Video
Telephone
70711310
Opening Hours
Today
11:00 - 21:00
Mon - Sun
11:00 - 21:00
Public Holiday
11:00 - 21:00
Above information is for reference only. Please check details with the restaurant.
而家唔使飛都可以食到越南嘢，仲係免加一好抵食添😆係CP值高高嘅餐廳，雖然餐廳位置較入有啲啲難搵，但正宗、好味又大份，轉窿捐罅過嚟食都值得啦🥰1️⃣ 牛魔王湯粉🐮用高溫烘烤牛骨同牛尾粒，再用慢火熬12個鐘以上🔥 湯底好香牛味但一啲都唔膩，飲落一啲都唔鹹🙈入面有生牛肉、熟牛肉、金錢肚、牛筋、牛丸同多款配菜… 而牛肉有CAB認證，品質嚴格，食落安心又放心🌈 加埋一齊根本係最完美嘅組合，缺一不可🤤2️⃣ 咖喱牛腩飯🐂呢度用咗自製嘅咖喱香料秘方，椰香味好濃，一份有好多汁完全唔孤寒😆牛腩熬到好淋好入味，份量一啲都唔少✨ 加埋有入口甜甜綿綿嘅紅蘿蔔做配菜，好健康🥕3️⃣ 招牌燒牛肉越式法包🍞呢個越式法包好脆好多料，入面除咗有燒牛肉外，仲配有芫荽、青瓜、番茄🍅… 啲餡多到就嚟漏出嚟咁款🤭 當中加入九層塔好香，仲加咗越式辣醬，食落有少少辣好滋味🥳 4️⃣ 蒜蓉牛油雞翼🐥一上枱望到個下完全係流晒口水🙊 烤漿薄薄一啲都唔厚，皮脆肉嫩好Juicy，超香蒜蓉味🧄5️⃣ 芒果沙冰🥭相信好多人都鍾意芒果，我嗌呢杯有滿滿嘅一大杯，好有芒果味，係好清新嘅味道😚
continue reading
經朋友介紹先知天水圍開左呢間抵食越南菜位置方便，位於天秀輕鐵站隔離商場佢主打菜式有牛魔王湯河、燒牛肉法包、安格斯和牛牛腩咖喱飯、蒜蓉牛油雞翼，椰子沙冰/芒果沙冰今次同媽咪黎食，我哋分別叫咗牛魔王湯河、安格斯和牛牛腩咖喱飯、蒜蓉牛油雞翼、燒豬頸肉米子卷同埋油菜-牛魔王湯河有牛肚、牛丸，生牛肉河粉屬於幼河粉，湯味濃郁-安格斯和牛牛腩咖喱飯咖喱唔算辣，有香茅味而牛腩好腍，原來係慢煮24小時澳洲安格斯和牛牛腩-蒜蓉牛油雞翼好脆好香口，好香蒜蓉牛油味一碟有成5隻-燒豬頸肉米子卷口感特別，好清新好好味另外仲有軟殼蟹米子卷下次可以試埋
continue reading
今次食嘢帶嚟一啲越浪漫味道，搞到個味蕾即刻走去咗胡志明市！坐低黎嗌咗個牛魔王湯河，啖啖肉嘅滿足嚟哂喇！牛肉嫩滑得滯，牛筋牛丸彈牙，啖啖真材實料🍲。湯底香濃，得個飲添！辣醬雞翼講嘢呀，秘製辣醬嗌醒個魂，外皮煎到唔錯色，脆口得滯啊，撈埋啲酸酸甜甜嘅越南沙律，真係正！雞翼入面嘅肉絲絲爛，惹味到我喊出嚟✨。最後嘅滴漏咖啡真係濃得嚟香味四溢，係咁上下嘅香濃跟住就同你乜都冇得輸。攞杯冰涼涼嘅滴漏咖啡嚟配暖笠笠嘅牛魔王湯河，咖啡配牛肉，絕配呀！☕坐喺榆越，食埋佢哋嘅招牌牛肉法包，啖啖肉香，又夠口感，下次真係得閒仲要再嚟試試其他啲野㗎😊。基本上呢間，就係尋日常中嘅一丁點驚喜，食得開心又暖笠笠！🌟🌟🌟
continue reading
混牛河～熟牛同生牛～招牌燒牛肉法包～美6首先講返個越南河粉先啦湯底10分濃郁～牛骨味～嗰啲九層葉^青檸汁～指天椒粒～加晒落去好正好正～適合重口味嘅朋友推介熟牛呢就比較普通～生牛嘅牛肉好濃郁好滑招牌燒牛肉法包～牛肉嘅份量都多入面嘅配料都清爽，但有少少辣～麵包都比較酥脆美祿恐龍中規中矩
continue reading
天水圍嘅天一商城食肆都唔少, 大衆化街坊美食, 榆越主打越南菜, 湯粉和小食。牛魔王湯河湯底濃郁鮮甜, 牛肉滑溜有牛味, 牛筋夠軟腍, 膠質豐富。金錢肚煙韌爽滑, 牛丸爽脆彈牙, 加上清香嘅配菜香料, 河粉夠爽滑。燒豬頸肉撈檬燒豬頸肉分碟另上, 燒得香脆, 肉質香滑。撈檬酸甜爽滑彈牙, 唔會有膩滯感。金絲網春卷炸得好香脆鬆化, 唔會肥膩多油, 蔬菜餡料夠清新。越式手撕雞沙律手撕雞清香幼滑, 沙律蔬菜新鮮爽脆, 口感好清新。芒果沙冰冰凍涼快嘅沙冰, 散發著芒果清香風味。椰子沙冰椰汁稠厚香滑, 甜度適中, 冰涼潤喉。
continue reading