廳有壽司吧，有生蠔和外賣刺身，壽司，甜品可選擇，裏面係餐廳堂食，還有上層 添， 裝修日系風，簡約，光線充足，係居酒屋日本餐廳，適合拍拖，傾偈，聚會，放工時間很快就爆滿了，如果想食就早啲過嚟攞位海膽丼 $168這間店出名海膽，當然要試下他的海膽丼，海膽丼真係好多海膽，一啲都唔孤寒，仲要係好鮮甜 😍，可以配紫菜或者飯一起吃，有唔同嘅口感， 海膽放入口內即溶化，回味無窮三文魚大蝦帶子丼 $98另外嗌咗三色丼，三文魚厚切，肉質均勻，肥美，大蝦大大隻，好QQ彈，帶子兩大粒， 好鮮甜，成個丼份量都好多，還跟沙律和麵豉湯 😚活赤貝 $45另外嗌了一個赤貝刺身，師傅有用紫菜包住部分赤貝配合青瓜絲，有唔同嘅口感，就咁食赤貝刺身好爽和清甜 ☺️三文魚腩手捲 $22軟殼蟹手捲 $28火炙鵝肝手捲 $38另外作為手捲控嘅我必定會嗌手捲的，今次選了三文魚腩，軟殼蟹和火炙鵝肝， 三文魚腩肥美鮮甜，軟殼蟹外脆內軟還有肉汁，鵝肝好軟熟，燒得好香，手捲全部都係即叫即做，上枱嘅時候還是脆的，即刻開動了 😆明太子雞翼 $32小食在嗌了一個明太子雞翼，明太子讓入雞翼中間好豐滿，肥嘟嘟，明太子有少少辣帶出鮮味，雞翼外脆內軟和明太子一起吃很有口感 😉
continue reading
三訪海膽仔 佢依然係我食丼飯Top1小店海膽丼飯 刺身鍋物天婦羅生蠔乜都有🤭當佢係放題咁樣食價錢都可能差不多嗌左兩個丼飯加小食同天婦羅埋單先500蚊丼飯仲會包沙律🥗同埋麵豉湯店員服務好好 大力推呢間CP值好高既小店⭐️📍海膽三色丼 HKD138每次都會嗌 必食招牌item✨有一板海膽 吞拿魚蓉 三文魚籽同紫菜吞拿魚蓉入口即溶 撈埋京蔥芝麻碎帶出油香😙將紫菜放上醋飯 吞拿魚蓉 三文魚籽同海膽一啖放落口!!!!!!! 成個口腔充滿鮮甜味道海膽好creamy沒有腥味 甜得黎帶點甘香🩷📍三文魚鵝肝帶子丼 HKD138三片厚切三文魚配搭兩塊鵝肝 兩粒帶子平時普通餐廳就咁叫煎鵝肝都要一舊水三文魚魚油香味好濃💦 口感非常好鵝肝煎到好脆 鵝肝油脂齒頰留香🤤帶子大大粒清甜 食完成碗飯都唔會覺得好油膩📍倍化帶子吞海膽 HKD98呢個組合打卡又靚 味道仲好豐富✨成個一啖放落口100分💯第一啖食到紫菜味道接住係炙燒帶子既鮮甜慢慢再食到海膽甘香既味道三個味道好夾沒有違和感🥰📍大蝦天婦羅🍤 HKD88上碟熱辣辣炸粉好薄而且金黃酥脆大蝦一共有五隻 份量都足秤🤏🏻食到大蝦本身爽彈口感點埋天婦羅汁帶出蝦鮮甜味道
continue reading
1. 壽司定食（沙律，麵豉湯）$128性價比好高款色多 份量亦多壽司肥肥圓圓好可愛最鍾意係吞拿魚蓉壽司入口即溶、帶子壽司鮮甜同埋魚子壽司Q彈。2. 海膽丼（沙律，麵豉湯）＄168海膽肥美新鮮夾埋紫菜/撈飯食 真係好幸福3. 串燒燒菠蘿$18- 超甜 但可以再燒耐d燒栗米＄18- 上面有少少鹽、牛油味好重魷魚鬚串＄18-魷魚鬚 煙煙韌韌雞肉大蔥串＄28- 大蔥夾雞肉一齊食好正4. 手卷火灸鵝肝手卷＄38-鵝肝都算大塊 可以再火灸耐d就更好了軟殼蟹手卷＄28- 同出面嘅唔太一樣 炸嘅表面冇咁多 不過都食到脆脆地
continue reading
與妹妹染完頭髮，染完頭髮，吃完甜品，終於到了晚餐時間，本身已經預約了吃日料餐廳！聽講很不錯的！妹妹想食海膽，所以去試下😝以富士山為主題，日式裝修為主🤭一入到就睇到好靚的流水風水陣，🤩有埋店舖名妹得唔別似日式餐廳的裝修、棕色為主,放滿日式釀酒的酒瓶有我喜歡的無臉男😂 仲要擔住把遮、超可愛😜🥢加拿大海膽（＄248）：海膽跟波波飯加紫菜，結合了海膽的鮮甜、飯的QQ口感和紫菜的鹹香。每一口都能感受到海膽的濃郁風味，飯的厚實口感以及紫菜的清脆滋味，雖一不足吃到後期有少少腥。🥢日本厚岸/日本雪解蠔 (＄68):日本厚岸蠔鮮日本厚岸蠔鮮甜多汁，肉質鮮美，口感爽脆，帶有海洋的清香。而雪解蠔因生長在寒冷的環境下，肉質更為鮮美，口感更為細膩，味道都較為淡。🥢甲羅燒配法包（2件）($78):將新鮮的甲羅燒與香噴噴的配方包結合在一起，甲羅燒本身帶有濃郁的海鮮味道，搭配方包的，更能提升其風味。包能夠中和甲羅燒濃郁，使得整道菜香味俱全。🥢鵝肝多士（＄48）:鵝肝的濃郁滋味與多士的鬆脆口感完美結合。每一口都能品嚐到鵝肝的豐富奢華風味，搭配多士的香脆口感，鵝肝的鮮美與多士的香脆相互輝映。🥢倍化帶子吞海膽（＄98）新鮮的帶子搭配海膽的鮮甜滋味，口感豐富多層次。紫菜的香氣與海膽的鮮味相得益彰，讓三者的風味完美融合，每一口都能感受到滿滿的海洋鮮味。🥢椰子雪芭（＄48）：椰子的清香與雪芭的綿密口感結合。每一口都能品嚐到椰子的香甜風味，搭配雪芭的柔軟口感。🥢香桃雪芭(＄48)：香桃的甜美風味與雪芭的清涼口感完美結合。每一口都能品嚐到香桃的香甜風味，搭配雪芭的綿密口感，加上軟綿的桃肉帶來甜甜蜜蜜的口感。整體來說，四周環境裝修好靚，食物質素也不錯，而且價錢都可以，上菜速度也快，可以再回顧🤭！人均消費500百左右、都挺不錯，值得這個價錢🥰
continue reading
You may be interested in